Ka Nupepa Kuokoa, Volume XXXIX, Number 14, 5 April 1901 — Wi i ka Poi. [ARTICLE]

Wi i ka Poi.

Ha mea kaumaha ke noonoo ae l ka wi maoli o ke kaona nei a me na kua.r aina i ka poi. Nui ka popo oke kaio i keia mau makahiki, a oia kekahi kumu nui nana c hoonele nei ia kakou, ka lahui Hawali, i ka kakou ai maa. Nui na kanaka e hoohuihul nei i ka poi maoli me ka poi palaoa. i emi iki mai ai hoi ka iilo, a i lawa pono nohoi ka ohana me kahi loaa uuku o ka pule. O kekahi kumu plUkia no o kakou oia no ka paulele loa a na ka Pake e hana mai ka ai. ka mea e ola. ai. Haalele aku'nei kakou a na ka poe Ike ole i ka malama ana i ke kalo e kanu mai ka ai. Nui na kanaka e auwana hele nei ma na alanui aohe hana, i na lakou i hele e kanu kalo me nei ua loaa ka ai a ola ka ohiuia, ola pu me ka iahui. Aōle oia wale aka, he nui ke kapuluia o ka ai e na Pake, aole i like ka maemae o ka iakou hana ana e like me ka kanaka, ka poe nana e ai ka ai. He pono hana no ka ka Pake 0 ke kala ka mea nui. He haole ike kekahi e hana nei no ke Aupuni a me na mahiko i ka imi ana i na holoholona liilii nana e hoopoino nei i na mea kanu, a me na holoholona i hiki ke pepehi a pau 1 ka make. Ina paha e kauoha ka AH&oIelo iaia e imi pono i na kumu e popo nel ke kalo, a e lmi i man mea nana e hoopau 1 keia piiikia, manao makou e h(si ana ke kalo a pomaikai no hoi kakou. O ka pahu kanahiku-kumamalima keneta mamua ua pii aku nei a i ka hookahi a elua dala. Aole oia wale no, aka, ua hanaia ae ka pahu a olowi a he uuku kahi walwal 10. Pii ka poi pii pu me ka i'a. nui ka poino. Mamua he nui ka poi ahe nui no ho\ ka i'a aka, i keia manawe ke aneane nei e nele kakou i ka mea al. E ala e na Hawaii a nana i kou ola, kou pono, kou ikaika. Ha&lele na hoouiui ana, a iho iloko o na loi a kanu 1 ola nou a me kou ohana. Imi 1 wahi e hiki al ke kanu kolo. Hooikaika ma na ano a pau oial eia kakou ke hakoko nel me na UAui like ole, o ka molowa ka make a o ka hana ke ola.