Ka Nupepa Kuokoa, Volume XXXIX, Number 23, 7 June 1901 — Peresidena McKinley ma Kapalakiko. Nui kona Mahalo i ka maikai o na Keiki no Lakou ka Huina i hiki aku i ke 45,000 me na pua nani e ua ana e Like me ka ikaika o ke Lakou mau Leo. [ARTICLE]

Peresidena McKinley ma Kapalakiko.

Nui kona Mahalo i ka maikai o na Keiki no Lakou ka Huina i hiki aku i ke 45,000 me na pua nani e ua ana e Like me ka ikaika o ke Lakou mau Leo.

Ma ka la 22 o Mei i hoohanohanoia ai ka Peresidena ma Kapalakiko. Piha ke alanul i na kanaka a ua kohu naonao ke nana aku. Oka mea mahalo !oa a ka Peresidena oia no ka puali o na keiki liilii no ldkou ka huina i hiki aku i ke 45,000 me na pua nani a me ko lakou mau leo e ua ana a e hoohanohano ana hoi i ko lakou alakai. He mau keiki liilii loa kekahi i maopopo ole ka manao o keia mau hoohanohano ana. Ku mai ka Peresidena a nana mai ina pulapuia o kona lahui e hoohanohano aku ana iaia a ua olelo ae oia 0 ka helu ekahi keia o na mea ana i ike ai mai kona haalele ana i ke kapikala a hiki wale no i keia manawa. I ka la 23 o keia mahina ua haawi ae na lala o ka hui kuka malu o Kapalakiko i kekahi ahaaina nui no ka Peresidena kekahi o na lala o keia hui nui. Ua hoohanohano nui ia ka Peresidena e kona mau hoa ma keia po. I ka la 24 ua kono ia mai oia e hele aku e ike i kekahi o kona mau koa 1 hoi mai ke kaua mai. Kekahi keia 0 na hana hanohano loa o kona ike ana aku ina-koa ana i hoouna aku ai e hele e kaua no ka hanohano o ka aina, Ku aku oia me kona papale i kona lima a haiolelo aku ia lakou. E hoeueu ana 1 ko lakou mau manao no ka hana wiwo ole a lakou i hana ai no ka hoopakele ana i ka aina. Ua hele aku lakou me na kino ikaika a hoi mai kekahi o lakou tne na kino wiwi i aneane i hala aku ma kela ao. Ua haawi aku lakou 1 ka ikaika a me ko lakou ola no ka hanohano o ko lakou aina hanau. He nui na kanaka 1 hele ae e lohe i kana haiolelo i kona mau koa i ike i ka wela a me ka inea ola mea he kaua. Ua maikai loa o Mra. Maklnale a e hoi ana laua no kapikala. Ua nana

pono na kauka i kona ma'i a olelo mai ua hiki ioa iaia ke hoi aku maluna o na kaa ahi me ka poino ole. O ka ma'i

o kana wahkie kekahi mea nana i kono mai i ka Peresidena e hoi koke aku i ko laua hpme ma ke kapikala a hoopokole hoi i kana huakai ike i kona mau kanaka.