Ka Nupepa Kuokoa, Volume XXXIX, Number 19, 8 November 1901 — HOAO O KATIE AUKAI E KOKUA HEWA I KA MEA ANA I ALOHA AI. [ARTICLE]

HOAO O KATIE AUKAI E KOKUA HEWA I KA MEA ANA I ALOHA AI.

I ka Poakoiu nei i mua o k a aha kaapuni i hoao ae ai o Katie Aukai, he wahi wahine Hawaii palanaiki, e kokua ia Wiliiam McCarthy, he haole nui, aneane eono kapuai ke kiekie. 1' ka aha apana ua hoopai ia k eia haole no ka hoeha ia Katie, a ua hoohaiahala oia i ka aha iluna. I ka hiki ana aku nei iluna ua hoole loa keia wahine aole i pepehi keia haole iaia. aka, he mea okoa no kona mea nana i pepehi. I ka hoike ia ana mai o kana mau olelo ike i ka aha ilalo, ua hoike mai la oia ua kuhihewa ia mau olelo ike ana. Ua maopopo loa i na kiure ame ka aha he mau olelo kela ana e hoao ana e hoopakele i ka mea ana i aloha ai, aka e hoopllikia mal ana hoi iaia. Ua maopopo ioa ua hoao oia e hoike wahahee nmi i mua o ka aha, a no keia hana ana ua hoopai ia oia. I ka puka ana o ke kiure iwaho aole i loihi ua komo mai la lakou me ka olelo hooholo ua hewa keia McCarthy a he mea kupono e hoopai ia oia.