Ka Nupepa Kuokoa, Volume XXXIX, Number 34, 16 August 1901 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

KA LA ELUA SEPATEMABA.

            O ka la elua o Sepatemaba oia kekahi o na la I hookaaawale ia no ka lealea o na kanaka hano o ka alaa. He ia ia i kapa ia ma ka olelo a na haole he la no ke kanaka hana. (Labor Day) I kela makahiki i hana na ike mua ole ia mamua. O ka hoikeike o kela makahiki i hala ka maka mua loa o ka malama ia ana o keia la ma Hawaii nei. A o kela makahiki mamua o ka hoikeike o ka makahiki i hala a ua malamalama ia kekahi halawai i ka Lapule o keia no ka hooiaia ana i na hana o keia la.

            Ua hooholo na kanaka i akoakoa aeima kela hana e malama ia he paikau e like me ko ka makahiki i hala, koe wale no ua makemake la e oi ae ka maikai mamua ola, he mau lealea. heihei kinipopo pelepele a pela wale aku kekahi mau mea i hooholo ia. I ke ahiahi ua makemake ia e haawi kekahi hulahula nui ma ka Hale Paikau a in a e holomua ana keia mau mea apau ua hiki ia kakou ke nana aku no kekahi ia hauoli e hoomaha ai ka luhi o ke kanaka, hama. O keia la ka la i kupono loa ia kakou na kanaka hana e hoike ae i ko kakou hauoli oiai ua haawi ia mai keia la no kakou e hauoli ai.

            O kekahi mea maikai loa i hoike ia ae oia no ka hoikeike o na kukui uila a na kanaka hana o ka hui kukui uila o Honolulu nei. Ua haawi ae na kanaka hana o keia hana i ko lakou manawa no ka hana ana a ua ae mai hoi ko lakou mu poo ma ka hana e hoolako mai ia lakou me na mea e e'i ai ka lakou hana.

            O kekahi mea maikai oia no na kaa i hoonani ia me na mea nani a e hoike ana hoi i ka hana aia hui e like me ka kakou i ike ai i ka makahiki i hala. He nani maoli no kela hana ke nana aku. O kekahi mea i makemake loa ia i ka makahiki i hala oia no na keiki o na kula aupuni. He nui ko lakou uaua e hoike ana hoi i ko lakou hauoli i ka la o ko lakou mau makua. O ka makemake nui no nae o ka poe e lawelawe nei i keia hana o ka oi ae o ka maikai mamua o ka mea i hoikeike ia i ka makahiki i hala, a in a e ko ana ko lakou makemake alaila ua maikai maoli oiai ua nani ka mea i hana ia i ka makahiki i hala a e oi loa ae ana hoi ka nani o kela.

HAUNAELE NAWAHINE A KA PAKE, Huhu ka Wahine Helu Elua a makemake e Oki.

Ua Lilo loa ka Hookupu ana a ka Laua Kane Mare i ka Wahine helu Ekahi me kana mau keiki.

            He mea kamaaina ia kakou ka ike ana i na wahine lehulehu a kekahi o na puke kamaaina o kakou nei aka i kou manawa e ninau aku ai. "Pehea kela wahine oe?" e olelo mai ana kela lahui maalea "Aole akahi wahine kekahi kauwa hana." Ma kela ano ua pakele lakou i ka mana o ke kanawai no ka mare lehulehu, a o ka noho malie iho no hoi kekahi o na wahine pake aohe manawa e lohe la ai keia hana. I ka Poalua nei ua hele ae ka wahine helu elua a Tom Chan e hoopii oki no ka lilo loa o ka lawa kane ia Mrs. Tom Chan he lu ekahi a haalele Ioa ia hoi o helu elua he wahine mua no ka kela pake a i loko o ka makahiki 1889 ua holo aku oia I Kina a mare hou i ka mea nana ka hoopii. Ua hoi mai oia a noho pu me keia pake ame kana wahine mua he eono hoi mahine me keia wahi mea hou ana. Pela ko lakou nono maikai ana a no kekahi kumu i maopopo ole iaia ua lilo loa ka malama ana a keia kane laua ia Helu Ekahi a haalele loa la hoi ola. No keia kumu ua hoopi ae oia i ka aha e oki ia oia mai keia kane mai.

            Ua hele ae keia mau wahine elua me ka laua mau keiki apau loa a ua laukanaka maoli ka aha ia lakou. O ka mea aka loa i ka uwe ana ae o kahi bebe hope loa a Helu Elua ua holo koke aku la kekahi wahi keiki me ka mama a loa ka omole walu a holo hou aku ia a hoo iloko o ka waha o ka hoohaunaele.

            Ma ka manao o kekahi poe ike kanawai aole e ko ana ke noi oki a keia wahine, oiai i kona manawa i mare ai i keia pake i Kina ua mare mua la no keia pake, a nalaila aohe i ku i ke kanawai ko laua mare la ana. O ka oiaio maoli aole oia he wahine mare na keia pake ma ke kanawai o Amerike a o ka hiilia pono wale no o ka hoopii i keia pake no ka mare lehulehu. Aole i pau ke laua hihia i keia manawa.

            Aole keia o ka pake wale ma Hawaii nei e malama nei he elua a oi aku wahine, he lehulehu a he mea pono loa e hopu ia lakou no ka mare lehulehu. Aole keia he aina Mamona e ae la ei keia ano hana a lakou.

KA KEENA O KUAI BUKE O KA PAPA HAWAII.

            I na makamaka ame na hoaloha; ke haila aku nei ka lohe la oukou apau. AIa ke keena kuai buke o ka Papa Hawaii ma ka aoao ma Waikiki o ke alanui Papu mawaena o ke alanui Moi ame alanui Hotele ma ka hale i kapala o Boston Building, oia ka hale kuai mea ai o (Henry May) Henere Me, nona ke kiekie o eha (4) papahele. Aia ma ka papahele eha ma ke keena helu Malalia e kuaila ai na Baibala na Kauoha Hou ame na buke Himeni o na Hawaii ponoi. na Haole. na Pukiki. na Iapana. a me na Kilipaki a pela aku.

            Ua noa na pakaukau a me na inika kaku in a mea apau I loaa ole na wahi kupono e kaku aku ai i na makamaka oiai makou e malama ana i ke keena buke.

            He maalahi loa ka pii ana mai a me ka iho ana aku ma ke alapii uwila i kapaia be Alaweka. Mai hopohopo e na makamaka a me, na hoaloha i ke kipa mai na ka mea ela no i ka poe i aloha la Hawaii ka malama a me ka hooponopono ana i ke keepa buke Me ke aloha. O. P. EMERSON Ma o S. H. Oni.

NA IPAN ME KA PAHI. Pau ka Pake i ka Okioko ia i ka Pahi

            I ka Pualua nei ua loaa mai ka lohe mai Ewa mai i ka hoao ana o kekahi kepani e kaili ae i ke ola o kekahi pake me ka pahi. Ua hele mai keia kepani i ka hale aina o keia pake e ai ai. Noi aku oia i kai pipi a lawe ia mai. Hoonuu ola apau keia noi hou aku nei Ua hoole ia mai kana noi oiai o ka rula maa mau ana hale aina he hookahi no pa kai pipi e lawe ia mai. No kela kumu ua hoopaapaa koke laua a hoomaka aku nei keia kepani e lele e pepehi i kela pake. I ka lohe ana mai o ka nui pake i keia haunaele ua puka like mai ia lakou e pilikia ua kepani nei e wehe I kaua pahi a okioki I keia pake. Ua makemake paha oia e okioki a liilii hoo komo iloko o ka ipuhao kupa i loaa hou kana kai e inu ai aka ua hiki koke mai ia na kokua a kelepona ia ka Hope Makau. Ua hopu ia keia Iapana a ela oia ma ka hale paahao kahi I kali ai o ka loaa mai o ke pa kamano.

            I keia la hookahi no ua ike ia kekahi puulu kepani e uhai ana mahope o kekahi mau kepani ma Kakaako. E hele ana lakou no kahakai. E like me ka lohi o ka lakou hele ana pela no i nui mai ai ka poe alualu ia laua. Ma ka nana aku ua piha paha ka elua haneri e oiae Iapana e uhai ana ia laua mai keiki na wahine ame na kane. I ka ninau ana ia aku o keia poe heaha la ka manao o keia huakai nui ua hoike mai ia lakou he elua mau kepani e hele ana i kahakai e hakaka ai me ka pahi a hiki i ka make ana o kekahi o laua oia ka kumu e piha nei I na Iapana. Ua hoike koke ia aku la ka lohe i ka Halewai a i ka hiki ana aku o keia poe i kahakai ua hiki pu aku la no ka makai a lawe la i ka Halwai e kakapahi ai. Ina paha aole i lohe mua ia keia mea me nei ua emi iki mai ka nui o na Iapana ma Hawaii nei i keia kakahiaka.

            Ke nui mai nei na hana oki pahi a na Iapana e hana mai nei. Aole lakou i like me na pake ka noho maluhia ame ka imi ole i na mea e pilikia ai. No ke ano naauao no paha o na Iapana ua makemake lakou e hana i na hana i hana mau ia e na aupuni naauao mai.

KA MAHIKO O PUAKO.

E NUI AKU ANA A LILO O KAWA. ABIKULANAKAUHALE.        

            He mea e hauoli ai ka manao o na kamaaina o ke kaha o Puako e kokoke ana i Kawaihae, ka ike ana aku i ka uliuli lipolipo mai o ka lau momona o ke ko maluna o kona mau kula panoa o ka wa i hala, a ma ko lakou mau makalua i keia la aia ke ule la ka lau ono o ke gula ame ke dala, a hauoli nui hoi ka poe nana i hapai aw la hana hoowaowao nui i ka aina. He makahiki a oi I hala aw nei ua hoomaka ke kanu ia ana o ka pulapula ko malalo o na lawelawe a hoohana ana a Mr. Vredenburg, kumukula o ka Aina mauna no kekahi mau makahiki i kaahope aku nei. Aka, i keia la he maikai ka ulu ana o ke ko a ua hiki aku ka loloa o ke ko i ka 18 kapuai a mai ka eono a hiki i ka ewalu iniha o ka puna. He holo pono no hoi ka hoohana ana a na pauma wai a ua lawa ka wai no ka hoopulu ana i ka aina kahi o ke ko e neeaku la i ke kanu ia, a i ka hoomaopopo aku e ku ana he hale wili ma Puako.

            Ina lo e ku ana, alaila e lilo aku ana o Kawaihae i kikowaena no Kohala Hema a oiai aia ma kona kua he mau aina hanai holoholona nui, a o ke awa kupono wale no la e kipa mai ai na moku me ka poino ole, aole no auanei e nele ka ulu ae e lilo i kulanakauhale nui ma keia hope aku. Me ka mahiko o Puako ma kona hema, na aina hanai  holoholona ma kona kua e haawe mai ana, na aina maikai a laula e moe ana ma kona akau, he mau aina kupono i ke kanu ko ame ka uala Kahiki, o ia kekahi mau mea nana e hapai ae i ke kulana o ka aina iluna aole i mamao aku. I ka wa e ku ai keia mau mea ae la i hoike ia, he mea kanalua ole, e mahi hou ana na kamaaina i ka uala Kahiki, ke kumu nana i hoowaiwai kekahi poe e ia mau kaha a hoea mai i keia la mamuli o ke kipa mau ana mai o na moku okohola i Kawaihae ka aina e ulu nui ia ana e ka uala Kahiki. Ua olelo ia no hoi o na moku okohola i kipa mai i Hawaii nei i ka wa i hala ae oia ke kahuna o na mahiko e ku nei a hiki i keia la. E na kini o ka Ua Naulu, e mahi nui i ka aina e hanai i na holoholona, a i ka wa pono e ohi no kela ame keia i ka luhi o ka hoomanawanui ana o na la ikiiki o ka makalii. Imua no ko kakou aina hanau aloha.

(Mai ka Eleele Hawaii Mai.)

NUI KA MAKE O NA BEBE HAWAII.

Hoike mai na Poe Kanukupapau o na Keiki Malalo mai o Elua Makahiki ka Hapanui.

            O na keki liilii e pii ae nei ke ola o Hawaii, o lakou na kakoo o keia mua aku, aka, ke ike nei makou i ka nui maoli o lakou e make mau nei i kela ame kela pule. I ka ninau ia ana o ka poe lawelawe i ka poe make ua hoike mai lakou o ka hapanui o ka poe e make nei ma keia kulanakauhale he poe keiki liilii no lakou na makahiki malalo mai o elua makahiki. I kekahi la ua hiki aku ka nui o na keiki liilii make i ka elima. Nui maoli kela! I ka ninau nui heaha la ke kumu o keia make nui o na keiki a kakou? O ka makou e ike maka nei, oia no ka hoohemahema maoli no o na makuahine Hawaii i ka lakou mau keiki liilii Ina no he kunu ko ke keiki e lawe is ana no i ke anu aole oia wale o ka nana pono ole o ka makuahine i kana mea e ai ai oiai ke keiki e ai ana i kona walu. He mea ano nui loa keia Ina o maikai ole kau mau mea e ai ai pela @@@ maikai ole ai ke ola kiao o ka maikai ole ai ke ola kuao @ ka maikai. Aole no ka maikai ana o keola o ke keiki a kekahi @@@ maikai hookuu wale no a pono hana; no oia ka mea e hoohaike aku ai kakou pela. E malama pono loa i na keiki a w noonoo iho na makuahine o ka lakou mea ai ai oia no ka ai a keia mau keiki liilii me ko lakou mau opu nawaliwali e ai ai a oia nohoi ko lakou oia. O ka pilikia nui o kakou oia no ka nui loa e ua makuahine hoomaopopo pono ole i ke ano o ka malama ana i na keiki.

            Ina e mau ana ka make o na keiki liiliie like me ka kakou e ike mau nei i keia mau ia e hiki mai ana ka manawa e nele loa ai kakou i na keiki a pehea o Hawaii aloha? Lilo aku i ke keiki a na malihini. na malihini hoi e komo nui mai nei i keia ame keia la. E imi like kakou i ke ola o na keiki, ka makana oi loa aku i haawi ia mai mamua o na makana apau loa.

O KA MAKAHIKI 1196. KA HOPENA.

He 95 Makahiki i koe Hiki Mai ka Hopena o ke Ao Nei.

            O keia ninau, he ninau paakiki a koikoi loa keia, aka, he hiki loa nae kewehewehe ia ke lawe ke kanaka a malama i na kanaai a hooko i na kauoha, e like me kela mau olelo a ka Haku imua o Kana mau Haumana. E nana ma Ioane.

            "Oiaio, he oiaio Ka'u e olelo aku nei ia oukou, o ka mea e manaoio mai Ia'u, o na hana. A'u e hana nei, e hana aku no ia i na mea oi aku mamua o keia, no ka mea ke hoi nei Au i Ko'u Makua," Ioane 14:12.

            "A o ka mea a oukou e nonoi ai ma Ko'u inoa, oia Ka'u e hana mai i hoonaniia ai ka Makua ma ke Keiki." Ioane 14:13.

            "Ina e nonoi oukou i kekahi mea ma Ko'u inoa. Owau no e hana." Ioane 14:15.

            "Ina e aloa mai oukou Ia'u e malama oukou i Ka'u mau kauoha." Ioane 14:15.

            "A e nou Au i ka Makua a e haawi no I Kokua hou hooukou i noho mau loa ia me oukou." Ioane 14:16.

            "Oia ka uhane oiaio, ka Mea hiki ole ke loaa i ko ke ao nei, no ka mea, aole lakou e nana ia Ia, aole hoi e ike iaia, aka, ke ike nei oukou iaia, no ka mea, ke noho nei ia e oukou a iloko o oukou." Ioane 14:17.

            "Aole Au e haalele ia oukou a nele, e hoi hou mai no Au io oukou nei." Ioane 14:18.

            "A liuliu iki aku, aole ike hou mai ko ke ao nei Ia'u, aka, e ike mai no oukou Ia'u, a no Ko'u ola ana, e ola no oukou kekahi." Ioane 14:19.

            "O ka mea i loaa lala Ka'u mau kauoha, a e malama hoi ia mau mea, oia ka mea e aloha mai Ia'u e aloha ia oia e Ko'u Makua, a e aloha hoi Au iaia, a e hoike aku nohoi Ia'u i ho iaia. "Ioane 14:20.

            "Ninau aku la o Iuda iaia, aole o Isekarlota, e ka Haku, Pehea hoi Oe e hoike mai ai ia oe iho ia makou, aole hoi I ko ke Ao nei?" Ioane 14:21.

            "Olelo mai la o Iesu, i mai ia ia ia, Ina e aloha mai kekahi Ia'u, e malama no ia i ka'u olelo a e aloha mai nohoi I Ko'u Makua iaia a e hele mai maua i on a la, a e noho pu me ia." Ioane 14:13.

            "O keia ae Ia ke alanui pololei a Iesu I olelo mai ai i na haumana ana la wa, a ua make nae lakou, koe no nae ka olelo a ka Haku no kakou na haumana ana e ola nei i keia mau ia hope, a no kakou ka olelo a me na kuhikuhi e imi i keia ninau pohihi loa.

            "Eia hoi ke alii Solomona: "He mea nani i ke Akua ke huna i kekahi mea, he mea nani hoi i na'lii ke imi aku." Na Solomona 25:2.

            Nolaila, e ninau iho kakou i keia mau ninau:

            Owai la nela poe Alii e kauohaia mai nei e imi aku i kekahi mea i huna ia e ke Akua? A mai ka lahui hea mai ia ia? A o ka hoomana hea la kona? A he kahunapule anei ola?

            E nana hoi kakou i ka hoike a ke kaula a Mose, ma Kinohi:

            "I iho la ke Akua, e hana Kakou i ke kanaka i ku ia kakou ma ka like ana me kakou iho a e hoalii ia ia maluna o na i'a o ke kai, maluna hoi o na manu o ka lewa, maluna hoi o na holoholona laka, a maluna hoi o na mea kolo apau e kolo ana ma ka honua." Kinohi 11:28.

            "Hoomaikai mai la hoi ke Akua ia laua, i mai la hoi ke Akua ia laua, e hoohua ae olua e hoolaha hoi e hoopiha ika honua a e lanakila maluna, a e noho alii maluna o na i'a o  ke kai ame na kolo ana maluna o ka honua.

            Nolaila, ua maopopo ae la kakou o Adamu ame Eva, kana wahine, ua hoalii aku ke Akua ia laua a hoomaikai aku la ia laua nolaila, ua make laua a o kakou ia e ola nei i keia la, nolaila, e ike moakaka ana kakou ua pili keia mau olelo hoalii ia kakou na kanaka a pau loa o keia ao, me ka nana ole ae no ka lahui hea? a no ka hoomana hea la oia, nolaila, e na hoahanau aloha o'u, e hoi aku ana au ia oukou me ke aloha, e lawe mai ana au i ka olelo kauoha a ka haumana aloha a Iesu, oia o Petero, i ki e hemo ai keia ninau i hoole loa ia mai e ka Haku:

            " E na pokii, mai hoonaaupo oukou i keia mea hookahi: A i ka Haku, ua like ka la hookahi me na makahiki hookahi tausani, a o ke tausani makahiki hoi me La ia hookahi." 2 Petero 3:8.        

            E na hoahanau aloha o'u, e hoomao popo iho kakou , o keia ka haumana i haawi ia he Ki: a in a aia i keia haumana ke Ki alaila, o keia Pauku ae la ke Ki e henio ai o keia ninau a keia ao e ake nei e ike i ka hopena o ke Ao nei, a o ka makahiki ehia la o ke Ao nei la?

            Nolaila, huli kakou a pana ia Kinohi ka Buke Ekahi a ke Kaula a Moee. I na la eono i hana ai ke Akua i na mea apau, aka, i ka hiku o ka la hoomaha iho la oia a hoana ia ia.

             Ua ike ae nei kakou i ka hoike a Petero, a ike nohoi kakou i ka hoike a ke Kaula a Mose, ma Kinohi, alaila, ua maopopo loa ia kakou he Eono ia, a ua like la me na makahiki he Eono Tausani makahiki alaila, in a he Eono Tausani makahiki mai ka hoomaka ana o ka honua a hiki i kona hopena, alaila, e nana e imi, e huli kakou i ka mea huna i huna ia e ke Akua e like me keia.

            Mai a Adamu mai a ia Karisto @@@@ makahiki mai ia Karisto mai a ia Joe Smith, ke Kaula ka paahana hope Ioa o ka ka hora 11 o ka hoonalaana ana mai o na paahana e hana i ka mahi-waina a ka Haku. 1830 makahiki mai a Joe Smith o ia kakou nei. E makahiki. Ina kakou e @ @@@@ ana alaila e hana ana ka haina @@@@ makahiki i hala mai ia @@@@ mai a ia kakou i keia la. noalaila e hoolawe is @@@@ makahiki i hala mai loko mai @@@@ tausani makahiki ke Ao nei alaila e koe ana he 95 inamakahioki he @@@@ i hala me ka makahiki i koe alaila e loaa ana ka huina nui o @@@ makahiki elike me ka kakou i ike ae nei: a i na hoi kakou me na makahiki, he 95 i koe , alaila, e loaa ana ka huina moakaka o 1996, e like me na makahiki e kau ana ma ke poo o keia nane hai. oia hoi o ka makahiki 1996, oia ka makahiki hope loa o keia Ao a o ka hopena hoi o ke Ao nei.

            Nolaila, e na hoahanau aloha o'u ame na kanaka a pau loa o keia Ao, hookahi a kakou mea i koe, oia ka mea e pili ana i ka "hiku" o ka la i hoomaha ai ke Akua a hoano ia la.

            Ua ike ae nei kakou Eono la he Eono Tausani makahiki ia alila, e manao kakou o ka Hiku o ka Ia, ua like ia me Ehiku Tausani makahiki, ke hui ia ka Eono Tausani makahiki, oia hoi ka eono la, me ka hookahi Tausani o ka "hiku" o ka la, ua like me Ehiku Tausani ke huiia ka Eono Tausani makahiki o ke Ao me Hookahi Tausani o ka noho alii ana aku o Iesu maluna o ka honua.

            Nolaila, e na hoahana e huli ae kakou e imi hoi i keia mea huna oia ka mea e pili ana i ka Haku o ka La a ke Akua i hoano ai. E oluolu oukou e huli a nana iho ma Samuela 2, a penei kana hoike wahi a Iehova ke Akua, ia Natana, ke kaula, ma ka hihio, penei:

            "A e hookupaa mau loa ia aku kau ohana ame kou aupuni i mua ou: e hookupaaia hoi kou nohoalii a mau loa aku," 2 Kamuela 7:16.

            Nolaila, e ko ke ao holookoa e lawe i keia pauku a haawi i ko aoukou nana a noonoo akahele ana, a e loaa auanei ka i'o ame ke ano maoli o keia olelo mai ke Akua mai a ia Natana, ke kaula, penei:

            Me keia pauku e ike ai kakou ua ae maoli no ke Akua e hookupaa i ke Aupuni o ka lahui Isaraela a e hoomau i ka nohoalii ana o ka ohana o Davida. kana kauwa, nolaila, he mea pono e ninau kakou, no ka ohana a Davida, e mau loa kona noho alii ana? Ke mau nei no anei ka lahui Isarela? O kahi hea o ke ao nei ko lakou aina e ku nei ko lakou aupuni? A owai ke alii e hoomalu nei ia lakou? A no ka ohana anei lakou a Davida?

            Ua ike ko ke ao a puni, aole he lahui Isaraela e noho alii ia nei; aohe nohoi he aupuni e ku nei: aohe nohoi he noho alii e noho ia nei e ka ohana a Davida elaila, e manaolo anei kakou he mea ole ka berita a ke Akua, a e kapa aku anei kakou, ua hoopunipuni ke Akua? Aole, aole loa.

            E na hoahanau aloha o'u, aole loa peia ko kakou manaoio.

            Eia hou ka Ioane hoike ma Hoikeana :Ua ike aku la au i na nohoalii, a no lio lakou maluna iho a ua haawiia na lakou e hoopai aku. A ike aku la au na uhane o ka poe i okiia ko lakou poo no ka hoike ana ia Iesu a no ka olelo a ke Akua, ame ka poe i hoomana ole i ka holoholona mae kona kii, aole hoi loaa ko lakou hoailona ma ko lakou lae, aole hoi ma ko lakou lima. ola pu lakou me Karisto a hoomalu pu me ia i na makahiki hookahi tausani." Hoikeana 20:4.

            E nana ma ka Pauku 6. hapa hope: "aka, e lilo no lakou i poe kaulana no ke Akua a no Karisto, a na lakou e hoomalu pu me ia i na makahiki hookahi tausani." Nolaila, o ka noho alii ana o Iesu. o ka hoano ana no ia o ke Akua i ka Haku oi ka La. Ke ike nei kakou i keia manawa iho la e piha a e hooko ia ai ka berita a ke Akua i olelo ai ia Natana, ke kaula, ma ka hihio. A no ia mea e ike ai kakou, aole loa i hooko ia ka olelo o ke Akua i keia la a kakou e oia nei, oiai, aole i hiki mai ka manawa no la mea. aia aku no ia i ka Makahiki 1996, ka makahiki hoe a piha ai ka 6000 makahiki mai ia Adamu mai: a, ia makahiki e hiki hou mai ai ke Keiki a ke Akua kiekie loa, ka Haku o na Haku, ke Alii o na Lii nolaila, e ike ko ke Ao holookoa, aohe hoomaka ana i nene i kona hopena aohe kumu i nele i kona weiau. Ma o ke alakai ana "Ia a ka Uhane Hemolele Amena.

JOHN M. MAHUKA. Hoahanau

MAKE ILOKO O KA WAI>

Aole i Hele ma ka wahi Hohonu Make no Nae.

            I ka hora elima o ka auwina la o ka Poano i hala ua hele aku o Keoki Palimana i kekahi o na hale auau o Waikiki a hai i lolw auau nona a i kona komo ana a paa keia lole ua ike ia kona puka ana mai e auau kai. Mahope mai o keia manawa ua pau nana ana ia a aole I ike hou ia a hiki i ka loaa ana aku o kona kino make iloko o eono iniha wai wale no. Aole keia i hohonu kupono e make ai kekahi keiki uuku aka. ma ka ike a na kauka aole oia i ka ma'i kuhewa a oia kona kumu i make ai.

            Ua kahea ia o Kauka Hapaki ame Kauka Murray aka ua hiki hou ole ia laua ke hoihoi mai i ke ola i kaili ia ae. Aole i maopopo owai ia ola a hiki mai kekahi hoaloha i ike iaia. Mahope mai ua ike ia kona inoa ua kakau la iluna o kona ili ma ka wha akau. He haole Pelekane oia a aole i loihi loa kona noho ana ma Honolulu nei. Ua ano aoo no kona kino.

HE HOOPONOPONO.

            Ua loaa mai ia mokou ka lono mai kekahi poe mai i noho a i ike hoi i ka noho ana o Kalimapehu, e hoike mai ana ua pono ole a ua hewa loa na hana imi hala a Kalimapehu i hana ai i mea e poino ai kana keiki. O ka oiaio o ke @@@ a keia keiki ana i hoolilo ai o kana mau kaia ponoi no a i hele e kuai paku makika a hoopaapaa me ka pake ke kumu o kona hopu ia ana a hoopaa ia ma ka halewai.

AHANUI LUNAKAHIKO KUIKAWA O NA MOKUPUNI O MAUI MOLOKAI AME LANAI

            E noho ana ka Ahanui Lunakahiko Kuikawa o na Mokupuni o Maui, Molokai ame Lanai. ma ka @@ o Awale A. D. 1901- Hora io kakahiaka mailoko o ka Luakini Kaahumanu ae Wailuku, Maui. No ka noopoe ana i ka Palapala kahea hoonoho Kahu o Wailuke, a pela, pu hoi me kekahi mau kumuhana e ae i manao la:

            E koho hoi na Ekalesia i Lunakahiko no ka hele ana mai i keia Aha, a pela pu nohoi na Kahu- Na Haiolelo ame na Lala apau oia Aha.

O NAWAHINE

Kakauolelo o ka A. L. o na Mokupuai o Maui. Molokai ame Lanai.

AHAHUI KULA SARATI.

            E noho ana ka Ahanui Kula abati o ka Mokupuni o Hawaii ma puauhau Hamaku, hikina, ke hiki aku i ka Poaoao mua a i ole i ka Poaoao Elua o Sept.

            E eleu ae na hoa a pau ola Aoa me ka makaukau. Mai loji apo i ka wa pono.

            E ana pu hoi i ka hoolaha a ke kakauolelo o ka Ahahui Euaneiio. Me ka Mahalo.

DAVID ALAWA.

Kakauolelo.

Kailua, Hawaii. Aug. 12. 1901

RUDOLF RASENEDILE

Ka U'i Nana iKaili ka Puuwai o ke Kaikamahine -alii

(Mai ka aoao I mai.)

            "E hoomanawanui iki mai e kuu lei. Ua ike no wau he mau olelo kaumaha keia, aka, ua hiki ole ia'u ke huna iho ia oe i keia manawa oiai o kaua wale no ko keia wahi. Aole loa e hiki ia'u ke waiho iho ia oe mawaena o keia poe kanaka ahiu me ka hoomaopopo ole i kou wahi e hele aku ai i ko'u wa e make ai, nolaila oia ka'u i olelo aku nei ia oe e palapala wau i kuu hoaloha, ia Lolena Banakalopa o Nu Ioka. He aikane maikai loa oia na'u, a e hilinai mai ana oia ia'u i ko'u manawa e hoike aku ai iaia aole owau ka mea nana i hana keia hana kalaima, aka, o Mikeia puuwai eleele. He wahine maikai kana a he elua ana mau kaikamahoine i like me oe ka nui. Ua hiki ia oe ke noho me lakou a hiki mai ka makana makamae a ka wahine, oia hoi ke kane," a loaa kou home nou ponoi iho. Pehea keia i kou manao e kuu lei?"

            "Yes, papa," wahi a kana kaikamahine I pane aku ai. Aole oia I makemake loa I keia aka. ua makemake oia e pau ke kamailio ana mai o kona makuakane no keia mea. "O kau mea i manao ai oia ka pono oia ka'u e hana aku ai."

            "A, akahi no a maha mai ia ko'u noonooo. Ua pono loa ae l. E kakau aku ana wau iaia i ka la apopo, aka aole o'u makemake e hoouna koke oe i keia leta a hiki i ko'u make ana. O kou," ua hooki koke iho la oia i kana mau kamailio ana. "Owai kela mawaho?"

            "O ka makani wale no e puhi ana me ka ikaika." wahi a Virgie. "He po ino keia ua paa ka aina i ka hou. Ke manaolana nei wau aole he kanaka i nele i ka home a e hele hoaa ana hoi maluna o ka ili o ka honua iloko o keia ino."

            "Aole keia o ka makani wale no. Ke manao nei wau ua lohe aku la wau i kekahi mea e kikeke mai ana. E hoolohe like kaua."

            He oiai, ua lohe like aku la laua i kekahi mea e kikeke mai ana. Owai la keia i hele mai nei i ko laua hale i keia po a ka ino nui wale. Aole he hele mai o na kanaka hana e noho kokoke ana i ko laua nei ale a o ka mua loa keia o ka hiki ana mai o kekahi mea I ko laua nei hale i ka pa. Ua ku iho la oia ma ka puka a ninau aku la, "Owai mawaho?"

            "He malihini wau i hoaa i ke alahele. I hele mai nei wau e ninau aku ia oe i ke alanui a'u e hele aku ai a hiki i ka hokele kokoke loa i keia wahi. E oluolu oe e hoike mai." wahi a kekahi leo kane i pae mai ai.

            I ka lohe ana mai o Mr. ABota i keia mea ua haalele koke aku ia oia i kona noho nui, a hoomanawanui mai ia e hele mai e nana owai ia oia i kona noho nui a hoomanawanui mai la e hele mai e nana owai ia keia.

            "He hookahi maile mai keia wahi aku alila hiku aku oe i ka hokele mua loa. a he wahi hale pelapela keia wahi hokele," wahi a Mr. Abota.

            Ua lohe aku la laua i ka nui ana ae o ka hanu o keia malihini i kona lohe ana aku he hookahi mile okoa ana e hele hou aku ai iloko o keia hokele, a he wahi hokele pelapela wale no hoi. Ua komo koke mai la ke aloha la laua nei a noi aku la o Virgie i kona makuakane e hookomo mai i keia malihini iloko. Ua wehe koke ia ae la ka puka a kono ia aku la ka malihini e komo mai iloko.

            " E kala mai oe ia'u aka ua makemake ole wau e hoopilikia wale aku ia olua. Ina oe e hoike mai i ke ala e hele aku ai wau a loaa aku ko'u mau hoa oia wale no ko'u makemake i hele mai nei. Ua manao mai nei wau e loaa ana ia'u kekahi hokele kokoke i keia wahi aka ua haule ia manao lana. E ae mai ia'u e hele aku mahope o kou kuhikuhi ana mai ia'u i ke ala e loaa aku ai ko'u mau hoa uhai holoholona ia'u. Ua hele e mai nei lakou mamua o'u aka, ua hala loa aku nei lakou, a mamuli o kekahi eha uiia i loaa i ko'u lio ua hiki ole ia'u ke hele loa aku me lakou."

            "E komo mai iloko nei e hoomaha ai iloko nei kakou e kamailio popo ai Komo mai." wahi a Mr. ABota.

            "E ae mai ia'u e hoolauna aku la'u iho ia olua. O Mr Heath (ka inoa keia o kekahi pua kaulana ma Enelani). O Mr. WIlliam Heath ko'u inoa."

            Nui na kaa Otombile e ike ia nei ma Amerika i keia manawa. He hele mai koe a like me na kaa hehi wawae a kakou e ike nei i keia manawa.

            Ua uhai aku kekahi mau Pelekane i kekahi mau Bua kakaikahi me ka manao e pephi ia lakou a i ko lakou kokoke loa ana aku ua ike aku ia lakou he 200 Bua e holo mai ana e kokua i keia mau Bua a lakou e uhai nei. Ua hoao lakou e hoopakele ia lakou iho a mahope o kekahi kaua hahana ua paapio keia poe Pelekane. Ua ki ia kekahi o lakou i ka pu a make loa e na Bua. I ka lohe ana o na Pelekane i keia ua nui loa ko lakou huhu i ka hana hoomalaoino o na Bua, e like me keia.

S. OZAKI

Ka Hale Kaui Emi o na mea Kuai  Like Ole.

            Malaila e lawa ai ka makemake o na Lede Makaonaona aia malaila na iini o na Keoni mana. aia i laila ke koi a na Keiki.

E HELE NUI AE E IKE MAKA

HE EMI HOI KAU!

Aia Kona Hale Kuai ma Alanui Hokele manawaena o ke Alanui Botela me Nuuanu ma ka Aoao Makai.

THE HAWAIIAN REALTY AND MAMOATY CO., LTD.

            Na Lunanui: L. K. Kenewia peresidena, W. J. Robinson Hope Peresidena, L. Ahlo Puuku. P. H. Burnette Kakauolelo.

            Ke haawi aku nei ka Hawaiian Realty&Maturity Co., Ltd. i ka lehulehu i kekahi hana maikai loa no ka malama ana a hoululu ana hoi i na wahi kenikeni i keia ame keia mahina. E kekalu no makou i hale nou a hoopuka i $200 ma kou inoa, a haawi aku makou ia oukou i 75 mahina e uku mai ai i keia mau dala, me ka loaa pu aku o kekahi mau pepa no lakou ka waiwai pakahi he $50 ua like ia me 19 mahina a i ka pau ana o 75 mahina ua uku la e oe ke $150, oiai no nae, he $250 i loaa alu ia oe.    

            He 45 apana aina i kupono na laa kukulu hale a makou i keia manawa.

            No na mea aku i koe e hela @@@@ i ko makou keena.

THE HAWAIIAN REALTY& MATURITY COMPANY LIMITED.

Maluna ae o Kakeia ame Kuke. Alanui Mei.

            Aia kekahi Keena o makou ma Hilo O M. E. Silva ko makou Agena.

UA PAU KA WELI I KA NOHO HUKI NIHO.

HE HIKI KE HUKI A HOOPIHAIA KA NIHO POPO ME KA WHA OLE malolo o na paahana ana o keia au nanuao e kapillia ai i ka lo o ka papa niho. Aohe hanala i ka laau hoohia moe.

            O keia wale no kahi huki a hana niho ma Honolulu nei i loaa na PAAHANA I HOOPAAIA me na mea e ae e hiki ai ke huki, hoopiha a hoopaa i poo gula a puna paha e hiki ole ai ke ikela ke ano e mai ka niho maoli ae, a e paa no ia ne umi makahiki malalo o ka hoopaa ana me ka LOAA OLE O KEKAHI HUNAHUNA O KA EHA. He POEWALE NO I HOONAAUAO A HOOKUU MAIKAI LA na poe lwelawe, he poe i lawelawe mua ma keia oihana mai ka la a i ka 20 makahiki, a he lowa ma ke poo o na mahele like ole o keia oihana. E kipa mai io makou nei, a o ike no auanei oukou i ka oiaio o ka makou o hoolaha nei. E hoike mua aku no makou ia oukou i ka nui o ko oukou lilo i ka wa o NANA MUA AI ME KA UKU OLE

PAA NIHO KU'I…….. $5.00

NIHO GULA……………5.00

HOOPIHA IA ANA ME KE GULA …….. 1.00

HOOPIHA IA ANA ME KE DALA ……… .00

            Ua lawa ko makou o na hana a paa. NEW YORK DENTAL PARLORS.

Roeza 4, Elite Building. Alanui Hotels.

HE MAU WAHINE NO KAHI NO KA WAHINE.

1 a.m.

UA IKE NA KANAKA APAU I KA

LAAU PENIKILA

HE LAAU KUPONO NO NA HOME.

            He hoola maopopo a hiki wawe no

KA UMII, KUNU, PALAHEHE

HI, ANU, PAUAHI,

PEHU AME KA HAKI.

Hikiwawe ke ola.

Elua Aro 25 kenaka ame 50 Keneka Nuokahi ae Laau Poaikila ka Perry @@@@