Ka Nupepa Kuokoa, Volume XXXIX, Number 22, 31 May 1901 — Nu Hou Kuwaho. [ARTICLE]

Nu Hou Kuwaho.

Huhu a pepehi ia a make kona kahu e kekahi Elepani hanakeaka ma Peru, Amerlka Hema. He kaa Otomobila ko ke poo o ka puali kinai ahi o Kapalakiko e hele ai e kinai I ke ahi. Ua kuai ia aku he $2,000,000 waiwai 0 ka hui Hana Kila o Amerika i na haole waiwai o Pelekane. Ua poho ae kekahi moku me 200 kanaka a ua pau loa lakou i ka make mawaho mai o Tureke. Ua pepehi ia a aneane e make kekahi kanaka mahi ai o Indiana, a lawe ia he $6,000 e na powa. E male ana o Marconi, ka mea nana 1 imi ka Telegalama uea ole ia Miss Hollman o Idianapolis. Ua wehe ia a humuhumu ia ka puuwai o kekahi kanaka ma St. Louis, a eia no oia ke ola nei. He eha kahunapule„ ehiku waliine me hookahi haneri keiki liilii i pepehi ia e- na Uikini ma Brazl. Aneane e hiki i na moku ke lawe ina ohua i ka lua eli kula ma Alaska. Kokoke e pau ke anu nui loa. Ua kaawale ke Duke me ke Duke wahine o Marlborough no kekahi mau mahina loihi a ua hoi hou laua a noho pu. Ua hoao ia e hanai kekahi paahao Denver I ka laau make ma ka hamo ia ana o kana mea ai me kefa laau make. Ua komo ae kekahi mau poa a hoopahu ia ka pahu hao o ka Banako ma Ohaio, Amerika, a lilo aku he $I,GOO. Ua noi aku ke komikina Pake o Nu loka e hoao na Pake e hoopau i ke ano o ka wa kahiko. a e hoohalike me na haole. Ua aneane e hu ka wai o kekahi loko wai nui ma Amerika. Ina e hua an e poino ana ka kulanakauhale kokoke i laila. Ua mare o Percy Rockefeller ia Miss Isabel Goodrich Stillman i ka la 23 o Aperila. He $50,000,000 ka waiwai io o keia haole.