Ka Nupepa Kuokoa, Volume XXXVIII, Number 21, 25 May 1900 — U KI KE KUHIWA [ARTICLE]

U KI KE KUHIWA [UOKI KE KUHIWA]

Ma keia puka ana o ka kakou Ahailono, ke hoopuka pu ia nei he leka na Ben. Namakaokeahi, a ma keia leka, e ikeia ai ka nohona hoope wale o kekahi poe mamuli o ke kuhihewa malalo o na alakai lalau ana a kekahi poe. He mau la loihi ka waiho ana o keia leka, aka, mamuli o ka ikemakaia ana o kekahi mau hana naupo i keia ma[u] la iho nei, nolaila i hoopukaia ai. A me keia ke ano. E like no me ka puni wale o ke kanaka i na mea wahawaha wale ia i hiki ole ke kakooia me ka oiaio, pela no kekahi poe e noho mai nei me ke kali aia a ala ae kekahi mea e alakai alaila hana. Oka mea keia i make ai kakou! i lohe mai oukou. E ala mai oukou e na Opio! Mai hiamoe! E noonoo mai oukou i ka kakou mau moho no ka la hakoko ma ka panu baloka. O ka wa keia e hoomakaukau ai. Mai puni i ka poe malihini o na aina e mai. No ka mea aohe a lakou mea e poho ana ma Hawaii nei. He hapuku ka lakou hana. O ka hapanui oia ano poe, ke hoao nei e wawahi i ka lakou hana. O ka hapanui oia ano poe, ke hoao nei e wawahi i ka nohona lokahi o na kamaaina. Ina ua hoino kahi o kakou i kekahi, he mea hiki no, ka imi ana i mau moho e ae iloko o ka poai o ke kuikahi i mau kakoo maikai no ka lawelawe ana i ko kakou pono ma ka Ahaolelo. O kekahi mea pilikia nui i ikeia i waena o kakou na Hawaii. Oia no ka hoomaopopo ana i ka inoa o kela ame keia mea i waena o kakou. O ka poe i loaa he inoa Hawaii, aohe o lakou pilikia. He hiki ia ke hoomaopopoia. Aole keia he mea uuku. O kekahi mea nui e ao aku ai kakou ia kakou iho, oia no ka hoomaopopo ana i na wahi koho, o hele hewa ae nei oukou e ka poe Aloha Aina me na Kalaiaina ma kahi i maa i ke Au Kahiko, e like me ka manawa hope loa o oukou i koho ai, 1892. Ua hoololiia ae nei na wahi koho i keia wa. Nolaila, mai poina.