Ka Nupepa Kuokoa, Volume XXXIX, Number 23, 7 June 1901 — HOI MAI O BEKALE. Maluna mai o ka Moku Koa Lawton ma ke ano he ohua na ka Presidena. Paa Mai Nei Oia he Leka Mai ka Peresidena mai o Amerika i ka Ahaiolelo o Hawaii Nei. [ARTICLE]

HOI MAI O BEKALE.

Maluna mai o ka Moku Koa Lawton ma ke ano he ohua na ka Presidena.

Paa Mai Nei Oia he Leka Mai ka Peresidena mai o Amerika i ka Ahaiolelo o Hawaii Nei.

•Maluna o ka mokuahi koa Lawton i hoi mai nei ka elele i hoouna ia aku nei e na Home Rula np ka lawe ana i ka lakou olelo hoohOlo kue ia Kiaaina Dole. Ua hol mai oia ma ke ano he ohua na ka Peresidena a oia kona mea i ae ia al e hol mai maluna o ka moku

koa o ke aupuni. I kona kau ana i ka aina ua hoi pololei oia no ka home o kona makuahlne ma Kalihl. He nui na hoaloha i ike ia e hele ana e ike laia ma kona home. I kona ninau ana ia aku i na mea hou o kana huakai ua olelo mai la oia aole oia e hoike mai ana i ke akea a lohe mua ka poe nana oia i hoouna aku nei. Nona ponoi iho ua nui kona hauoli i kona ike ana aku nei i ka nani o Kapalakiko. Ua hui pu oia me ka Peresidena a ua hoihoi mai nei oia he leka mai keia kanaka hanohano mai 1 ka Ahaolelo o Hawaii nei. Aole i maopopo ka mea i kakau ia maloko o keia leka, aka, ma ka manao aku he mau huaolelo wale no e haawi mai ana i kona aloha I ka Ahaolelo. Ua oieio mai ka Peresidena iaia e hoao ikaika ana oia e holo mai 1 Hawaii nei mamua o ka pau ana o kona noho Peresidena ana. Ua ike oia i ka hookipa ana ia o ka Peresldena ma Kapalakiko a ike pu hoi i ka nui o ke aloha o na kanaka o Amerika no ke alakai nui o ko lakou lahui.