Ka Nupepa Kuokoa, Volume XXXIX, Number 8, 22 February 1901 — KA WI NUI ME KA POINO PU. [ARTICLE]

KA WI NUI ME KA POINO PU.

I ; Aohe make e like me keia. NU lOKA, Feb. 3.—He lono telegarapa ka i loaa mai nel i ka Nupepa Sun mai Pekini mai, e i ana: O na hoike a pau 1 loaa mai nei Sing-an-Fu, ua lokahi loa ma na mea e pili ana i ka wi ma na mahele aina 0 Shan-si ame Shen Si. O keia mau hoike a pau loa, mai na pake wale no, a he kau liilii nae, aka, nae, ma keia mau hoike a pau, ua hiki no ke hoomaopopo aku i ke kulana popilikia maoli no a ku no hoi i ke aloha ka manaonao o na hana a ka pilikia e luku nei i kela Lahui. Ma ka homaopopo ana aku/me he mea la, ua elua hapakolu ka nui o na poe e u nel i ka pololi. He oi aku no hol keia o ke au anu ino loa, a oia no hoi kekahi kumu i nui loa ai o ka popiikia ma keia mau wahi. He uuku loa kahi wahie e hiki ai ke hoomahana 1 ke kino ma keia mau wahi, a pela pu n.o hoi me na pono kino e ae. O na bipi, lio, llio a me na holoholona e ae a ka poe mahiai i malama ai i mea kokua i ka wa mahlai, ua pau loa i ka hamuia i mea e maha ae ai o ka pololi nui. Ua akolu ae nei no makahiki o kela wi ana, mamuli o ka nele nui maoli no 0 na mahi laiki i ka hua. Aohe ulu po no o ka laiki ame na mea kanu e ae 1 kela mau makahiki aku nei, ua hooikaika nui kela Lahui e loaa ka ai no keia mau la, aka, mamuli o ka poho o ka luhi i kanu ai, ua nele loa a o ka hopena iho la keia i ikeia nei. Ma na leka i loaa mai nei, ua ikeia, ua hoao kekahi poe lehuehu e hana i na hana o na aina hihiu, mamuli o ka ai ana aku o kahi i kekahi. Ua kamailio ae o Li Hung Chang ia Mr. Conger, ke kuhina Amerika, ua ua hoea mua mai no keia wi nui i na mahina hope iho nei o kela makahiki aku nei, aka, ua loaa iki aku na wahi kokua ana, a pela i loaa ai he wahi ola. Aka, i keia mau la mai nei, ua oi hou aku ka poino mamua o ka mea pono, a ua ai aku kahi i kekahi. Ua kuai ke kane i ka wahine i mea e loaa ai ka ai. Hooliloia na keiki e like me na holoholona. I na e lilo ole ke keiki, o ka aiia iho la no ia i mea e hala ai kahi mau la. Ua pupule maoli na makua mea keiki no ka pololi. Ua pepehiia na keiki liilii i mea e lohe oie ia aku ai ko lakou ieo uwe no ka pololi. Ua hoike mai kekahi leka penei: Ma na kaona, ua like na kane me na holoholona hihiu loa, He hopu okoa mai no i ka mea ai e paa ia ana ma ka lima Ke kuaiia nei na wahine me na keiki liilii i mea e loaa ai o ka ai. He nui ka weliweli i na hana pepehi keiki e lawelaweia nei. He ku i ka manaonao. 0 keiki iho la ka ai na ilio ahiu i keia mau la." Na ia mea kakau no i hoike mai i ke kaahele o na kane ame na wahine ma kela wahi keia wahi, e huli ana i na mea ai e like me na holoholona hihiu, a i ka wa e loaa aku ai o kekahi mea ia lakou, e hakaka ana lakou no ka mea e loaa ana o kahi mana ai. E lohe mau ia ana keia mau leo, penei: "E kuai mai i kuu aina, a ina aole, e lawe ana au i kuu ola." "E ho mai i wahi mana ai na'u, a i ole, e make no au ma ko puka hale." I mai he. leo 1 wahine: "E kapae ae i keia make i ka ai, a e hahai no au ia oe ma na wahi a pau." He makuahine hoi: "Eia ka'u keiki, no kahi mana ai." Nau ka'u 1 wahine no ka manawa pau ole" wahi a kane e hoopuka mai ai. Auwe ka meinemene e! | He nui a he lehulehu wale na hoike ioiaio e pili ana i keia. j E like no me ka nui o ka poino ma ;Shan Si, pela no ma Shen Si. Ma keia kulanakauhale hope e noho nei ka Emepera Wahine o Kina nei. Ua hoepuniia lakou me ka wi ame ka poino nui. Ua hoomaopopo wale ia no, aia ma kahi o ke 25,000 ka nui o na poe e noho nei malalo o ka Emepera \yahine.He 20,000 poe koa. O keia poe a pau, na ke aupuni e hanai neii. Mai ka poe .ilihune mai ka al a keia poe palauaielo. •He nui no ka ai a ke aupuni no keia ! poe wale iho no, aole nae i lawa no ka j hanai ana i ka lehulehu mawaho aku | 0 lakou. Ke hooikaika nei ke aupuni ma na ano a pau, aole nae he hiki. O ka heluna nuj o na kanaka ma Shan-Si, he 12,000,0-v a ma Shen-Si hoi, he 9,000,000. Ma na hunahuna mea hou i loaa mai ma ka mokuahi hou, Ventura, ua ; hoikeia mai, aia ka na Bua ke nee la ; me ka ikaika nui malalo o Generala IDe Wet no kahi kulanakauhale o ! Carnavon.