Ka Nupepa Kuokoa, Volume XXXIX, Number 8, 22 February 1901 — MAI POINO I KA MOANA. [ARTICLE]

MAI POINO I KA MOANA.

YOKOHAMA, Jan. 31.—Ua hoi hou mai nei kahi haole Farani i hoao ai e holo ma kahi moku kiakahi, oia wale no, no Parisa i ka hoikeike nui, mai Hong Kong aku. Ua holo.aku oia a Haifong ioaa i ka ino nui, a ua hiki ole i kahi moku ona ke alo i na ale o ka moana, a ua hoomaka e liu. Nolaila ua huli hoi mai v oiā. He ahaaina nui ke hoalaia mai nei e na lede kino palupalu, maka onaona, puuwai piha i ke aloha me ka naau hoomanawanui ma ka Home Kelki i ka la 16 o Maraki ae nei. O na loaa a pau, no ka hoonui ana ae ia i ka Home. He pomaikai hoi keia no ka lahui. E alu kakou i paa koke. Ke huli heie mai nei na makai kiu i ka wahine ma'i hookaawale i mahuka ai me ka lole kane ana i komo ai a lele maluna o ka pa hoomalu o Kalihi-kai, i keia mau la iho nei. Kapu hoi ka inoa, malia pahā hoi, he wahine i imihalaia e na kauka "eepa" o ka Papa Ola!