Ka Nupepa Kuokoa, Volume XXXVIII, Number 29, 20 July 1900 — HALAWAI A NA KUMUKULA MA KA HALEKULA KIEKIE. [ARTICLE]

HALAWAI A NA KUMUKULA MA KA HALEKULA KIEKIE.

Ma ka halawai a na kumukula i malamaia ma ko lakou halekula i ka la 16 o lulai nei, ma Keoua Hale. Ua hoomalu ia ka halawai e Mr. Gibson a o Mr. Davis ke kakauolelo; A he nui na manao waiwai i hoikeia mai i mua o lakou a o ka mea nana ka haiolelo mua oia no o Mrs. Hall, malalo o ke kumumanao, no na mea e pill ana i ko ke kanaka ano a pela aku, a ua nui kona mahalo ia. Ao Dr. Slogg:ett ka lua o na haiolelo a nana i hoakaka mai me ka noeau ma ke kumumanao, e pili ana i na mea ola uhane ole. He nui ka mahalo ia o kana mau olelo naauao apau. A o ke kolu o na mea haiolelo oia no o Mr. Seott. A nana i hoakaka mai no na mea e pili ana i ke ano o ke ao ana aku o na haumana i ka olelo haole, a i na e hoolohe pono na kumukula apau, a hahai hoi i na olelo ao a ua keonimana ia, laaila, e lilo ana ia i mea e hoonoio mua ai i ka lakou ao ana I ka lakou mau kamaiki opio. A u kokua nui ia kona mau manao alakai naauao e Mr. Thompson ame Mrs. Wall ame Mr. Lord. A o ka nui o na kumukuia i akoakoa ma» he kanalima.