Ka Nupepa Kuokoa, Volume XXXIX, Number 16, 22 March 1901 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

Ke Kilohana Pookela no ka Lahui Hawaii

Hoopukaia na kakahiaka Poalima a pau.

BUKE XXXIX-Helu 1@.  HONOLULU, POALIMA M@I 22, 1901. NA HELU APAU 2851

 

Ka Mana o ka Pahikaua

:A:

HAMILETONA TEREGOMA

KE KEIKI KOA KAULANA O ENELANI-KE KUPUEU NANA I KAILI HAAHEO I KA HANOHANO O KA OIHANA KAUA O RUSTA-KA MEA HOI I HOOHIWAHIWA E KA EMEPERA O IA AINA ME KA PUA KAULANA O AINAHAU KE KAIKAMAHINE @I OLINOKAONOHI-LA.

MOKUNA XXII.

Hookokoke mai ka Hopena.

 

Aia hoi a mahope iho o ko'u moe ana ia po, a ala ae, mahope iho hoi o ka loaa ana i ko'u auau ana ia kakahiaka a komo kahi kapa, a hookuu iho ma ka papaaina, akahi no au a ike pono iho i ka uluku maoli o loko o ko'u naau, mamuli o na hana a ke aloha i hoomoemoeia na na la loihi, a akahi no a hoeueuia.

 

Me ka manao ole iho i ko'u eha i ku ai i ka pahi, ua panopano, wale au ia kakahiaka ma kahi o ke Koneia o ka makou pualikoa, no ke noi ana e hookuu mai ia'u ia ia, a mailaila ae au a kahi o ke Kauka a pau kana lapau ana i kuu eha hoi loa mai au, me ka manao e hele koke e ike ia Olino ia kakahiaka no. Ua makemake au e hui mua me ia, i kukakuka maua i na mea a pau mamua o kuu hele ana e hoike ia Prince Bilabasofa i na mea a pau i hanaia mawaena o Deviniski ame a'u i kahi la iho.

 

O ka hookipa ana o Olino ia'u ia ia, kekahi mea hiki ole ia'u ke poina i na la o ko'u ola ana. Me ka palanehe loa oia i hea mai ai i ko'u komo ana aku. Ia'u i komo aku ai, e noho like ana laua o Counters Palitzin, he "Aunt" keia nona. (He mama hanauana.)

 

"O Alexis, e mama" wahi a Oolino i hooho mai ai, a ku ae nei. Ma kona hiohiona au i ike aku ai i kona piha hauoli maoli no i ko'u hiki ana aku.

 

"E Alexis, akahi no oe a hoike mai i kou kulana keki maika,i" wahi a Countor Palitzin i hoopuka mai ai me ka oluolu. O ka makamua loa no hoi keia o ko'u ike ana aku iaia e ano oluolu mai ana ia'u. "E hele mai oe maanei @ honi ia'u, a e honi aku au ia oe. Ua maikai ioa kau mau hana i lawelawe ai no ka hoopakele ana ia Olino. Ua hoike mai oia ia'u i na mea a pau."

 

"A pau?" wahi a'u i hooho ae ai, me ka nana pono ana ia Olino.

 

"O na mea a pau i kupono i kou kuahine nei, e kamailio," wahi a Olino.

 

"Uluhua no hoi au i kau mau hana e Olino," wahi a mama. "O kou wahi kaikunane kanaka, eia nae, pela iho la ke ano o kau kamailio ana. Ke ike hoi au, aohe ou honi iki iaia. O na manamana lima wale iho la ka ia nei e haawi aku ai i kona kaikunane hana maikai. He hilahila paha oe iaia?

 

O kona mea nana i hoopakele! Ka!

 

"Mahalo au ia oe, no kou kamailio pololei iaia, peia," wahi a'u i kamailio aku ai. "Me he mea la, ua manao oia aohe pono ke honi i ke kaikunane e hana maikai ana iaia, e like me a'u.

 

:Alaila, e i mai ana oe, aole au i hoike aku i ko'u hoomaikai ia oe no kau mau hana maikai no'u," wahi a Olino i hoopuka koke mai ai, me ke ano okalakala.

 

"Aole au e kakoo aku ana i na olelo a ko kaua 'mama' i hoopuka mai nei e piliiana i kou hana ano e la'u. Aole i like ko'u manao me kona."

 

"Ua like ka hoi kau mau olelo me ka mea e i mai ana, he elua ou ano. Ma kekahi ana, he hoike ana mai i kou paulele maoli la'u ma na ano a pau; ma kekahi ano hoi, he koekoe loa na! "wahi a Olino i hoopuka mai ai.

 

Pii koke ae nei ko Olino ula i keia mau olelo, a i mai nei:

 

"He mea pono ke akahele loa ka lawe lawe ana aku o na kaikunane."

 

"Akahele! Heaha ke ano o kau olelo Olino? Peha e hiki ai ia oe ke aloha ia Alexis me ke akahele?"

 

"He oi aku ka nani o ke aloha i ka wa kaana pono ia ai "wahi a'u i pakui uku ai, me ke kokua ana ia Olino; eia @e, ua huli koke mai la o Olino a hoopuka mai la i keia mau olelo oolea:

 

"Alaila ua makemake maoli oe e lilo kaua i mau mea hooipoipo wale iho no, me ke ano ole?"

 

"He mea paakiki loa no'u ka hoike ana aku i kekahi ano okoa ae, i ko'u aloha oiaio nou. Pehea no la e manao @oe, e hiki ke kanalua ke kumu iloko @ no ko'u aloha ana?" wahi a'u i @ane aku ai.

 

"He kaikunane kupanaha maoli no oe @na hana "wahi ana i hoopuka hou @ai ai, me ka mino aka ana.

 

"Ina paha he kaikuahine ko kahi mea @ike me oe, ina ua oi loa aku ka pipili o ke aloha mawaena o ke kaikunane a me kona kaikuahine."

 

"He oi aku no hoi oe o ka paakiki @ kou manao," wahi a Olino, me ka he@ ana o kana aka.

 

@ nei au i kou kamailio @kia, e Alexis" wahi a ua 'mama' @. "Aole loa au e kokua ana @ hana hunahuna. He aloha no @ ia oe aohe nana i kana huna@ wahi iho no i kou wa maanei." Mamuli o keia mau olelo, ua nui ko maua aka i ka luahine. No ko maua akaaka paha, ku ae nei kela a hel@ ma lumi okoa.

 

"Ua maopopo pahaiaia? wahi a'u i ninau aku ai; aoole nae i loaa mai ka pane. Hole mai nei o Olino iloko o ko'u mau lima a puiki ia'u.

 

Aka, aole au i hele mai no ka hooipoipo, oiai, nae he mea oluolu no ka naau, ka loaa ana o kahi mea e honihoni ai. O ka oi loa aku nae, ina he mea u'i e like me keia. A liuliu iki, hoomaka aku nei au e kamailio me ke kuoo, no ka mea, ua ike au, aohe pono o ka hoopau manawa wale iho no, ma na hana kupono ole.

 

Kamailio mua aku nei au no na mea a pau i kamailio mua ia a he hookale ana mea i akaaka loa ai, me ka noonoo ole ae i ke kulanakoikoi o ko maua ana iloko o keia wa. Oia no ka mea e pili ana i ke kane koikoi a ka Prince Rilabasofa i makemake ai na Olino.

 

"Auwe! he kane hou no ka keia:" wahi a Olino i hooho mai ai me ka pahenehene. "He mau hana ku maoli keia i ka hoouluhua, kaikunane, ipo, a he kane mai hoi keia. Me keia e@" aole @ae i hoopau mai i keia manao.

 

"Ehia ka nui?"

 

"Aole au i manao, ua ike au. Malia paha, he elua a ekolu, e like me ka kaua no e helu iho ai. Oiai  hoi oe, he kaikunane no'u, he elua no paha. Ina aole, ekolu."

 

"Ina, he wahi olelo loli wale kena. He kanalua ko'u, "wahi a a'u, me ka luli ana o ko'u poo, "aole paha e pono ke heiu ia."

 

"Pela io no paha, ina pela, aole no paha kekahi mea e kupono aia," wahi a Olino @ pane mai ai. "I kamailio mai @ela, i puka aku ka'u olelo hoola."

 

@ uka wale aku nei au, i mea e iau ai o ko'u mau manao kuhihewa." wahi a'u i hoopuka aku ai. Ma keia wa i @maka maua e kamailio no na mea e ae.

 

"He hookahi no mea nui a'u e noonoo nei, wahi a'u mahope iho o ko'u pono ana aku i na mea a pau. "He wahi manao paakiki, aka, @a@ e pono nae oe e hooko. He mea pono nou, e hele mua oe..."

 

Aole au e ae e haalele ia Mosekao nei, ke noho oe, "wahi ana i pane mai ai me ka ha'uha'u ana.

 

"Ke noi aku nei au ia oe, e noonoo pono oe i ko kaua pono. He mea pono no ke hele, i  hiki ia oe, ke hoao mai e puka aku au mawaho o keia wahi."

 

"Ae, no ia ae au. Aole nae no kekahi kumu e ae, "wahi ana i pane mai ai.

 

He mea pono loa e hele. Penei: ko'u manao. Aole e hiki ia kaua a elua, ke hele like. Eia kaua i ka piko kaena o Rusia nei, a ina kaua e hoao ana e haalele like, alaila, aole loa kaua e hiki ana ma na palena o keia aina. He mea paakiki loa ka oili ana aku mawaho me ka loaa ole i na kiu e hoomakakiu nei ia kaua. He nui a lehulehu wale na akeakea e hoea mai ana, ma ko kaua ala, ke hele like. Aka, aole loa kekahi akeakea, ina oe, e holo hookahi ana a ina, e loaa ana ia'u kou palapaia ae, (passport) ke manao nei, au, aole ioa kahi mea e ike ana, ua hele oe, a hiki i kou kaa ana mawaho o na palena o Rusia. No'u nei nae, he mea paakiki loa ia. Eia ke kau mau nei na maka o na kiu ekolu maluna o'u. Ko ka Prince Bilabasofa, ka poe Nihilisi, a me keia wahine ino, o Paula Tueski. Ua ike au, he pohihihi loa ke aia e hiki ai ia'u ke aio ae i ka makaala o keia poe ekolu. Aka, he wahi manaolana iki nae ko'u, he hiki no ma ou ia."

 

"A pehea?" wahi a Olino i ninau koke mai ai, oiai, ua piha oia i ka manao aloha no'u, a ua aku nui oia e pakele like maua mai keia mau papilikia he lehulehu mai.

 

"He hoaloha ko'u, o Mr. Bariestier: ua lohe no hoi oe nona ka Hon. Rupert Balestier. Ua ike oia i ko kaikuahine i Parisa, a ua hoohuoi oia no kekahi mau hana kolohe. Ina oe e huli a loaa oia, hoike aku i na mea a pau, me na pohihhihi a pau, a ke manaolana nei au, aole loa oia e hoomaha ana a hiki i ka hoomaopopoia ana o keia mau hana a pau. Malia hoi, ma ono la e loaa ai na kokua ana a ke Kuhina o ko na Aina E o ko'u aupuni, a ua ike no au, aole loa oia e hoomnaha iki ana ahiki i ka haawi ana mai o kona mau hoaloha i na kokua ana no'u. Me keia ka'u a'o ia oe. E holo pololei oe i Parisa: imi a loaa oia, alaila hoike aku i na mea a pau. Ia wa hoi a'u e kali ana, ina aole au e kaawale mai keia wahi aku, alaila, e hoolaiau no au i keia poe enemi hou o'u, a hiki i ka loaa ana mai o na kokua ana mamuli o kau imi ana."

 

"He oi aku ka hoi keia o na pohihihi koikoi maoli no. Mihi maoli au no ko'u ume ana mai ia oe iloko o keia mau hana hoohihiia, e Alexie," wahi a Olino o kamailio mai ai, me ke kaumaha.

 

"Ina no he mea kuaiia keia mau pohihihi a pau, me keia mau haawina i loaa ia'u, ina no ua kuai au, me ka nana ole i kona kumukuai nui." wahi a'u i hoopuka aku ai, me ka lalau ana i kona lima a honi. "A i ko kaua wa e hui hou ai mawaho aku o keia mau palena, alaila, o ko kaua wa ka hoi ia e olioli ai."

 

"Ae, i ke wa hea?" wahi ana i ninau mai ai, a ma kona leo au i hoomaopopo aku ai, ua piha maoli no kona naau i ke kaumaha no keia kaawale aku no ka wa i maopopo ole ia maua.

 

I ko maua wa e hui ai, he mea kaawale loa ka luuluu mai o maua aku a e piha mau ana ka maua mau kamailio me na olelo hauoli a ku no hoi ka hoolana manao. Mamuli o ka molaelae loa o na mea i ikeia i keia wa, pela no maua i ike iho ai i ka maikai maoli no o na mea o mua, me ka nana ole i ka hopena.

 

Ia'u me Olino, ua piha loa au i na ma nao mama, aka, i ko'u wa i kaawale mai ai, ua hoopiha hou ia iho la ko'u naaau me na manao luuluu a kauamaha no hoi, a la'u e noonoo ana i keia mau mea a pau iloko o ko'u keena, ua hoopuohaia ko'u maluhia mamuli o ke komo ana mai o kuu kauwa hou, me Paul Tueski mahope o kona kapuai.

 

"Aole oe e hele ae i kuu wa i hoouna mai ai ia oe, nolaila, kipa okoa mai nei au, "wahi ana i olelo mai iaia i komo mai ai. "Aole loa ou wahi mea a ikeia ae. Malia paha, no ka loaa o kou poe mai a maka koikoi hou."

 

"Makamaka koikoi? "Wahi a'u i hooho ae ai, me ka nana pono ana aku iaia.

 

"Ae. Ua lohe mai au he oluolu loa kou launa ana me kekahi wahine koikoi.

 

"Ae, me ka Princess Welekehulani ae?" Wahi a'u i hoopuka aku ai me me ka hehe o ka aka.

 

"Kani hoi paha ko aka, no'u la, aohe hoihoi i kau mau hana," wahi a Paula i pane mai ai.

 

'Malia peha no kou kanikau ke kumu wahi ana i hoopuka mai ai me ka oka-' lakaia maoli no. "Makemake au e maopopo i ke ano o keia makamaka hou ou."

 

"E kapa no oe e like me kou makemake. Aole loa a'u pili iki i keia, aliiwahine." wahi a'u i pane aku ai, me ka noonoo nui ana i ko'u manao maoli, me ka nana ole i na mea e ae.

 

'Aole loa no ia mea e hiki mai ana? wahi ana i ninau mai ai.

 

'Aole loa no, pela ko'u manao," wahi a'u i pane aku ai

 

Aole nae i manaoio mai ua wahine nei i ka'u, a pela no kona helehelena i hoike mai ai i kona kanalua. Ku ae nei oia iluna a hele mai nei a kokoke, me ka nana pono ono mai o kona mau maka ia'u me he mea la, e upi ana i na oiaio maloko o ko'u mau onohi."

 

"Ea, no ke aha kou mea e koekoe loa nei ia'u? Aohe au mau wahi olelo oluolu ike, aole no hoi he wahi hiohiona ike o ka maikai. He ole loa no Me he la ka hoi he wahi u'a au no ke alanui ia oe. O oe ka hoi o ka mea i maa i ke kolo ma kuu mau kapuai e pelo ai, i keia wa, he oi aku a ka hookiekie loa. O ka nana mai la ia ia'u me ka hoowahawaha! E hoohiki mai oe, aole ou aloha i keia Aliiwahine?

 

"Heaha ae ni ka hewa oia."

 

Eia nae hoi, he waiwai ole no ka hoohiki, oiai, aohe ahi, aohe no he make a he hookahi no make, o ke koekoe o ke kino i ka uhane oie. No ke aha kou mea i lilo ai? Ke noonoo nei paha oe e mare i keia wahine?"

 

Ina e kali oia a hiki i kou wa e makemake ai e mare iaia, ailia, e kali ana oia a poohina, aohe o'u kau e mare ai iaia, "wahi a'u i pane koke aku ai.

 

"Heaha kou mea pane ole mai Ae a aole i ka'u mau ninau ia @?"  wahi ana i ninau mai ai me ka huhu maoli no. "Ke manao nei anei oe e mare i keia wahine?"

 

'Aole. 'Pehea, ua lawa aku la paha la pane?"

 

'Me he mea la, e hookamanai mai ana oe ia'u. Ua ike no oe i ka'u mea a hana aku ai ia oe, ina au i manao, e hoao ana oe e wahahee ia'u?"

 

"Oia ka'u e manao nei, ua maopopo no ia'u," wahi a'u i pane aku ai. Maila paha, o hele aku no hoi oe ilaila i kekahi auina la no ka aha inu ti, a ia wa e noke aku ai i ka ahiahi i na mea a pau a kaua i hana ai e like me kau i olelo mai ai i kela mau la aku nei. U-uluhua no paha au i keia mau olelo hou weliweil au e Paula. Ua hele ka hoi a a kohu kiko o ka pu i hele a paapu i

(E nana ma ka aoao 2.)

 

 

THE DOCTORS WILL HAVE TO SEEK OTHER CLIMES

 

LEGISLATOR'S RESORT

WHITE ROOSTER INN

KANU

COME IN

LINCENSE

KAHUNA

HORSE SHOE TAVERN KAHUNA

SPECIAL RATES TO LEGISLATORS

TERMS CASH

KAHUNA ANAANA                       MAKE WIKI

J. KILOKILO             EXPERT KAHUNA

OFFICE

WELA-KA-HAO

OVER-THE-PHONE

HELLO KAHUNA

COME TO THE LEGISLATURE

WIKI WIKI

OPERATING ROOM, KAPU.

R. YARDLEY

 

EIA UA KII NEI!

Ua Hoohalikeia ka Lahui Hawaii e ka "Advertiser" me na Lahui Aikanaka o Aferika Hema. o neia iho la ka hopena a na haole hookae Hawaii e haua nei.

 

E NANA I KA MANAO PEPA MA KA AOAO ELUA.