Ka Nupepa Kuokoa, Volume XL, Number 7, 14 February 1902 — E HOI MAI ANA O LILIU. [ARTICLE]

E HOI MAI ANA O LILIU.

Ua loaa mal nei kekahi leka i kekahi poe ma Hawaii nei e hoike mal ana e hoi mai ana ka Moiwahine Liliuo}ialani i kekahi la o keia mahina ae e hiki mai ana. E hoi mai ana oia no Kapalakiko a mai laila mai oia e hoi loa mai ai no Honolulu nei. Aole i hoike la mai nei ke kumu o kona hoi koke ana mai mamua o ka pau ana o k a ahaolelo ma Amerika aka ua olelo ae kekahi poe e hoi mai ana paha oia e nana i na hana kalaiaina o ka aoao ana e kakoo nei.