Ka Nupepa Kuokoa, Volume XXXVIII, Number 26, 29 June 1900 — MAU HOOKAAU OLELO. [ARTICLE]

MAU HOOKAAU OLELO.

Heaha ka mea i kapaia ia ai ka ipo! he punua pee poli? j No ka mea, oia wale no kou hoapili i' ka po pouii ame ka po mahlna, i ka po malie, ame ka po ua nui o Hanalei i ka po a ke kehau e aheahe malie ana ame ka po a ke Kona e pa heleuluulu ana me ka puahi nui oiai hoi olua e hoolawa ana i na kikoni palanehe ana a ka makemake i ko olua puuwai pakaiii me ka pumehana o ke aloha hoonipo i ko olua puuwai. Maemae wale. Heaha hoi ka mea I kapaia ai "ko hoa alo o neia kula loa? No ka mea, oia wale no kou hele a hoapili o ke ano ahiahi e kohu al ka alua kaunu ana me ka hiehie ame ka oluolu mai kai o na kikoni a kou puuwai. A oia nohoi kou hoa kaunu e kohu ai kou lualai ana i ka malu ohai a. ke aloha i lualai ai i ka lihi kahawai.