Ka Nupepa Kuokoa, Volume XXXIX, Number 23, 7 June 1901 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

4

 

Ioloa ua kapa aku nei au ia lakou ma ko lakou mau inoa mua wale no.

            I ke ahiahi o kekahi la mai ua akoakoa ae la lakou nei maloko o kekahi lumi.  Hoohiki Iike kela mau koa hou aole loa lakou e haalele i ka Moi a hiki i ko lakou make ana.  Hoohiki like no hoi lakou e paa i ko lakou waha i na mea huna a pau loa e puka aku ana.  I ka pau ana o kela mau hana a maopopo ka hana pololei o keia mau koa ua ha'i la aku la la lakou ka olalo.  Aole kela o ko lakou alii olaio aka aia ola maloko o ke Kakela kahi i hoopaa ia ai e Mikela a e kii ana lakou e hoopakele laia i keia po.  Hoomakaukauia ko lakou mau lio no ka hele ana aku e hooko i kela mau mea i manao ia.

            E nana ae kaua ia Flavia ka kakou u'i nohea i hoopaa pio ia.  E uwe mau ana oia i na ia a pau loa no kana mea ialoha ai a no kona makuahine hoi.  E khea mau ana ola i ka inoa o kana mea i aloha ai e kii mai e hoopakele aku iala mai kela wahi mai.  E hele mau mai ana o Mikela ina ia a pau loa e noi iala e lilo i wahine nana aka e hoole mau ana ola.  Aole hola hala i ke komo mai o Mikela e noi laia.  O ko ia nei wahi hoa kamailio loihi wale no o kahi kauwa nana e lawe mai kana mea ai.  E ninau mauaku ana ola.  I keia wahi kauwa e hoike mai i ka poe e noho nei iloko o keia wahi kakela a me ka lakou hana.  Hoike mai la ke kauwa he poe kauwa wale no lakou a pau loa na Mikela.  Ninau mau ana no hoi ola nei e hoike mai i na mea hou.

            I ke kakahiaka mahope o ka po a lakou nei i hele aku ai e hoopakele mai ia lakou ua hoike aku la ke kauwa ua hele mai kekahi mau enemi e kaua i ke kakela i ka po a ua make kekahi o na koa.  Ua kauoha hou la aku nei i mau koa hou no ka mea ua manao ia o ka Moi kela o Ruritania i kee mai nei e hoopakele ia oe.  I ko la nei lohe ana ua nui loa kona olioli a akahi no a ono mai kana ai.  Pau ae la kona makau ana la Mikela.  Ua ike iho la ola ina ua ike ka Moi i kona wahi e hoopaa ia nei e puka ana ola.  Puiwa o Mikela i ka ike ana mai i ka maikai o kona helehelena i ke kakahiaka ana ae. Niau mai la ola i ke kumu o keia mai kai a olelo aku la ua kaikamahine alii nei o kona ia hanau la a he mea kupono e hauoli ola.

            "Ina pela e hana koke ia no kekahi ahaaina nui no ka hoomanao ana aku i kou la hanau," wahi a Mikela.

            "Aole o'u makemake nau e hoomanao aka na ka Moi o Ruritania.  E ae ana paha oe e kakau leka aku au laia e hoike aku iaia o ko'u la hanau kela i hoomanao ia."

            "Aole loa e hiki pela.  No kou ae ole ana na'u e malama kou la hanau nolaila aole e loaa ana ia oe kekahi mau makana maikai."

            "Hookahi wale no a'u makana e makemake nui loa nei.  A ina oe e ae mai e haawi mai ia makana na'u alaila ae aku au nau e hoomanao ko'u la hanau a inu waina pu au me oe," wahi a ke kaikamahine alii.

            "E hoike koke mai la makana a e haawi la aku no ia oe.  Ina no he nui ke kumukuai oia mea ua hiki loa la'u ke kuai aku ina o kou makemake ia."

            "Ina oe e hooko mai i keia noi a'u alaila hooko au i kau mau mea i olelo aku nei ia oe.  Ina aole oe e hooko mai aole loa au e ae e hooko i kau mau mea i olelo aku nei ia oe.  O ka'u mea i makemake nui ai oia no kela e kono aku oe i ka Moi o Ruritania e hele mai e hauoli pu me kakou i ko'u ia hanau.  Ina oe e ae i keia loaa ia oe kekahi hoa inu waina mailkai loa."

            Luliluli mai la ke poo o ua Mikela nei a puka aku la i waho.

            Ike aku la ke kaikamahine alii ua ulaula kona maka e hoike mai ana hoi aole oia ia moe pono ia po.  Hoomanao koke ae la ola nei i ka olelo a kahi kauwa a pule ae la e hiki koke mai ka po e kii la mai oia e hoopakele mai kela luakupapu ona e kanu mau la nei i kela ame kela la.

            I ka makaukau ana o na kou o ka Moi ua hoomaka mai la lakou e hele i ka hoomaka ana iho no e po.  Hele mai la lakou me ka malie loa, a kokoke i kahi o ku ana o kela Kakela.  Peelakou iloko o ka ululaau olai ua ike aku lakou ua makaala loa ia ko lakou hiki aku.  Aole hookahi wahi koa i anomakahiamoe.  Malalo o ke alakai a ke Keaka e hele e nana pono i ke ano o kahi o ka enemi ame ka hiki la lakou ke komo aku e kaua me lakou.  Ua hele aku la ua Keaka nei ola wale no a ma kekahi kihi o ka ululaau kali malia.  Kali aku nei lakou nei o ka au o ua wahi kiu nei a aneane e hiki ina hola o ke aumoe akahi no a ike ia aku e nu malie loa ana ua wahi kiu nei.  Nee aku ola me ka malie loa a olai ua kokoke loa lakou nei i kona wahi e au ana ua hiki ole ke lohe la ka nakeke ame ka owe hoi o ka wai.  E luu mau ana ola i na manawa apau loa i ole a ike la mai e ka enemi.  I kona hala loa ana aku i waho ua pau aku la ko lakou nei ike ana aku iaia.  Pihoihoi ne la ka manao o kona mau hoa no kona palekana.

                                    (Aole i pau.)

 

Leone Noela

 

Ke Kaikamahine a ke anaka Mahiai.

 

KA U'I NOHENOHEA NANA I LAWE A LILO KA PUUWAI O KA HAKU SANADOA.

 

            Ike aku la o Leone i ke anapanapa mai o na hoku malamalama iloko o ka hohonu o ka wai, a kiai pono loa aku la ola me kona mau maka maemae i ke kai pua o ka hala.  He leo ka mea nana i hoeu ae lala - he leo hoi i like ole kona kaniana me na leo e ae a pau a kona mau pepeiao i lohe ai.  "E kala mai oe la'u,"  I olelo mai ai, ua hiki anei la oe ke kuhikuhi mai la'u i ke alahele i Raselei?  Ua nalowale la au iloko o kela ululaau."  I ka leha ana ae o kona mau maka iluna, ike aku nei ia i ke keonimana, ka mea hoi i wehe ae i kona papale i ka wa i kaalo ae ai mamua ona i ke kakahiaka.  Ua ike no oia ua hoomaopopo mai la kela keonimana lala, mamuli o kekahi malamalama i hohola hikiwawe ae ma kona mau papalina.

            "Eia aku no o Raselei mamua pono o kaua," wahi ana i pane aku ai.  "O ka mea pono wale no au e hana ai, o ka hele aku a ma kela aoao o ke kula a kaalo ae ma kahi o ka hale-pule."  "Peia io no," wahi a ka malihini i olelo mai ai, a akaaka ano hoolalau ae la olia, hoi iho nohoi, aole au i manao e hele koke i kela wa.  He mea ano e io nohoi keia.  Ua maka'u au, o manao mai oe ua olalau ko'u noonoo, aka la'u me he mea la akahi no au a hoao e hehi aku iloko o ka aina kupua (fairy land.)

            Elua minute mahope mai, hiki aku la au i ke alanui aupuni oneoneo, i keia wa a'u i ike aku ai i kekahi kii nani loa o ka honua nei, me he mea la ua makaukau ola . ka hookipa ana mai la'u.  "He u'i io no," wahi a Leone i pane aku ai, oiai hoi kona mau maka e kilohi ana i ke aliali maikai o ka wai, he u'i la no i kela manawa, aka, aole nae e loaa aku ka wa a ka la e hoolei mai ai i kona kukuna maluna oha, ame ka niniu ana hoi o ka huila.

            Ua hoike aku nohoi oia laia i ke alahele no Raselei, a ola iho la nohoi ka wa maikai a ua keonimana nei e haawi mai ai i kana kunou hoomaikai ana, aka nae, o kahi mea la e kala aku ai ma kona aoao, o ka hoolalau mai a papa wahi leo pu.  E konane maikai mai ana ka mahine, elike me ka malamalama maikai o ka la. e hawanawana mai ana hoi ka makani piawaena o na lau-laau a e haili mai ana ka malamalama maluna o ka wai hu'ihu'i a aliali maikai. ka o-we mai a ka wai i ka wa e kahe mai ai, ua nahenahe ia i ka hoolohe ana a ka pepeiao.  E hone mai ana ka leo o na manu i ka lu ano:e moani mai ana ke ala o na pua i ke ko a ke kehau, a malaila iho la hoi. ma kapa uliuli o ua kahawai la kahi i noho ai o ke kaikamahine u'i, ka oi hoi, o ka nani a kona mau maka i ike ai.  E pahola mai ana ka malamalama o ka mahina maluna o kona helehelena palupalu, me he mea la e imi mai ana ia a loaa he home nona iloko o na maka poniponi a uiluli maikai o Leone; e hoao mai ana ia o ka honi mai i na anuunuu eleele o kona lauoho, a e hulali mai ana hoi kona malamalama maluna o na lima keokeo e paani ana me na mauu uliuli.  He opiopio oia a he naau kona i aloha i na mea nani a pau, nolaila,, aole ia i haalele iho i ka opuu momi ana i ike ai.  Ua piha kona noonoo me ka haaheo.  Owai la oia - kela kaikamahine i like loa me kekahi kaikamahine-alii  Paniolo?  Pehea ia oia i noho ai maanei nei, ma kahi o ka halewili-kahawai.  He mea pono e ike olii, a no kona makemake ana e ike, e pono la e ninau aku.  "Ua manao au, i olelo aku ai ia "e hooluolu maanei nei ma kahi o keia kahawai lai malie, a maanei nohoi au e hiamoe ai a ao keia no malalo o ka malamalama o na hoku, ua hele au a maluhiluhi."

            Nana aku ia o Leone iaia a komo iho la ke aloha iloko ona no kela leo maluhiluhi o ka pa-e ana mai.  "Heaha ka mea nana i hoomaloeloe la oe?"  ana i ninau aku ai.  Noho iho la ola iloko, maluna o kekahi pohaku nui e waiho hapa ana iloko o ka wai, a hapa hoi iluna o ka aina maloo.  "Ua nalowale ia ko'u alahele iloko o na ululaau o Lei," ana i olelo aku ai.  "Iloko mai la au o ua ululaau la kahi i huikau hele ai no na hora he lehulehu.  Aole e hiki la'u ke hoomaopopo, pehea la ke ano o ka ululaau o Lei, ina au i ike mua aole au a hele hookahi mai nei."  He nunui loa lakou a he pohihihi nohoi ka imi ana i ke alanui pololei e hu hewa ole ai kaua e ka malihini e like me oe i ho-a-a hele mai la," wahi a Leone i olelo aku ai.  Olelo aku nei ke keonimana ia Leone, "ua hai mai nei kekahi mea la'u e ike aku ana au i kekahi mau kumu-laau.  O ka nani loa ma Enelani nei, he hialaai mau ko'u maka he nana'ku ia lakou, aole au e hoohala i ka hele ana e ike i ko lakou wahi i ulu ai.  Ia'u e hele ana mawaena o ka ululaau. aole i iluliu, ua komohia iho la au iloko o na pilikia o na kiai.  Ua hoolohe aku la o Leone me kona naau a pau, i ke kamailio mai a kona kokoolua, a hauli wale ae la no kona manao ia wa, malia paha o hoopuka mai kela i kekahi mau mea e pili ana nona.  "He olaio," iaia e hoohele kamailio nei, "ua ninau mai la ola la Leone penei, ua poina la au i kou inoa, ua hiki anei i kou hanohano ke ha'i hou mai la'u?"  Ua hooko koke aku ia oia i ke noi a ke keonimana, no ka mea ua olelo ia, o ka mea noi e haawi ia.  Iaia i hailu aku ai i kona mau maka maluna o Leone, ike aku ia ia i ka helehelena haaheo e haka pono mai ana a olelo iho ia ia iloko iho ona, "aole au e haalele koke ana i keia wahi, aka, e hoomaka aku ana au e kuu i ka upena kuu a Kalawala."  Ia wa oia i ninau aku ai.  "Ua paa naau no anei la oe kela mele lahui kahiko loa o Kelemania.

            "Iloko o ka awawa malu kekahi huila-mikini

            E kani mailie mau ana kona mau leo mele?"

            "Aole" aole loa au i lohe iki i kena mele, aole nohoi i heluhelu," wahi ana i pane aku ai.  "E hai hou mai hoi oe la'u."

            "Iloko o ke awawa malu kekahi huila mikini.

            E kani malie mau ana kona leo mele.

            Malaila hoi kau hiwahiwa i noho ai i kekahi wa,

            Aka, i keia wa ua manao aku oia.

            He komo-lima i hoohikiia ka'u i haawi ai iaia,

            Me na olelo hoohiki hoi o ke aloha maua i hoopaa iho ai.

`           Aka, iua hoopoina ia la mau olelo aloha.

            Ke komo-ilima ua moku iho ia a kaawale."

            P  "Hamau," i olelo aku ai o Leone, me ka hapai ana ae i kekahi lima ona iluna, "hamau," ua hoehaeha mai kena mau huaolelo i kuu noonoo.  Aole anei ou ike aku i ka powehiwehi mai o ka mahina ame ka halulu ana mai hoi o ka wai, he halulu ia o na waimaka e hiolo mai ana?"  Aole oia i ano hoomaopopo mai i kana (Leone) mau huaolelo i hoopuka aku ai.

            "Ua ala mau mai ka noonoo iloko o'u no kela mele, mai ka la mua loa a'u i lohe ai."  wahi o ke keonimana.  E hai aku au i ka pauku hope o keia mele, malia paha no kela hale-wili no a kaua e ike nei.

            "Aka i ka wa a'u e lohe ai i ka hulia mikini

            Ua hiki ole ke hoopaula kuu mau ehaeha;

            E aho na ka luakupapau au e huna mai,

            No ka mea malaila wale no e loaa ai ka maluhia."

            "Aole anei keia he kaao hooipoipo?"  wahi a Leone i ninau aku ai," no ka mea he ku i ke aloha ame ka manaonao na huaolelo."  "Ae, oia maoli no ke kaona o keia kaao - ua haawi kekahi kanaka i ke aloha a pau o kona puuwai i ka mea i kupono ole, ua hoopoina la na olelo hoohiki, ua moku iho ke komo-lima a kaawale.  Alaila ia wa ola i uwe ae ai me ka leo nui, e olelo ana e aho e hupa mai ka luakupapau iaia, ame ke aloha hoi ona i hoomaunauna la."  Nana aku la ola (Leone) iaia me kona mau maka i piha i ka waimaka, a olelo aku la, "ka hopena anei o ke aloha, he hopena iloko o ka ehaeha ame ka luuluu?"

            "Aole hiki ia'u ke hai aku," wahi ana i pane aku ai, aka, ia'u iho, me he mea la he hopena i oi aku o ka luuluu mamua o ka hauoli.  Aka, e olelo hou aku au, i ka wa o ka olaio e halawai ai me ka olaio, ka manao kupaa hoi me ka manao kupaa alalia ka hopena he maikai, aka, ma kahi o ka puuwai oiaio e loaa aku ai he puuwai wahahee, ka manao kupaa hoi me ka manao hoopunipuni, alaila he hoopena ino no ka mea e hoea mai ana.  Ua hoomanao ae ia o Leone eia oia ke kamailio nei me kekeahi malihini a o na kumu manao a pau a laua i kamailio ai, ua kalele iho laua i ko laua aloha mluna o laila.  "E hoi ana au,"  I olelo aku ai, Leone)  "Ua hiki no ia oe ke hoomanao i ke alanui."  "Ke noi aku nei au ia oe mai noho oe a hoi i keia minute.  E hai hou mai ana no ka moo lelo nona iho mahope mai, aka, o ke ola, aole loa.  Aole loa e loaa hou ia kaua kekahi po kalai maikai e like ia kaua kekahi po kaiai maikai e like ia me kela, aole hoi e o-we hou mai ana ka wai elike me kona o-we nahenahe ana a kaua e lohe nei, o na hoku aole loa lakou e hoomalamalama hou mai ana i kekahi malamalama iaia, e hala ana keia oia aole paha kaua e halawai hou ana.  He helehelena kau i kahiko la e ka nani - nolaila e noho iki mai. nohoi oe no kekahi mau minute pokole.

            "Helehelena nani."  Oia maole anei kona manao?  Ua hoohauoli mai kela mau olelo ana (Leone) i lohe aku ai.  "E loohia wale mai ana no kekahi mea ano e iloko o keia ole ana." wahi a ke keonimana i olelo aku ai, o na mea i hai ia iloko o na kaao ame na moolelo e ae, he mea hoakaaka wale no la i na kanaka me ka haanui wale aku noholi oe ae i ko ka mea oiaiio."  "He kupaianaha maoli ko'u halawai ana me ne i keia ahiahi maanei nei, ma ka aoao hoi o keia halewili-kahawai - kahi hoi e uluhia mau ia ai e ka uhane no na Mele ame na Kaao.  E hooi loa ia aku ana kou paha'oha'o ke hai aku au ia oe i kekahi mea, ola keia, ua uluhia ia au'e ka uhane i keia la nou."  Nana aku la oia iaia me ke kahaha o kona mano.  "Heaha hoi kela?  I ninau aku ai o Leone.  "Ua ike au ia oe i kakahiaka ni i ka wa a'u e hele ana i Raselei me kuu hoaloha, Sir Farani Esteona.  E ku ana oe ma ka ipuka-pa a ua mana au - aka nae aole au e hoi aku ana ia oe i ko'u manao."  No keaha hoi?"  I ninau pokole aku ai o Leone.  "Malia paha o ku-e aku ia i kou lunaikehaia"  wahi ana i pane aku ai.  Ia manawa hoomaopopo iho ia ia aole kei he kaikamahine puni le'ale'a.  He hookano oia, aka, he noho mailie nae me ka malamai ka mauihia.  Ia wa oia i haili ae ai iloko ona aole ka pha e ko na kona makemake.  Aole ka paha e loaa ana ka hoomahie ana ma ka aoao o keia halewili-kahawai.  Ua komo iho la ka makemake iloko ona no keia hiwahiwa e ku haaheo aku nei.  Ua oi aku, ina he Duke wahine oia, mamua o kekahi kaikamahine no kuaaina e noho ana hoi ma kahi o ka huila mikini.  Ia wa i ala mai kekahi manao iloko ona a olelo iho la ia iaia iho no - owai la oia?  a heaha la kana hana e noho nei maanei?  "He kokoke no anei kou wahi maanei nei?"  i ninau aku ai oia.  Ae i pane mai ai o Leone, aia ma hope o kela poe kumu laau e ike aku ai oe i ka puka-uahi o kekahi halemahi ai, ua kapa ia ka Mahina ai o Raselei ala no liala o Robata Noela kuu makuakane kahi i noho ai, a owau kana kaikamahine."  Kana kaikamahine i olelo hou aku ai ke kanaka opiopio me ka leo hoomaloka a manaoio ole.  Alaila he kaikamahine ola na ke kanaka mahiai:  ela nae, kona nanaina ua like loa loa me he Aliiwahine Sepania 'Ia.  "Aole ou like me kekahi o na kaikamahine Pelekane,"  i olelo aku ai ola me ke kaumaha o kona naau.  "O ko'u makuakane he Pelekane, a o ko'u makuahine hoi he lede Sepania:  owau no hoi - ke maka'u nei au ua oi aku ke koko wela a huhu ino o Sepania iloko o'u, mamua o ke koko puanuanu a huihui pu o Enelani: he helehelena Sepania ko'u a peia nohoi ko'u puuwai."

            "O ka poe Paniolo he hikiwawe ma ke aloha ana a he hikiwawe hoi ma ka huhu ana; he huikala me ke kamahao, a he hoopai ino me ka lokoino,"  wahi a ke keonimana i olelo mai ai.

            "O ko'u ano iho ia ia,"  ana (Leone) i olelo aku ai, "ua hoike mai ia oe i ka mea pololei loa."

            "Aole e hiki la'u ke manaoio aku: aole hoi ka huhu, aole hoi ke ino e hiki ke hookahua iho maluna o kekahi hiohiona nani a nohe nohea elike me kou.  Alaila o Noela kou inoa?"

`           "Ae, o Leone Noela ko'u inoa," ana i pane aku ai.  "Leone," i hai hou mai ai no oia, "he inoa u'i loa kela.  Aole au i lohe iki mamua; aka, ua hoohihi aku la ko'u manao no ka mea, he inoa ia i ike pinepine ole la."

            "He inoa Kenemania kea," ana (Leone) i olelo aku ai.  "He inaina loa o Robata, kuu makuakane, i kela inoa he olelo mau mai oia, ua like loa me ka inoa Liona.  Ua heluhelu kuu ma kuahine iloko o kekahi moolelo Kelemania a ike oia i kela inoa, nolaila ua kahea iho oia la'u o Leone; no ka mea he inoa i paku-a ole iwaena o na inoa wahine."

            "Ua kupono maoli no kela inoa la oe," ana (keonimana) i olelo aku ai, "ua manao au aole inoa e ae ma ka honua nei a puni e like me kou."

            "Manao au," i hene iki iho ai kana aka, "ina paha he makemake kou i ka hoolohe mai i ko'u inoa?  Oia o Lana salota Sanadoa.  Ua kahea mai ko'u mau hoa'loha la'u o Lanasa."

            "Ae, ua makemake aku la nohoi au i kou inoa.  Ua ike au i na moolelo a  pau o Sir Lanasaiota.  Ua haawi au i ko'u mahalo; aka, manao au he kanaka onawaliwali mau oia - aole anei oe i ike?"

            "No ke aloha ana hoi i ka Moiwahine Kuinivale.  Aole au i ike.  O kekahi poe aloha he ikaika, aohe he nawaliwali,"  ana i pane aku ai.  Nana hou aku ia o Leone iaia.

            "O oe anei ke keiki a kekahi haku kiekie?"  i ninau aku ai oia; "na kekahi mea i hai mai la'u."

            "Ae: o ko'u makuakane, ola ke Alii o Lanasawela; a ua kahea aku nohoi na kanaka iaia he alii kiekie.  He nui kona waiwai a me kona mana nui."

            "A heaha ka mea nana i alakai la oe, ke keiki a kekahi alii kiekie lialo nei i Raselei?"  ana (Leone) i olelo aku ai.

            " No ka'u wahi hana ole nohoi," i pane aku ai ola.  "Ma Okapoka au no na makahiki he nui; a ua hoopalaleha au i ka hapanui o ko'u manawa."

            "Alaila, he imi naauao kau hana?"  wahi a Leone i ninau aku ai.

            "Ae, he oiaio la.  E hoao ana au e hoopiha i ka manawa a'u i hoomaunauna wale ai.  He mau haawina ka'u e hoomakaukau nei no ka hoike e hiki mai ana; a ua hoouna mai nei hoi kuu makuakane la'u ilalo nei i kahi o Kauka Hawe, no ka mea, ua ike ia ola ma na wahi a pau o Enelani nei, he kanaka noeau loa."

            A uhi ae la kekahi ao mai kekahi aoao a i kekahi aoao o ka mahina, no kekahi hapa minute: ua hoopuiwa ia o Leone no keia hoopoluluhi ana iho.

            "E hoi ana i keia manawa," ana i olelo ne ai; "aole no ko'u ano lohi ana, aka, ke hele loa aku nei e poeleele."

            "E ike hou aku ana anei au ia oe?" ana i kahea aku ai.  "e pono oe e hoopaa mai i kekahi olelo hoopaa me a'u."            

            "Aole, he wahi manaolo uuku wale no kou no ia mea he olelo hoopaa," i pane aku ai oia, "ea, ke ike ae la no kakou i ka mana kilokilo o ua u'i nei i kona hoole ana aku i ke noi a ke keiki alii, e hoopaa aku oia i kana olelo hoopaa: a kiai aku la la a hiki i kona nalowale loa ana mawaena o ka ululaau o Raselei.  He halawai ana keia i maopopo mua ole; a hoea koke mai la no he hopena kupaianaha."

            Ua ike mua ae nei kaua e ka makamaka heluhelu aia o Leone ke huli hoi la no kona home mahina ai; a ua haalele iho la na hoa i Puna.  Iaia i hoea aku ai i ka hale e kiai mai ana no kona makuakane iaia ma kona wahi maa mau no e noho ai e puhi paka.  Ia wa, komo aku nei o Leone me ka hoihoi nui, me ka malamalama o ka mahina iluna o kona helehelena, e kawa-u mai ana no kona lauoho uliuli me na kulukehau, kona mau maka ua hele a mohio i ka makani, aka, he onaona, he lokomaikai, he alohilohi a he ano alii ka mea a kona mau maka e hoike mai ana.  Nana aku nei kona makuakane iaia me ke pahaohao a ninau aku la:  "Ihea aku nei oe e Leone?" i ninau hou aku ai kona makuakane.  Ia wa oia i nana aku ai iaia me ka hele iki ana iho o kana aka a pane aku la:

            "I ka halewili-kahawai aku nei au."  A namunamu liilii loa iho la ia, "I ka Paredaiso nani aku nei au."  O ka Paredaiso nani iho ia paha ia ana i manao ai - keia hora hookahi ana i huipu ai me kekahi keonimana, he kanaka mikioi a piha naauao.  Ua nui ka haohao o kona makuakane iaia i kela ahiahi; ka ohaha maikai o kona mau maka ame ka hoihoi o kana kamailio ana mai.  O ka mea maa mau iaia oia hoi, o ke ano maluhiluhi o kona nanaina, a me ke ano hoowahawaha i ka noho'na mehameha; aka, i keia ahiahi he mea  hou loa keia i ike ia maluna ona.  Ua iini nui oia no ka hookaawale ana'ku i ka noho'na luhi mai iaia aku, a e hoea io mai ana paha ia manawa.  Ua ike oia a ua kamailio pu me kekahi kanaka, aole no kona u'i ana a kaulana aka, he haku oia, he keiki na kekahi alii kiekie.  Ua haawi aku oia i kona mahalo ana nona, ua olelo ae nohoi oia, ua oi ae no kona (Leone) u'i mamua o na mele nani loa a ka poe akamai i ka haku mele.  Ua hoala ia kona hiamoe e ka malamalama o ka la i poha aku ai iloko o kona lumi-moe i kekahi kakahiaka ae.  Ua ala ae la oia me ka noonoo ana no kekahi mea ano hou a me ka noho'na nani paha e loaa aku ana iaia; he olioli maoli no ka hoolohe ana'ku i na manu e himeni mai ana; he olioli ka auau ana iloko o ka wai aliali a huihui maikai; he olioli hoi ka hanu ana'ku i na ea aala o ke kakahiaka; a oia kana i haupu wale ae ai no, pehea la e ike hou aku ana anei au iaia?  O kela noonoo ulu wale ae no iloko o Leone a kakou i ike mua aku nei ua ala hou mai la no ia iloko ona: ua hoao oia e kahiko iaia a nani elike me ka u'i ana i manao ai ua kupono ia no ka hookipa ana mai i kekahi malihini kiekie a hanohano.  Ia wa oia i komo iho ai i kekahi lole akala hakeakea a kupono e like me kona makemake.  O kona poo a me kona mau maka onaona me he mea la he poe pua opuu lakou e hoomaka ae ana e mohala mai waena ae o na lau uliuli o kekahi kumu pua.  Hoomaka iho nei ia e kahi i kona lauoho uliuli a maika ia wa oia i lalau, aku ai i kekahi loke ulaula a omau iho la maluna o kona poo, a mino aka iho la.  He olalo anei e ike aku ana au iaia?  A olelo iho la no la iaia iho no.  Heaha aua nei ka mea nana e lawe mai he keiki a kekahi alii i keia wahi mahina ai o Raselei nei?  Ua hooluolu ia ko Leona noonoo ia kakahiaka; no ka mea ua ai na manu nunu keokeo, na manu nunu polu a me na moa liilii ana, nolaila aohe ana hana hou aku e hoolepo ai i kona lole nani ana i komo ai.

            I ka auina la ana ae ua makemake iho la o Noela ke kanaka-mahi-ai ia Leone e hele ilalo i kahi o ka malamauu maloo, no ka mea ua paa loa na kanaka, i ka hana i ka mauu hou a lakou e oki ana.  Ua makemake oia e lawe o Leone i kekahi olelo hoouna ia lakou no ka pu-a ana.  Ua like loa oia me kekahi anela iaia i puka mai ai iwaho a hele aku la mawaena o kahi alanui ololi a malumalu me kekahi pua loke ulaula e kau ana maluna o kona poo, a hookahi hoi maluna o kona umauma, me ka huihui pua iloko o kona lima.  Aole ia i ike iki aku i ka Haku Sanadoa, eia nae, aole ia i hoolilo i kona noonoo no kekahi mea okoa aku, nona wale no.  O na kumulaau a pau, o na mala a pau, o na alanui ololi a pau ana e kaalo ae ai e hoomanao mau ana no oia o ka ike lihi aku iaia; aka, he mea olalo aole oia malaila; me he hihio la kana i hoomaopopo iho ai a puiwa ae la oia no ka ikaika o ke koni ana ae o kona puuwai i ka wa ana i ike aku iaia - e hele mai ana ma kekahi aoao mai o kekahi wahi a na kanaka e kahea ai o Puluka Medo - a ilaila iho la i halawai ai oia me ka Haku Sanadoa he alo, he alo.  I ko laua halawai mua ana, iloko ia o kekahi po konane maikai o ka mahina; a i ka lua hoi o ka halawai ana iloko ia o kekahi la welawela ino, ka wa hoi a laua i olelo ae ai, ola ka wa i hoopiha ia ai o ka honua me ke aloha.

            E himeni mai ana na manu e pili ana no ke aloha iluna o na kumulaau, e mukiki mai ana na pulelehua i ka wai aloha o na pua, e hawanawana mai ana ke aheahe makani i kona aloha i na lau laau, a e honi mai ana hoi ka malamalama o ka la i ka honua nei i kona moe malie ana iloko o kana puliki aloha ana.

            "Leone," i kahea mai ai oia; alaila puai koke ae la ka ula ma kona mau papalina.  "E kala mai oe la'u," ana i olelo aku ai,  "o ka mea pololei a'u e kahea aku ai o Miss Noela; no ko'u hoomanao mau no kekahi ia oe a ao ae nei keia po, oia no ko'u mea o ke kahea ana'ku nei o Leone.  Aole au i hoomanao mamua o ko'u kamailio ana aku nei."

            Akaaka iho la o Leone i ka olelo hoolaulea loihi ana i hoolohe mai ai.

            "E hana hou mai oe," wahi a Leone i olelo aku ai.  "E hoomaka mai oe penei:"  "Aloha-awakea, e Miss Noela."  ia manawa hoomaka aku la ola e hai hou elike me ka Leone i olelo mai ai.

            "Manao au na ko'u ano maikai u kulana pomaikai no i hoouna mai nei la'u ma keia wani.  E liai anu aenua aa o ka loaa aau o ko u wahi keneia @ e ha malilo pu ai - a o ka nauoa nui loa no i loaa la'u oia ka halawai pu ana me oe; malia paha, he hana kau."

            "Aole; ua hana au i ka'u mau hana a pau.  Aohe o'u paa mau i ka hana, wahi ana i olelo aku ai me ke aheahe malie o'kona leo.  Ia wa i hoomahieiho ai ua Haku Sanadoa ia me kekani mino aka ana.

            "Aole; ua manao no au aole oe i paa i ka hana, wahi ana i olelo aku ai.  Ua nana hou mai ia no oia maluna o ke kaikainahine ana i manao ai o ka ua ia o ka u'i a me ka nani a kona mau maka i ike ai; a olelo aku ia oia, "Aole e hiki ia oe ke ku iloko o ka wela o ka la."  Ina aohe au hana, e ae mai  ana anei oe e hele pu me a'u mawaena o na ululaau o Lei?  Ua hiki la'u ke hooniaopopo i ke alanui i keia manawa.  Ua ano kanalua iho la ola (Leone) a ua ike mai la no ua Haku Sanadoa la.  Ia wa oia i wehe ae ai i kona papale a ku iho la imua ona me ka papale ole, e kakali aku ana o ka loaa mai o kana pane.

            "Ae e hele ana au," wahi a Leone i olelo aku ai.  "Heaha hoi ka'u mea e hoole aku ai i kau noi?"

            Ko iaua hoolale koke ae la no la no ka laua huakai hele iloko o na ululanu o Lei, kahi hoi o na kumulaau o ka nunui e hoomalumalu mai ana me ka oluolu maikai, a me ka honua hoi e uhi paa ia ana e kekahi ahua nui o na pua iliili;  o na lalani hoi keia o kekahi ano pua i kapaia he huihui-pele e hoonioni malie ia mai ana e ke koaniani makani, na pua vaioleta e huna ia mai ana no lakou e ko lakou mau lau, a me na opuu pua-ohelo hoi e popohe maikai mai ana.  Aohe he onaona mai a koe.  E hoolei mai ana na kukuna o ka ia mawaena o na lala laau nunui uliuli, a hohola aku la hoi ko lakou mau aka maluna o ka mauu e ulu maikai mai ana.  He nani maoli no ke nana aku oe i ka piha o ka honua nei i na mea ala o kela ano pua keia ano pua.  Ua hialaai iho la ua mau u'i nei ina anoai o ka la wela a laua i hoohala ai iloko o na ululaau o Lei.

            O ka Haku Sanadoa no ka mua o ke kamailio ana aku; ua nana mai la ola maluna o ka helehelepa oluolu o Leone; a olelo koke mai la, "aohe ou ano hoihoi mai no kela wahi, e Miss Noela; aole hiki la'u ke hai aku ia oe heaha ia.  Oia no ka ko'u makuakane e olelo mau mai ai ia'u; e ninau mau mai ana oia ina paha o Raselei."

            "He manaolana ko'u aole loa oe e hana pela," wahi a ka Haku Sanadoa i uwe mai ai.  "Aole nohoi au i ike pehea la i olelo aku ai o Leone.
            (Nana ma ka Aoao 6.)

 

UA PAU KA WELI I KA NOHO HUKI NIHO.

           

            HE HIKI KE HUKI A HOOPIHAIA NA NIHO POPO ME KA EHA OLE malalo o na paahana ana o keia au naauao e kapiliia ai i ka io o ka papa niho.  Aohe hanaia i ka laau hoohiamoe.

            O keia wale no kahi huki a hana niho ma Honolulu nei i loaa na PAAHANA I HOOPAAIA me na mea e ae e hiki ai ke huki, hoopiha a hoopaa i poo gula a puna paha e hiki ole ai ke ikeia ke ano e mai ka niho maoli ae, a e paa no ia no umi makahiki malalo o ka hoopaa ana, me ka LOAA OLE O KEKAHI HUNAHUNA O KA EHA.  He POE WALE NO I HOONAAUAO A HOOKUU MAIKAI IA na poe lawelawe, he poe i lawelawe mua ma keia oihana mai ka 12 a i ka 20 makahiki, a he loea ma ke poo o na mahele like ole o keia oihana.  E kipa mai io makou nei, a e ike no auanei oukou i ka oialo e ka makou e hoolaha nei.  E hoike mua aku no makou ia oukou i ka nui o ko oukou lilo i ka wa e NANA MUA AI ME KA UKU OLE.

            PAA NIHO KU'I ..........................$5.00

            NIHO GULA ..................................5.00

            HOOPIHA IA ANA ME KE GULA ...1.00

            HOOPIHA IA ANA ME KE DALA .....50

            Ua lawa ko makou inoa i ka hooia ana i ka maikai o na hana a pau.

            NEW YORK DENTAL PARLORS,

                                    Room 4, Elite Building, Alanui Hoetele.

            HE MAU WAHINE NO KAHI NO KA WAHINE.

                        8 a.m.                                      p. m.

 

HALE KUAI

 

BIBI, I'A, KAMANO

 

MOA, PALAHU Etc.

 

KAPI I, AKAAKAI

 

                        OHI'A, UALA A

 

            NUI WALE AKU.

 

            O keia mau mea a pau i hoikeia ae la maluna, eia ke kualia nei i keia mau la me ka emi loa.  Aole e hoomaopopo ana ka mea heluhelu i ka olalo o keia a hiki i ka ikemaka ana.

            He nui na ono a ka maka e waa ai; mai na uha bipi moanona a na kaka puaa kelekele o Kaleponi, ka naaukaloa, ka puaa paakai e ono ai me ka luau, a i ole ia, ua kapiki lau po'i.  "Auwe! moni ka haae!"

            E wae a pau ka makemake.  He iraipahe na kukaiolelo ana, a he oluolu loa aku hoi ke kumukuai.

            E kipa naai.  Aohe o makou la kooo na Seburii wale ne.

            Eia ho makou hale kuai bipi ma he Alanui Bodela mauka iho o kahi o Kakela me Kuiko ma.

            HONOLULU @@@@   @@, LTD.

                                    Alanui Kakela