Ka Nupepa Kuokoa, Volume XXXIX, Number 22, 29 November 1901 — Page 2 Advertisements Column 1 [ADVERTISEMENT]

Ma ke Kauoha. HOOLAHA AINA AUPUNI. I ka Poaono, Dekemaba 21, 1901, hora 12 o ke awakea ma ka puka komo mamua o ka Hale Aupuni, e kuai kudala akea ia ai ka Hoolimalima o kela apana aina e waiho ala ma Palama-kai ma Honolulu, Oahu, i ike ia e na mea apau ma ka inoa, "Ka lokoia o Kuwiliwili," me ka aina e hoopuni ana i keia loko ame na lele e waiho ala ma keia wahi, a o keia nohoi ka apana aina e mahi ia nei e Chin Wo & Co., he hui kanu laiki. Manawa Hoolimalima:—5 makahiki. Uku hoolimalima haahaa loa:—$275 no ka makahiki, uku mua ia i kela ame keia hapa makahiki. E hoomaka ka hoolimalima mai Ianuari 1, 1902, a oia ka la e ae ia ai keia aina e lilo aku ia waho. No na mea aku i koe e kipa ma ke Keena o na Aina Aupuni, Honolulu. EDWARD S. BOYD. Komisina o Na Aina Aupuni. Keena o na Aina Aupuni. Novemaba 16 1901. (Nov. 22-29 —Dec. 6.) Hoolaha Mana Hookolokolo, MA KA AHA KAAPUNI O KA APANA ELIMA, TERITORI O HAWAII. Aha Hooponopono Waiwai—Ma ke Keena, Ma na mea e pili ana i ka waiwai o AUKAI NAUMU, i make kauoha ole, ma Waimea, Kauai. Mamuli o ka loaa ana mai o ka palapala hoopii a KEAHI (w), ka wahine a ka mea i make, e hoike mai ana hoi oia ua make aku o AUKAI NAUMU o Waimea, Kauai ma Waimea, Kauai i ka la 4 o Okatoba, M. H. 1901, a waiho mai la oia i kekahi mau waiwai ma ka Pae aina o Hawaii nei i kupono e hooponopono ia, a e noi mai ana hoi e koho ia o T. KEAHI i Lunahooponopono no keia mau waiwai. KE HOIKE ia aku nei i ke akea, o ka Poalima, ka la 7 o Dekemaba, M. H. 1901, i ka hora umi o ke kakahiaka, oia kahi ame ka manawa e noonoo ai ka aha ua palapala aia ma ka lumi hookolokolo ma ka Hale hookolokolo ma Lihue, Kauai, a e hiki kino ae kela ame keia i kuleana e hoike i na kumu. Ina he mau kumu kekahi, e ae ole ia ai kana noi. Hanaia ma Lihue, Kauai, Novemaba 16 1901. Na ka Aha. H. D. WISHARD, (Nov. 22-29—Dec.6.) MA KA AHA KAAPUNI O KA APANA ELIMA, PAE AINA O HAWAII FRANK LOUIS kue ia MARIA GLORIA COSTINA. Ka Repupalika o Hawaii: I ka Ilamuku o ka pae aina o Hawaii, a i ole i kona Hope. Aloha: Ke kauoha ia aku nei oe, e hoike aku ia MARIA GLORIA COSTINA, mea i hoopiiia, ina oia e kakau ana i KEKAHI PANE MAMUA O IWAKALUA LA MAI KEIA MANAWA AKU, e hiki kino ae imua o ka Lunakanawai Kaapuni o ka Apana elima, i ke kau kiure o Sepatemaba e malama ia ana ma Lihue, Mokupuni o Kauai, i ka POAKOLU, ka la elima o Sepatemaba, i ka