Ka Nupepa Kuokoa, Volume XXXIX, Number 23, 7 June 1901 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, IUNE 6, 1901.

 

HOOLAHA KUMAU.

 

Ka Hui Alahao ame Aina o Oahu

Mahope aku o Ianuari 1, 1901.

Manawa Holo

 

WAHI HOOLULU.

Mai Honolulu aku,

Waianae, kaa huikau na la apau koe ko Sabati.

Waialua, kaa ohua, na la apau.

Waianae, kaa ohua na la apau.

Wili o Ewa

                        A.M     P.M    P.M.    P.M.

Honolulu         7:1       3:10     5:10     5:10

Hanana           8:0       3:43     5:50     5:50

Wili o Ewa      8:@7   4:08     6:10     6:10

Waianae          9:2@   4:43     ----       ----

Waialua           ----       12:00   ----       ----

 

WAHI HONOLULU.

Mai waho mai ai Honolulu.)

Wili o Ewa, ka ohua, koe ko Sabati

Waialua, ka ohua, na la apau.

na la apa aa huikau a @, koe ko sabati

Waialua kaa ohua na la a pau

Wili o Ewa kao ohua

                        A.M     A.M.    A.M.    P.M.

Waialua           ----       6:12     ----       2:39     ----

Waianae          ----       7:12     10:09   3:55     ----

Wili o Ewa      5:50     7:47     10:59   4:32     2:45

Manana           6:15     8:07     11:3                 1:10

Honolulu         6:50     8:40                 @:26   1:45

G.P. DENISON, Luna.

F.C. SMITH, Luna Kuai Palapala Ho

 

LYLE A. DICKEY

mai na Mokupuni mai.

@ hookoia na hana pili kanawai apa@

Kihi o Alanui Betela me Moi. Pah@

 

Metropolitan Meat Co

(Hui Kuai Pipi Metropolitan.)

G J. WALLER, (Wala)-Luna Na

108 Alanui Moi.

Poe Kuai a Hoolako i na Moku

me

na lo Pipi, Hipa a pela’ku,

E loaa mau ana na Manu ame na @

mano i hoohu`ihu`iia iloko o

ka Hau.Makepono ke Kuai i na i’o Pipi maa

nei

TELEPONA HELU @

2786-ti

 

Ka Ayer Laau Kunu

No ke Anu, Kunu, Ma`i ma ka Puu. Puu Eha, Anu ame ka Ma`i Ai aka hoomaka hou.  Aohe lua e loaa ai @a Laau Kunu a Ayer.  O keia ka laau kunu kaulana loa i ikeia ka hololoa o na lapaau ana maloko o ka Oihana Lapaa, a ua apono loa na Kauka lapaau ma kela ame keia wahi.  E hoomah@a@ ana ia i ka aai ana i ka pale lahilahi i pili aku ai ka ma`i, wawahi i ka male paakiki e kunukunu a e maneo ai ka puu, hoopau i ke kunu ana, a loaa hoi ka oluolu.  Ma ke ano laau pale pilikia kokoke loa noloko o ka ohana o ka AYER LAAU KUNU ka helu ekahi.  Aohe lua o keia laau no ka hooa ana i ke Kunu Ho, Kunu Kalea, Puu Eha, ame na ma`i apau o ke Ake-mama i loohia mau ai ka poe opiopio. Aohe ohana i palekana, ke ole e loaa ia lakou

 

KA AYER LAAU KUNU

--OIA HOI—

KA AYER CHERRY PECTORAL,

i homakaukauia e

DR. J. C. AYER & CO.,

Lowell, Mass., U. S. A

 

E makaala loa no na laau hoohalike-

like kumukuai emi.  Ka inoa o keia

laau, oia ka AYER CHERRY PEC-

TORAL. E ikeia ana keia inoa ma-

waho o ka wa-hi, a maloko nohoi o ke

kino o kela ame keia omole.

 

Ke pookela o na laau no ka malama

ana, ka hooulu ana me ka hoo-

nani ana i ka lauoho, oia ka

Ayer Laau

Hooulu Lauoho.

Aole e kepia ke po, ola na ma`i puu-

puu.  aole hoi helelei ka lauoho.  Ina

maloohaha mai ka lauoho, hinawe-

nawe a ano hina mai, alaila, na keia

laau e ho`iho`i hou ae a kona ano mua

a hooulu lupalupa ae la i ka lauoho.

Ma na wahi apau, o keia Laau Hooulu

Lauoho a Ayer ke pookela, a ua like

ia i punahele a i hoapili no na @

ame na keonimana.

 

Ayer’s Hair Vigor

i homakaukauia e

DR. J. C. AYER, Lowell, Mass., U.S.A.

 

Na Medela Gula mai na Hoikeike Nui o ka @

 

Hollister Drug Co. Lt.

Na @ ma ka Paeaina Hawaii

 

Rudolf Rasenedile

Ka U`i Nana i Kaili ka Puuwai o ke Kaikamahine-alii

KA MEA HOI i HOOPAAHAO IA MA NA PAIA ANUANU O KA HALEPAHAO O ZENDA.

 

i ko kaua haalele ana e kuu makamaka heluhelu i na ipo hoonanea a kaua i kela pule aku nei e kukuli ana ke kaikamahine alii Flavia ma ka aoao o kona moe e uwe ana hoi no ka mea ana i aloha ai ame kona makuahine aloha.  E noho ana o Mikela iloko o kona lumi e aka malu ana hoi no ka holomua o kana mau hana a pau i hana ai.  Ua maopop loa iaia e lilo ana keia u`i i wahine nana oiai aia oia malalo o kona mana i keia manawa.

Ua hooholo oia e lilo iaia keia wahine ma na ano apau.  Ua oi aku kona minamina iaia mamua o na mea a pau.  No ka Moi hoi o Ruritania ua hiki aku oia mawaho o ka Hokele a e kapalili ana kona puuwai no ke kokoke i kahi o kana ipo e noho mai ana e kali iaia.  Aole loa oia i ike aia kana me ai aloha ai malalo o ka mana o ka puuwai elele o Mikela.

            Ku iho la oia mawaho no kekahi manawa loihi a noonoo iho la i kana mea e olelo aku ai i kana mea i aloha ai i kona wa e komo aku ai iloko o ka hale.  Ua makemake loa oia e noi aku iaia e lilo i wahine nana aka ua maka`u loa oia o hoole ia mai kana noi a o ka lilo no ia o kona mau makemake i mea ole.  Aole i maopopoloa iaia ke aloha ame ke aloha ole o keia u`i lua ole iaia aka e hoao mua ana oia e ike i kona aloha mamua o kona noi ana aku iaia.  Makemake loa oia e loaa mai ka haina i keia po, ina e hoole ia mai ana kana noi ua lilo keia ola ana i mea ole iaia.  Hele koke oia a pee iloko o ke kuahiwi a malaila oia e noho ai a hiki i ke kii ana mai o ka makua mana loa i kona ola a lawe aku.  Ina hoi e ae ia mai ana kana noi e hoao ana oia ma na ano apau e like me ka mea hiki iaia e hoohauoli aku i kana wahine.  Ina no e hoi mai ana ka Moi oiaio o Ruritania a lilo ia i mea na kana wahine e hoowahawaha ai iaia ua hiki no, aka, aole oia i makemake e hai mua aku iaia o lilo ia i kumu hoole mai nona.  Ua manao oia e hai aku iaia mahope o ko laua male ana a ina no hoi e huhu mai ana ua hiki no.  O ka lilo nua ka paha iaia o ka hanohano o ke male ana i keia kaikamahine u`i oia wale no ka mea nui loa i kona makemake.

            i ka pau pono ana o kana mau hoolala ana ua hele aku la oia me kona puuwai e pana awewe ana a ku mawaho o ka puka o ka lumi o kana mea i aloha ai.  Haohao loa oia i ka mehameha.  Kikeke aku la oia i ka puka aohe leo i pane mai.  Kikeke hou aku la no oia a aohe no he pane ia mai o kana kikeke.  “heaha la hoi kela” Ua hoowahawaha ka paha oia ia`u a ua pau kona makemake e ike mai ia`u.”  Iho aku la oia i ka lumi o ka luna nui o ka Hokele a ninau aku la ina ua ike oia i kekahi mea i pii aku iluna o ka lumi o ke kaikamahine.  Olelo mai la ka Luna nui o ka Hokele ua ike oia ia Mikela i ka pii ana a komo iloko o ka lumi a aole oia i ike i kona puka ana mai.

            “A-ha, ua lilo aku la ka mea a`u i aloha ai i keia Mikela.  Ua hoike aku oia aole owau ka Moi oiaio aka he kuewa ma keia aina malihini.  Ua lilo na kaula nana e paa nei kuu puuwai a aneane e mokumoku mai a halalei.  Ua lilo ko`u mau manao hauoli i hele mai nei i mea ole.  “E hele aku no au iloko o keia ulalaau e poai puni mai nei i ke kulanakauhale a malaila au e hoike aku ai i na manu o ka lwea i ka ehaeha o ko`u puuwai.  Malaila au e uwe aku ai imua o lakou a malia o lohe mai lakou i ko`u leo uwe a lawe aku ia leo i ka me a`u i aloha ai a hawanawana aku ma kona mau pepeiao.  Malia o lawe aku ka makani aheahe malie e pa mai nei a honi aku i kona mau papalina palupalu a hoike aku iaia aia iloko o keia ululaau kekahi puuwai i aneane e naha me ke aloha nou.  Malia o aloha mai oia ia`u a imi mai a loaa au iloko o ka ehaeha.  Oh, my Flavia, my Flavia.”

            Makemake aku la oia e pii hou iluna o ka lumi a ku aku imua o keia Mikela ame kana mea i aloha ai a ninau aku ia laua i ka manao o ka laua hana, aka, ma kona ano he keonimana ua hooholo iho la oia aole ia he hana pono nana e hana ai.  He nani no ia ua makemake ole ia maila no ia o ka mea maikai loa ana e hana ai oia no kona hoi ana aku a noho malie.  Malia o ike iho keia kaikamahine i ke ano o keia kanaka apau ae kona makemake iaia, alaila hele hou aku oia me na kuli pelu imua o kona alo a noi aku e aloha mai iaia ae ae mai hoi e lilo i lei nana no ka manawa pau ole.

            Iho aku la oia i ke alapii me he kanaka i moe i ka ma`i no kekahi manawa loihi ka nawaliwali.  Kulou iho la kona poo.  i kona hiki ana aku i kahi akona lio e ku ana paa aku la oia i ka hulu a-i o ka lio, a ike mai la kona lio e uwe ana ua ne mai la kona lio e like me ka mea mau o na lio i malama maikai ia e ko lakou mau kahu.  Ku iho la oia malaila no kekahi manawa loihi.  i ka pau ana o ka uwe ana ua kau ae la oia maluna o kona lio a hoi aku la no kona lumi me ka puuwai kaumaha.  i kona hiki ana aku i kona hale nani e ku mai ana kona mau hoa oia hoi o Konela Sapt. ame Fitz.  Ike mai ia laua haku a olelo ae la kekahi i kekahi ua hakaka mai nei hoi ka haku o kaua me ke kaikamahine alii.  No ka nui wale mai no keia o ke aloha.  Poor Rudolf!

            Lele mai la oia mai kona lio mai a hoi pololei aku la i kona lumi me ka pane leo ole mai i kona mau hoa.  Makemake kona mau hoa e kamailio aku iaia aka ua maka`u laua i ka hoonui loa aku i kona kaumaha.  Ua oi aku ka maikai e noho malie a pau iki kona kaumaha alaila hoopaani aku iaia.  Hoi aku la ka kakou koa aloha a kukuli iho la ma ka aoao o kona moe a noi aku la i ka Makua Mana Loa e hoomama mai i kona kaumaha.  E hoopau ae i kona aloha pupule no keia kaikamahine i aloha ole iaia.  E hoihoi hou mai i kona ikaika i hiki ia iaia ke hakoko aku me na kaumaha o mua.  Noi aku la oia e malama ia kona ohana ma kahi mamao a uwe helu aku la oia i mua o ka Makua Lani.

            E haalele ae kaua e kuumakamaka heluhelu a e hui ae kaua a nana i ke kaikamahine alii me Mikela.  i ka pau ana o na mea a pau e like me ka ua Mikela nei i makemake ai ua hoi aku la oia ma kona lui e hoouolu ai.  Mahope o ka pau ana o ka uwe ana a ke kaikamahine alii ua haule iho la oia i luna o ka papahele a moe aku la e like me ka moe ana a na bebe mahope o kekahi uwe ikaika ana.  i ka wanaao ua puiwa oia i kona lohe ana aku i ke kani mai o ka puka o keia pa hao ona e hoopaa ia nei.  Ua ala koke ae la ua kaikamahine nei a noho iluna a nana pono aku la i keia mea e komo mai nei iloko o kona wahi i ka wanaao nui.  Ike aku la oia aole he mea okoa aka o Mikela no, ka mea ana i hoowahawaha ai Kulou koke iho la oia ilalo.  Komo mai la ua Mikela nei me ka mino aka ma kona mau papalina huluhulu.  Nana mai la oia i ka u`i lua ole o keia kaikamahine i like aku me ka mohaha maikai o kekahi pua loke nui i mohala mai i ke kakahiaka.

            “Pehea oe i keia kakahiaka e kuualoha?”

            “Owai kau aloha?” wahi a ka kakou lei aloha.

            “Ooe nohoi paha.  Heaha hoi kou mea i moe ole ai iluna o ka moe?  Nana mai nei au ia oe iluna oe o ka papahele kahi i moe ai.  Mahope oe loaa i ke anu.  Aole pono oe e hana hou pela.”

            “Ua oi loa aku ka maikai ina au e loaa i ke anu a hiki i ko`u make ana mamua o ko`u noho ana iloko o keia halepaahao a imua hoi o kou alo e kena kanaka hohe wale.  Lawe mai oe i ko`u kino wahine malalo o kau mau hana hoopunipuni a hoopaa oe ia`u ma keia wahi e like me na holoholona ahiu.”

            “Aole oe e hoopaa ia ma keia wahi ina oe e olelo mai e lilo oe i wahine na`u i keia hola.  Ua ike no oe ua aloha au ia oe a aole loa au i lawe mai ia oe ma ke ano huhu aka i lawe mai au ia oe ianei i hiki ia`u ke a`o aku  ia oe e aloha mai ia`u.  i kou wa e ike ai ua aloha oe ia`u a e ae ai oe e lilo i wahine na`u o kou wa koke no ia e hookuu ia ai mai kena wahi mai.”

            “Ae aku e lilo i wahine nau?  Aole loa au e ae aku ana e lilo i wahine nau a hiki wale no i ko`u hoi ana aku i ko`u lua kupapau.  Ina oe i manao ma kou hoopaa ana ia`u ma keia wahi oia kou mea e ae aku ai e lilo i wahine nau ke olelo aku nei au ia oe ua hewa loa ia manao ana ou.  Aole au e ae e lilo i wahine nau a hiki i kou pepehi ana mai ia`u a make.  O ku`u kino make paha ke ae aku o lilo i wahine nau aka aole o kuu kino ola.  Hookahi wale na mea ma keia ao i hiki e lilo keia puuwai iaia, a oia mea oia no ka Moi o Ruritania.  Aole au i aloha iaia no kona Moi aka no ka maikai o kana hana aole e like me oe e kena kanaka puuwai eleele.”

            “Ke manao nei paha oe ua piha ko`u puuwai i na hana lokoino, aka aole oia ka oiaio.  Ua piha ko`u puuwai i ke aloha nou a oia aloha ka mea nana i kauoha mai ia`u e hana aku e like me ka`u i hana aku nei.  O keia kanaka au e aloha nei aole oia no Ruritania nei aka he kuewa oia mai ka aina e mai e noho nei ma kahi o ko`u kaikuaana me ka maalea o ka nahesa.”

            “A aia i hea ka Moi oiaio kou kaikuaana e like me kau e olelo mai nei ia`u”

            Ia manawa ike iho la ua Mikela nei ua hewa loa kona hoike ana aku i keia mai mea i ke kaikamahine no ka mea aole oia i makemake e ike ia kai e hoopaa ia nei o ka Moi pololei o Ruritania.  Hoolalau koke ae la oia ma ka olelo ana i kekahi mau olelo okoa ae.”

            “He mau mea ano ole wale no ia o ka mea nui wale no kou aloha mai ia`u e ku aku nei imua ou me ko`u puuwai i piha i ke aloha nou.  Ae mai oe e lilo i wahine nau a hookuu koke ia oe mai keia wahi aku i keia hola ano.”

            “E kii mua aku oe ia Rudolf i keia manawa a lawe mai imua o kuu alo i ike aku au i kona mau helehelena, a mahope aku oia manawa alaila hoike aku ai i ko`u aloha ame ko`u aloha ole papa ia oe.”

            Ua hoao aku la ua Mikela nei ma na ano apau e lilo keia kaikamahine iaia aka ua ike iho la oia ua like me ke kamailio ana aku i ka puu pohaku e aloha mai ia oe.  No ka nele o kana mea i makemake ai ua hoi aku la oia me ka huhu.  i iho la oia iloko ona e hoopaa ana oia i keia kaikamahine malaila a hiki i kona ae ana mai iaia.  Hoi aku la oia no kona lumi.  Pani mai la i ka ipuka o ka mea ana i aloha ai a o kana paahao hoi laka mai la i ka puka a hoi aku la no kona lumi.  Noonoo nui iho la oia no na mea i hala.  Ua olelo mai keia kaikamahine iaia i kela po ana i lawe malu mai ai iaia e hele mai ana ka Moi e eke iaia.  Ina ua hele aku nei oia i ka hale a ike aole keia kaikamahine iloko e hoomaka koke ana oie e huli a hiki i ka loaa ana a e lilo ana keia i mea pilikia nona.  Noonoo nui iho la oia i kona kumu e pakele ai mai keia pilikia aku a mahope o kekahi manawa loihi ua ike iho la oia i kana mea e hana ai.  E kakau ana oia i kekahi leka maikai i ka Moi e hoike aku ana o ke kumu i hoi koke ai oia i kela po oia no ka loaa ana mai o kekahi Teletalama e hoike mai ana ua ma`i loa ia kona makuahine.  No ka loaa ole o ka manawa e hoike aku ai iaia ua hoi koke aku oia me ka ike ole mai i kana mea i aloha ai.  Hoike pu aku la oia aole e huli aku aiaia o ike mai kona makuahine a lilo ia i mea huhu loa nana, o ka mea kupono wale no ana e hana ai o ke kali a hiki i kona hele hou ana mai i ka manawa e oluolu ai o ka ma`i o kona makuahine.  Hoike mai la oia i ka nui o kona aloha no ka moi me ka mahalo pu ana mai i ka nui o kona lokomaikai ame ka paalula.  Kakau o Mikela i keia leka me ka maalea nui.  Penei ua leka nei:--

            I ka mea Hanohano ka Moi o Ruritania,

            Aloha nui loa oe:--Ke haohao mai nei paha o e i ke kumu o ko`u haalele wikiwiki ana aku i kou aina a hoi mai no ka home nei.  i mea e maopop ai ia oe ke kumu o ko`u hoi koke ana mai ke kakau aku nei au ia oe i keia mau wahi lainapokole.  E noho ana no au ma ka puka aniani o ko`u lumi e kali ana ia oe hiki mai ka lohe ua Telegalama mai ko`u makuahine e hoi koke mai no ka home oiai ka ma`i loa ia oia a aole i maopopo kona ola a me kona ola ole.  Ua nui loa ia ko`u kaumaha oiai ua maopopo loa ia`u e hiki mai ana oe ia po.  Kakau koke au i keia leka ia oe e hai aku ana i ke kumu o ko`u hoi koke ana mai.  Ke hoike aku nei au mai ka papaku o ko`u puuwai ua aloha au ia oe.  Mai hoao oe e hele mai e hui ia`u a hiki i ko`u hele hou ana aku i Ruritania oiai aole au i makemake e lohe o mama.  kali oe me ka hoomanawanui a hiki i ka oluolu maikai ana o mama alaila hele aku au e ike ia oe.

            Owau iho no,

            Kau kauwa haahaa, Flavia.

            Lawe aku la ua Mikela nei a hoike aku la i keia leka i ke kaikamahine alii me ka olelo pu ana aku aole loa e hui ia mai ana oia.  E kali ana ka Moi a hiki i kona hoi ana mai.  Aole loa oia e hoi hou aku imua o ka Moi a hiki i kona ae ana e lilo i wahine na ua Mikela nei Nolaila o ka mea kupono wale no e ae mai e lilo i wahine nana.

            “Ke hoike mai nei oe ua maa oe ma keia ano hana puuwai elele au.  Ua manao ia oe he konimana i kou wa mua loa i ike ai ia oe.  Ina oe e kilo i kena leka imua o ko`u alo i keia manawa malia o loaa iki aku ia oe kekahi wahi lihi o ko`u aloha.”

            “Aole au i makemake i ka lihi o kou aloha aka, ua makemake au e ae mai oe e lilo i wahine nau.”

“Ua olelo mua aku nei au ia oe aole loa au e ae e lilo i wahine nau no laila he mea makehewa loa kou noi ana mai ia`u no ia mea.  Oi loa aku ka maikai e make au iloko o ka pono o kou lima aloha ole mamua o ko`u lilo ana i wahine nau.”

            Huli ino ua Mikela nei me ka huhu a puka mai la ia i waho, pani ino aku la i ka puka pa, laka aku la a paa pono a hoi aku la i waho, pani iho aku la i ka puka pa, laka aku la a paa pono a hoi ku no kona lumi.  Kahea aku la oia i kekahi o kana mau koa a olelo aku la e lawe koke ia keia leka i ka hale leka me ka eleu loa mamua o ka hoomaka ana o ka Moi e huli i keia kaikamahine.  Lawe ia aku la e like me ka mama holo o ka lio a hiki i ka hiki ana i ka hale leka.

            E nana hou ae kaua e kuu hoa heluhelu i ka Moi o Ruritania.  Ua ala aku la oia i ka po e noonoo ana i kana mea e hana ai i pau aik e aloha o Flavia i keia Mikela.  Ua manao hoi oia ua aloha iaia aka ke ike nei oia ua lilo ia Mikela.  Hooholo iho la oia i ke kakahiaka nui e hele hou aku ana oia imua ona e noi aku e lilo i wahine nana a ina e hoole ia mai ana kana noi alaila e hoao ana oia e hooko i kana mea i hooholo mua ai.  Ua loihi loa kana noonoo ana a hiki ina hola o ke aumoe.  I kona moe ana aku moe naaupo.  i kona ala ana ae ua aneane e kani ka hora umikumamalua o ke awakea.  Komo iho la oia i kona lole maikai a iho aku la i ka lumi ai e ai i kona aina kakahiaka.  i kona hiki ana aku e waiho mai ana kana mau leka maluna o kana pakaukau.  Heluhelu iho la oia ina leka a hiki i kona hiki ana mai i keia leka.  i kona heluhelu ana a pau akahi no a ano maikai mai kona mau helehelena.  Ike iho la oia ke aloha nei no ka keia kaikamahine alii iaia a aole i lilo ia Mikela.  Makemake koke oia e hele loa aku i kona home e hui ai me ia a e ike hoi i ka ma`i o kona makuahine aka ua papa loa ia mai oia maloko o ka leka aole e hele aku a hiki i kona hoi ana mai.  Aka, o ka lima kakau o keia leka ua ano like me ka lima kakau o ke kane aka oiai aole oia i ike mua i ka lima kakau o keia kaikamahine ua manao iho la no oia o kona lima no keia no ka mea he nui no no kaikamahine ana i ike ai i like loa ke kakau ana me ko na keikikane.  Ono pono kana ai ana i keia kakahiaka a i ka pau ana o kana ai ana hoi aku la oia i kona lumi a noonoo iho la no ka nui o kona hupo i ka manao ana ua lilo kana mea i aloha ai i keia Mikela puuwai elele.  Pule aku la oia e hoola koke ia mai ka ma`i o ka makuahine o keia kaikamahine i hiki ai iaia ke hoi hou mai imua o kona alo.  Ua lilo loa kona noonoo ana no keia mea a lohe aku la oia i ke kikeke ana mai o kekahi mea ma ka puka.  Kahea aku la oia e komo mai a i ka hemo ana mai o ka puka ike aku la oia i kona mau hoa ke Konela ame Fitz i ke komo ana mai iloko.  Mino aka mai la ua mau wahi hoa nei ona no kona hoi ana mai i ka po me na helehelena kaumaha.

            “Owai ka mea ikaika o olua i ka hakaka i ka po nei, ooe a i ole o Mikela?” wahi a Fitz.

            “Nawai hoi i olelo mai ia oe ua hakaka maua i ka po nei?”

            “Hoi mai hoi oe me na helehelena kaumaha i ka po nei, a manao aku la mamua ua lilo ko ipo aloha ia Mikela oiai ua ike maua i ka hele ana aku o ua Mikela nei no ka Hokele mamua koke iho no o kou hoi ana mai.”

            “Aohe e loaa iaia.  Ua lilo mua ka puuwai o ua kaikamahine ala aia i kahi e.  Aka he mau mea waiwai ole ia.  O ka`u mea nui i makemake ai e kamailio aku ia olua oia no ko kakou hele ana e nana i ka Moi.  Ua pau ka la poni Moi a eia no kakou ke noho nei me ka hele ole e nana pehea aku nei la kona ola kino.  Manao loa au he mea kupono e hele kakou i keia po.  Pehea ko olua manao e kuu mau hoa?”

            Oia manao hookahi no hoi ka maua i hele mai nei.  Ua oi loa aku ko maua makemake e paa no oe ma kou wahi e noho nei oiai ua oi loa aku kou kupono i Moi no keia lahui nui mamua o kela Rudolf o olu.  Aka he mea kupono no paha e like me kau i olelo mai nei ko kakou hele ana aku e ike iaia.  He mau la keia aole kakou i hele iki aku nei e ike iaia, a haohao nui nohoi maua i kona hele ole mai i ke kaona nei.  Manao loa maua ua maka`u oia o lohe na kanaka i kona ona mamua o kona la poni moi a haawi loa ia mai ia oe ka hono alii.  Nolaila, ua manao oia e noho malie a hiki i ko kakou hoi ana aku.  ke Ke manao nei au e pii kakou i keia po e ike i kona wahi e noho nei.”

            “ePehea kou manao e ke Konela, manao oe e pii kakou i keia po e ike i ka Moi?” wahi a ka Mo.i

            “Aia i ka mea e holo mai ana ia olua oia ka`u e hooko aku.  He mea maikai no paha ka hele ana aku e ike iaia, aka, ina paha oia e ike mai ana ia kakou e makemake mai ana oia e lilo oia ka Moi ma kou wahi.  Ua oi loa aku ko maua makemake ame ko maua aloha ia oe mamua ona.  Ua loihi ko maua noho ana me ia aka aole oia i komo mai i loko o ko maua puuwai, he manawa pokole wale no ko kakou ike ana aka ua lilo oe i mea nui ia maua.  Ua makaukaua loa maua e make malalo o kau kauoha.  Ina oe i makemake e paa no i kena kulana au e paa nei ua hiki loa ia maua ke kokua ia oe.”

            “Ke mahalo aku nei au ia olua no ko olua aloha ana mai ia`u, aka, manao au he hana hoohewale a lapuwale hoi na`u ka hoao ana e paa i keia kulana a`u e paa nei oiai aole owau ka Moi kupono.  E hoihoi aku no kakou iaia a ina oia e olelo mai e noho no hoi au ma keia wahi ua hiki no ina nohoi aole ua hike ae la no hoi.  E pii kakou e ike iaia i keia po i maopopo ai kona ano ame kana mau olelo.  Pehea ko olua manao?”

            “Ua holo kela.  E hele ae au e nana i ko kakou mau lio.  E hoomakaukauia olua iho me na lako kaua oiai aohe i ike ia aku ka enemi o mua.  Ua ike no oe ua huhu loa o Mikela ia oe a malia paha eia oia ke kali mai nei o ka loaa o kekahi manawa e lawe ae ai i kou ola a lilo loa iaia ka noho kalaunu,” wahi a Spitz.

            Me keia mau olelo ua hele aku la kona mau wahi hoa e hooponopono no ko lakou hele a ua hoi aku la nohoi oia nei no kona lumi e noonoo no keia hauoli oia hoi ka la e hoi mai ai o kana mea i aloha ai e ike hou iaia.  Noonoo ae la oia i ka la hauoli nui loa o kona ola ana oia hoi ka la e ae mai ai keia kaikamahine alii e lilo i wahine nana.  Ua pokole ka manawa ma kona noonoo iho oiai ua lilo loa oia ma ka noonoo ana.  Oiai no oia e noonoo ana ua hiki mai la kona mau hoa a olelo mai e iho lakou e ai i ko lakou aina ahiahi oiai ua kokoke loa mai ka manawa no lakou e hele aku ai ma ka lakou huakai loihi.  Iho aku la lakou no ka lumi aina e ai i ko lakou aina ahiahi a oiai lakou e ai ana ua hoolala iho la lakou i ka lakou me e hana ai i ko lako i manawa e hiki aku ai imua o ka Moi.  i ko lakou maona ana u kau like aku la lakou maluna o ko lakou mau lio pakahi a hele aku la no kahi i makemake ai lakou.  i ko lakou hiki ana aku i ka ululaau hoomanao ae la ua Moi nei i kona mau la mua loa i hele kuewa aku ai iloko o keia ululaau ame kona loaa ana hoi i keia poe a hiki wale na i kona poni ana ia i Moi no Ruritania.  Ua like loa me kekahi moeuhane ke noonoo ae aka ua ike maka oia i ka oiaio oia mau mea a pau loa.

            He loihi loa keia manawa aole kakou i lohe hou mai no ke Keikialii Rudolf, ka Moi pololei hoi o Ruritania.  i ko kaua haalele hope ana iaia i kela pule aku nei ua hoopaa ia aku oia me ke kaua Josef ame ke kauka e Mikela maloko o kekahi mau lumi paa loa.  Ua hoopaa ia kahi kauka ame Josef iloko o ka lumi hookahi a o ke keikialii wale no i kona lumi.  E olelo mau ana kahi kauka i ka nui o kona pilikia mamuli o kona hele ana mai e hoola i keia keikialii ona lama.  Ina no oia i noho i ka hale nei aole oia e paa iloko o keia wahi hoao mau aku nei hoi o Josef e hoolana i kona manao me ka olelo pu ana aku kokoke e hiki mai ko lakou kokua a pakele lakou.  Aka aole i manao keia wahi kauka e puka hou aku ana oia iwaho ua manao loa oia o kona wahi no keia e noho ai a hiki wale no i kona make ana.  He nui ka mea ai e lawe ia mai ia laua a oia ko laua wahi mea i eohona iki ai.  He ai wale no ka laua hana a po ae ana ka la.

            No ka Moi hoi ua nui loa kona inaina no Mikela ame kela wahi kanaka i hoolilo iho iaia i Moi no Ruritania me kona kaumaha no kona hoopaahao ia iloko o keia wahi a hiki ole iaia ke hoopai aku i keia mau kanaka ana i makemake ole ai.  Nui ka mea ai ke lawe ia aku iaia aka aole on ai nui.  Hele kona kino a wiwi a i ka ike ana o AMikela iaia i kekahi la ua nui loa kona maka`u o make koke kona kaikuaana.  Ua makemake oia e hookuu iaia aka maka`u hou oia o ili mai kekahi mau pilikia maluna ona.  Ua maka`u pu no hoi oia o hele ia mai e hui leia kaikamahine alii ana e malama nei maloko o ka hale.  i kela la a i kela la e emi mau iho ana ke kino a ua alii nei.  E hele nau aku ana o Mikela e olelo iaia e ai i ka mea ai.  Ua haawi ia aku iaia na mea ai maikai loa.  Ua lilo nae ia maua mea i mea ole ia Rudolf, ke keiki alii.

            i mea e maopopo ai ia oukou e kuu makamaka heluhelu ke ano o keia kakela e hoopaa ia nei keia mau paahao me ka kakou kaikamahine alii Flavia he mea kupono e hooakaka iki aku ko oukou mea kakou i ke ano o na kakela oia manawa ame keia kakela nani.  O na Kakela o ka wa kahiko he mau hale nunui pohaku a papa no hoi kekahi.  Ua kukulu ia keia mau hale me ka paa loa.  Mawaho mai o keia mau kakela ua eli ia i lua wai hohonu a puni ka hale.  Hoopiha ia keia lua wai hohonu me ka wai.  Hana ia he uapo i hiki ia ina kanaka mai ke kakela aku ke hele a kau ma kela aoao.  Ka mea i like ole ai keia uapo me na uapo a kakou e ike nei i keia manawa oia no ka hiki ke huki ia iluna a hiki ole i na kanaka mai waho mai ke komo mai me ka au ole i ka wai o keia lua wai hohonu i eli ia ai.  i ka mana e makemake ai o ka poe o loko e hele i waho ua hookuu ia iho ieia uapo i lalo a kau lakou ma kela aoao huki hou ia iluna.  Ma keia ano hana ana ua hiki ole ina kanaka owaho ke komo mai me ka ae ole aku o ka poe o ke kakela O ke kumu nui o ka hana ia ana e like me keia oia no ka nui o ka hakaka mau mawaena o na kakela.  E kue mau ana kekahi i kekahi a o ke kakela ikaika lilo iaia na aina nunui.  He nui na moolelo maikai o Enelani e hoike ana i ka hakaka ana o keia mau kakela.  O keia iho la ke ano o ke Kakela o ua Mikela nei kahi hoi e paa nei ka kakou u`i nohea.  He paakiki loa ka hele ana aku o na enemi mai waho aku a komo iloko.  Ina oe e hoao e au aku i ka muliwai a lua wai paha me ka ae ole mai o ka poe o loko ua lilo koke oe i enemi no lakou a i kou wa no e kau aku ai o kou moku koke mai la no ia i ka pahi-kaua a ka enemi.

            i ko lakou nei kokoke ana aku i keia wahi ua ike aku la lakou ua huki ia ka uapo iluna a ua hiki ole hoi ia lakou nei ke komo aku.  Aole lakou i kahea aku e hookuu ia mai ke alapii no ka mea ua ike iho la lakou nei ua ae ole ia lakou e komo iloko oiai ua huiki ia ka uapo iluna e hoike mai ana hoi ua manao ia e hiki aku ana kekahi mau enemi i ka po.  Ina lakou e kahea ana e kuhihewa ia ana lakou he poe enemi a malia o ki ia mai lakou i ka pu.  Ku aku la lakou nei ma ka aoao no kekahi manawa loihi e nana ana hoi i ka holoholo mai o na kanaka ma kela aoao o keia lua wai.  Oiai no lakou nei e nana ana ike ia aku la ka puka ana mai o Mikela mailoko mai a kauoha ana i kona mau kanaka e hana i keia ame kela.  Aole he lohe ia aku o kona leo aka o ka kuhi mai o kona lima mao a maanei oia wale no ka lakou nei mea ike aku.  Noho lakou nei malaila no kekahi manawa loihi loa aka aole he ike ia aku o ke kino o kahi kauka aole hoi ko Josef, a aole nohoi ko ke keikialii.  Maopopo loa iho la ia lakou nei ua hoopaa pio ia keia mau kanaka e Mikela a no ke kumu he la?

            “E noho malie olua maanei e nana i ka enemi a ina olua e ike i kekahi mea e hoao ana e ki ia`u i ka pu a oki paha i ko`u poo me ka pahi hoike koke mai olua ia`u a i ole ki olua iaia a make.  Mai ki wale nae olua o ike koke ia kakou.  E au ae au i keia lua wai a hiki ma keia aoao e nana pono i ka hana a kela poe.  Manao au ua hiamoe ia kela wahi koa e noho mai la iluna o ka waapa.  Nana aku paha olua ke kunokunou mai la ke poo o ua wahi koa nei imua a i hope.  E au ae au, nana pono loa olua.” wahi a Fitz.

            Me keia mau olelo ua au mai la ua Fitz nei me ka lohe ole ia mai e na enemi.  Nana pono aku la kona mau hoa iloko o ka pouli a ike powehiwehi aku la laua i ke kino o kekahi mea e oni ana imua a i hope.  Nee malie aku la ua Fitz nei a hiki i kona kokoke loa ana i keia wahi koa e moe nei.  Ike aku la laua nei i ka nalowale ana iho o ua Fitz nei a i kona ea ana ae ua pili ma ka aoao o ka waapa.  Me ka malie loa ua huki ae la oi ai kana pahi a hou aku la i ka puuwai o ua wahi koa nei me ka manao e make koke iho ana oia me ka puka leo ole mai.  Aka i ka wai ku aku ai o ke koa i ka pahi aole i loaa pono ma kona puuwai aka ua hala pahia wale aku la no ka pahi a ia manawa i ala koke ae ai ka hiamoe o ua wahi koa nei a u-a ae la oia me ka leo nui.  Ike koke iho la o Fitz e ike ia ana oia ame ka eleu nui ua au koke mai la oia no kahi a kona mau hoa e noho aku ana me ka pihoihoi nui e ike i kona pakele mai ka lima mai o ka enemi.  Holo koke mai la na koa me ka eleu nui a ike mai la lakou ua hou ia kekahi o lakou i ka pahi e kekahi mea.  Nana mai la lakou a ike mai la i ke kino o keia mea e au ana i loko o ka luawai.  aIa manawa i lohe ia aku ai ka poha o ka lakou mau pu e ki ana ia aFitz’  Kau koke ae la kekahi o lakou maluna o ka waapa a uahai mai la mahope ona.  Aole laua nei i makemake e ki koke i ka laua pu o ikeia ko lakou wahi e noho pee nei.  Nana aku la laua i ka udoa oa o ko laua hoa a i ke kokoke ana mai o ka waapa ua ki aku la ka Moi i kana pu.  Ike ia aku la ka lele ana ae o kekahi o na kanaka e hoe ana i ka waapa a haule pahu aku la i lalo o ka waapa.  Kani pu aku la no ka Sapt. pu ia manawa hookahi no a make aku la kekahi o keia mau koa.  Ia manawa i lohe ia aku ai ka leo o na kanaka ma kela aoao e kahea mai ana i na kanaka elua i koe iluna o ka waapa e hoi aku o ku i ka pu a ka enemi.  Ike ia aku la na kanaka e holoke ana mao a maanei.  Au mai la ua Fitz nei me ka awiwi loa akau ma keia aoao.  Ninau aku la kona mau ho iaia ina ua ku oia i ka pu aka hoole mai la oia me ka olelo pu ana mai.  Ua aneane loa oia e ku i ka poka aka ike e ola i ka lele mai a alo ia e ia.  Aka mai la kona mau hoa iaia no kona olelo aku la lakou mahope o ka ululaau a nana aku i ka hana e hana ai mai ana ma kela aoao.  Aole i loihi loa mai ia manawa mai ike aku la lakou i ka nalowale ana o na koa a pau loa i loko o ka papu o ke kakela.  Kali lakou nei o ka puka hou mai aka aole loa i puka hou mai a hiki wale no i ke kokoke ana mai o na hola o ke aumoe.  Kau ae la lakou maluna o ko lakou mau lio a hoi aku la no ko lakou mau home.  Aka malu ae la lakou i ko lakou pakele mai ka lima koko mai o Mikela i kela po.

            “Heaha la ke kumu e hoopaa ia nei o ka Moi e Mikela?  Manao wau ua manao oia e pepehi ia oe a make a hoopaa hao hoi i ke keiki alii ililo iaia ka noho alii o Ruritania nei.  He mea pono loa e nana pono loa kakou ia oe ma kou mau wahi a pau loa e hele ai.  He mea pono nohoi e wae hou ae i kekahi mau koa mai kou puali koa mai e hui me kakou ma keia hana.  Aole he maikai loa o ka lohe ana ia o keia mau mea mawaho aku aka ua manao loa au e loaa ana ia kakou kekahi mau koa i hiki ia kakou ke hilinai mawaena o na koa o Ruritania nei.  Ina e loaa hou ia kakou kekahi mau koa hou ua hiki loa ia kakou ke hele aku imua o kela mau koa o Mikela a hoopakele mai i ke keiki alii ame kahi kauka ame Josef, (Aole lakou i kiei maloko o na paia paa o keia kakela kahi i hoopaa ia ai o ke kaikamahine alii Flaia ka mea hoi a ka Moi i aloha nui loa ai.  Ina papa oiai i ike aia iloko o na paia paa o keia kakela kahi i hoopaa ia ai o kana mea i aloha me nei ua au aku oia i kela luawai me ka wiwo ole a paio aku me na koa o ka enemi aka aole oia i ike aia kana mea i aloha ai maloko o keia kakela.)

            Oiai lakou ma ke alanui e hoi mai ana ua hooholo iho la lakou e wae hou ae i mau koa hou no ka hele ana aku e kaua me keia mau koa.  Ua makemake loa lakou e hoopakele ia ke ola o ke keikialii.  Ua noonoo iho la lakou nei me ke akahele loa a hooholo e wae hou ia i ekolu wale no ko i koa mai waena mai o na koa lehulehu e hele pu me lakou.  Ua maka`u lakou ina e loaa ana ke keiki alii e hoi aku ana keia mau kanaka a hoike aku i ka poe o Ruritania o keia Moi o lakou aole ia o ka Moi oiaio aka he Moi hookama wale iho no.  Hiki aku lakou i ka wanaao nui a hoi aku la e hiamoe.

            Oiai ka Moi e moe ana ua loaa aku la iaia ma ka moeuhane ua hoopaa ia ka hoi o Flavia iloko o keia Kakela e Mikela a oia kona me i hele ai e hoopakele ia po a aole o ke keiki alii.  Moeuhane aku la oia e uwe ana ka hoi o Flavia no ka nui o kona aloha iaia.  E kahea ana Rudolf, Rudolf.  i kona ala ana ae ua noonoo nui loa oia i keia moeuhane ana o hoike aku la hoi i kona mau hoa.  Olelo mai la laua malia he oiaio no aia iloko o keia wahi aka ua hoole aku la oia oiai ua loaa mai iaia ka leka e hoike mai ana iaia ua hoi aku oia no ka ma`i o kona makuahine.  Aole oia i hilinai hoi i na olelo a ka moeuhane.  He mau me ano ole wae no ia.  O ka mea nui o ka pakele mai o keia keiki alii a hoi mai oia ma kona wahi ina nae he maikai mai kana hana a`u.  Ina oia e hana ino mai ana ia`u e paa ana au i ko`u kulana oiai owau kai poni ia i Moi a aole oia. Ua hele aku la kona mau hoa e huli i na koa kupono no lakou e hui mai ai i ka hele ana e kaua i keia mau koa o Mikela.  Aole no he nui loa ona koa me Mikela aka ua ikaika lakou i ko lakou kaa ana ma kela aoao o keia muliwai.  Ina aole kela muliwai nui i eli ia me nei ua hiki loa ia lakou nei ke hele aku e kaua me lakou ina wa a pau loa, aka ua hiki ole no ka nui o keia muliwai.  He mea pono paha e hai aku ko oukou mea kakau i ka inoa o ko kakou mau makamaka hou i maopopo ai ia oukou O ka mua loa oia no o Iosepa.  He koa oia i noho loihi me na alii o Ruritania a ua kaulana oia no kona hoopono ma na hana apau i haawi ia iaia.  He koa ikaia a e hakaka ana oia a hiki i ka hanu hope loa.  O ka lua oia no o Keaka.  He wahi koa kolohe keia e like no me ke ano mau o na poe maia ano ke kalohe.  Aka o kona mea maikai loa he akamai oia i ka hoomakakiu ana.  O ke kolu o keia mau koa oia no o Hanale.  He koa opiopio loa keia aka he mauhiohiona kanaka makua kona.  Ua hiki oia ke hilinai ia.  Aole oia i kaulana maka hakaka ana aka he kino oo lea kona a oia kekahi o na koa kaulana loa i ke kakapahi.  He poe inoa aku no ko keia poe mahope aku o na inoa aku no ko keia poe mahope aku o na inoa a`u i hoike aku nei ia oukou e o`u mau hoa heluhelu aka no ka nunui loa a waiwai ole no hoi oia mau inoa