Ka Nupepa Kuokoa, Volume XXXIX, Number 28, 12 July 1901 — Page 3
| This text was transcribed by: | Jodie Brown |
| This work is dedicated to: | For Joseph, Sr and Rachel Miner Machado Ohana |
Ka Nupepa Kuokoa
KE KILOHANA POOKELA NO KA LAHUI HAWAII.
HOOLAHA KUMAU.
Ka Hui Alahao ame Aina o Ohau
@a@opesku o Ianuari 1, 1901.
Manawa Holo
WAHI HONOLULU, Mai Honolulu, aku
Waianae, Waialua, Waianae, Wili o Ewa
kaa kuikau kaa ohua, kaa ohua
na la apau na la apau nalaapau
koe ke Sabati.
A.M P.M. P.M. P.M.
Honolulu 7:1 3:10 5:10 5:10
Hanana 8:0 3:43 5:50 5:50
Wili o Ewa 8:@7 4:06 6:10 6:10
Waianae 9:2 4:43
Waialua 12:00
WAHI HONOLULU, mai waho mai ai Honolulu
Wili o Ewa Waialua, @alaano Waialua Wili o Ewa
ka ohua, koe ka ohua, na aa huikaua kaa ohua na kao ohua
ke Sabati ia apau @l@ koe e la a pau i
A.M. A.M. A.M. P.M.
Waialua 6:12 2:39
Waianae 7:12 10:09 3:55
Wili o Ewa 5:50 7:47 10:59 4:32 2:46
Manana 6:15 8:07 11:3 1:10
Honolulu 6:50 8:40 5:26 1:45
G.P. DENISON, Luna, F.C. SMITH, Luna Ku@i aPalapala Ho
LYLE A. DICKEY
mai na Mokupuni mai.
@ hookola na hana pili kanawai a@a Kiki o Alanui Betala m@ Moi. Pa@@
Metropolitan Meat Co
(Hui Kuai Pipi Metropolitan)
B. J. WALLER (Waia) – LUNA n@
108 Alanui Moi.
Poe Kuai a Hoolako i no Moku
ME
na Io Pipi, Hipa a pela’ku,
@ io@ mau ana na Manu ame na @@
mano i hoohu’lhu’lia @oko @ ka Hau.
Makepono ke Kuai i no i’o Pipi mao nei.
TELEPONA HELU 87@6-@@
Ka Ayer
Laau Kunu
No ke Anu, Kuna, Ma’i ma ka Puu, Puu Eha, Anu ame ka Ma’i Ai Ake @@@maka hou. Aohe lua e lo@@ ai @@ Laau Kunu a Ayer. O kela ka laau kunu kaulana loa i ikela ka holol@@ @ na lupaau ana maloko o ka Oihana Lapaau, a ua apono loa no Kauka lapaau ma kela ame kela wahi. E hoomaha@@ ana ia ia ka aai ana i ka pal@ lahilah@ i pili aku ai ka ma’i, wawahi i ka mai@ paakiki e kunukunu a e maneo ai ka puu, hoopau i ke kunu ana, a @oaa hoi ka oluolu. Ma ke ano laau pale pilikia kokoko loa noioko o ka ohana o ke AYER LAAU KUNU ka helu ekahi Aohe lua o keia laau no ka hoola ana i ke Kunu Ho, Kunu Kalea, Puu Eha ame na ma’i apau o ke Ake-mama @oohia mau ai ka poe opiopio. Aoh@ ohana I palekana, ke ole e loaa @a @a@ou
KA AYER LAAU KUNU – OIA HOI-
KA AYER CHERRY PECTORAL, i homa@aukaula o
DR. J. C. AYER & CO., Lowell, Mass, U. S. A.
E makaala loa no na laau hoohali@@ @@@@ kunukuai emi. Ka inoa o ka@@ laau, oia ka AYER CHERRY PECTORAL. E ikeia ana keia inoa mawaho o ka wa-hi, a maiolo nobel a k@ kino o kala ame keia omol@.
Ke pookela o na laau no ka maia@@ ana, ka hooulu ana me ka lo@nani ana i ka lauoho, oia ka
Ayer Laau Hooulu Lauoho.
Aole a kepia ke poo, oia na ma’I puu-puu, aole hoi heleiei ka lauoho. I@@@aloohaha mai ka lauoho, hinawonawe a ano hina ami, alaiia, na k@@@ laau e ho’iho’I houy ae a kona ano @@@, a hooulu lupalupa ae ia i ka lauoh@ M@ na wahi apau, o keia Laau Hooulu Lauoho @ Ayer k@ pookeia, a ua @ ia i punahelo a i @@@@ no ai @@@ a22 na k@@@@@@.
Ayer’s Hair Vigor
@ homakaukauia @
DR. J. C. AYER, Lowell, Mass., U.S.A.
@(sentence illegible)
Hollister Durg co. Lt.
@(sentence illegible)
Leone Noela
Ke Kaiamahine a ke kanaka Mahi@i
O knona makuakane ame kona makuahine, he haawi mau laua i ko laua ae I na mea a pau a ka laua keik ie makemake ai; noialia, he mea oiaio loa, e haawi mai ana no laua i ko laua ae i ka mea a ka laua keiki i makemake ai e ma@e. Ia mana@a koke no i luli ae ai ka Haku Sanadoa i kana Leone aloha a ike aku @a e hoohiolo mai ama na waimaka o ke kaumaha ma kona mau p@palina, a honi aku la I kana wahine me ka puili ana ae iaia iloko o na puili aloha ana, a hoomaka aku ia oia e loelo i kekahi olelo hooma keaka, i mea e hoopau ae ai i ka hiolo ana mai o lela mau wainaka: “Na ka la mahope e nooponopono mai i na mea a pau,” wahi ana i olelo aku ai. “E ano appkiki ana no kuu makuakane no nahi ia pokole, aka, e haawi mai ana no ia i kona manao oluolu mahope; noiaila i kela manawa, e hoohauoli kaua ia kaua ino, e Leone. E noho no kaua ika Ho@e@e Moiwahine a hiki i ka manawa a laua e poloai mai ai ia kaua e hele aku i Kawadoa. Aole no e loihi ana, mai keia ia aku; no ka mea, aole e hiki i kuumakuahine ame kuu makuakane ke noho, ke ole owau pu kekahi me laua. Ehele kaua i ka opera ikeia po, oia ka mea nana e kaili aku i na noonoo kaumaha mai a oe mai e kuu Leone aloha.”
O kela huaolelo opera he huaolelo ano malihini kela i ko Leone pepeiao. He wahi manao ano powehiwehi no kona no keia huaolelo, aka, ua ike no ia he mea e pili ana i na himeni. A o ka hopena o na mea a pau ua ike iho, ia o Leone ua pili paa ke aloha o kana kane opio iaia. Ia wa oia I komo iho ai i kekahi iole ma@ loa, a e hele ana laua i ka opera @aluna o kekahi kaa i paa pono i k@ palulu ia, ia po. Aole n ia i ekemu ma@ i kekahi hualoelo kahaha, aka, o kona uhane a pau ua piha i ka haohao.
O ka aha lealea hoolauna kiekie a nani loa a Leone, @ ike ai oia kekahi aha inu-ti i malama ia e ka papa himeni o kekahi luakini. He leo maikai a oluolu kona ma ke kamailio ana, a he mea oialo, aole ia aole nohoi no poe a pau e poai puni ana iaia i ike i ka waiwai i’o o lona leo a hoomaopopo @aku i kona ano. Ma no wa nui a nanohano o keia papa himeni, na ke kahu Ekalesia e hookipa@i kekahi manawa ua hoohala lakou @o lakou hauoli ana mawaena o na ulu laau, Kahi hoi e honi aku ai I na ea huihui o ke oho o na palai, a i kekahi manawa nohoi maloko o ke Keena i maa mau ia lakou i ka halawai ana.
Oia ka Leone i hoomanao wa@e ae no i no mea e pili ana i keia mau anaina hoolaulea ana i ike ai, oia ka piko ame ke pookela loa o ka nani ame ka hemolele; a i keia manawa ana e noho nie mawaena o keia poai hanohano, e haohao ana oia aia la I ke ao hea oia kahi i hiolani ai. Mamua o ka uu ia ana ae o ka paku iluna, ua hoopaa aku la oia i kona noonoo maluna o keia poai alohilohi a mikioi.
Ia manawa aoia i ike aku ai i no ano lole like ole ame ko lakou mau kaila like ole, na ano daimana like ole, na mea kula like ole, na helehelena u’i like alo ame na aahu aulii a nani o kela a me keia ano, o lkia mau mea apau ia Leone, he mau mea hou wale no ia i ka ike a kona mau maka. A o na mele e mele ia ami ana ua koi mai ia ia iaia. Pa puai mai la ka ula ma na papalina ona me ka hauoli nui, a o kona mau maka uiluli hoi ua hoike mai ia i ka alolilohi ame ka malamalama. O ka Haku Sanadoa hoi keia, ua au ae la kona mau make mao a maanie a puni ka hale-opera, ma kahi hoi o kekahi poe wahine u’i loa o Enelani e nonoho mai ana, a olelo iho ia oia iaia iho no, iwa@na o oukou e kena poe helehelena u’i a pua aole hookahi o oukou i hiki ke uhai mai mahope o ka meheu o ka helehelena u’i o la’u Leone, ka u’i hoi e ohumu waie ia nei. A ua lilo aku ko Leone noonoo no ka nui o kona mau maka, @ohe ona lohe aku i ka ninau aku a ninau mai o ka lehulehu. “Owai hoi kela me ka Haku Sanadoa”.
Aohe no hoi i kana mai ka ui’ o kela helehelena, a he kaikamahine maka onaona nohoi a ku I ka aloha i ka nana aku. Owai oia? Ua ike ka Haku Sanadoa ia mea, a ua piha haaheo kona paau i ka mahalo a na poe a pau i ka u'i o kana wahie opio. "Nolaila i ka wa a luu makuahine e ike mai ai iaia, e hoopau ana oia i knoa mau manao uluku, ana i noonoo ae ai. "e hooluolu ia ana kona noonoo i ka wa ana e ike mai ai, o ka wahine u'i loa ma Enelani nei oia ka'u wahine."
Ao@e oia i hoolauna a hookamaaina aku i keia wahine opio ana oiai, he nui n hoa'loha ona i haawi mai i ka lakou kunou aloha ana me ka ;mapao huna naha Hoko o lakou e noi aku ana ua Haku Opio ne ia lakou e noho mai ai Hoko o ka pahu a laua e noho nei. Aka, ua hoolaia mua no ia i kona mau manao ame ke ano o kona looko ana aku. O kona makuahine-oia hoi keia Kaunawahine hookano, ih@ihi, haakei a hookiekie o Lanasawela-ka mea ana e hookamaaina mau aku ai i keia wahine u'i ana: na ko Leone u'i iho no e illo ai oia i palapala hoompnopono nona i ka wa a kuu makuahine e ike mai ai iaia a hookipa aloha aku hoi i kuu Leone malalo o kona malumalu.
Nolaila ua akahele loa oia aole i noi aku i kekahi mea e noho mai ma ko laua wahi aole nohoi i hoao aku e kamaillo me kekahi o na poe ana i kamaaina mua. Mai ka namawa i hoomaka ai o ka pa-ku o loko o ka hale opera e uu ia @iuna a hoomaka na hana o ia po a hiki i ka pau ana aia o Leone ua hoopiha ia me ka hauoli nui. Ia wa koke iho ia no ua komo aku ia kana hialaai ana iloko o keia ao hou oia hoi keia ao nani o na mele ame na ike akamai a pau o na oihana haku mele, ke ao malamalama a hulili hoi nana i hoopohihihi aku iaia.
Ua kiai pono aku ia ka Haku Sanadoa i kana wahine me na mano hauoli-i ka alohilohi mai a kona mau maka, ame ka hoomahio ma kona mau papalina. O ke keaka i hanaia i keia po, ola kekahi o na hoikeike nani loa - "O Nomo" - He kaikamahine keia Noma, a ua iawe ia mai no hoikeike ana ma na mahele i kuiu makawalu iho ai no waimaka o Leone i ka wa a no huaolelo huhu a ikaiaka loa o ke kaumaha ame na kumu e hoahewa ana i keia Noma i ka wa e hololelo ia mai ana.
Ua nui ko Leone mahalo i ke akamai noeau, a mikioi o na kiina olelo ana ia wa koke no oia i huli aku ai i kana kane me he mea ia o kona uhane a pau e aia mai ana a e kapailii ana me na manao uiu wale ae no, a kamaillo aku ia oia i kana kane me ka leo nahenahe loa, "e Lance, ua hiki loa ia'u ke hana elike me kela. Aole au i manao ua hiki ia'u ke himeni elike @ ia ka maikai, aka, he manao lo'u o ke ano lili elike nohoi me ko Noma lili i kana mea i aloha ai. Ua hiki ia'u ke hai aku i kela i hai mai ia e keia poe hana keaka. He mea kekahi nana e hoala mai nei i ko'u uhane, ka mea hoi a'u i ike ole mamua, he mau mea ano hou loa keia ia'u, eia nae ua hiki loa ia'u ke hoomaopopo i na mea a pau i hoomaka ia mai nei e hana mai ka mua a hiki i ka hope: ua piha kuu puuwai me ka uwila ia'u e hoolohe aku nei." A ua hauoli anei oe e Leone?" wahi a ka Haku Sanadoa i olelo aku ai, i ka wa a ka pa-ku i hookuu ia iho ai mahope o ka pau ana o ka hoikeike anai a hooulumahiehie hope loa. Ua pane mai ia oia i kana kane me kekahi leo nae=henahe loa ame kona hanu ana ae hoi i kekahi hanu kaumaha ana e noonoo ana. A hoomanao mai ia oia i kona ia i mareia ai oia kekahi o na la e hoailona mai ana iloko o kona mau la o ke oia ana a maluna aia kumu i ala mai ai ka ike ame ka hoomaopopo ana i ke ao o na oihana mele ame na leo mele. Aohe mea e ae a laua e hana ai aka o ko noho iho no i ka hoteie. A akaaka waleae la no ka Haku Sanadoa i ke ano hana a kona mau makua e hoao nei e ku-e mai iaia. aua hoohoihoi ia kona naau me ke kamahao loa, ana i noonoo wale ae ai no, a olelo aku la i kana wahine," e lohe aku ana kaua i ka haiulu mai o kekahi kaa i kekahi kakahiaka malie maikai, a he hele mai koe o laua ia nei nei no ka imi ana mai i ka hookuikahi mawaena o ke keiki ame na makua a p@la hoi na makua me ke keiki. I ka wa no i pau ae ai o kana kamilio ana ;ua komo koke mai ia ke kuene me ka Ieta a kuu lede a haawi aku ia iaia hene iki iho ia kana wahi aka a huli ae la ia i kana wahine a olelo aku la," na kuu makuahine mai nei keia leta: ua ike no au e mihi mai ana no oia a i ole ai e noi mai ana paha ia e hoi aku kaua i Kawadoa! Aka, i ka wa ana i hoomaka iho ai e heluhelu ua ano e mai ia kona helehelena o ka mino aka ame na manao hauoli ua kaawale aku la ia mai iaia aku. Aole aia i kamaillo aku i kekahi huaolelo ia Leone, me ka helehelenae aku nui ana e ike i ke kumu'o Lance i haeka ai i ka leta, a ninau mai la oia i kana kane," na ko makuahine mai nei anei kena leta e Lance." Ia wa oia i puili mai ai i kana wahine, iloko o kona poli a honi iho la iaia, a olelo aku la." e kuu aloha, mai hookaumaha i kou noonoo no laua; no ka mea ooe hookahi wale no ka'u mea nui iloko o leia ao. Aole laua e huikaia mai ana ia'u, aka he mea ole ia. Ua haakei au no ka mea a'u i hana ai. He kuokoa loa au.
Eiawe ae ana au i kekahi hale noho no kaua i Rikimona, a ilaila kaua e noho ai a hiki i ka manawa e hoi hou mai ai o ko laua noonoo maikai." O ke ano oia, o ke kaihi loa ana ai no ia ia'u mai na mea like ole a pau." wahi a Leone i olelo aku ai. Ia wa ka Haku Sanadoa i olelo aku ai." a ka la apopo laua e hele ai e imi i wahi hale uuku u'i, a malaila kaua e luana ai me ka oluolu ame ka hauoli. E hoomanao oe i keia mea hookahi wale no - a oia hoi keia, e haawi mai ana kuu makuahine i kona aloha ia oe i ka wa ana i e like mai ai ia oe."
"Nolaila e hookuu mai iaia e ike ia'u i keia manawa koke no e Leone," wahi a Leone i uwe aku ai me ka lini nui," ina ua manao ae pela. Heaha nohoi ka mea o ke kali ana? Ua oi aku ko'u hauoli manua o na mea e ae a pau iloko o keia ao ina oe e hana ana i keia hana."
"Aole hoi i keia manawa koke no," wahi a ka Haku Sanadoa i olelo aku ai e pau ana no na mea a pau i ka hooponoponoia i ka wa e hoea mai ana. Ua makemakie iho la o Leone ina nohoi i haawi aku o Lance i ka leta a ka makuahine ona iaia e heluhelu ai: aka, aohe no ia i makemake e ninau mai heaha la na manao o loko o k letga a kona makuahine. Ehoomakaukau mai no laua e like me ka laua e manao nei aka ua ano manaoia no aia, aohe nana ma ka honuanei e hiki ke hookaawale i keia mare ona, a no ia mea aole loa ia e hookaawale i keia mare ia e hookaumaha ana iaia iho no. E hele ana ia i Rukimana e nana ai i hale no laua. Ao@e iao laua e ae ana e hana i kekahi hana puuwai eleele, oia hoi, e hookaawale ia'u mai kuu Leone mai," wahi a ka Haku Sanadoa i olelo hou ea ai iaia iho no. Ua piha inaina loa ia paha laua i ka manawa a laua e noonoo ae ai no keia hana a'u i hana iho nei. I na manawa a pau e hoea mau aku ana na palapala like ole o keal ame keia ano @ ua Haku Sanadoa nei, aole ia e haawi iki ana i ka leha ana i ka leha ana a kona mau maka @luna o kekahi o keia poe palapala, aka ua kiola aku ia oia ia iakou a pau @@oko o ka puu-opala. He akaaka wale no kana hana i kela mau mea a kona makuahine e hana ami nei. aohe ia iloko o ka manawa o kekahi mea ma ka honua nei, no ka mea, i ka wa a ke kahunapule Barane maikai i mare ai ia laua, ua olelo mai oia i ka Haku Sanadoa e malama oe i kau whaine i ke kau ai i ke kau wi ame ke kau ma'i, a peia nohoi ka wahine i ke kane, a he make wale no ka mea nana e hookaawale, nolaila ka mea a ke Akua i hana mai ai a paa, ua mana iho ia ia. Aole loa i hoopu-a leo iki aku ka Haku Sanadoa i keia hana a kona makuahine ia Leone, oahe ia i makemake e hoohau maele wale aku no i ko laua noho aloha maele wale aku no i laua noho aloha ana i na @a kinohou o ko laua mare ana wahi a ka haole, he honey-moon.
I Rikimona aku nei ka Haku Sanadoa me Leonea u@ loaa ko laua home nani malaila me he mea ia, ua hoomakaukau mua ia no, no laua. Ma kei@ home o laua e noho aku ai, e hiki mai ana na pua-loke, na pau pikaki ame na mea kanu like ole o keia ano keia aon, a he onaona maoli no i ka ike ka moani mai o ko iakou mau ala. O ka nanaina o ka pa hale ke nana aku oe mai k ipuka aniani aku he nani maoi@ he okoa nohoi ka nani o ka ia i ka wa e hoomaka aku ana e napoo i ka hulili mai @@una o ka ili-wai. Ua piha hauoli maoli no o Leone no keia home nani i loaa ia laua, a oia kana i oielo @e ai, aohe ia i moeuhane mua no kekahi mone i oi ae kona nani ame kona mau hoohiwahiwa ia ana, o ke ano iho ia ia o kona home noho e noh aku ai. Na ka Waku Sanadoa no i hooiako na mea a pau i mea e hoohiehie ai i ka noho ana o keia home o laua, a ia nei nei i hoohala ai laua i na mahina mua o ko laua ola. Aohe no i awno makemake loa ka Haku Sanadoa i keia mare ana e malama mau ia ma ke ano huna, aka, aohe nohoi ia i makemake e lohe mua aku na poe e ae apau, mamua o ka lohe ana o kona makuahine. Ua makemake ia o kona makuahine mamua, a ina ia e oluolu ana e hookmaaina ami a hookipa aku i kana wahine, o ka manawa iho la ia ana e hoo komo aku ai i ka hoolaha iloko o na nupepa Ia Leone, o keia noho oluolu ana ona e noho nei i keia home nani ana hoi e hoohala nei i na la mua o kona oia ana, ua like mai ia ia mea laia me he mea la he paredaiso nani ia i waiho hamama ia mai imu ao kona alo maluna o keia ili-honua; ua hoolako mai kana kane iaia me na mea a pau e oluolu ai ka noho ana, ua kuai kana kane i kekahi pahu nui e waiho ai i ka lole nona, a he lua loe ka maikai ame ka nani o keia wahi waiho lole ia Leone @ kona nana ana aku; ua imi kana kane a loaa kekahi wahine Farani i wahine lawelawe nona, a he wahine makaukau ma ka hooponopono ana i ka aahu ame na hooponopono ana o na pono kina a pau. A o ka mea nohoi i oi ae manua oia ma@ mea, oia ko ka Haku Sanadoa imi ana i kekahi o na kumu akamai loa ma Ladana no ka hoonaauao ana aku i kana whaine opio. O kona leo oia kekahi o na leo maikai a kani i lohe mua ia ai, a o kona iini nui e loaa ka ike mahuahua iaia no na leo mele, ua makaukau koke iho la no ia mamuli o kona aapo i ka hopu ana aku i na kuhikuhi a kana poe kumu.
Na kana kane no i a'o iaia i ka holo lio ana. A eia ka mea kupianaha, o no kumu apau nana e hoonaauao aku nei iaia ua ike iakou a ua hoomaopono i kekahi mana e hunakele ia nei maluna ona, ua olelo iho la lakou mawaena iho no o lakou he mea kamaha'o loa aia- e ike mai ana no ko ka honua nei iaia i kekahi la e hiki mai ana. Aia no he mea i hanau pu la mai ai me ia, oia hoi o kela mana kupaianaha, ka manao ulu wale ae no iloko ona ame ka noonoo noeau, a akamai ma na mea nani a pau, he hanohano ame ke kiekie. A i kekahi manawa me he anapu ana ia a ka uila oia e hoopuka ai i kona mau manao akamai imua o kana poe kumu a ua lilo ia i mea hookahaha nui aku i ko iakou noonoo. "Aia he mau tausani aloha hoomaeele a aloha menemene," wahi a ke kumu himeni i olelo ae ai iaia iho no," no kona mare ana me kekahi kane hanohano. Ina no i kuokoa oia nona iho maluna o kona hooikaika nui, ua hiki loa ia'u ke paka aku i kona @eo a hiki i kona lilo ana oia kekahi o na puukani helu ekahi ma ka himeni ana iloko o ka honua nei."
A olelo hou ae la nohoi ke kumu kaha-kii. "Ina owau ka mea nana e a'o ana ka Lede Sanadoa, ua hiki ia'u ke a'o aku iaia a hiki i kona lilo ana o@a kekahi o na poe akamai loa ma ka oihana pena kii a pai kii ma Enelani nei." Aoie hookahi o keia poe kumu a Leone i loaa ia lakou ka ike mua i ka mea huna oiaio no ke akamai maoli @ loaa i kona noonoo, a heaha la ka manao hoala oiaio i ke@a wa a i keia wa e ano pahola mai nei maluna o lakou i na wa apau. Iloko o kekahi mau pule pokole ua loli loa ae @a kona ano, aia me ia kela ike, noeau, ka hiki wawe o ka noonoo ana o ka naau e pili ana no na mea like ole a pau, ka naauao kamahao i loaa iaia elike hoi me kekahi poie wahine e lilo mai nei i poe kilokilo. A i ka Leone huakai hele mua i Riva Vi-u, ua hele pu aku la oia me kekahi meheu o knona a'o ia nana ma kuaaina. Mamua o ka piha ana o na pule he eono, ua makaukau maoli o Leone i ke ano o ka hookipa ana o ka poe hanohano, na rula o ka hookaau olelo ana, a ua piha naauao oia ma na mea like ole a pau.
Na ka Haku Sanadoa no i a'o ka hapa nui o ka ike i loaa ai ia Leone ke ano o ke kani ana o kona leo a me ke ano o ka kalele ana o kona leo maluna o kekahi huaolelo, he moakaka a he mikioi o kana mau hoakaka ana he ku paoli no i ka nanai, a o na poehoi a pau e halawai aku ana a hookamaaina aku me ia, aole loa lakou e manao ana, ua hoohala ia e ia kona mau la opiopio ma kahi home kuaaina ona ma Rasalei.
He malamalama hou a he nani hou ke pahola mai ana maluna ona mamuli o ka hoomohala ia ana ae o kona noonoo, a i na wa apau a ka Haku Sanadoa e haawi aku ai i kana nana ana maluna o keia wahine oppio a poo keia ana ua paa mau kona manao no kona makuahine i kona manawa e ike mai ai ia Leone e loaa ana no iaia no manao aloha nona a e haaheo ana no hoi kona naau i ka loaa o kana hunona u'i. Oiai o ka manawa kupono loa iho @a ia a Leone e hele poiolei loa aku ai a komo iloko o na aouli aole nae i hiki iaia ke hoomaopopo o ka noho'na mua no keia ame ke ola mua ana ona i kipi aku ai a ku-e aku me ka hoowahawaha nui. Eia nae aole i loihi loa ke apo ana mai o ke aloha ame ka hauoli mawaena o laua ke eloha hoi ana i manao ai o kona kuleana paa ia. Na ka leo mele o na manu i hoala ai i ko Leone hiamoe ana ame k malamalama o ka la i poha mai ai, ua hoea mai ia he la hou nona-he la hoi i piha i ka nani ame ke aloha. Ua hala aku la ia mau nani apau me he mea uhane'la.
He ai mau o Leone i kona aina kakahiaka me kana kane; malia paha oia iho la ka hora i oi ae o ka oluolu i loaa iaia iloko o ka la. E hamama pono aku ana na ipukaaniani o ka lumi-aina i hoowehiwehi ia a nani maluna o kekahi waonahele o na pua@ a e hoohamama mau ia ana lakou i no wa apau. E pa kolonahe mau mai a@@ na ea huihui, a oluolu maikai, a moani pu mai ia @oi ke aia o na pua-loke ame ke ala o na pua e ae he lehulehu. Ua like loa iho ia nohoi ka makamaka hou ame ka oha@a maikai o Leone elike me ka oili ana ami o ke kakahiaka maile a oluolumaikai. E haohao mau ana nohoi ka Haku Sanadoa i na wa a pau i ka pii mau ae o kona u'i i kela @ekona ame keia @ekona, a pela hoi kela minute ame keia minute. Ua hoala ia ae ia kona uhane i keia wa, a eia oia ke nana aku nei iloko o ke ao nei, me kona mau maka poniponi, ke ao hoi ana i manao ai o ka heiu ekahi ia o ka nani. Alaila pii aku la ua Haku Sanadoa nei i ke iaona no kekahi mau hora pokole, oiai hoi o Leone e hoopaa ana i kan@ mau haawina like ole.
A @ ko laua @a hoi i paina @(word)@ ai i ka ainawakea oia iho ia ko laua wa e ha@awai hou ai, a pau ka laua ai ana luana aku la laua iwaho mawaena o na kihapai pua. Ol@i o Leone e ola ana e koe ana no ke@a mau awakea a laua e luana mau ai ewaho malalo o ka malumalu o na laau uliuli, o ka-o we nahenahe mai hoi a ka wai o kahi kahawai o na awawa hoi kahi o na pua ame na paiai e ulu lipolipo mai ana, ame kahi alahele loihi hoi kekahi kahi hoi e hoomalumalu @a ana e na lau laau a ua kohu home mao@@. O keia mau mea apau oia kana i hoomanao ai a hiki i ka la hope loa ana i hanu ai i na ea aaia o keia lia nana a hoi aku noi aku oia iloko o ka opu o ka honua.
O ka manawa oluolu maikai a pau i loaa ia maua he moeuhane wale no ia. A hiki hou mai ia no ko laua manawa e ai ai a mahope olaila ua iawe aku la ka Haku Sanadoa i kana wahine u'i opioopio i ka opera ai ole ia i kekahi mau ano hoikeke paha, i ka aha mele a i ole ia i kekahi mau hai a'o paha. A i ka wa e piha pono ai o ko'u mau makahiki wahi a ka Haku Sanadoa e olelo mai, a ua lini nui iho la o Leone no ka hoea mai aia manawa. I ka manawa e piha ai o ko'u mau makahiki," oia ka ka Haku Sanadoa e uwe mau aku ai i kana wahine me ka waiohia. A i ka manawa a Leone e hoakaka aku ai i kekahi ano pihoihoi o kona naau ame ke ano kaumaha e pili no ko ka Haku Sanadoa hookaawale ia mai kona mau makua mai, he aka wa@e no kana e haawi mai ai a pane mai ia oia. "Aohe manao ana aku no ia mea, e kuu hiwahiwa, e pau ana na mea a pau i ka hooponoponoia i ka manawa e piha pono ai o ko'u mau makahiki. Nolaila, aohe au manao hou ana aku no ia mea e kuu aloha oia iho ia ka wa a kuu makuahine e noi mai ai i kou oluolu no ka ike ana mai ia oe-ola auanei ka manawa e hoohuli ia ae ai o kona naau uahoa, e ae aku i ka honua nie e ike koke mai ia oe, a o ka hoomana ia mai no ia no kou u'i kou nani, kou lokomaikai ame kou noeau." Ia wa o Leone i nana aku ai iaia me ka @@n@ nui, a ninau aku la ua oi aku auanei ko lakou aloha i ka nani o kela ame keia oia hoi na poe maka hanohano a pau iloko o kou poai, e kuu Lance?"
"Ae, oiai oia kekahi @ula, o kekahi helehelena u'i a nohenohea, ua loaa iaia he mana ksamahao ma ke koi ana mai a ume aku i ka manao o na poe a pau i ona la. Ua ike au i na wahine me ka loaa ole o kekahi wahi hapanui o kou u'i e Leone ia lakou e aia mai ana mai ko lakou noho pu ana a mim aku i wahi mawaena o na poe ihiihi ame no poe hanohano iloko o ka aina. Na kou helehelena u'i no e lawe ika eo nou iho e kuu aloha a ua loaa nohoi he wahi nou e komo ai ma na wahi like ole a pau. O ka mea hoo kahi wale no a'u i makemake ai i kuu helehelena a'i e hana," wahi a Leone i olelo mai ai," oia hoi, no ka hooluolu ana aku i kou makuahine."
A oia iho la no i ka manawa ana e ike mai ai he mea maopopo loa e hana ia ana ia mea," wahi a ke kane-aloha i pane aku ai.
"E Lance," i olelo mai ai ka Lede Sanadoa, o kekaha la ka kaua mea e hana ai ina aole e huikala mai an lou mu makua ia kaua a i ole aohe paha e ike mai ia kaua?"
"E lilo ana ia mea oluolu ole," wahi aka Haku Sanadoa i olelo aku ai," aka e auomo ana kaua ia mau mea a pu. Aohe no ia he mea ano nui loa elike me na mea e pili ana i ko ka honua nei, i ka wa e piha pono ai o ko'u mau makahiki, e loaa ana ia'u kekahi waiwai kaokoa no'u iho. A o ka wa ia waiwai kaokoa no'u iho. A o ka wa ia e makemake koke mai ai o kuu makuahine e ike ia oe, e kuu Leone, i ka wau ou e lilo ae ai i lede hanohano a waiwai a hui pu ae hoi me ka makana hiwahiwa i loaa ia oe oia noi ka u'@ aohe lua e like ai. A ua hookuu aku la o Leone i na mea apau o ka manawa e hoea mai ana mai kona noonoo aku. Aohe ia i makemake e hoomanao hou ia mau mea. He paulele kona i
hoomakapo ia ame ka hilinai i uhi paa iiloko o kana kane; he ano akahele ole kona hauoli a pela hoi kona mau manao ua hoopaialeha, aua hiki ole ia Leone ke noonoo ae aia kekahi hewa ke hoolalelale ia la. Aka, ua hoopiha mau oia iaia me ka hauoli.
O kona oia ua like ia me kekahi mele, a o kona moolelo, kekahi o na moolelo hooipoipo aloha loa i hoopukaia.
"Pe@a au i hauoli loa ai?" wahi no a Leone e ninau iho ai laia iho i kakahi manawa: no keaha la na Lani i haawi mai ai ia'u a nui loa? o ka'u wale no i noi aku ai no - ke aloha ame ka oluolu o ka manao?" Aoie ia i ike pehea @a e aloha aku ai no ke kokuala mai. A i kekahi kakahiaka iloko o na mahina haule lau, he kakahiaka kalae maikai he pumehana ke ko ana mai a ka ea, a e pa iho ana noi na kukuna o ka malamalama maluna o na lau laau - aia iho ia ko laua wa i haeie like aku ai i ke kahawai-e pii mai ana ke kai ia manawa a e lawe malie mai ana hoika waapa maluna o ka iliwai. ZO ka lole o ka Lede Sanadoa e kahiko ana ia manawa he lole eleele u'i loa ia i hana ia me ka maiau a i kulike nohoi me kona nanaina ohaha maikai e hoike mai ana. Ua hilinai aku laoia i hope mawaena o na peia veleveka noho a e mino aka ana hoi i kona wa i huli ae ai a nana iluna iloko o na ouli, na kumu laau hoi ame ke kahawai. "He nanaina hauoli kou e loike mai nei, e Leone," wahi a ka Haku Sanadoa @ oleio mai ai. "Ae, ua piha au i ka hauoli wahi a Leone i panei mai ai. Ua kakau aku nei au i wahi leia na kuu makuakane inehine@ e Lance. Ua makemake nohoi au e hoouna aku i kekahi pahu nana i hoopihaia me na mea like ole apau ana i makemake nui ai."
"E hana aku oe ina ia he mea nou e oluolu ai e kuu aloha," wahi a ka Haku Sanadoa i pane aku ai. Ia wa oia i hilinai aku ai ma ka aoao o ka waapa a e kiai ana hoi i ka wai, me kona hooma-u ana iho i kona lima lioko o keia kahawai a@@a@@ maikai o ka wai."
"Hauoli wahi a Leone i olelo hou mai ai. Ua hiki loa ia'u ke olelo aku i keia mea me ka palekana no ka mea, he nui ka hauole i loaa ia'u mai ka wa o'u i hoomaka ai e noho mai i keia wahi a hiki i keia la, a ina no e luuluu ana a kaumaha aku kuu oia a pau mahope aku o keia manawa, ua oi aku no ka hauoli i loaa mai ia'u manua o ka haawina i kau iho maluna o kekahi poe lehulehu." Ua hoomanao mau oia i keia mau huaolelo i na makahiki i kaa hope ae; a ua manao oia iaia iho, ua pili paa ia e laua ko laua aloha me ka oiaio. He mau mahina pokole kai hala@@@ o k o laua noho ana ma Riva Viu a ua noho ia e laua me ka piha hauoli ame ka oluolu maikai aohe mau manao ku-e mawaena o laua, aohe maka'u aohe kanalua aohe hoi he mea nana e hoeueu mai i ke laua noho aloha ana i kahi ame kekahi, aohe nohoi he mea nana i hana ino mai i ko laua manao oiaio. Iloke o kekahi mau ano noho ana mawaena o ke kane ame ka wahine e @(word)@ mai ana kekahi mau ku-e e ana elike @@ kekahi kauwa nui e hau@e iho a pau koke ae no a peia nohoi me ka hoomaha ana mai o ka pa ana a ka makani mamua o kani paukiki. "Ke ha@heo mai nei kou anoano ia'u i ka nui o ka hauoli loaa ia oe, o ka mea hiki wale no ia'u ke olelo aku e hoohalike ia aku ia hauoli ou e like me ka malamalama o ka lani mai kinohi a mau loa aku.
No kekahi mau mahina ioihi ke ku ana o kela hihia hoopii a ka makuahine o ka Haku Sanadoa iloko o ka moolelo kakau o ka aha-hookolokolo. O na nupepa a pau e hoopukaia ana ma Enelani he mau mea ka lakou e hoopuka ana e pili ana no keia hihia; o ka rula ma@ mau i na poe a pau, i ko iakou manawa e heluhelu iho ai e pili ana no ia mea o ka akaaka, a i ole ia o ka hoohenehene iho. E olelo ana lakou, he aloha wale no, no kekahi wahine malama hale waiu, he hana-hoakaaka, he wahi olelo ano e wale no keia e pili ana no keia kanaka opio hanohano ka mea hoi e oi aku kana nana pono ana a ka mea jupono. aohe i hoomaopopo ia keia hana, aohe nohoi i hoike hiha mai na mupepa e pili ana no keia hihia i na kumu kupono, o kahi kumu wale no a iakou i hoike mai ai. he wahi palapala hoopii na ka Mea Hanohano ke Alii ALana@awela ame Lucia kana wahine, e pili ana no ka ma@ i hooholo ia ai e ka laua keiki, Lanasalota, Haku Sanadoa, e hookaawale ia ae ana ia no ka mea aohe i ku i ke kanawai mauli o ka piha pono ole ana o kona mau makahiki a he keiki no hoi oia aia nomaialo o ka malu o kona mau makua, aua mare aku oia i keia kaikamahine me ka ae mua ole o kona mau makua. Aia hoi kekahi hoolohe loihi ia ana, kekahi hooaliu loihi ia ana, a oia wale iho @a no, elike me ka ike a no poe a pau i ike ai he hana keia na ke alii e ku-e ana i kana keiki. Ua hoolaha ia ae la keia mare ana o ka Haku Sanadoa ua noa-o ka palapala ae like ua ku ole i ke kanawai, aohe loa i ku i ke kanawai keia mare ana ona me ka loaa ole aku o ka mana ae mai kona mau makua aku. I ka manawa i haawi ia aku ai o ke@ olelo hooholo ua hoike mai ia ka helehelena o ka Lede Lana@awela i kekahi mino aka. Aua komo pu aku ia hoi o Mr. Suwela i kona hauoli pu ana me ia. A mino aka hou mai la kuu lede. "E pono au e hoomaikai aku i ke kanawai," wahi a ua lede'la i olelo ae ai, "ka mea hoi nana i hoopkele mai i kuu keiki mai na kumu maaupo ana i hana ai."
"E hoomanao oe" wahi a ka loio i o lelo mai ai," ua hiki loa iaia ka mare hou aku i kela kaikamahine, e kuu lede, i ka manawa e piha ai o kona mau makhiki." Ua ike au me ka maopopo loa aole loa ia e hana hou ana elike me ia, wahi a ke kaunawahine i pane mai ai, aka aole i manaoio iki o Mr. Suwela. O ke aili, ke kauwahine, ame ka loio ua noho like iho ia lakou a pau i Danamoa Hale me ke kuka ana iloko o ka eehia, me ko lakou ano maopopo ole, heaha aku ana ia ka hana hope e hana ia aku ai. Ua'haawi koke ia aku ka olelo hooholo i ku i ke kanawai i ka Haku Sanadoa; a o kana hana i hana'i i ka wa i haawila aku ai oia pepa iaia, ua haehae iho la ia i ua pepa'la a weluwelu l@word@ a akaaka iho ia mahope oia hana ana ona - i akaaka oia no ka manao i ulu e eloko ona oia hoi keia, ua hiki loa no ka i kekahi kanawai i ku i ke ano kanaka a i ole ia i ke ano akua, i hiki ke hookaawale iaia mai kana wahine opiopio mai aole ia i haawi ae i ka nana pono ana no ia mea, aole loa oia i hoea mai no ka haawi ana i kana pane no kekahi mau ninaninau a i ole ia no kekahi mau leo kahea paha aole nohoi oia i pane iki mai no na ninau, a o ka lolo hoi, ka mea hoi e paa ana iloko o kona mau lima ina mea a pau ihaawila aku ai iaia e hana no na mea e pili ana i ka Haku Sanadoa, ua niu kona haohao no ka loaa ole o ka noonoo maikai e like iho ia me ka ka haku opio i hana iho ia i keia mau mea a pau.
Eia nae hoi, ua pau ae la ia pilikia nui, a o ke kanawai ka mea hoi nana i hookaawale ika hipuu i polena ia a paa manawa o laua, ua hala aku ia ia, ua hala ka puulena ai i Hilo - ua noa ae ia kela mare aua waiwai ole. Na lunawahine hooponopono keia o Belegaravia i ko lakou heluhelu ana i ka hoolaha ua olelo ae ia lakou he hana pono loa keia o ka hana ia ana, aohe ia he mea e kanalua ai ua hana ia kekahi hana hookaawale maluna ona oia ke kumu o kona maare ana me keia wahi kaikamahine, a ina o kekahi mea oia ano ua ae ia aku oia e hele me kona hoopai ole ia, alaila oahe maluhia i koe no ka laua hiwahiwa, e ahonui ana ko laua manao, o keia kaikamahine i hana kauwa ia ka mea hoi i koho e illoi anela no laua. O na kanaka o ka honua mei ua mino aka mau lakou i ka wa a lakou e heluhelu iho ai i keia mau mea hou, a noo noo ae ia i ka Haku Sanadoa no ka pilikia i ioaa iaia. No na poe opiopio aohe lakou i noonoo nui no ia mea, na poe u'i a pau o Belegaravia ua olelo wale ae ia no lakou ia lakou iho o@a hoi ua komo aku la paha ka Haku Sanadoa iloko o kekahi ano pilikia, aka, na kona mau makua i wehe ae iaia mai kona mau popilikio mai. alaila o@a iho ia ka manawa o na olelo wehewehe a pau i hooki ia ae, pela no mahope iho o ka ia elua i haawi ia ai o ka olelo hooholo e ka lunakanawai ua hoopoina koke ia iho la no ia mea. I ka manaw a ke Kaunawahine o Lanasawela e paa ana ina piapaia iloko o kona mau lima, ka mea hoi e hai aku ana i ka lini nui o kona puuwai ua ae ia, aua lanakila kana keiki, no kekahi manawa pokole ua ano puiwa oia, ua haikea pu ae la kona helehelena u'i, a o kona mau lik=ma e haalulu ana: he keehina poho loa ia, aka ua @o no nae hoi iaia. Aia nae ia ka manaolo iloko ona no kana mau mea a pau e hana ai, ua ano ahewa no oia iaia iho a i ka hopena e eo ana no iaia, aka, no kekahi wa poflole, ua ano hikilele mai la a puiwa ua lede nei no kona ko ana." E pono kaua e kauoha aku ia Lance e hele mai i Kawadoa nei," wahi aua lede nei i olelo aku ai i ke alii "@iai hoi o Mr. Suwela e hele aku ai e hui pu me kela kaikamahine a e hooponopono hoi me ia no na mea a pau.
(Aole 1 pau)