Ka Nupepa Kuokoa, Volume XXXIX, Number 25, 21 June 1901 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, IUNE 21, 1901

WAHI HOOLULU O NA MOKU-KAUA.

Ke Nana ia nei na Aina Kupono i Makemake ia no keia Hana.

Ua kauoha ia mai nei ka Maki Nui o ka Aha Hookolo o Amerika ma Hawaii nei e lawe ae i na aina i makemake ia no ke kukulu ana i uapo kumoku no na mokukaua o Amerika ma Hawaii nei.  Ua loaa kelo mana ia lakou ma ke kanawai me ka uku pu ana mai i na kala kupono i ka poe no lakou na aina.  Ua kauoha pu ia mai nei na @@na aupuni ma Hawaii nei e kokua ma keia hana nui.

Ua maopopo loa i keia manawa aole i loihi loa mahope aku o keia manawa e ike ana kakou i keia awakumoku maikai a e loaa ana hoi ka hana i na kanaka malaila.  He hookahi miliona kala a @i iki e hoolilo ia ana ma keia wahi i kela ame keia makahiki a e komo mai ana kekahi o keia puu kala nui iloko o na pakeke o kakou.  He pomaikai nui keia no ka aina ame na kanaka.  He nui na kanaka e noho wale nei aole i loaa kahi haha.  I ka manawa e paa mai ai o keia wahi malia o loaa ka hana malaila.

ULULAAU MA TANTALUS.

Ke Pau Mai Nei i ka Okioki ia i Keia Mau La.

Kue nui na kamaaina i ka hana a ke Komiaina Kanu mea kanu Amerika i hoouna ia mai nei no kona kauoha e oki ia na kumulaau palepiwa e ulu nei ma Tantalus.  I kekahi mau makahiki i hala ae nei ua ike ia ina aole e hooulu ia ana na laau ma na kuahiwi e maloo mai ana ka aina a e nele ana keia kulanakauhale i ka wai a nui ka pilikia.  Ua maopopo loa i na haole naauao i imi pono i ka waiwai io o ka ululaau ma na kuahiwi o keia kekahi o na mea nana e huki mai na paka ua a i ko lakou manawa e haule mai ai na keia mau lau laau e paa ka wai a hookuu liilii mai a aole e pau loa i ka iho iloko o na kahawai liilii a komo aku iloko o ka wai.  No keia kumu ua hoolilo ia he aneane $100,000 ame na makahiki loihi i ka hooulu ana i keia ululaau a keia haole e noke mai nei i ke oki.

E makemake ana oia e kanu hou i kana mau laau i manao ai oia ka maikai, aka he mau makahiki loihi loa keia a kakou e kali aku ai mamua o ka nunui ana mai ola mau wahi kumulaau ana e kanu mai nei.  Ke kuai ia nei ka wahie i loaa mai keia mau laau mai i na Pukiki no elua kala o ka palla.  Ina i lawe ia mai i ke kaona nei ua loaa he eiwa kala a emi iki mai.

KUDALA LIO HEIHEI.

LILO HE EONO LIO HEIHEI O HILO I KA KUAI.

o Hilo mai.  Kekahi keia o na lio holo loa i ike ia ma ke kahua heihei i ka la @@ o keia mahina.

O Kenelala Cronje ka lio mua loa i lawe ia mai.  He keikeina keia lio no kekahi lio holo loa ma Brooklyn, Amerika.  He lio maikai ke nana aku a ua manao ia e lilo aku ana laia kekahi mau heihei i manao ole ia ina e malama maikai ia.  Ua lilo aku keia lio ia Keoki Rodiek no $550.

Lilo ia Harry Evans ka lio elua i kapala o Billy McClosky.  Kekahi keia o na lio holo loa i hiki mai ma Hawaii nei.  He hookahi wale no lio ma Hawaii nei i hiki ke holo a puka mamua ona a ola ka lio o ke Keikialii o Weller.  He aneane mai ola e puka mamua o keia lio holo loa i na manawa a pau.  He $560 ke kumukuai o keia lio i lilo ai.

O Socialist ka lio makemake loa ia.  Aole i heihei keia lio i keia makahiki iho nei aka ua olelo ia o kekahi keia o na lio holo loa i lawe ia mai ma Hawaii nei.  No ka lohi loa o ka hiki ana mai o keia lio aole i hooheihei ia iho nei i keia makahiki.  He lio kino maikai a ikaika ke nana aku.  Ua lilo keia lio ia R. Ballentyne no $1,400.  I kona koho mua loa ia ana no ua hiki e no i ka kaukani.

O Tom Ryder kekahi o na lio i lilo no ke kumukuai haahaa loa.  He $200 wale no ka Louis Marks i uku ai no keia wahi lio.  He lio heihei holo loa keia i ka aina haole mamua aku ua pau kona @@a holo Ola mau maikai no nae o kona kino a ua kupono i lio kaa.

Ua ike na poe a pau i hele i ka la @@ o lune i ka holo o Molly Conners.  I keia wahi lio i lilo ai ka heihei mua loa o keia la.  Ua holo pu aku me ia kekahi o na lio holo loa o keia kulanakauhale aka ua oi aku no oia imua.  Ua lilo keia lio ia R. Ballentyne no $950.  Aole lio ma Hawaii nei i hiki ke heihei me keia lio no ka hapa mile.

Lilo aku o Morrel’s Faust no $200 ia Wilson.  Aole no he maikai loa o keia wahi lio a ola no ke kumu i emi ai o ke kumukuai.  No eono lio ua loaa ia McKenzie he $3860 ua like ia me $643 no ka lio hookahi.

MAULE MAU.

Na Hoailona o Ka Ma’i i Hoike Ia.

Hoike Mai o Mrs. W. T. Clark, o Roma, Nu Ioka, i Kona Kumu Kaena i Kekahi Laau i Kamaaina.

Ka wali pono ole o ka mea ai ame kekahi mau pilikia e ae o ka opu, he mau pilikia keia i hiki ole ke huli pono ia ke kumu o ka hiki ana mai.  I kekahi manawa ua ike ia ma ke ano e o ka puupaa, aka o ka mea maa mau loa ola no ka like ole o ka pana ana o ka puuwai.  He hiki loa i keia manawa ke ike ia ke kumu o keia ma’i a he ola ke maikai ka opu.  O ka mea nana e hoola mai keia ola no o Mrs. W. T. Clark o 318 alanui Thomas, Roma, N. Y.  Penei kana olelo:

“Ua loaa wau i ka ma’i o ka opu a maule mau no hookahi hora i ke kakahiaka.  Ua hele wau a nawaiiwali a haalulu a ua moe ma ka wahi moe.  Ua hoomaka ko’u mai lioko o 1897 a ua mau a hiki i ka piha ana o eha mahina.  Hapa o keia manawa ua moe wau ma ka wahi moe.  Ua nui @a ehaeha i loaa mai ia’u no ka inoino o ka opu ame ka haalulu, aka o ka mea oi aku ola no ka like ole o ka pana ana o ko’u puuwai.  Ua heluhelu mau wau i ka mea e pili ana i ka laau Akaia a Kauka Williams no ka Poe Haikea, a i ka olelo ana mai o kekahi o ko’u mau hoaloha i ka maikai o keia laau ua hooholo wau e hoao.  Kuai wau hookahi pahu a i ka pau ana o keia pahu ua ano pau mai ko’u maule mau ana.  Ua ano maikai ko’u ola kino, aka ua hoomau aku no wau i ka lawe ana a hiki i ka pau ana o eono pahu.  Ke malama mau nei wau i keia laau ma ka hale, no ka mea ua manao wau he laau maikai loa keia.  He hoike mau aku wau i ka maikai o ka Huaale Akala a Kauka Williams i ko’u mau hoaloha, no ka mea ua ike wau i ko lakou maikai”  Kakauinoala.  MRS. W. T. CLARK.

Kakau ia a hoohiki la imua o’u i keia la 9 o Aperila, 1900.

BENJ. S. BROWN.

(Sila)  Notari no ka Lehulehu.

Aole laau o keia au naauao i like aku me ka Huaale Akala a Kauka Williams no ka Poe Haikea.  Ua ikaika keia laau i ka hoomaemae ana i ke koko ame na aa ike o ke kanaka a oia ka mea i maikai loa ai a hiki ke hoola i na ma’i ola ole i na kauka.  He 50 keneka no ka pahu a he 6 pahu i ka $2.50.  Loaa ma na halekuai laau a i ole e kakau mai ia Dr. William Medicine Co., Schenectady, N. Y.

MAKE I KA PALI.

Haule kekahi Lio a make

He 1200 Kapuai ka keikie o ka Pali

I ka Poakolu nei ua hele aku o Ah Fai, he wahi keiki Pake e hoolimalima i kaa mai ka hale kaa mai o Waikiki Inn.  Kii aku oia 1 kana mau lede, he mau kaikamahine Hawaii, a kau aku lakou maluna o keia kaa maikai a holo aku no ka Pali o Nuuanu e hoonanea ai.  I ko lakou pii ana aku i ka Pali ua ike lakou i ka ikaika o ka makani, aka aole ia he mea nana e hookuemi hope mai ai i ko lakou manao.  Ina no he papakolu iho ka ikaika oia makani he mea ole ia i ke Keiki o Kina me kana mau lede.

Ua aneane e kani ka hora umikumamalua mamua o ko lakou hiki ana iluna o keia wahi.  Lele lakou i lalo a hoopaa i ka lio ma ka pa kokok@ i ke kae o ka pali.  Hele iki aku lakou ma ka wahi okoa aku e hoonanea ai.  No ka ikaika loa o ka makani e pa mai ana ua puiwa ka lio a hoomaka oia e oni ma o a maanei.  Holo mai ua wahi keiki Pake nei a mamua o kona hiki ana mai ua lele aku la ka lio me ke kaa a haule i lalo o keia pali kiekie.  He 1200 kapuai ke keikie o keia pali a he make ka mea e loaa mai ana i ka mea e haule aku ana i lalo.  Ua naha ka pa a poino ka Pake.  Ua hoi wawae mai lakou a hiki i ka loaa ana o ke kelepona.  Kelepona ia i kaa mai ka hui kaa mai o Quinn a hoi mai lakou me ke kaumaha.  Aole lakou i hele e nana pono i ke ola ame ka make o keia lio ame ka kaa aka ua maopopo loa iaia aohe lio e ola i keia kiekie nui.

Olelo ae ua wahi keiki nei o Kina ua hiki loa iaia ke uku no keia mau pilikia.  Pau ia mau wahi kala kuai laiki ana i ka lilo no keia wahi hoonanea ana me na kaikamahine o Hawaii.  Malia ua huhu na kupuna o kakou i kona hooheno me na lede o Hawaii nei a hoouna ia mai la ka makani nui e hoopuiwa i ka lio a haule aku i ka pali kaulana o Nuuanu.

Ua hoi aku ua wahi Pake nei a hoike i keia pilikia nui i ka mea nona ka lio me ke kaa a ua hoomaka koke ia e huli.  Hoouna ia kekahi mau kanaka e hele aku e nana pono i keia holoholona ame ke kaa.  Aole i lohe ia mai ka lakou hoike e pili ana no keia mea.

Rudolf Rasenedile

Ka U’i Nana iKaili ka Puuwai o ke Kaikamahine-alii

KA MEA HOI I HOOPAAHAO IA MA NA PAIA ANUANU O KA HALEPAHAO O ZENDA.

Noonoo koke iho la ua wahi koe nei iloko ona.  Hele aku nei hoi au imua o ka Moi olelo ia mai nei au i na aole au e hoike aku i kana mau mea i makemake ai e ike e make koke ana au.  Hoike aku nei au i na mea a pau loaa mai nei ia’u ke ola.  Kei nohoi o ka pakele ia eia hou no hoi keia pilikia imua o ke alo.  Ua ike ia kau mau hana a pau i hana ai.  Ina wau e hoopunipuni ana e make ana wau i ka Moi.  Maopopo ole ia’u ka’u mea e hana aku ia.  Aka, oiai he mau make like no ka laua a ielua he mea kupono e hoike ae wau i na mea a pau loa i loaa iki ia’u keia mau wahi hora e ola aku ai.  Ina wau e hoopunipuni ana o ko’u make koke no ia i keia manawa.  Ia manawa ua hoike aku ia oia i na mea a pau loa.  Hoike aku ia oia e hele mai ana ka Moi me kona mau koa ia po i ka hora ewalu e hoopakele aku i na paahao o ke Kakela.  Hoike aku la oia e hele mai ana lakou a nana e kii aku lakou e lawe mai a hiki imua o na koa o Mikela i ka manawa ana e ike ai ua paleleha.  Hoike aku la oia i kona lawe ana ia me kona maopopo ole a hiki i keia halealii.

Hoolohe mai la ua Mikela nei me ka @@@@ pono ana mai iaia.  I ka pau ana @ @@@@ ma uolelo ana u ninau mai ia @@ Mikela nei ina he olalo kela mau @@@ @ pau loa i hoike ia aku iaia.  Ua ae aku la keia wahi koa me ka olelo pu ana aku he olalo na mea a pau loa ana i olelo aku ai.  Kulou iho la ua Mikela nei a noonoo no kekahi manawa.  “E kahea aku i kou mau koa a pau loa e hele koke mai imua o’u i keia manawa.” wahi ana i pa@e mai ai.  I ke akoakoa ana mai o kana mau koa ua hoike aku ia oia i na mea a pau i hoike ia mai iaia e keia koa.  Ninau aku la oia i na koa i ka lakou hana pono e hana ai.

“E noonoo pono mai kakou i ka kakou hana pono e hana ai.  Ina kakou e loaa ana i ka Moi e pau ana kakou i ka make.  Ina hoi kakou e lanakila ana e @@@wi no wau ia oukou pakahi i kekahi makana ano nui.  Nolaila, e kuu mau pokii o keia ululaau e ahonui a e noonoo like mai kakou i ka mea kupono a kakou e hana ai.” wahi a Mikela.

“Manao wau o ka hana pono loa a kakou e hana ai.  oia no kou kii ana aku i keia poe a lawe mai ma keia aoao a hoopunipuni aku au ia lakou e uhai mai ia’u a ike i na paahao.  Lawe aku wau ia lakou ma ka lumi i lalo.  Komo aku makou ma ka puka mamua a hiki i kou puka ana ma kapuka mahope pani koki mai i ka puka ia lakou a paa lakou iloko.”  wahi a Bob.

“Maikai, maikai.”  wahi a Mikela.  “Pee aku oukou a i ka wa e pau ai keia poe iloko o keia lumi alaila o ko oukou manawa ia e holo koke ae ai a pani i na puka.  Manao wau he manao maikai loa kela ou.  Aka ua manao no oe e komo like ana lakou a pau loa iloko o kela lumi?” wahi a ka Mikela maalea.

“Ina no aole lakou e pau iloko o kela lumi ua hiki loa la kakou ke paio aku me ka poe i koe mai o lakou.  Aka ke manao loa nei wau e hilinai mai ana lakou ia’u.  I ko lakou manawa e paa pio ai ua hiki ia kakou ke lawe aku ia Mikela a poni aku lala i Moi no Ruritania.”

Ia manawa i hipa-hipa-huro ae ai lakou no ka Moi hoiu o Ruritania oia hoi o Mikela.  Ua lohe mai la ke Kaikamahine alii i keia leo huro, aka aole oia i maopopo heaha la ke kumu o kela uaua ana.  Haupu wale ae la no ola o kana ipo aloha i kii mai nei e hoopakele iaia.  Kiai mai la ola ma ka hakahaka o kona pa-hao, aka aohe he ike ia mai.  Hoi aku la ola i luna o kona moe a kahe mai la kona mau waimaka.  “Oh, Rudolf, Rudolf, why don’t you come to me?”  (Heaha la kou mea e hele ole mai nei io’u nei.)

I’a holo iho la kela mea ia lakou a kali wale aku la no o ka napoo aku o ka la a hiki mai ka hora ewalu o ka po, ka hora hoi e hiki mai ai ko lakou mau enemi.  Nui ko lakou hauoli oiai ua maopopo loa ia lakou e paapio ana keia Moi ia lakou a e lilo ana hoi o Mikela ka moi o Ruritania.  Olelo ae la kekahi o lakou ina e lilo ana o Kikela ka Moi e pau ana lakou i poe Kuhina, Kiaaina ame na oihana keikie loa o ka aina.

E nana ae kaua i ka Moi me kona mau hoa.  I ka uhi ana mai o ka malu o ka po ua kau ae la lakou maluna o ko lakou mau lio a hele aku la no ke Kakela o Mikela i ke kuahiyi.  Mamua o ka hora ewalu ua hiki aku la lakou nei ma kela aoao o ka ululaau e nana aku ana i ke Kakela.  Pee iho la lakou a kali aku la o ka ike ia aku o kahi koa nana lakou e lawe aku ana e ike la Mikela me na paahao o ka hale kuahiwi o au Mikela nei.  Kali lakou malaila no kekahi manawa loihi a mahope ike ia aku la ke ani ana mai o ka lima o ua wahi koa nei e hilke mai ana hoi ua makaukau na mea a pau.  Kau ae la ola maluna o kona waapa a hoe mai ia no ko lakou nei wahi e ku aku ana.  Aole i loihi hiki mai la ola iwaho.

“Pehea kau apana hana e ke koa maikai?” wahi a ka Moi.

“Holo pon@@ na mea a pau loa.  Haalele aku nei au e in uana na koa, oiai o ka la hanau keia o Mikela.  Ua hoi mai nei ola me na omole no makou a ua inu a lawa.  Owau wale no ka mea o makou i inu ole oiai ua paopopo loa ia’u e hele mai ana oukou a aole e hiki ana ia’u ke kokua ia oukou ina wau e inu ana.  E wiki mai kakou oi lilo loa lakou i ka lealea.  Haalele aku nei au ua ano ona o Kikela.  Pehea ua hele makukau mai nei no oukou?” wahi a keia koa.

“Ae, ua makaukau makou e hui aku me lakou.  Pehea e ike aku ana no kakou i ka lumi o ke Kaikamahine e hoopaahao ia nei? wahi a ka Moi.

“Ae, e hele aku ana kakou maloko o kekahi lumi pouli i ike ole mai lakou ia kakou a mailaila aku e lawe loa aku ana wau ia oukou i ka wahi e hoopaa la nei o na paahao, ina nae kakou aole e ike ia mai ana.  Ina lakou e ike mai ana la kakou a hoao mai e paio me ko lakou ano ona ua hiki loa ia kakou ke pepehi aku ia lakou.  Nolaila ma kau wahi e hele ai malaila mai no oukou.  Owau ko kakou mea i kamaaina i keia wahi, nolaila mai hookuli oukou i ka’u mau mea e olelo aku ai ia oukou o loaa ia kakou i ka poino,” wahi a ke koa.

Me keia mou olelo ua kau aku la lakou maluna o kela wahi waapa a hoe ia aku ia no kela aoao.  Aole lakou i pau loa maluna o keia wahi waapa nolaila ua au mai kekahi o lakou i hiki like aku ai ma kela aoao.  Aole i loihi ua pae aku la lakou ma kela aoao.  Me ka hoonakeke ole ua hoomakaukau like ae la lakou no ke komo ana aku iloko.  Me ka malia loa lakou i nee aku ai.  Ua manao ae la lakou nei he pololei loa na olelo a keia wahi loa i olelo mai ai ua pau na koa i ke ona.  Aohe he ike wahi loa ia aku.  Aka eia aku ka poino imua e kuu mau hoa.  Ua puni oukou i ka hoowalewale a keia wahi naheka.  Ina i lohe a ike oukou i na koa e pee mai ana mahope o na pani puka pouliuli o kela lumi a oukou e komo aku ai me nei ua nana pono aku oukou i ka koukou mea e hana ai.  I na koukou i ike e paapio ana koukou malalo o Mikela me nai ua huli aku oukou me ka mama nui a holo aku no ka palekana.  Aka, ua maalea na hana a ka nahesa, ua hei oukou i ka upena a ka lawala.

I ko lakou pau pono ana aku la iloko ia manawa i holo aku ai ua wahi koa nahesa nei ma ka mama nui a puka ma ka puka mahope.  Ia manawa hookahi no ua paa mai la ka puka o mua me ka puka o hope a paa lakou iloko o ka lumi.  Nui ke kahaha o ko lakou mau mano, aka, aohe me e hana ae ai ua paapio lakou.  Nana ae la lakou i na pala paa o kela lumi aohe wahi e hemo ai.  Ua paa lakou malalo o ka mana o Mikela.  Aka, aia no me lakou ka lakou mau pu, ame ka lakou mau pahikaua.  Ina e hele mai ana o Mikela me kona mau koa e kii ia lakou e palo aku ana lakou.  O ka mea poino wale no o ka loaa ole mai o ka lakou mau mea ai.  Aole lakou i moe uhane mua e lilo aku ana lakou i mau pio na Mikela aka i ua homua no lawelawe ana a na koa a Mikela a ua lanakila hou no ua Mikela nei.

E nana ae hoi kakou ia Mikela me kona mau kow.  I ko lakou ike ana ua holomua ka lakou hana ua nui loa ko lakou hoaoli, aka ua ike mai ia ua Mikela nei aole i pau ka pilikia oiai aia no me lakou ka lakou mau pu ame na pahikaua.  Ia maou la ole he mak’u nui ia o ka pu oiai aole i maikai e like me na pu o kela maou la a kakou e ike nei.  O ka pahikaua ola ka mea maka’u nui loa ia.  aka, ua nui ko lakou hauoli, no ka mea ua lilo mau la ko lakou mau enemi aia malalo o ka lakou lima.  O ka mea wale no i koe ola ka hoi ana aku a hoike i na kanaka ua make ka Moi o Rurutanio a e koho ia o Mikela i Moi hou na ka aina.  Ua hiki loa ia lakou ke hele aku e hoike hoopunipuni i n Kuhina ua loaa aku ia lakou kekahi o na apana o ke kino o ka Moi ua uaehae liilii la e ka hol@holona ahiu o ke kuahiwi.  Ua loaa aku kekahi apana o kona lole e hooia mai ana ua make lo aoia.  Ua hoolala iho la lakou i ka lakou mau hana hana aku ai no ka manawa e hiki mai ana.

I ko kakou ike hope loa ana aku nei i ka kakou mau ipo ua paa aku lakou malalo o ka malu o ka mana o ke keiki Mekila, ka mea i kapa ia ka puuwai liona.  Aohe ana mea meka’u a ua hiki iaia ke paio aku me na poe a pau loa e hoao mai ana e kue iaia.  O ka mea nui wale no i koe oia ka hele ana aku a kukala imua o na makaainana ua make ka Moi o Ruritania i na holoh@ona ahiu o ke kula a he mea pono loa e koho hou ia i Moi hou.  Ua maopopo loa ia Mikela e koho ia ana oia ka Moi no ka mea oia ke keikeina ponoi o ka Moi o Ruritania.  I ko lakou kuka kamailio ana me kona mau loa ua hooholo iho la lakou o ka hana maikai loa keia a lakou e hana ai, o ka hoike aku i na kanaka ua make ka Moi o Ruritania i na holoholona ahiu a e koho koke ia o Mikela i Moi.

I ke kakahiaka nui ua holo aku ia ke elele a kukala aku ia i ka loaa ana aku o ke kino make o ka Moi i kekahi poe i hele aku ma ke kula, a ua weluwelu liilii kona lole.  Ua pau kona kino i ka ai ia a o na iwi wale no koe.  O ka lole wale no ka mae nana i Moike mai o ka Moi keia i make.  Ua ike ia knoa hele ana me kona mau hoa ma ke kuahiwi aka aole i paopopo loa ka manao o keia hele ana a lakou.  Ua hoike aku la keia koa ua lohe mai ola i keia nu hou aiaia lia e hele mai ana no ke kulanakauhale.  Aole lakou i lohe mua a aole no noi i lohe kona keikeina aloha.  I ka lohe ana o na kanaka o Ruritanioa i keia mea hou ua manao io kakahi poe he pololei keia mau olelo ua manao io ole no hoi kekahi.  Ua lawe mai keia kao i kekahi lole like me ko ka Moi, i hana ia me ka noeau e Mikela ma i pau i ka weluwelu.  I ka ike ana o na kuhina i keia lole ua manao io loa lakou o ka lole no keia o ka Moi i hele ai i ke ahiahi.  Aole mea i koe aku o ka hoouna koke aku ia MIkela, oia wale no ka hana pono.  Ia manawa ua kauoha koke ia aku la keia koa e holo koke me ka mama a pau i loaa i kona lio a hoike aku i keia lohe ia Mikela me ka olelo pu ana aku iaia e holo koke mai no ke kulanakauhale e like me ka eleu i hiki iaia mamua o ka lohe ia ana ae o keia mea hou ano nui a puni ke kulanakauhale.

Ua holo aku la keia wahi koa a hiki imua o Mikela a hoike aku la i ka holomua o kana huakai me ka olelo pu ana aku ua kauoha ia mai nei oia e na kuhina e holo koke aku no ke kulanakauhale e like me ka mama o kona lio mamua o ka lohe la ana ae o keia mea hou ano nui a puni ke kulanakauhale.

“A—ha. lilo ae au i Moi, lilo oe e kena kaikamahine i wahine na’u.  Nou hoi e kena wahi kanaka kuewa i hele mai ne i kuu aina e awaha ai i ka noho alii, o kou wahi kena e noho mau loa ai a hiki i ka hina ana o kou lauoho.  Mamua o kou hemo ana mai e ike ana oe @ ka manao o Kikela a mai hoao hou e kue mai iaia.  Nou hou e kuu keikeina, aloha oe, o kou wahi kena e noho ai no kou ae ana i keia aea haoukae e komo mai a noho i luna o ka noho kalaunu o na makua o kaua.  Owau ka mea nana e hoike aku i ke ao holookoa, he aupuni mana o Ruritania a o kona alii he mana kana mau olelo.”  Ua kau aku la oia maluna o knoa lio me ka hauoli nui a holo aku la no ke kulananauhale.  I kone kokoke ana mai ua hoomaka koke iho la oia e kuai i kona maka a hiki i ka ulaula ana, i manao ia mai ai ua uwe iho nei ola no ka make ana o kona keikuaana.  HIki aku la oia me na maka i hele a ulaula, ame ka helehelena kaumaha ke nana ia mai.  Hoike aku la oia i ka nui o kona kaumaha no ka make ana o kona haku ka Moi, ame ka niu o kona puiwa i ka manawa i hiki aku ai ke koa a hoike aku i keia mau mea iaia.  Aole loa ola i manao mua e make koke ana kona kaikuaana e like me keia.

Olelo mai la na kuhina e koho koke ia i Moi hou a oiai oia ka pilikoko kokoke loa ua kupono loa aia ka Moi.  Manao lakou i na e waiho lihi ia ana e kmo mai ana kekahi mau ohana a olelo mai o lakou ka pili loa i ka Moi a lilo ia i mea hoopaapaa nolaila e poni koke ia i Moi hou.

Ae koke aku ia ua Mikela nei me ka eleu nui i ka mano o na kuhina me ka kauoha pu aku e poni ia oia i ka la aopop.  Ua hoike koke ia aku ia ka lohe ma o a maanei o ka aina.  Hoomaka koke ia iho la e hoomakaukau no ka la e poni ia ai i Moi hou no ka aina.  Aole i nui ka poe i hele mai e ike i keia poni Moi no ka mea aole lakou i manao lo loa ua make ka Moi.  Aka, he mae ole ia ia Mikela.  Ua poni ia mai la oia i Moi no Ruritania.  Kauoha aku la oia e kanikau na hale hana a pua loa o ke kulanakauhale a me ka poe a pau i hiki ke kuai i na mea kanikau e kau aku ia mau mea maluna o ko lakou mau hale.  Ua kanikau ia ka Halealii a puni.

I ke ku ana mai o ke kaa ahi o ka makuahine o Flavia aia hoi ua paa ke kulanakauhale i ke kanikau a haawi ia aku la ka lohe ia lakou ua loaa aku ka lole amu na iwi o ka Moi iloko o ka ululaau a ua make oia i na holoholona ahiu o ke kula.  Hoike puu ia aku la ke koho hou ia ana o keia Mikela i Moi no ka aina.

Ua kau ae ia ua Moiwahine nei maluna o kekahi kaa a kauoha aku la e lawe koke ia oia no ka halealii.  I kona hiki ana aku ua noi aku la oia e ike i ka Moi.  Ua hoole ia mai la kana noi oiai ua kaumaha ka Moi no ka make ana o kona mua a aia oia ke kanikau nei nona.  Ua hooikaika loa aku la keia Moiwahine e ike, oiai he huakai ano nui kana i hele mai nei a ua makemake loa e ike i ka Moi.  Hoike pu aku la ola o ka makuahine ala o Flavia.

Ua lawe ia aku ia keia lohe imua o ka Moi hou o Ruritanio a i kona lohe ana i keia maou olelo ua ae mai la ola e lawe ia aku keia wahine imua ona.  Kii la mai la ola a lawe ia aku la iloko o keia Halealii nani a hiki iloko o ka lumi a ua Mikela nei e noho ana me kona poo e lulou ana iloko o ke kaumaha “hoopunipuni.”  I kona nana ana mai a ike i kela wahine i ke komo aku ua ku ae la ua Kikela nei iluna a hookipa maikai mai la laia.

“E noho e ka lede maikai.  Ua olelo ia mai nei ia’u o ka makuahine oe o Flavia ka ui.  Heaha kaia huakai nui au i hele mai nei.”  E hoike mai i kau kaua nei, a ina he mea hiki ia’u ke kokua aku ia oe ua makaukau loa kela mau lima no ka hana ana aku i na hana maikai,” wahi a Mikela.

“I hele mai nei au e ninau ia oe ina oe i ike i kuu Flavia, kuu lei aloha.  Ua kali mai nei au nona a no kona hoi ole mai ua hele okoa mai nei au e huli lala.  Ina oe i ike i kona wahi e noho nei e hoike koke mai ia’u.  Ina aole ola e loaa ana ia’u e make ana no wau no ka nui loa o ko’u aloha nona.  E kuu haku maikai, e hoike mai i kau kaua nei i ka wahi e noho nei kela kaikamahine a’u i aloha nui ai.”  wahi a ka Moiwahine me kona mau waimaka e kahe ana.

“Ua hoonui loa mai oe e ka lede maikai i ko’u kaumaha.  Mai uwe mai imua o’u olai ua nui loa ia ko’u kaumaha no ka make ana aku o ko’u kaikuaana aloha. ka Moi hoi o keia aina nani.  No kau kaikamahine e kali iki oe ua ike wau i kona wahi e noho nei a ina oe e ae mai ana e moe ma ka halealii nei a hiki i ka la apopo e kii aku no wau lala a lawe mai imua o kou alo@.  Mai hookaumaha ia oe iho nona liai ua maikai kona ola a aie oia ke malama maikai ia nei.”

“Ke malama maikai ia nei?  Nawai ola e malama nei?  Ua hiki auanei ia oe ke hoike mai i ka mea nana ola e malama ne?  Ua mare auanei ola i ke kane?  E hoike mai i na mea a pau e pili ana nona?  Ke aneane nei kuu puuwai e naha no kona nalowale ana mai kuu mau maka aku i kela mau la loihi.  E hoike mai e hoike mai ia’u e ke keonimana kaikai.”

“Mai hookaumaha i kou mau manao e ka Moiwahine.  E kali hoomanawanui oe a hiki i ka la apopo a e ike no oe iaia.  Ua hiki loa no ia’u ke hoike aku ia oe i keia manawa aka ua oi aku ka maikai nana ponoi no e hoike mai ua mea a pau loa ia oe, nolaila aole wau e kamailio aku ana ia oe no ia mea.  E ae mai ia’u e lawe aku ia oe ma kou lumi.”

“E kala mai hoi oe e ka Moi ia u Makemake wau e noi aku i kou oluolu e hoike mai oe ia’u hookahi wale no haina.  Ua mare auanei ola?”

“Aole ola i mare.  Ina oe e hoi ana ma kou lumi e hooluolu iki ai a hiki i ka manawa e makaukau ai o na mea ai o ka aina ahiahi alaila lawe aku wau ia oe i ka holokaa a hoike aku wau ia oe i na mea a pau loa e pili ana nona oiai ua ike wau i na mea a pau loa.  E oluolu oe e ae mai ia’u e lawe aku ia oe a hiki i kou lumi.”

Me keia mau olelo ua hoopau loa ae la ka Moiwahine i kana mau olelo ana, a hele aku la oia me ka Moi Mikela i kona lumi.  I ko laua hiki ana aku me ka lumi i manao ia nona ua haalele mai la ka Moi iaia a hoi aku ia no kona lumi e kanikau no kona kaikuaana.

I ka pau ana o ka aina ahiahi ua hele aku la laua i ka holoholo ahiahi maluna o ke kaa alii, a ia manawa i hoike aku ai o MIkela ina mea a pau penei:  “I ko’u ike mua loa ana i kela kaikamahine au ua hoomaka koke no e kuko ko’u naau e lilo oia i wahine na’u.  Ua hele aku wau e noi iaia aka ua aloha oia i ko’u kaikuaana, ola hoi ka Moi i make aku la.  I mea e mare ole ai laua ua lawe aku wau iaia a huna ma ko’u kakela aia oia malaila kahi i huna ia ai i kela manawa.  I kela manawa ua make aku nei ko’u kaikuaana a nolaila ua mano wau he mea maikai e lawe mai iaia imua o ko kaua alo a nau ia e hoike aku iaia ua make ka Moi a o ka mea pono wale no iaia o kona mare mai ia’u aiai owau ka Moi i keia manawa a e imi no wau i na mea e hauoli ai o kona ola ana.  Ina oe e kokua ana ia’u a hiki i kona ae ana mai e lilo i wahine na’u alaila e malama no wau ia olua e like me ka malama ia ana o na alii hanohano a hiki i ko kakou hoi hou ana aku i ka lepo.  Pahea kou manao e ka Moiwahine maikai?”

“He moolelo kupaianaha kau i hoike mai nei ia’u.  Ua lawe aku oe e hoopaa i kuu kaikamanine maloko o kou kakela me kou manao o lilo ia hai a hoka oe a aole nae oe i hoike mua mai ia’u.  Aole i hiki ia’u ke hoike aku i ko’u manao i kela manawa a hiki i ko’u ike ana i kuu kaikamahine a lohe pono hoi mai kona mau lehelehe mai i kela mau hana kupalanaha.  E oluolu oe e kii koke aku iaia i keia manawa a lawe mai imua o kuu ola no ka mea ke aneane nei e naha kuu puuwai no ke aloha iaia.  E kuu haku, e ae mai i ke noi a kau kau’a nei.  Iina oe e hana i ko’u makemake a ike ak uwau i kona mau maka malia paha o kokua aku wau e hooko ia kou mau makemake.  E ae ana no auanei oe?”  wahi a ka Moiwahine.

“Ae, he nani ia ua noi mai la oe me ka maikai e kii aku no wau iaia a lawe mai imua ou.  E noonoo hoi oe ua olelo mai nei oe ia’u ina wau e kii ana iaia a lawe mai imua ou i keia po alaila e komo e kokua ana oe ia’u i ka hooikaika ana e lilo oia i wahine na’u.”

Me keia mau huaolelo ua haawi mai laua Kikela nei i ke aloha ahiahi a hele aku la oia no kana huakai kii i ke kaikamahine.  Noho iho hoi ka Moiwahine e kali aku o ka hiki mai o kana mea i aloha ai. 

I ka hiki ana aku o ua Mikela nei i ke kakeia ua hauoli loa kona mau koa i ka ike ana ua poni ia oia i Moi no Ruritania.  aU manao iho la nohoi iakou e lilo ana lakou i mau kuhina a i mau kanaka nui no ka aina.  Nolaila i ko lakou ike ana mai i ko lakou haku ua holo mai la lakou me ka makemake e lohe owai ana la o lakou ke lillo ana i kuhina nui ame na oihana koikoi o ka aina.  Aka ua olelo aku la o Mikela aole oia i noonoo na ia mea i kela manawa a he mea kupono ia lakou e noho hoomanawanui a hiki i ka pau ana o kela hana ana e hana nei alaila ola noonoo aku no ke koho ana ia lakou ma keia mau oihana a lakou e makemake nei.  Ua mehemehe polole aku la oia ia lakou o ka lakou hana pono e hana ai, e kali a hiki i ka pau loa ana o ka uluaoa o na kanaka no ka make ana o ko lakou alii a lihi pono aku hona noho ana ma ka noho kalaunu alaila ola noonoo aku i mau kuhina hou nona aka i kela manawa aole loa i hiki iaia ke hoopau wale aku e keia mau kuhina ona o hookomo aku ia lakou.  He mau hana ia e ike ia mai ai e waiho i ka hoopilimeaai a makemake ole mai na kanaka iaia.  Me keia mau olelo akamai a ua Mikela nei ua pau iho la ka manao huhu o kona mau koa a hoi aku la lakou ma ko lakou mau wahi i hookaawale ia e nana ai i ka hana i haawi ia la lakou.

Pii pololeii aku la ua Mikela nei a hiki i ka lumi o ke kaikamahine alii a hoike aku laia i ka mea hou penei:

“E like me ko’u lawe ana mai ia oe mai ka Halealii mai peia no wau e makemake nei e hoihoi aku la oe i laila.  Ua loihi loa ko’u hoopaa ana ia oe na keia wahi a ua mau kou hoole ana mai la’u.  Nolaila ua manao wau aole loa no oe e ae mai ana e lilo i wahine na’u.  E ae mai oe ia’u e hoihoi aku i ka Halealii i keia po.”

“Owai ko loko o ka Halealii i keia manawa?  E hoike mai oe ia’u mamua o kou ae ana e haaiele ana i heia wahi.  Ke manao nei wau e lawe hou aku ana oe ia’u e huna ma kekahi wahi hou aku.  Aka e huna wale no oe ia’u a hiki aku i ka palena pau o ka honua e huli mai ana no ka mea a kuu puuwai i aloha ai a hiki i ko’u loaa ana.”

“Ninau mai nei oe owai ko loko o ka halealii.  O ka haina o ke alii ka Moi.  Ola wale no ka mea i ae ia iloko o kona hale a aohe he mea okoa ae.  Aia malaila kou makuahine ua makemake ola e ike ia oe a ole ke kumu nui o ko’u kii ana mai nei ia oe.  E ku mai a lawe aku wau ia oe imua ona.”

“Aole loa i hiki ia’u ke hlilinai aku ia oe aka ke olelo mai nei oe ua makemake kuu makuahine aloha e ike ia’u.  Ina no wau e noho ana ma keia wahi aule no wau e ola ana.  Ina no hoi oe e lawe aku ana ia’u ma kekahi wahi okoa  aole no wau e ala ana.  Ua like no a like, noaila ke ae au nei au ia oe e lawe aku ia’u i ka halealii.”

“Mai makau oe ia’u.  E lawe pololei aku ana wau ia oe i laila.”

Me keia mau olelo ua haalele aku ia ua Mikela nei i keia kaikamahine e komo ana i kona lole a hele aku la oia e nana i kana mau paahao.  I kona ninau ana aku i kana mau loa pehea la na paahao ua olelo ia mai la aole lakou i hanai ia i keia ia a po.  Ua maka’u na koa i ka wehe aku i ka puka o ku mai lakou i ka pu a oki ia mai hoi na poo o lakou i ka pahi.  Ua noonoo iho la lakou i ka lakou me e hana ai a ua hiki ole ia lakou ke kii aku e wahe i ka puka.  O ka hana pono wale no a lakou e hana ai o ka waiho i keia poe maloko o keia wahi a hiki i ko lakou make ana.  Ina lakou e wehe aku ana i ka puka e pau ana lakou i ka pephi ia.

“E waiho aku ia lakou a hiki i ko lakou popopo ana maloko o kena lumi.  Aole loa oukou pono e hookuu mai ia lakou iwaho.” wahi a Mikela.

Me keia mau olelo ua hoi aku la ua Mikela nei e kii i ke kaikamahine alii a lawe aku le iaia no ka halealii.  I ko laua kokoke ana mai i ka halealii ia manawa i hoike aku ai ua Mikela nei ua make ka Moi i na holoholona ahiu o ke kuahiwi a ua loaa aku kona lole i hele a weluwelu a ua poni ia iho nei oia i Moi.

“Aole loa wau e hilinai aku ana i kena mau olelo au e olelo mai nei ia’u.  Ke olelo mai nei kuu puuwai ia’u aole loa oia i make aka eia no oia ke ola nei.  Aole loa e hiki la oukou ke olelo mai ia’u ua make ia loa no ka mea aole loa wau e hilinai aku ana i ka oukou mau olelo.”

“He mea makehewa wale no ko kaua hoopoapaa ana no ia mea.  Ua make ola.  Eia kou makuahine iloko nei o ka halealii me a’u kahi i noho ai.  I keia la no kona hiki ana mai nei.  He lede maikai ola a ua nui ko’u makemake a loaa ia’u kekahi makuahonowai e like me kiea.”

(Aole i pau.)

MAI HOOHEMAHEMA.

O na Uha-hemo, he Mea Hoopoino ia i

ke Ola Maikai, a he Mea hoi e Loaa

Ai ke Kino i na Poino he Nui.

(Mai ka Nupepa Sydney Herald mai.)

O ka poe apau e hoomaopopo ana i ke kumu o ka loohia ana o ke kino i na ma’i lehulehu, elike me na ma’i poino o ke ola elike me ka fistula, ka popo o ke kikala, ame na wahi pili kokoke ilaila, a peia aku, o ka hoomaka ana mai i na manawa lehulehu, he liilii loa, a he puupuu liilii wale no ia i kinohi, a pela e ulu ai a hiki i ka nui loa ana, a ia wa iho ia e ikeia ai no ka manawa mua loa, o ka mea wale no e ola ai, o ka hamo i ka laau ola a DOAN i kapaia, DOAN’S OINTMENT; no ka mea, o ka laau wale no keia e ola ai o na ano ma’i uha-hemo o keia ano pela hoi me ka maneo, ka pehu a he mau haneri poe i ola mamuli o kela laau, a o ke kukmu i makemake nui ia ai, no ka emi loa, ola iho ia ke kumu i hiki ai i ka poe ilihune ke kuai a lapaau ia lakou iho, me ke ola a palekana loa mai na kinaunau mai o keia mau ehaeha o ke kino.  O kekahi mea e ola koke ai o ka ma’i iloko o ke kino; no ka mea i ka wa e kumu ai o keia mau anoano ino, o ka wa ia e paakiki loa ai o ke ola, a he mea hiki ole i ka laau ke pale aku mahope oia wa.  He loaa no mahope mai, ke nui nae na poho laau e hamola ai.

Eia iho kekahi ma’i a’u i ike ai:  Eia ka Mr. William Gilliver o ka Hui Alahao o Gilliver & Curtis, nona hoi ka hua uwila o “Avoca,” Bankstown, a penei oia i kakau ai:  A ua pa’i piha ia keia leta:

Messrs. Foster-McClelln Co., 76 Pitt St., Sydney, N. S. W., Feberuari 14, 1899.

Aloha oukou:-I mea e pomaikai ai olua ame ka lahui a puni e noho ana iloko o na ehaeha he nui, a i loohia nui hoi i na kinaunau o ke kino mamuli o ka ai ana a ka meeau ame ka maneo o ke kino, nolaila keia wahi hoakaka akea.  He 22 o’u makahiki iloko o ka ehaeha o ka ma’i he meeau.  Ua hoao au i na kauka lehulehu a aole nae i loaa ka pono, he wai maha iki wale ae no a mea oili hou no.  Ua nui maoli no ka pilikia mamuli o keia mau kinaunau.  I kuu ike ana i ka oukou hoolaha, ua kuai koke au i poho laau hamo na’u a i kuu hoao ana hookahi hapalua o ua poho nei, o ka hooamka mai no ia o ke ola, a i keia wa ua ola loa ia au.  E hoolaha aku oukou i keia elike me ka makemake.

Me ka mahalo,

WILLIAM GILLIVER

He mea waiwai ole loa ka hoonuinui wale ae no.  He ola wale no na ano maneo apau loa i keia laau kupanaha a DOAN.  Aole he maha iki, aka, he ola loa no.  Ke hilinai ole mai oukou i keia mau hoike i hoolalo, alaila, e ninau ia William Gilliver, ka mea i ola maoli i keia laau.  Eia ola ke noho nei ma kahi he 12 mile ka mamao mai Sydney aku.  Aole anei oia ka hooia kupono loa ne keia mau hana kupanaha a keia laau?  Heaha ae ua mea oi?

He kuaila keia laau a DOAN @a na halekuai laau apau, no ke @0 keneta o ke poho; a e hoounaia no ma ka leta ka loaa mua mai ke kumukuai ia HOLLISTER DRUG CO., Honolulu, no Agena no Ko Hawaii Pae Aina.