Ka Nupepa Kuokoa, Volume XXXIX, Number 32, 2 August 1901 — Page 2
| This text was transcribed by: | Paka Westin |
| This work is dedicated to: | Awaiaulu |
2 NUPEPA KUOKOA. AUGATE 2, 1901
MA KE KAUOHA.
KOMIKINA O NA AINA AUPUNI.
______
I ka la 19 o Augate, 1901, a mahope aku, ma ke Keena o .Kaelemakule ma Kailua, Kona Akau, Hawaii ua hiki ke loaa e elike me ka mea i hooakaaka ia ma ke kanawai aina o 1895, a i hoomau la, "Ma ke kanawai no ka Teritori o Hawaii nei," ka mana kuai hoolimalima e like me ka mea i wehewehe pono ia ma ka kApana VII o keia Kanawai Aina.
Na aina malalo iho ma Kona Akau ame Kona Hema Mokupuni o Hawaii.
Heluaiana Helu Palapala Aina Ka wahi e moe nei o ka aina: Eria Kumukuai
16 11 Kealakehe, Kona Akau 13.10 eka $39.30
7 25 Kalama, Kona Hema 33.30 eka 333.00
1 26 Olelomoana &Opihihali,
Kona Hema 70.20 eka 210.60
2 26 Olelomoana & Opihihali,
Kona Hema 97.30 eka 389.20
3 26 Olelomoana & Opihihali,
Kona Hema 35.90 eka 215.40
5 26 Olelomoana & Opihihali,
Kona Hema 19.20 eka 115.20
6 26 Olelomoana & Opihihali,
Kona Hema 20.50 eka 102.50
7 26 Olelomoana & Opihihali,
Kona Hema 46.00 eka 115.00
8 26 Olelomoana & Opihihali,
Kona Hema 50.00 eka 135.00
9 26 Olelomoana & Opihihali,
Kona Hema 51.50 eka 128.75
10 26 Olelomoana & Opihihali,
Kona Hema 43.50 eka 108.75
11 26 Olelomoana & Opihihali,
Kona Hema 25.50 eka 51.00
12 26 Olelomoana & Opihihali,
Kona Hema 24.30 eka 36.45
2 27 Kukuiopae, Kona Hema 11.08 eka 35.40
4 27 Kukuiopae, Kona Hema 18.03 eka 54.09
6 27 Kukuiopae, Kona Hema 16.20 eka 48.60
7 27 Kukuiopae, Kona Hema 17.00 eka 42.50
Hookahi wale no aina no ka mea hookahi.
KA POE I AE IA E HOOLIMALIMA
Aia a piha ka 18 makahiki, a he makaainana a i ole ua lawae i na apaepa ie hoolilo ana iaia i makaainana no Amerika.
KE ANO E AE IA AI E KUAI I KA HOOLIMALIMA.
Manawa: Iwakalua-kumamakahi Makahiki.
Uku: Ewalu pakeneka o ka waiwai i ka aina i hoike ia maka palapala hoolimalima, e uku ia i kela ame keia hapa makahiki.
E noho mau ka mea i hoolimalima mai i kaaina iluna o kela aina mai @@ pau ana o ka makahiki mua a hiki i ka pau ana o ka makahiki elima.
E hoomaemae ka mea i hoolimalima mai i kaaina elilma paakeneka o ka aina i ka pau ana o ekolu makahiki, a i ka pua ana o elima makahiki umu pakeneka o keia aina, a e kanu aole e emi mai malalo o oumi kumulaau i ka eka hookahi.
E pa ia na pa hanai holoholona.
Aole e hoolilo ia aku keia hoolimalima me ka ike ole o ke Komikina o nn Aina aupun, aka, he hiki no ke hoihoi hou ia mai i ke Aupuni.
Ina e lawe ia keia aina no ka hooko ole ia o ka aelike, a i ole hoihoi hou ia mai paha i ke Aupuni, e nana hou ia ka waiwai io o keia aina me na hoomaikai maluna o kaaina, a ina e lawe hou ia keia aina e kakahi mea okoa aku e uku no ola no na hana i hana ia maluna o ka aina, a i ka manawa e loaa mai ai kela kala i ke Aupuni e hoihoi ia aku no i ka mea nana i hoomaemae mua keia aina.
KE ANO E AE IA AI E KUAI I KA AINA.
I ka pau ana o ekolu makahiki o ka hoolimalima, ua hiki ke loaa i ka mea i hoolimalima mai ka palapala kuai no keia aina ana e paaa ana, i kona manawa e uku mai ai i ka waiwai o ka aina i olelo ia ma ka hoolimalima, ina nae oia i hoomaemae he iwakalua-kumamalima pakenaka o ka aina, a ina ua malama oia i n aaelike e ae apau.
No na mea i koe e hele ae ma ke Keena o na Aina Aupuni, Honolulu a i ole ma ke Keena o H. Kaelemakule, Kailua, Kona Akau, Hawaii.
EDWARD S. BOYD
Komikina o na aina Aupuni
Iulai 16, 1901 Iulai 19,26, Aug 2.
AINA AUPUNI.
____
Mai keia la, a mahope aaku o keia manawa, aole e eae ia ke komo ana mai o na palapala noi mai kekahi mea mai e lawelawe nei i kahana malalo o keia Komikina, ka poe i hookohu ia a ano okoa ae paha, no ke kuai, hoolimalima a ano okoa ae paha o na aina aupuni, a aole no hoi e ae ia kekahi mea e ae e hana ana no ke Komikina ma ka hoolilo anan i na aina Aupuni, a ma kakahi ano okoa ae paha i ae ia e ke kanwai, o Hawaii nei, ekoho, a i ole e lilo oia ka mea nana e kuai ana ka aina.
Honolulu, T.H. Iulai 15, 1901
(Kakauluoaia) E.S. BOYD.
Komikina o na Aina Aupuni.
(Aponoia)
HENRY E. COOPER.
Kiaaina Kuikawa
TERITORI O HAWAII )
)
MOKUPUNI O OAHU )ss
)
KAONA O HONOLULU)
Ma ka hoike i hoohiki ia a Cecil Brown ame W.C. Cooper, ka Peresidena me ka mea nana keia malalo iho ka hoike pihaa, oiaio, a pololei, o na hana o keia First American Savings & Trust Company o Hawaii, Ltd., o keia malalo iho ka hoike piha, oiaio, a pololei, o na hana o keia First American Savings & Trust Company o Hawaii, Ltd., a hiki i, ame ka la 30 o Iune 1901, e like me ka mea i makemake ia ma ka pauku 14, o ke kanawai Banako o 1834.
O ka kumupaa o keia Hui he $250,000 i mahelehele ia iloko o 2,500 kea nona ka waiwai i ke kea hookahi i hiki aku i ka $100. He 2,500 kea i hoopouka ia a ua pau loa kiea ma kea i ka uku ia.
O kela malao iho ka hoike o na hoolilo a hiki i ka la ekahi o Iulai, 1901:
Kumupaa............................................................................................................$250,000.00
Na kala komo mai................................................................................................179,378.78
Hoike kala puka.......................................................................................................6,250.00
Na Bila E uku ia aku ana.......................................................................................56,000.00
Kala puka i mahele ole ia........................................................................................2,314.10
Na waiwai apau o ka hui a hiki i ka la ekahi o Iulai, 1901:
Na bila hiki ke ohi ia..........................................$393,475.00
Na Bona............................................................. 42,970.00
Na kala ma ka Banako....................................... 44,926.22
Na uku panee a hiki 1 Iune 30, 1901................. 6,571.65
_______ _______
437,942.88 437,942.88
(Kakauinoa ia) Cecil Brown. Peresidena ______
W.G. Cooper Mea Nana Kala.
Kakau ia a hoohiki ia imua o'u i keia la 22 o Ilulai, 1901.
(@@@) GEO. L. BIGELOW.
(Notari no ka lehulehu, Apana H. Ekahi.
(Iulai 26, Aug. 2-3-16)
TERITORI O HAWAII.
_____
Keena o ka Puuku, Honolulu, Oahu.
_____
Hoopau noho hui o ka Royaal Hawaiian Hotel Company, Kaupalenaia.
Oiai, o k Royal Hawaiian Hotel Company, Kaupalenaia, he hui i kukulu ia a e ku nei malalo o ka mana o na kanawai o ke Teritori o Hawaii, ua hooko i ka manao o ke kanawai i na mea e pili ana i ka hana, ua lawe mai i ka lakou palapala noi i keia keena, no ka hoopau ana i ko lakou noho hui ana, me ka palapala i kauoha ia ma ke kanawai a e hoolilo ia nei i hapa no keia.
Nolaila, ke haawi ia aku ne ka lohe i na kanaka a pau i kuleana manua a i keia manawa, ma na ano a pau e pii ana i keia hui, e lawe ia mai na kue no ka ae ana ia o kela noi i leia keena i ka la 30 o Aukake, 1901, a i ole mamua mai, a o kela ame keia kanaka i makemake e lohe ia no keia e hele ae i ke keena o ka mea nonaa ka inoa malalo iho, ma Kapikala Hale, Honolulu i ka hora 12 m. o ka la i olelo ia maluna ae, e hoike i na kumu, e ae ole ia ai keia noi hoopua hui.
WM. H. WRIGHT.
Puuku Teritori o Hawaii.
Honolulu, Iune 27, 1901.
June 28, July 5, 12, 19, 26, Aug. 2, 9, 16, 23, 30.
MA KA AHA KAAPUNI O KA APANA ELIMA.
______
PALAPALA KAUOHA--MA KE KEENA.
____
Ma na mea e pili ana i ka waiwai o Anna Juliette Farley o Koloa, Kauai, i make.
Ma ka heluhelu ana i ka palapala noi ame ka hoike a W.O. Smith, o Honolulu, Oahu, ka Mea hooko i ka palapala hoolina o Anna Juliette Farley, e noi ma ana hoi oia e nana ia kana hoike a apono ia, a e haawi ia mai kakahi kauoha mana no ka mahelehele ana i keia maau waiwai mawaena o ka poe i kuleana, a e hookuu ia aku oia ame kona mau hope mai na koikoi mai a pau o ka hana i kau aku maluna o lakou.
Ke kauoha ia aku nei, o ka Poaono, ka la 24 o Augate, A.D. i ka hora umi o ke kakahiaka, ma ke Keena hookolokolo o ka Lunakanawai o ka aha i hoike ia malauna ae, ma Lihue, Mokupuni o Kauai, oia ka la ame ka wahi e lohe ia ai keia noi ame keia hoike, a o na poe apau i kueana e hiki ae i keia manawa ame keia wahi a hoike mai i na kumu, ina he mau kumu kekahi a lakou, e ae ole ia ai keia noi a e apono ole ia ai hoi ka hoike.
Kakaula ma Lihue, i keia la 19 o Iulai 1901 ma ke kauoha a ka Aha.
R.D. WISHARD
Kakauolelo
(Iulai 26, Aug. 2-9)
MA KE KAUOHA.
_____
HOOLAHA A KA AHA HOOHALAHAI AUHAU.
_____
Ke hoolaha ia aku nei i noho ana ka Aha Hoohalahala Auhau no ka apana Hookolokolo Ekahi. Mokupuni o Oahu, ma ke Keena o C.Bolte Esq.,ma ke alanui Kalepa, helu 19, i ka Poaha Aug. 1,1901, hodra 1:30 P.M. no ka hoolohe ana i na hoohalahala Auhau apau e lawe ia mai ana imua o lakou.
W.L. WILCOX
Peresidena o ka Aha Hoohalahala Auhau, no ka Mokupuni o Oahu.
Honolulu Iulai 31, 101. (1 time)
MA KE KAUOHA
_____
Ke kauoha ia aku nei na Kamana ame na poe kukulu hale e ae, e helemua mai a loaa aku ka palapala ae mai ka Luna Hana Aupuni o Honolulu, no ka paa ana, a wawahi anapaha, i kekahi wahi o ke alahele ma ka aoao o na alanui nui nohoi, mamua o ko lakou hoomaka ana e hana i ka hana.
O keia kanaka a mau kana paha e hoolohe ole ana i keia e hoopai ia no ma ke kanawai.
THOMAS A. LLOYD.
Luna Hana Aupuni Honolulu
Aponoia, J. H. BOYD
Luna Nui O na Hana Aupuni
(1 time)
HOOLAHA
_____
Ke papa ia aku nei na kanaka apau maia ka hale ana me ka ae ole ia maluna o ka aina o ka mea nona ka inoa malao iho ma Kona Akau, Mokupuni o Hawaii, a oi loa aku n nae na apana aina i ikeia ma Kaumalumalu, Holualoa ame Kaupelehu.
J.A. MaGUIRE
Hueuhe Kona Akau, Hawaii, Iune 1, 1901.
Me ka Oiaio loa
THEO H. DAVIES & CO., LTD.
(kakau inoa ia:)
E.H. WODEHOUSE.
(3 months.)--Iune 7, 14,21, 28,--July 5, 18, 19, 26--Aug. 2, 9, 16, 23, 30
HOOLAHA NOHO NA HUI
_____
Ke hoolaha ia aku nei ua hui iho nei na poe no lakou na inoa malalo iho malalo o ka inoa hui o Kwong Leong Tin & Co., ma ka la ekahi o Aukate, 1901, no ka lawelawe ana i ka hana kuai, a kuai aku i na waiwai like ole, na mea ai. Puaa aame na mea ulu, ma Alanui Aala, helu 1017, Honolulu, Teritori o Hawaii. KOU MOY,
TONG ON,
YONG CHOY.
Honolulu Iulai 31, 1901
Aug. 2-7-16.
HOOLAHA NOHO NA HUI.
_____
Ke oolaha ia kau nei ua hui na poe no lakou n inoa malalo iho malalo o ka inoa hui o Wing Wo Kwai Co., ma ka la ekahi o Iune, 1901, no ka lawelawe ana i ka hana kuai, a kuai kau ina waiwai like ole, ame na hua mea ai, ma ke Alanui beretania, kihi o ke alanui Kamanuwai.
D.L. AKWAI,
CHONG MEE HING
YEE FOOK,
KONG KIM,
LEAU KEAU.
Iulai 30, 1901
(Aug. 2-9-16)
He elua kaukani lima hana Italia ae hiki ma ana ma keia mua koke iho no na mahiko o Hawaii nei e poe keia ua hana mua i keia ano hana a ua maopopo hoi ia lakou ka lakou hana. Ua ninau mai lakou ia Wilikoki he mau ninau lehulehu e pili ana no ke ano o keia wahi a ua hoike aku oia ma na mea ana i ike.
KA
NUPEPA KUOKOA
________
No ka Makahiki.........................................................................................................$2.00
No Eono Mahina.........................................................................................................1.00
Kuike ka Rula
O NA OLELO HOOLAHA A PAU E HOOUNAIA MAI ANA NO KA HOOLAHA MALOKO O KELA NUPEPA, E HOOUNA PU AI ME KA AUHAU, A I NA AOLE, AOHE NO E HOOKOMOIA.
______
O na Dala a pau o ka Pepa nei e hoouna polo lei mai i ka HAWAIIAN GAZETTE COMPANY,
_______
HOOPUKAIA E KA
HAWAIIAN GAZETTE CO.
______
Hookomoia ma ka Hale Leka o Honolulu, Panalaau, o Hawaii, a ke ano mea o ka Papa Elua.
______________
A.W. PEARSON, Luna Nui
D. KANEWANUI,
Lunahooponopono
Honolulu, Oahu
POALIMA : : AUGATE 2, 1901
E paa ana makou i ka pepa a ka poe i hoouna ole mai i ka uku o ka pepa na ka makahiki. E like me ka mea maa mau he uku mua la ka uku o ka pepa i kela ame keia hapa makahiki. Ina he mau inoa hou kekahi i makemake e lawe i ka pepa e kakua pololei ae i ka Hawaiian Gazette Co.
________
Aole hiki ia makou ke hookomo i na manao apau a na makamaka e hoouna mai ai ia makou no ka uku o ka pepa. Aka, o ma mea i hiki ia makou oia ka makou e hookomo ana i kela ame keia manawa. Nolaila mai kaniuku mai oukou e na makamaka no ka hookomo ole ia o ka oukou mau mea i hoouna mai e hookomo ia.
_______
I Hawaii nei, nui ka hoino o kahi Lunakanawai Humphreys ina Mikanele, i Amerika aku nei ua aike iho makou e mahalo ana i ka maaikai o ka hana a na Mikanele. E hoike mai ana kel i kona ano muhee. Maanei he okoa kana mau olelo, a maao he okoa. Pela no imua o na Home Rula, he hoa'loa, a he kokua ka olelo ana, eia ka he hoohui me Kaleponi kana e makemake nei e loaa. Hoao mai oia e hoopunipuni ia kakou, o ka hui ana me Kaleponi, oia ka mea e loaa ma ai o na pomaaikai lehulehu ina Hawaii. He mea pono loa ia kakou e nana pono i keia wahi ilio haae iloko o ka puulu hipa. Aole i ike ia aku ka manawa e hamama mai ai kona waha apua kakou i ke ale ia. O keia poe malihini, aole oiaa ka kakou mau aikane, ame ko kakou mau hoa'loha oiaio. O na kamaaina, na haole i noho pu me kakou no na makahiki loihi i hanau ia hoi kekahi o lakou ma Hawaii nei, o lakou ka poe nana kakou e kokua mai ana ma keia mua aku.
_____
O ka auhau o na loaa kekahi mea e noonoo nui ia nei i keia manawa. He auhau maaikai keia ke noonoo ae, a he hoopilikia nohoi ma kakahi ano. O ka manao maoli o kela auhau oia no ka hooilii ana i ke koikoi o ka auhau maluna o kekanaka waiwai ka mea hoi i manao ia ua hiki pono iaia ke auomo i nana pono ana ua ike ia aole o ke kanaka waiwai kek pilikia ana mamuli o keia auhaau aka o ke kanaka e hooikaika ana e huli i ke dala me ka nui io ka hana, o ka mea nui ole no o ke rala ke loaa ana i keiaauhau. O ka poe waiwai ua pau ka hapanui o ka lakou dala i ka hookomo ia iloko o na mahiko, ua hana e ae, ua kauliilii ka lakou dala, a nolaila ua loaa ole ke koikoi o keia auhau maluna o lakou. Nana maahiko ame keia mai hui hana a lakou i hookoo aku ai i ka lakou dala e uku ana keia auhau, a he wahi auhau uuku loa ke kau mai ana maluna ona. Aka, no ke kanaka e huli ana i ka waiwai a i loaa mai na wahi kala kupono e noho ai me ka olluolu aka ua komo ai umaloko o ka manao o keia kanwai iaia ana ke koikoi o keiaauhau. Oia ka makou e hoike nei ma ke kii ma ka aoao ekahi o keia nupepa i ke kanaka ilihune e auamo ana i ka luulu, oiai ke kanaka waiwai e nana mai ana iaia.
________
PEHEA AKU ANA KAKOU?
_____
He ninau keia na kakou ka lahui Hawaii e ninau mau ai. Pehea ana kakou ma keia mua aku? O kekahi o na kumu nui e iki ma ai kela ninau oia no keia: Ka emi nui o ko kakou lahui. Ke kulana kalaiaina o kakou e ku nei. Na hana hupo a ka Ahaolelo a kakou i koho iho nei, ka noho huikau me na lahui like ole, ka moiowa maoli e ka lahui i ka hana ma na hana e pono ai ame ka uhauha i ke ola maka inu ana i na waiona maikai ole ame kekahi mau lealea pau wale o keia ao.
Ua maopopo ko kakou emi mau i kel ame keia makahiki. ua hiki ole ia kakou ke paa mai i keola ina aole e malama pono ia ka nohona maikai. I keia manawa ua ikaika kakou ma ke koho balota ana, aka, e hiki mai ana ka manawa ma keia mua aku e haule ino loa aai kakou i na balota o na haole. Ke pii mau nei ko lakou nui, a ke iho mau nei hoi kakou i lalo. Ke hoao aku nei kakou e hoohoka ina haole, e hana ino i na mikanele nana kakou i kokua, me ka noonoo ole ia mua aku. O na malihini ka kakou e hoopunahele aku nei a e h iki ma ana ka manawa e hoohuli mai ai lakou i ko lakou mau kua lokoino ia kakou a olelo mai. Aole makou i ike ia oe e kena wahi Nika. Ina e ika ika loa mai ana lakou, e kaili ia ana ka mana koho o na kanaka Hawaii, a o ko kakou like loa mai no ia me naa Paele. O ka nohoo na molowa a hooikaika ole i ka hana kekahi mea nana e hoopoino loa nei ia kakou. Aohe hooikaika me ka hana pololei ma ka hana. Oia no ka mea e pau ai ka hana i na lahui e ae a ku aku kakou nana, me kahamahama o ka waha i ka makani. Heaha ka waiwai eloaa nei ia kakou ma kaa inu ana i kela ame keia waiona like ole? I ka Poaono no papau ka hapanui o na wahi kenikeni i ii ia me ka ikaika i ka pule holookoa. Noho aku i ka pule holookoa me ka nele ame ka pilikia. Pehea kakou e pono ai?
O ka Ahaolelo a kakou i koho iho nei kekahi mea nana e hoopoino mai ana ia kakou ma keia mua aku. E like me kko lakou ike ole, a hoopua manawa, pela no e kapa aia maia ai kakou he lahui ike ole a hoopaau manawa, pela no e kapa ia mai ai kakou he lahui ike ole a kupono ole kelawelawe ina hana pili kalaiaina. O kela kekahi kumu nui e kaili ia ae ai ka mana koho. Ke hoomaka nei kekahi mau pepa o Amerika e kamailio no keia mea. Ua mihi lo alakou i ka haawi ana ia mai pono wlae no o ke koho ana ina kanaka naauao, me ka nana ole i kona aoao ame kona ili, no keia kau koho balota ae. E hoike aku kakou ia lakaou he poe kakou i hoonaauao ia a aua hiki ia kakou ke hana i ka hana e like me ka hana ia ana ma Amerika. Ina kakou aole e hana ana i keia e kaili ia ana ka mana koho o kakou.
E hooikaika kakou e noho like a e malama i ke ola kino i ulu hou ai kakou a nalo ole keia lahui. Aole kakou e ma an aina aole e waiho ina le'ale'a kupono ole, e like me ka inu a puaa. E hoohalike me na lahui e ka hooikaika ma na hana hoowaiwai. Imi i ke dala oia iho la no ka mea e pono ai keia noho ana. I ka loaa ana houluulu kekahi no keia mua aku. Aole i ike ia ka la ino ua makaukau.
He mau olelo hoomoakaka wale no keia ia kakou a na oukou e noonoo mai lawe ae i ka i'o hoolei aku i ka iwi. Ke nana mau nei makou ia mua me ka maopopo ole o na ouli o ka manawa e hiki mai ana. O ka kakou hana pono wale no o ka hoomakaukau ia kakou iho.
_______
NA HOA'LOHA OIAIO OLE.
____
He nui na manawa a ke Kuokoa i a'o aku ai i ka lahui aole e haawi i ko lakou mau hilinai ana maluna o na malihini hiki i ko lakou hoao ana ia maopopo ka lakou oiaio, a e na lono hope loa i hiki mai nei e pili ana no ka Lunakanawai Humphreys ame kana mau hana no ka hoolilo ana ia Hawaii i Kalana no Kaleponi, kekahi mea nana e kakoo mai i ka makou mau olelo a'o. Mahope o ka hoolaha ana ia o keia mea ma na Nupepa ao Kapalakiko, ua kakau mai keia Lunakanawai i kona waha olelo maanei, ka Nupepa Repupalika o na mea i hoolaha ia, oi loa aku no nae ka mea i hoolaha ia ma ka Nupepa Karonikala(Chronicle), he mau o lelo hoopunipuni wale no, a na kona mau enemi ma Honolulu nei i kakou a hoouna aku nei e pa'i ia malako o keia Nupepa. O na poe a pau i ike i keia Nupepa nui, Ka Chronicle, ua maopopo ia lakou, he mea ole kedala ame ka poino ia lakou no ka huli ana i ka oiao, a o ka lakou mau me a pau e hooiaha ai, ua hiki loa ke hilinai ia. Ua haaheo lakou no ko lakou kaulana i ka hana pololei a aole loa lakou e ae i kekahi wahi nupepa liilii, ano ole elike me Ka Honolulu Republican, e kapa aku ia lakou he poe wahahee. Penie ka lakou no keia hui kamailio meka Lunakanawai Humphreys:
"Maloko o ka Nupepa Honolulu Republican o ka la 7 o Iulai i ike ia ai kekahi kumu manao malalo o ke Poomanao, "Hoolaha ka Nupepa Chronicle i na olelo aiaio ole no Lunakanawai Humphreys." Maloko o keia kumumanao i hoike ia ae ai kekahi leka i olelo ia mai ia Humphreys aku, e olelo ana penei:
"Ma ke Chronicle o ka la 24 i ike ia ai kekahi mau manao a'u i manao ai mai Honolulu mai. He mau olelo wahahee ma na ano apau. Ke noi aku nei wau ia oukou e heluhelu i na mea i olelo ia ma ka Nupepa Examiner o keia la hookahi no, a e ike oukou i ka'u mau olelo oiaio apaua e pili ana no keia ninau?
O keia mea i hoolaha ia ma ka Chronicle o ka la 24 o Iune, oia no na meaa e pili ana no ka manao hooohui ia Hawaii me Kaleponi o Humphreys. Ua kakau ia keia mau olelo no ka nupepa Chronicle malalo o ke noi a Humphreys ma o C.E. Edwards ala kekahi o na e Kakau manao o ka Nupepa Chronicle, i holo aku no Honolulu no ka noonoo ana i kekahi hana ma ka nupepa a Humphreys. Ka Honolulu Republican. Ua hoi mai oia maluna o ka moku ahi China e Humphreys a ua kakau ia keia manao oiai laua maluna o ka moku-ahi. Na Humphreys ponoi keia maau olelo, a ua hooponopono ia eia na manao mahope o ka kakou ia ana.
Ma ka la 23 o Iune, ka la i hiki mai ai o Humphreys ua hoike ae ke Chronicle eia oia ma kana huakai no Amerika, a e holo loa aku ana no Wakinekona no ka hoike ana i kona aoao o ka noi hoopau iaia mai ka noho Lunakanawai mai. Ma ka la 24 o Iune, ua hoolaha ae kekahi nupepa puka kakahiaka o kakou nei, i na olelo a Humphreys e hoike ana hoi aole oia e hele loa anaa no Wahinekona. Aia oia ilaila i keia manawa, a i ole i laila oia i kekahi mau la akau nei i hala. Aole o keia wale no ka mea nana e hooia mai kona makemake hele no Wakinekona i kona haalele ana i Honolulu, aka, ua kakau mua mai oia i ka Loio Kuhina Knox no keia huakai ana, a ua noi aku ka Loio kuhina i ka Elele mai Hawaii mai nei e paa i kana au palapala kue i Humphreys a hiki ma oia, oiai ua palapala mai ka Lunakanawai iaia e hiki mai ana."
O keia mau olelo i puka mai loko mai o kekaahi nupepa nui elike me ka Chronicle, e hoike mai ana i na mea o laua i a'o i ka hoopunipuni, aka aole o ka mana pihaa i na kanaka. Ke makemake ia nei o na kanaka wale no i hiki ke heluhelu a olelo i ka olelo Beretania ke ae ia e koho. Poino ka hapanui o na kanaka Hawaii. O ka kakou hana keia o ka pau o kana mau hana ino, ke hoike pu mai nei keia i kona ano maalea, ame kan mau hana hoopalaimaka me nna laia o ka Home Rula, oiai oia e hoao ana i hoike aku he hoaloha a he kokua no lakou oia nae e hoao ana oia e kaili ae i ka hanu hope loa o ka manaolan no kkapono o ka aina, a lakou i aloha nui ai. He mea pono ia kakou e hoomanao ina hana ekaeka a keia wahi Lunakanawai ame kona mua hoaloha. i keia kau koho balota ae, a he mea pono e hoolei ia i lalo, i lalo loa.
KASTOL.
____
O KE KASTOL ka inoa o kekahi AILA OONAHA maikai loa i hoomakaukauia me ka maemae loa e kupono ai ke inu me ka pakui ole. Ua pau pono no na meteria e ke ola iloko o keia aila. he hiki loa i na keiki liilii ke loa me ka hakalia ole, a he oi aku ke lakou makemake i keia laau ke loaa aku, no ka like me ka hone.
O ka lepo paa kekahi mea aana e hooulu maai i na mea inoino ai e ke koke. Ina e nele i ke koke maemae, aole lloa e hiki i kekahi mea ke manolana no ke oia loihi. Oia iho la no ka mea nui no ke ola kino. O ke KASTOL ke mea nana e hookaawale ina mea paakiki a apau o ka naau. I na e loaa kekahi lanakila i na paahana i hookumu mua ia iloko o ke kino, alaia, e ikeia auanei ka holomua o ke ola. Pela iho ia e hoopihaia ai na mea i hoopoino ia e ka mai. He elua ano o na omole KASTOL e kualia nei, heaomole 26 keneta a he omole 50 keneta.
Hoomakukaauia e ka Hui wale no o
HOBRON DRUG CO.
King & Fort.
kana m au inoa apau e kokua mai ana a ahiki hou ole ia lakou ke hoike ae i ko lakaou ma poo-kalaiaina, a i ole ia ko lakou mau wawae maaalea, ma na hana pii aupuni o Hawaii nei.
He nui na hoa'loha i noho lihi me kakou a i maopopo ko lakou ano maikai ma kalakou mau hana, aua hiki ole ia kakou ke haawi akau i ko kakou mau pono ame na pomaikai i loko o kaluna o na malihini e olelo mai nei he hoaloha, aka, ke hoao nei e kuai aku i ko kakou pono ni ka hooko ana i ko lakou mau manao alunu.
_______
KA LUNAKANAWAI EKOLU.
____
I kekahi manawa i hala akau ne aa ike ia ka lawa ole o elua lunakanawai no k Aha Kaapuni a ua makemake ia iho nei i hookai hou i koe. Ua noi i aaku nei ke Aupuni Amerika e h@@@ kohu hou mai i hookai lunakanawai i koe. Oiai e uku ia ana keia mai ka keena mai o ka Loio Kuhina ma Amerika ua haawi ia aku keia laia e noonoo. Ua maopopo loa aole oia e ae mai ana e hoolilo i keia mau dala a hiki i kona ike maoli ana i ka pilikia maoli o keia wahi i ka lunakanawai.
He ekolu inoa i manao ia no keia wahi e kknei poe. O ka mu o Caypless, ke kakauolelo o ka Senate, ka lua o L. A. Dickey, a o ke kolu o A.G. Correa. O ka inoa mua ka inoa i maopopo loa ka loaa iaia, a i ole iaia e lilo ana i ka inoa elua iho. He uuku loa kapoe e kakoo nei ia A.G. Correa.
____________________
HE MEA I MAKEMAKE LOIHI IA.
_____
Ua Loaa Keia Mea i Makemakeia ma Honolulu
______
He mea paakiki ka mau ana o ka hauoli.
E minamina mau ana hohoi kapoe manao oluolu.
Ina e maopopo ana ke kumu, aole no oukou e haohao ana.
Ua loaa anei oe i ka maneo ma ka uha?
He ma'i ia, aole no oe e hoi ana ma kahi moe, aole nohoi oie e ike ana i kou ano oluolu.
Aohe mea uluhua e like me keia
O ka maneo mau iho ia no ia i na wa apau.
He oi ka uluhua, a oi loa aku nohoi ka uluhua no ke ola ole.
E ala mau ana oe i ka po.
Pau ka noonoo maikai, a e kohu hehenaa maoli ana oe.
Nolaikla, aole anei o nei mae he ola ana, a he oluolu ana ae hoi, he mea i makemake nui la?
E loaa ana leia ma o ka Aila Hamo ia a doan.
Aole loa e nele ana ke oi ao ka ma'i uha-hemo maneo i ka aila Hamo, a Doan.
Pela nohoi ka Eczema, ame kekahi ma'i meeau e ae o ka ili.
Ei aka hooiaio no keia mea ma ka hoike a Mr. Frank Leibly o 326 S. Main St., Wilkesbarre, Pa., a penei kana olelo.
"Me ka hauoli nui au e oike aku nei no ka waiwai o ka Aila Mamo a Doan, ma na ma'i meeau mmaneo. ua loohia iho la au, ma ka makahiki i hala ae nei, me i ma'i. Ua hoao au i na aano laau lapaau a pau i halia mai ia'u he oia, a pela hohoi me na laau a'u i ike ai, ua hoolahaia ma na nupepa eia nae, aaohe loaa ia'u ke ola. Mahope maai, kuai iho la au i ka aila Hamo a doan. Maope iho o na hamo ana a'u he kakaikahi, ua nui ka oluolu i loaa mai ia'u a ma ka hoomau ana aku i ka hamo ana, ua oia loa ae la au. Aaole au i hoouluhua iki hou ia e keia maneo hoonaukiuki nui wale a'u i ike ai mamua, a o keia ka eha mahina o ko'u hooki ana i ka hamo anai ka Aila Hamo a doan. O ka olelo anaa ae, ua hauoli au no keia ola i loaa mai ia'u, he hoike wale ana ae no ia i ka hapalua o ka nui o kko'u hauoli. E hoike mau aku ana hohoi ai i kela maau i ka poe a pau e halawai mai ana me a'u. Ua hiki no ia oukou ke hoolaha aku i keia maau olelo i na wa apau, a e loaa mau no aau ma 326 S. Main street a e hooia aku no au no ka oiaio o ia mea."
E kuaiia ana na Huaale a doan no ka Puupaa e na poe kuaai laau a pau. Kumukuai he 50 keneta. E hoounaia aku ana no ma ke eke leta e Hollister durg co., na Agena no ko Hawaii Pae Aina.
E hoomanao i ka inoa DOAN, a mai lawe i kahi ea e ae.
____________
Ua makana aku o Mrs. U.S. Grant, ka wahine a ke Peresidena kaulana o Amerika ia Mrs. Ma@@@ me kakahi koloka huluhulu i hana ia @ia me kona mau lima ponoi.