Ka Nupepa Kuokoa, Volume XXXVIII, Number 28, 13 July 1900 — MAHELEHELEIA NA MOKU. [ARTICLE]

MAHELEHELEIA NA MOKU.

Eha Apana o ka Oihana Hoonaauao— Na Hooponopono Hou aka Luna Kula Nui. Mamuli o kekahi papa hoonohonoho a ka LunaKula Nui Mr .A. T. Atkinson i waiho aku ai imua o na hoa kuka o ke Kiaaina 1 kela pule aku nei, ua maheleheleia na moku i na apana eha, i mea e maalahi ai na hana o ka Papa Hoonaauao, ma ka hoolako ana i mau kul kumu ma na apana i hoikeia. A me keia na mahele ana. Apana mua, Kauai: Apana Elua. Oahu; Apana Ekolu, Muai, Molokal, Lanai ame Kahoola-w-e; Apana Eha, Hawaii. E hookahuia aku ana o Luna Nana Kula, H. S. Townsend no kekahl o na Apana; o ka Apana Elua ke manaoia nei iaia; a i mau mea okoa ma na apana i koe. He elua manawa e kaapuni ai keia poe i ko lakou mau apana i ka makahiki. Ma na wa okoa ae, e kaapunl lakou ma na apana ol<oa aku e like me ka lakou e hooholo ai, no 'akou iho. Ma keia hana ana, e loaa ai he mea no na kumu emakaala ai i ka lakfou hana i na wa a pau.