Ka Nupepa Kuokoa, Volume XXXVIII, Number 31, 10 August 1900 — NA AOAO KALAIAINA. [ARTICLE]

NA AOAO KALAIAINA.

Na Hunahuna mea hou o na Aoao Koleaina [Kalaiaina?] o kela mau la. Home Rula. Mumuli o ka loaa ole o ke dala a na alakai o ka Aoao Home Rula, nolaila, i hlki ole ai ia Wilikoki, Kalauokalani ame Kaulia ke holo kaapuni i na moku i kela mau pule aku nei. No ia kumu no hoi i haule ai lakou a hiki i ka Poalua nei. O ke kumu o ke ulolohi, mamuli on [no] ia o ka hakaka o ka poe na lakou ke dala i manaoia ai e noi. O ke kumu o ka hakaka, no ka ae ole o kekahi poe e haawi i ka lakou dala ina e hele pu ana [o] Owana. O ka kekahi poe hoi, no ko lakou makau o hana lapuwale hou o Kauli[a]. O kekahi poe no hoi, aole o lakou makemake ia Wilikoki no kona hoonoho ole i kana wahine hoohaunaele i hope nei. O ke dala a lakou i holo aku nei, ua hoikeia mai, na Keoni Kolopana ma, kekahi poe alakai o ka aoao Demokarata. O ke kumu i haawiia mai ai, i wahi e aie ai o ka lahui ia Kolopana, alaila, pau ka huhu o kanaka iaia no kona hololua i ka hookahuli aupuni ana. [O] kekahi mea hou ano nui loa, oia keia: I kela mau la aku nei mahaoi aku nei o Owana laua o Wllikoki i ka Ahahui o na Wahine Aloha Aina, a kauoha aku nei e haawi koke mai i na dala i koe a ka lahui e malamaia nei e ka Puuku o ua ahahui la. Hooleia mai, a ua hoi mai ua o Owana ma me ka hoka. I mai kekahi mau lede maikai, "he keu kela o kahi wahine mahaoi o ka miki ana ae io makou la, me ke koikoi mai, a i pu mai, aohe ka o makou kuleana i ua mau dala nei. Aole o makou makemake e haawi i ka makou mea i luhi ai na kane e uhauha. Aole paha e o ka makou kala i lulu mau ai i kela ame keia mahina, o[ia] iho la ka keia wahine hookano e miki mai ai i mea lu wale nana no kona lealea me keia poe lalau hele i ko hai ipuka hale. He ole ka noho iho i Honolulu nei e hana ai, oia pono ana ka nohona o ka wahine me[a] keiki." I ka loaa ana no o kahi kenikeni a ua poe nei, o ka holo no ia ma ke Kinau, a e lele mua ana ma Kawaihae, a malaila aku e hele ai a hiki i Hilo, a hala lo[a] i na Kona. Aia a huli hoi mai, lele ma Maui. DEMOKALAKA. I kela mau la aku nei ua akoakoa ae na alakai o ka Aoao Demokarata: Chas McC[a]rthy, E. B. McCl[a]nahan, W. H. Cornwell, John Wise, ame Kawananakoa, a ua hoohoi iakou e hoouna ia Wise e hui me na alakai o ka Aoao Home Rula, a e hoike aku i keia: ua hooholo ka aoao o lakou e hui pu me ke Kuokoa, a e koho like i na moho o ka Ahaolelo, i elua hapakolu o na Mo[h]o Kuokoa, a i hookahi hapakolu i moho Demokarata. I ka hele ana o Wise a hui me Kaulia, ua hoole loa mai o Kaulia, a hookahi wale no mea e hui ai, ke ae ka Demokalaka e koho i moho Kuokoa wale no No keia holo pono ole oia kumuhana, ua hoao o McCarthy e noho malie ka Demokalaka

aole e koho i moho, aka, e koho i na moho kupono e hapaiia ana e na Aoao e ae. No keia, ua huhu loa o McClanahan, a aole i holo ia manao. No ka loaa pono ana o keia mau hana poho lalo a ka Demokarata, ua lilo ia i mea hilahila loa na lakou. REPUBALIKA. He mau palapala hoakaka e pili ana na kahua hoohana o na Aoao Kalai[aina ka makou] i ike iho ai, a na ke keiki Mi Aki i pai mai nai. [Ma] ka halawai a na Komite Nui o ka Ahahui, ua hooholoia e hoomaka koke na hana pili koho balota i keia mau [la] iho. Ma ka halawai a ka Ahahui Repubalika o na Opio ua kohoia he Komite o Eiwa lala no ke kokua ana i na hana pili koho balota. Eia iho na inoa: G. R. Carter, A. B. Wood, M. T. Bluxome, A. F. Judd, A. W. Pearson, D. L. Naone J. Kumalae, W. J. Coelho ame B. S. Greeney. LIBERAL. Eia ke[k]ahi poe keonimana ke hoala mai nei i aha[h]ui kalaiaina hou no na Hawaii, a e kapaia ana ko lakou inoa, ka Ahahui Liberal. He poe Hawaii wale no kai makemakeia ma keia hui, a ke hooikaika nei na alakai e komo mai ka poe i komo ole i na ahahui e ae. Ua komo iho nei o David K. Kalau[o]kalani ma ke Keena Loio o T. McCants Stewart ma ke ano Mahele Olelo Haole. He nui kona mau hoaloha a puni na Mokupuni a aole mau kumu ka[n]alua no na makamaka e hele mai ai e [h]uipu ma ke ano oihana. Eia o T. McCants Stewart ke ku pale nei no L. Lowell Kupau (k) he hihia nei anaana lawe kue ia mai e Abigail K. Kailiha (w). 2818— 4t.