Ka Nupepa Kuokoa, Volume XXXIX, Number 8, 22 February 1901 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

Hoopukaia i na kakahiaka i Poalima apau.

BUKE XXXIX--Helu 8.        HONOLULU, POALIMA FEBERUARI 22, 1901.            NA HELU APAU 2@47

 

WEHEIAKAAHAOLELO MUA

O KA PANALAAU ME KA EEHIA.

Alakaiia ka Senate Hon. Wm. White o ka Malu o Lele.--Hon. Dr.

Russell, ka Peresidena kuikawa a o F. J. Testa Kakauolelo.

 

            HOIKE KA OPIO HAWAII I KA

NAAUAO MA KE ALAKAI ANA I

NONA MAU HOA LUNAMAKAAI-

NANA O KA AUNA HOOKAHI.

--

            HOOKUMUIA KA HALE ME KA

NAAUAO.  HON. J. A. AKINA.  KA

LUNAHOOMALU.

--

            I ka hora 9:30 o ke kakahiaka o ka Poakahi nei i wehe ia ai ka Ahaolelo mua loa me keia pae aina aloha o na oiwi oiaio malalo o na hooponopono kanawai ana a ka mana nui o Amerika Huipuia maloko o Iolani Hale.  A he mea e ka hao o na hoohiwa kamau o ke Aupuni, mamuli o ka ike oleia ana aku o na pilali me na koa e ku lalani mai ana me ka makaukau e hookipa aku ina hoa o ka Ahaolelo ame na makaainana e kipa aku ana malaila no ka makaikai i na hana pili Oihana a ka lehulehu.

            I ka hoea ana aku o ka mea kakau @ kona mau hoa hele ma ka ipuka pa ma ke Alanui Moi, ua ike ia aku ia @a wahi oiwi kakaikahi e nonoho mai ana malalo o ka malu Ohai, e haka aku ana o ka ike i na moho hanohano a @ Lahui.  Maluna nae hoi o ka lanai @ olii i ikeia aku ai na Luna Au-@ ai ia Kupa a i kona mau paa@ alo @ hookipa ana i ka lehulehu, a maloko hoi i hoomakaukauia, oia hoi, ka @ Kalaunu o ke au Moi, ua ikeia aku la na maka malihini o na haole @ ko lakou mau pili aoao.

            He mau minute mamua iki iho o ka hora 10, ua hoomaka mai la na moho o ka aoao Rome Rula e hoea ae ma ke @ hanohano maluna o na kaa pia @ ua mahiko ia hoi ko lakou kino me @ aahu piha o ke kulana keonimana @ he papale mahiole ko kekahi, a @ powa hinuhinu ko kekahi poe ma @ na poo hanu i ka piha i ka piha "ai oo" @ kuka kainahai ma ke kino, @na hoi i na lima hapauea, me @ @kilima keokeo pipii i ke kumu@.

            @ ka hoonohono ana o na moho e @ ko lakou hoea ana ae ma na @

            1. Na hon. J. K. Paele & R. H. Ma@.

            2. Na Hon. S. K. Mahoe, & S. E. Ka@.

            3. Na Hon. J. Brown, & W. B. Na@ & W. White.

            4. Na Hon. J. P. Makainai & J. K @ndergast

            5. Na Hon. F. W. Beckley, J. Ka@wai.

            @6.  L. Nakapaahu.

            7. Na Hon. J. Ewaliko, H. M. Ka@

            8. Hon. Senatoa Russell, âme Mr. @ N. Bond.

            9. Na Hon. Senatoa G. R. Carter ame Lunamakaainana J. K. Keiki.

            10. Hon. S. H. Haaheo.

            11. Hon. Senatoa D. Kalauokalani, ame Lunamakaainana J. A. Akina.

            O na Moho o ka aoao Repubalika, ma ka wawae no ke koele nui ana ae ma kahi kapa kupono iki no, me he mea ia o ke kulana paahana mau.  He kakaikahi loa no na moho hanohano i ikeia aku, ua hele a "haka-li."  O kekahi mea ku i ke aloha i ka ike ana aku, oia no, kahi hunahuna o na hana o ke au kahiko oia hoi ma ke alapii a hoea loa aku i ka ipuka komo o Iolani Hale, ua kukuluia he mau makai me na aahu piha, no ka malama ana i ka maluhia o ka hale ana o ka Ahaolelo malalo o ke alakai ana a ke koa "aiwa oiaio," Robert Parker Waipa.

--

HALE O NA LUNAMAKAAINANA

--

LA MUA.

--

            I ka hoea ana mai o ka hora 10 ponoi, ua ike ia aku la na hoa makaainana e akoakoa ana maloko o ke keena i hoomakaukau me na noho no na poe makaikai, a me na pakaukau hoi no na Lunamakaainana.  I ka hoea mai.

            O ka hoonohonoho ana nae o na noho o ka Lunahoomalu o ka hale, a malalo mai on a, mamua pono iho, malaila ke pakaukau o ke Kakauolelo.  Ma ka aoao ma Waikiki o ka Luna hoomalu, he pakaukau no ke kauolelo pokole.  Ma Ewae noi on a, malaila ka pakaukau o ka poe kakau Nupepa (No makou keia.)  I waena hoi o ka lumi, ua hoonoho ia na pakaukau liilii he 30 me na lako kakau:  inika, penikala, pepa a pela aku.  (Aohe ohe i ikeia aku na kika puhi!)  Ma keia mau wahi i noho ai na Lunamakaainana hanohano penei:

            Ma ka aoao ma Waikiki o ka lumi: Na Hon. Arch. Gilfilian, R.; Sol. Kawaihoa, H.; J. A. Akina, H.; S. H. Haaheo, H.; R. Puuiki, H.; J. H. Hihio, H.; Wm. Aylett, R; G. P. Kauimakaole, H.; H. M. Kaniho, H.; mawaena o ka lumi--na Hon. J. W. L. K. Keiki, R.; Wm. Mossman, H.; J. Ahulil, JR., H.; J. K. Prendergast, H.; Jessie P. Makainai, H.; S. K. Mahoe, H.; J. K. Paele, H.; R. H. Makekau, H.; A. G. M. Robertson, R.; ma ka aoao Ewa o ka lumi--na Hon. W. H. Hoogs, R.; Julian Monsarrat, R.; S. W. Wilcox, D.; C. W. Dickey, R.; F. W. Beckley, H.; Isaia Kaauwai, H.; J. Ewaliko, H.; W. B. Nailima, H.; a me John Emmeluth, H.  (O na huakumu mahope iho o na inoa kalaiaina o na moho hanohano.)

            Ua phi maoli no o hope aku o ka lumi a ua kuku ka hapanui o ka poe makaikai iluna no ka noho ole.

            Na ke keiki opio i hoopihaia me ka naauao maikai ma na kula kaulana o keia mau pae moku, ka mea Hanohano, Hon. Frederick William Kahapuia Beckley i wehe i ka ipuka hanohano o na hana kau kanawai ma keia anaina hanohano.  I ka wa i ikeia aku ai o na manamana o ka uwaki e kuhikuhi ana i ka hora i hoolahaia no ka hana, oia hoi ka hora 10 o ke kakahiaka, ua ku ae la ua opio nei iluna me na hiohiona o ke kanaka naauao oiaio, ame ka wiwo ole a paweo iho hoi i ka nui maka e haka pono aku ana iaia, ua poha mai la kona leo me puana mai ia i keia leo ma ka olelo namu:  "E o'u au hoa lunamakainana.  Oiai, ua akoakoa mai nei kakou malalo o na kauoha a ke kanawai i hoomanaia hoi e ka poe koho balota, a ke ike nei au ua piha na noho i hoomakaukauia no kakou, me he mea ia, he mea pono loa no kaou i keia wa, ano, e hoonee akui ka hana a kakou i keia wa, e lawelawe i ka hana, a ke waiho aku nei au i ka inoa o ka Mea Hanohano, R. H. Makekau.  I Lunahoomalu kuikawa no keia Hale."  Kokuaia Ma kana ninau ana, ua hooholo lokahila.

            Ma ka ukali ana a ka Mea Hanohano nana ka inoa i waiho aku, ua hoonohoia aku ka Mea Hanohano R. H. Makekau ma ka noho i Lunahoomalu kuikawa.

            Hoike mai ka Lunahoomalu, ua makaukau ka Hale no ka hana e nee aku ai imua.

            Na Hon. Beckley i noi mai i Kakauolelo Kuikawa, a waiho mai la i ka inoa o Wm. Mossman, kokuaia.  Hooholo lokahiia.

            Na Emmeluth, a kohoia i Komite e hoike aku i kekahi Lunakanawai Kaapuni a Kiekie pana, ua makaukau ka Hale e lawe i ka hoohiki oihana.

            Pahaohao ka Lunahoomalu i ka maopopo ole o ka kulana oiaio o na moho.

            Noi mai o Dickey o Maui e ninauia ke noi Kakauolelo.  Hooholoia.

            Kaheaia o Wm. Mossman e lawe i ke kulana Kakauolelo Kuikawa.

            Noi hou mai o Emaluka e noonooia kana noi mua.  Aole kokua.

            Noi mai o Hon. Beckley e khoia e ka Lunahoomalu i Komite Nana Palapala hookohu.  Kokua a hooholoia.

            Koho ka Lunahoomalu i na Hon. J. A. Akina, Jno. Emaluka ame A. G. M. Robertson.

            Mahope iho o ke kali ana no kekahi mau minute loihi, a@a no paha e piha ka 10 minute, ua ku mai o Beckley a noi e hoomana ka Hale no hookahi hora.  Kokua a hoohoioia.

            Aole nae hoi i pina ka la minute mahope iho o ka hoomaha ana, ua pau hou na Lunamakaainana i ka honoio no kou lakou mau nono, a ia wa no hoi i loheia aku ai ka Lunahoomalu e hea mai ana i ka Hale ame ke anaina e hoomalu.

            I ka malu ana, ua ku mai ka Hon. J. A. Akina e hoike mai ma ka heluhelu ana i ka hoike a kona Komite.  Hoike mai oia, he kamakoiu ka nui o na Lunamakaainana i kohoia, ola kela:

            Apana 1--W. B. Nailima, S. H. Haaheo, R. H. Makekau@, J. Ewaliko.

            Apana 2--J. W. Ke@, J. Monsarrat, J. K. Kekaula, @ N. Kanino.

            Apana 3-F. W. Bee@, @. P. Kauimakaole, C. W. Dickey, Sol. Kawaihoa, J. H. Hinio, @. Kaulii, Jr.

            Apana 4--A. G. @, A. F. Gilfilian, Wm. Ap, W. H. Hoogs, J. W. K. Keiki, Jonah Kuma ae.

            Apana 5--S. K. Manoe, @ P. Makainai, W. Mossman, J. K. Paele, J. K. Prendergast, J. Emmeluth.

            Apana 6--S. W. W@, , J. A. Akina, Isaia Kaauwai, R. Puuki.

            Noi mai o Beckley e aponoia ka hoike a ke Komite.  Kokua a hooholoia.

            Ninau hou ka Noho i ka hana laua o ka Hale.

            Noi mai o Mahoe e koloia i Komite Kii i Lunakanawai iaia e hoohiki i na hoa o ka Hale.  Uluaoa ma keia wahi, no ka makemake o kahi mau hoa na ka Hale e koho.  Ma ke noi hou ana a Mahoe, ua waihoia na ka Noho no e koho mai i ke Komite.

            Kohoia e ka Noho Keia maukeonimana hanohano; S. K. Mahoe, F. W. K. Beckley ame W. B. Nailima.

            I ko kela Komite puka ana aku mawaho o kalumi, ua maha loa hou ka Hale, a i alona i ka mumu mai o kau poe kakau nupepa ma ko lakou wahi.  Ua aneane 15 minute paha keia noho wale ana pela, aohe hana, ua hoea hou mai la ke Komite, me ka Lunakanawai Kiekie, W. F. Frear.

            I ka wa o ka Lunakanawai Kiekie i ku mai ai ma ka aoao o ka Lunahoomalu o ka Hale, o ka wa no ia i kuku like ae ai na Lunamakaainana ame ka anaina holookoa i luna.

            I ka lohe ana o ka Lunahoomalu i ka hoike a ke Komite ma o Mahoela, ua ninau koke mai ia oia i ka Hale i ka manao o ka Hale, a ua hoike aku ka Hale i ka apono i ka hoike me ka makaukau no ka lawe ana i ka Hoohiki Oihana.  Ua hoike aku oia la mea @ Lunakanawai.

            Ia manawa ua kau like ae ia na lima o na Lunamakaainana a pau i luna, ame ka leo moakaka, ua hoopuka mai a ka Lunakanawai i na olelo o ka hoohiki.

            Mahope o ka hoohiki ana, ua noho like iho ia na mea a pau i lalo, a hoike mai ne ka Lunahoomalu, ua makaukau ka Hale no ka hoonee ana o na hana imua.

            Noi mai o Mahoe e hapaiia ke kumuhana wae luna.  Kokuaia.

            Hoakaka hou mai o Mahoe, oiai, aole he mau rula i ikeia i keia wa no ka Hale, nolaila, he mea pono e ukali malalo o na rula maa mau o ka poe naauao.  Iaia no e kamai io ana i kona manao, ua ku ae kekahi moho a koi mai i na Noho e ninau.  Hooholoia ke kumuhana wae luna.

            Noi mai o Hon. F. W. Beckley e kohoia i Mahele Olelo Kuikawa, a waiho mai la i  ka inoa o J. H Wise. Kokua a hooholoia.

            Ma keia wahi, ua hoike mai la ka Noho, ua haalele loa ka Hale i kekahi hana nui loa, a he mea pono e hapai koke ia keia kumuhana, oia hoi: ka hea inoa.  Nolaila, ua kauoha aku oia i ke kakauolelo kuikawa e hea mai i na inoa o na Lunamakaainana.  He 28 i o mai a he 2 i haule.  Na mea i haule, oia no o J. W. Keliikoa o ka Apana Elua, ame J. K. Kekaula, oia apana hookahi no.

            Hiakaka hou o Mahoe i kona manao e pili ana i na rula o ke koho ana, ma ke kapae ana i na rula maa mau i ka i loaa ole ai he mau rula e pili ana i kekahi kumuhana.

            Hoihoi hou o Hoogs i kana moho Peresidena.

            Hoike hou mai o Mahoe, he hookahi no moho, o kana, a e pono e kapaeia na rula, a e kohoia ka Peresidena ma ka balota ana a ke Kakau olelo Kuikawa.  Hooholoia.

            Hoike mai ka hale, he hookahi no moho imua o ka Hale, nolaila, e koho ka Hale iaia ma ke ano a ka Hale i manao ai he kupono.

            Noi mai o Gilfilian na ke Kakauolelo e baloka.  Kokuaia.

            Noi mai o Hoogs e kapaeia na rula.

            Kahea kahi põe "Ninau! Ninau!"

            I ka ninau io ana, ua hooholoia, e kapaeia na rula.

            Noi o Mahoe na ke kakauolelo e hana i ka baloka no ka Hale.

            Noi hou o Mahoe na ke Kakauolelo e hana i ka baloka no J. A. Akina.

            Hoopaapaa iki ma keia wahi no ka inoa maoli o Akina.

            Hoike ke Kakauolelo i kana baloka me ka inoa J. A. AKINA.

            Ninau ke Kakauolelo Kuikawa, Wm. Mossman, pehea ia, nawai e ukali mai i ka Mea Hanohano?

            Noi o Mahoe e hoonee na hana o ka Hale Imua.

            M ke kauoha a ka Noho, ua ukaliia aku ka Mea Hanohano, J. Apukai Akina ma ka noho o ka Mea Hanohano S. K. Mahoe.

            I ka wa a ka Peresidena o ka Hale i ku mai ai ma kahi kiekie ana i ae ae ia a kau maluna o kona mau hoa lunamakaainana, ua hoike mai la oia i ka wai huihui e aielale malie ana iloko o kona puuwai,--he aloha me ka mahalo piha i ka hanohano kiekie loa i kauila aku maluna o kona kokua a ua kalokalo mai no hoi ia i kona mau hoa paahana, e auomo like i ke koikoi o ka haawe a ka lehulehu i kau aku ai maluna o lakou a pau.  Ua kono ikaika aku no hoi oia i kona mau hoa, e lawelawe i ka hana me ka ikaika a pau, me ka hoopono.  Ua unuhiia kela mau olelo me ka maokioki e ka mahele olelo kuikawa.

            Hoike mai ka Noho, o ka hana ma ka papa, oia no ke koho ana i ka Hope Luna Hoomalu no ka Hale.

            Waiho mai o Mahoe i ka inoa o F. W. Beckley, Kokua@a.

            Ku mai ka mea Hanohano Opio, a hoi ke mai i kona manao.

            I mai oia:  "Owau o kakou ka Lunamakaainana opio loa, a ke manao nei au, aia no i waena o kia lehulehu o kakou, he mau keonimama i piha i ka makaukau kupono mamua ae o'u.  He mea pono no paha ke kohoia aku  kahi o lakou.  Aka nae, aole no au e haalele aku ana ika hana e waihoia mai ana ia'u."

            Hoike mai ka Noho, he hookahi no inoa imua o ka Hale.

            Noi mai o Mahoe e kapaeia na rula, a na ke Kakauolelo no e koho.  Ma keia wahi, nui loa aku kana mau olelo hoakaaka.  Uluaoa ae nei no hoi ka poe ike namu ole.  Lohe hou ia aku nei no ka huaolelo "Lunawaiaau."

            Hoike mai ka Noho, he mea pono paha e loaa he mau rula kupono no ka hookele ana i na hana o ka Hale mamua o ka hooneee ana imua.

            Noi mai o R. H. Makekau e hooholoia na Rula o ka Ahaolelo o ke kau hope loa o ke Aupuni Repubalika o Hawaii i mau rula kuikawa no keia Hale a hiki i ka wa e hooholoia ai on a mau rula hou.

            Noi mai o J. K. Prendergast e pakuiia keia: a o na rula e kue ana i ke Kanawai Kumu o ka Panalaau nei ame na kanawai o Amerika Huipuia, e kapaeia no ia.

            Hooholoia e like me ia i pakuiia.

            Noi mai o R. H. Makekau e hapaiia ke koho Kakauolelo mau.

            Hoakaaka mai o Mahoeia kona manao kakoo no ia kumuhana hookahi no.

            Hoike ka Noho, oia no ke kumuhana imua o ka Hale.

            Waiho mai o S. K. i ka inoa o S. W. Meheula i Kakauolelo mau.  Kokuaia: Aole inoa ae.  Koho lokahiia.

            Hoohikiia ke Kakauolelo mau e ka Peresidena o ka Hale. 

            Waiho mai o R. H. Makekau i ka inoa o J. H. Wise i mahele Olelo mau.  Kokuaia, a no ka hookahi inoa wale no, ua hooholo lokahiia.

            Kahunapule.

            Waiho mai o Makekau i ka inoa o Rev. J. N. Kamoku.  Kokuaiia.

            Na Wm. Ayleaa i waiho mai i ka inoa o Rev. Manase.  Kokuaia.

            Hoakaaka mai o Makekau i ke koho ana ia laua.

            Kue mai o Beckley i ka nee ana o na hana imua malalo o na rula.  Hoike mai oia, aole i mana ka hoopaa anao na moolelo o ka Hale ma ka Olelo Beretania o ka Hale ma ka Olelo Beretania in a aole i unuhiia na hana ma ka Olelo Beretania e ka Mahele Olelo i hoohikiia.--Nui ka mahalo i ka naauao o keia Opio ma keia ninau ano nui.  Ka hana ia a makou na Opio, a e ike i ka Hawaii!

            Hooho like na lunamakaainana naauao i ke kupono loa o keia kumu kue a ka lunamakaainana opio.

            Hoike mai ka Noho, ua kupono no ka kana hoohiki ana ma ka olelo Hawaii no ka mea, ua maopopo no ia na poe a pau ka makaukau o ka Mahele Olelo.--He kapulu keia hana!--

            Paakiki loa ka Lunamakaainana opio a ua kakoo ikaika ia oia e na moho naauao e ae a pau.

            a ke noi a Prendergast, ua hookohu ia kau o Beckley i mea unuhi i ka hoohiki a ka Mahele Olelo ma ka Olelo Beretania.

            Noi mai o Prendergast e nee ka hana imua, a mamuli o kona eleu me ka mikomiko, ua ua kohoia aku oia i mea lawe papale ohi balota na ka poe lunamakainana.

            I ka baloka ana no ke Kahunapule ua loaa he 27 baloka, penei: no Kamoku, he 21 a no Manase, he 6 wale no Koho ponoia o Rev. J. N. Kamoku i Kahunapule no ka Hale.

            Noi n@ai o J. K. Paele e kohoia i Komite e hoike aku i ke Kiaaina, ua makaukau ka Hale no ka hana.

            Kue mai o Prenderast, a i mai o na una mua no ka Hale, a mahope ke Kiaaina.  Kakooia keia manao o Pamawaho.

            Kiai Hale:

            Waiho mai o S. K. Mahoe i ka inoa o J. K. Nakookoo i Kiai Hale.  Kokua ia.

            Na ka Niho i waiho mai i ka inoa o J. P. Haiola.  Kokuaia.

            Na Kauimakaole hoi i waiho mai i ka inoa o Kailimai.  Kokuaia.

            Noi mai o Prendergast e paniia ka waiho inoa moho ana.  Hoohoioia.

            Maka helu ana o na baloka, he 27 penei ka loaa:

            Nakookoo 14; Mailimai, 9; Haiola, 4;

            (He poe Home Rula wale no keia he keu aku nae a ka hakaka wale mawaena o lakou iho no, no na wahi bona iwi a na lunamakaainana.  Heaha la anei hoi ka hefa?  He ola ia!)

            Elele.

            Waiho mai o Mahoe i ka inoa o J. P. Kahahawai i Elele.  Kokuaia.

            Na Kauimakaole i waiho mai i ka inoa o Kaona.

            Na Kaniho, ka inoa o Haiola.

            Na Beckley hoi i waiho aku i ka inoa o Daniel Keliiaa.  Kokuaia.

Ma ke koho ana, ua loaa keia mau huina baloka:

            Kahahawai, 17; Keliiaa, 7; D. Kaoa 3.

            Noi hou mai o Dickey, e kohoia i Komite Hoike aku i ke Kiaaana.

            Kue o Emaluka i keia kumu hana ana i hooikaika ai i k@no, i lea o ka hoomaka ana o na hana.  I mai, o ka nui loa imua o ka Hale, oia no ka noonoo ana i mau rula.

            Hoakaaka mai o Prendergast, o kekahi luna i loaa ole malalo o na rula o ke au Repubalika o Hawaaii, oia no ka Luna Pulumi Hale.  Hooholoia e kohoia i luna no keia hana.

            Na Kaniho i waiho mai i ka inoa o Kauimakaole.  Kokuaia.

            Hoakaaka mai o Hon. Kauimakaole, o ka mea nona kela inoa, o G. W. K. kona mau hua kumu, maila hoi o kuhihewa ka lehulehu oia no ia.

            Na Hihio i waiho mai i ka inoa o John Kahiolani.  Kokuaia.

            Na Hon. Puuki i waiho mai i ka inoa o Chas. Hapai.  Kokuaia.

            Na Mahoe hoi ka inoa o H. K. Meemano.  Kokuaia no.

            Ma ka baloka ana, ua loaa keia mau huina baloka penei:

            Kauimakaole 7;Kahiolani, 3; Hapai, 11; Meemano, 4;

            He elua mau baloka i hooleiia no ka paewa o ke koho ana.

            Waiho o Hon. Beckley he Olelo Hooholo e koho ana i Komite Hui ke kulike nae me ka apono o ka Senate no ka hoike ana aku i ke Kiaaina ua makauakau ka Ahaolelo no ka dawelawe ana i ka hana o ke Kau.

            Mamua ae o ka unuhiia ana o keia Olelo Hooholo, oiai, e wehewehe ana no ka mahele Olelo i na olelo hoakaaka a Beckley i ho.ke ai ma ka olelo makua ua ku mai la o Aylett a noi e hoopanee a hiki i ka auina la.  No ka mea wahi ana: ke hoohana nei kakau ia kakou iho a oi aku mamua o ka mea kupono oiai, o ka hapalua kia o ka hora 12 a no ke aha kakou e hiki ole ai ke hoi hou mai ia nei i keia auina la i ka hora 1 me hapa e like me ko kakou manao O ko Kakou kuleana no ia."

            Nui ka hoopaapaa ma keia wahi a aole no ka Noho i rula mai, mao iki ae ka haunaele.

            Mamuli o ke noi a Kaniho, ua hoonea ia na hana imua.

            Ma ke noi ana a Beckley, i kokuaia ua hooholoia e koho ka Olelo Hooholo.

            Koho ka Noho i na Hon. Beckley, Kumulae, ame Prendehgast.

            Hoike mai o Makekau, o ka wa pono keia e noi ai e hoomaka ka Hale.

            Mamua ae nae o ke kokuaia ana, na noi mai oia e kohoia i Komite Rula.  Kokua a Hooholoia.

            Koho mai ka noho i keia mau keonimana: Makekau, Robertson, ame Haaheo.

            Noi mai o HiHio e hoopanee ka Hale a hiki i ka hora 10 o ka Poaha, A. M., Kokua a Hooholoia.

                        Hoopanee i ka hora 12:45 P. M.

--

KA AHA SENATE.

La Mua.

            Mamua ae o ka hora 10, e like me ia i hoolahaia ai, ua akoakoa ae no na Senatoa Kuokoa ame Repubalika ma kahi i hoomakaukauia no lakou, ma ka lumi nui mawaho pono iho o ke keena o ke Kiaaina.

            Ua hoolako mua ia e ke Kakauolelo o ka Panalaau he mau pakaukau hou me na noho pulu, i hoonoholalaniia i uka i kai, a huli ke a'o i Ewa.  I ke kiei ana aku ia loko oia Hale, ua ikeia aku na Senatoa e nonoho la'ani ana, penei: ma ka laina mua: na Hon. Cecil Brown, R.; Clarence Crabbe, R.; John Brown, H.; Dr. Russell, H.; J. P. Kaohi, H.; L. Nakap@ku, H.; ma ka lalani elua: na Hon. Geo. R. Carter, R.; W. C. Achi, R; Wm. White, H.; I. Kahilina, H.; D. Kanuha, H.; S. E. Kaiue, H.; ame D. Kalauokalani, H.  O na Hon. H. P. Baldwin ame J. D. Paris, aole laua i hoea mai, no ke ku ole mai o ko laua moku.

            I  ka hora 10 ponoi, ua ku ae la ke keiki o ka Malu Ulu o Lele, kela keiki kau'ana  maoli no i ka @mahinu aila niu" (o ka aina o "mi" nei), o, Hon. Wm. White, a me keia pa@ ike namu, ua hea ae la i na hoa Senate, "Ea,