Ka Nupepa Kuokoa, Volume XXXIX, Number 41, 4 October 1901 — No ka hoowahawaha i ka Aha Kauohaia o T. McCant Stewart e hele ae imua o ka Aha. [ARTICLE]

No ka hoowahawaha i ka Aha

Kauohaia o T. McCant Stewart e hele ae imua o ka Aha.

I ka Poakahi nei, i ka hiki ana mai o ka manawa e noonoo la ai e ke Kiure Nleniele ka hihla o Joe Davls ame Robinson i ki ai 1 ka pake 1 Ewa, ua kali ke kiure ia M- P. Robinson a hala ka manawa i kauoha ia aku ai e hele mai | ma ke ano he hoike no kela hihi*f, a ihoouna hou ia ka makai e hele aku e kii iaia. I ka lawe ana ia mai imua o ke kiure ua hoike mai la .oia ua kauoha la oia e T. McCant Stewart, ka loio aole e hele mai imua o keia aha. I ka lohe ana o ka aha i keia ua kakau koke ia i palapaia k*' la T. McCant Stewart e hele mai a hoike i ka aha i ke kumu, ina he mau kumu kekahi e hoopai ole ia al oia no ka hoowahawaha 1 ka aha, mamuli o kona hoao ana e paa aku i kekahl hoike i makemake ia imua o na kiure no ka noonoo ana 1 kekahi hihia ano nui imua o lakou. I ke kakahiaka Poalua nei ua hiki aku o Stewart imua o ka aha a hoike aku la penei: No kekahi mau la 1 hala aku ua ike mau oia ia M. P. Robinson e hele mau ana i ka iumi hookolokolo e kali ai o ka hiki mai o ka manawa e kahea ia ai o keia hihia imua o ke kiure aka aole i kahea iki ia. Ua olelo aku ola ia Roblnson, aole no he pono laia ke hele mau mai i na la apau, Oiai aole i maopopo ka manawa o keia hihia, a e kali a hiki aku ke kil alaila hele mai. I ka lohe ana o Robinson i keia ua manao loa oia ua kauoha aku kona loio laia aole e hele mai i ka manawa e kii ia aku ai, nolaila i manawa i kil la aku ai ua hoole vba mai la oia aoie e hele mai oiai ua papa ia oia e kona loio O keia iho la ka pilikia mawaena o laua. Ika lohe ana oka aha i keia ua hookuu koke ia o Stewart a kahea hou ia o Roblnson i mua o ka aha. Ua hoike mai la oia aole oia i makemake e hookuii • ke kauoha a ke kiure aka ua ilohe hewa oia i ke kauoha a ka aha.

I ka maopopo ana o na aoao elua ua pau ae la ka pilikia, a hoomaka ka aha e i ka hihla • na kanaka ki pu i olelo ia maluna ae.