Ka Nupepa Kuokoa, Volume XL, Number 8, 21 February 1902 — Page 2
| This text was transcribed by: | Ginger |
| This work is dedicated to: | Waianae Coast Comprehensive Health Center |
Ka Nupepa Kuokoa
KE KILOHANA POOKELA NO KA LAHUI HAWAII.
Ka
Kupepa Kuakaa
No ka Makahiki $2.00
No Bono Mahina .00.
O NA OLELO HOOLAHA A PAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A I NA AOLE, AOHE NO E HOOKOMOIA.
O na Dala a pau o ka Pepa nei e hoouna polo lei mai I ka HAWAIIAN GAZETTE COMPANY.
HOOPUKAIA E KA
HAWAIIAN GAZETTE CO.
Hookomoia ma ka Hale Leka o Honolulu, Panalaau o Hawaii, ma kea no mea o ka Papa Elua
A.W. PEARSON, Luna Nui
D. KANEWANUI,
Lunahooponopono
Honolulu , Oahu
Poalima: Feberuari 21, 1902
Ma ka aoao ekahi e ike ia ai ke kii o ka Lunakanawani Elua o ka Aha Kaapuni e hookuu ana I kekahi mau paahao, a mawaho mai ke kii o ka Lunakanawai apana Estee O Amerika e paahou mai ana ia lakou. He hana keia I ike ia ma na aha hookolokolo o kakou.
Heaha la kamea o ke noi ana mai nei o Peresidena Rusewela ia Keoki Kaaka e holo aku e hui me ia? Aia iho nohoi ka Elele mai Hawaii nei aku aohe ka paha he hilinai ia? Heaha la ko Keoki Kaaka aoao Kalaianina? He Rupupalika. Alaila o’na Repupalika ka paha ka ka Peresidena I ike aole o Home Rula? Pela no ka hoi paha na wai no I ike ia wahi Home Rula hupo.
Aia ke lawe ia aia no ka Hale Kau Kanawai o Amerika na olelo hoolulu ana. Repupalika. Haule wale ka manaolana o kekahi poe e loaa ana na balota ma ka hoopunipuni ana a eke hoao nein a Repualika e hoohaiki I ka mana koho laula o kakou, na Hawaii a poho wale hoi ka manaolana e kakoo aku ana na Lepera I ka lakou bila kanawai lapuwale.
Ke mai mai nei nei na puaa. Ma kekahi wahi o keia pepa ua hoolaha aku makou I na mea I hoolaha ia ma na nupepa namu e pili ana no keia pilikia. Hauoli hoi makou I ka ike ana ke hoao ia nei e imi ke ola oia mau holoholona. O na moa kekahi loaa I keia haawina a he hana maikai e imi mua ia ko lakou ola mamua o ka hiki ana mai o ka ma’i.
Ke laha hou mai la ka ma’I bubonika ma Hongkong. He mau makahiki I hala ae nei ua kau mai ka weli o keia ma’I maluna o kakou, ua hoonele ia he mau haneri I na home, ua ai ia ae e kea hi kekahi hapa o keia kulanakauhale, ua ku keia I na koa me he mea la he enemi ikaika e ku mai ana ma ko kakou ipuka hale. Me keia mau inea I ike maka ia e kakou ua hiki loa ke hoomaopopo ia ka weli ame ka pilikia I hiki aku ma na kulanakauhale I noho ia e na miliona kanaka.
Ua hiki I na Filipino ke komo mai e hana ma na mahko aka aole e hookomo mai ana na mahiko ia lakou oiai ua maopopo elike ana no lakou me na Poko Riko. Aia wale no ka hilinai o na mahiko maluna o na Pake, na limahama I hana me ka pololei, a aole hoi I ike ia kekahi mau hana lalau mai waena mai o lakou. O na Hawaii na limahana makemake loa ia, aka, aole he makemake o na Hawaii no ka uuku o ka uku, a ua hiki ole hoi I na mahiko ke haawi I na uku kiekie a loaa ia lakou ka pomaikai.
Pakele o Rev. Eli Kekipi mai kona hihia moe-lalau mai. Maikai na olelo a’o a ka Lunakanawai Gia iaia. He hana maikai I na kahunapule ke hana e like me ka laou e a’o aku ai I hiki ai ke hilinai ia ka lakou mau olelo. Ua waiwai oleke a’o aku “mai Moekalohe oukou,” ina eia no oia ke moelalau nei. Ke nana mai nein a hipa I ke kahuhipa, a ina oia e lalau a nana pono ole ia lakou e pau ana na hipa I ka auwana.
E hiki ana anei I kekahi Home Rula ke liko I Kiaaina ina no ka pau ae o ke Kiaaina? O ka makou e ike nei o na Repupalika wale no ke kau aku ana ma ia wahi. He Repupalika o Dole Samuela Paka, Keoki Kaaka amd H.P. Baldwin. Ke kakoo mai nei o Home Rula ma ia Samuela Paka, no ka ike aole e hiki ana ia lakou ke pii ae ma ia kulana a ua oi aku ka pono e kokua ae I kekahi Repupalika. O na Repupalika ana ken oho mana ma Hawaii nei e like me ka noho mana ana oia aoao ma Amerika, a aia wale no ka lilo o ka mana iloko o ka lima o na Hawaii a huliamahi lakou ma ka aoao Repupalika. O keia ka oiaio a mai puni ia Home Rula ma ame Demokaratama.
He mea make ka pu, a he kupono e lawelawe ia I ka Manawa wale no I makemake ia e ki aku I kekahi enemi, holoholona ame na manu paha o ka lewa. O ka lawe ana aw I ka pu, a hoolilo I mea paani a kau aku imua o kou hoa’loha a ohana paha, he hana hupo loa ia, ina no aohe poka o loko ola pu.
He lehulehu nap u I lawelawe ia me ka manao o ka mea e lawelawe ana aohe poka o loko, aka, ua kani aku a poino kekahi mau ola makamae. Aole loa I hiki ke kala ia kekahi mea e paani ana me ka pu, oiai ua hana ia ka pu no ka make ame ka eha, a o kou lawelawe ana e hoike ana he manao kou e make a I ole e eha kekahi mea. Ma Maui ua ike ia ka poino I loaa mai ka lima aku o kekahi keiki opiopio. Ua maopopo ia makou aole oia I makemake e hoeha I kona hoa’loha aku ua hupo oia I kona hoolilo ana I ka pu I mea paani.
Ma ka nupepa “Kuokoa Home Rula” o ka la 15 o keia mahina, malalo o ke poomanao “Holomua na Hana a ka Elele Lahui” ua ike iho la makou I kekahi mau manao e hoike ana ua uluhua ka Peresidena ia Home Rula ma. Penei ka mea I kakau ia mai e ka Elele:
“No na kumu hoopii ia Dole ua lawa ia I keia Manawa, mai hoopii hou mai, he makehewa e hooululu I ka Peresidena. AIA A OLUOLU, ia Manawa kakou e ike ai owai ana la ke Kiaaina.”
Ma keia ua maopopo loa ua ike ka Elele Wilikoki ua huhu ka Peresidena ia lakou no ka noke mau aku e hoopau ia Kiaaina Dole, a ke noi mai ia e kali a oluolu, aia a pau ka huhu, alaila maopopo ka ke Kiaaina. Oia no ka makou e hoike mau aku nei aole I ike ia o Home Rula e ka Peresidena, ua like me “ole,” a he hoomalimali ka loaa. “Aia a oluolu.” aole anei keia he ano hoomalimali? E kali nui ana a lohe aku e aka ana ka Peresidena, e hauoli ana a oia ka Manawa e holo aku ai ka Elele me ka mama nui a noi aku “E hoopau mai hoi oe ia Kiaaina Dole, a owau aku ma ia wahi.” Aloha no!
KA LAIKINI KUAI BIA.
Ke hauoli nei makou I ka olelo Hooholo a Lunakanawai Estee e olelo ana aole he mana o ke kanawai e ae nei I na Hale kuai bia e pii mahuahua ae iloko o keia Teritori. Ke ike nei makou ua papa loa aku oia I ka Puuku o keia Teritori aole e haawi hou aku I na laikini o keia ano.
O keia kanawai ke kumu o ka pii mahuahua ana ae o na hale inu waiona mamuli o ka uuku loa a na dala e loaa ai ka laikini kuai bia. Mamua aku o ka hana ana ia o keia kanawai he hookahi tausani dala ko ka kaikini alaila hiki ke kuai ia na walona , aka, I ka holo ana o keia kanawai he Elua haneri kanalima wale no dala ua like me ka ole I ka manao o ka poe kuai waiona a lehulehu nakhale o kei ano I ku ae. O ke kumu wale no o ka paio ana o na hale kuai waiona I keia kanawai oia ko lakou ae ole ia e kuai I na bia mai waho mai ma keia laikini, aia wale no a ulu ia he hookahi tausani dala.
Ke olelo nei kekahi poe he hana maikai ka hoolawa aku I na kanaka me ka bia aiai e inu ana no lakou ina no e papa ia ana. He oiaio no paha ia aka he hewa nui loa ke huli pno ia. E ono ana ke kanaka puhi paka I ka paka I kona Manawa e honi ai I ka uahi paka, a e ike paha I kekahi hale kuai paka. E ono ana ke kanaka I ka I’o puaa I kona Manawa e honi aku ai I ke aia o ka puaa e huai ia mai ana mai ka imu mai, a I ole I kona Manawa paha e ike aku ai I loko o ke pa ma ke pakaukau ai. Pela no me ka ono o ke kanaka I na waiona I kona Manawa e honi aku ai I ke aia? a e ike aku ai hoi I ka huaolelo “Saloon” e kau ana mawaho o kekahi hale. He mea maikai e hookaawale ia ma hale o keia ano iluna o Puowaina, a ina e ikaika loa ka ono na lakou no ia e pii iluna o laila. Epaupauaho iho ana kekahi o lakou I ka pii I ka pali a hoohala I ka ono. O ke ku kokoke o na hale o keia ano ma na kihi o na alanui nui o kakou kekahi kumu nana e kono nein a kanaka e komo e inu.
O ka makou e makemake nei oia ka hoopau loa ia mai o keia mau laikini, a make iho he iwakalua o na hale inu waiona I hanau hou ia iho nei. He oiaio no aole loa e pau ana ka inu ana o na kanaka e like me ka loihi o ke ku ana o ka honua, aka, he hana maikai na kakou ka hoao ana ma na ano apau e paa mai I kona lime ikaika mai ke komo ana aku ma na kula, na home na oihana, amd na wahi no apau.
NO NA PILIWAIWAI
Ma kekahi wahi o keia pepa ua hoike aku makou I ka piliwaiwai ana o ke kahi kaikamahine Hawaii ame kona apuka ana ia e kekahi haole. Ke Mahalo nei makou I ka nana pono o keia kaikamahine I kona waiwai ame kona alualu ana a paa keia haole a lawe ia imua o ka makai, aka, ke menemene nei makou I ka ike aku I na makuahine amen a makuakane o keia mua aku e hoohala ana I ko lakou Manawa ma keia hana waiwai ole.
Ua piha na alanui o keia kulanakauhale I na keiki e pili hapaumi, pili mabala a e pili pihi ana paha. Ua piha na uapo I na makuakane e pili iaia ana me ko lakou mau kiai e makaala ana I ka hiki mai o na makai. Ua piha na home I na makuahine e ki-pa ana a e kali ana hoi o ka puka kmai o na hua kipa. E hooikaika ana na keiki e piha ko lakou mau pakeke I na hapaumi a I ole I ka makani, e hooikaika ana na makuahine e piha ko lakou mau eke I na dala a I ole I ka makani, e hooikaika kana hoi na makuahine e loaa na moeuhane maikai I loaa ai na hua ki-pa a na Pake.
He mau hana keia I ike maka ia, a o na mea I ike maka ia ka makou e lawe mai nei. Ke olelo mai nei lakou apau aohe he waiwai o keia hana, aka, eia no ke hana nei. Ua ike no I ka nele ma keia hana hoomau no nae me ka manaolana e hiki mai ana kekahi la “laki.” Aole makou e olelo aku anahe hana ino keia a he mea a he mea, oiai ua maopopo I keia ame keia la mea a na lakou e koho no lakou iho, aka, ma ko makou ano he waholelo no ka lehulehu, he hana maikai na makou ka hoike ana aku I ka poina o ka lahui ma keia hana, aole o na ohana, aka, o ka lahui holookoa.
Ina e pili waiwai ka makuakane a ki-pa ka makuahine e hiki anei ia laua ke papa aku I ka laua mau keiki aole e hana ia mau hana? Ina e hoomaka na keiki e piliwaiwai mai ko lakou mau ia opio mai e hoopau ana anei lakou I ko lakou nui ana ae? Ina e pili waiwai na makua amen a keiki heaha ana ka hopena o Hawaii nei ma keia mua aku? E ae ana anei kakou e lilo kakaou I lahui pili waiwai, e lu wale ana I ka kakou loaa ma keia hana I maopopo ia kakou aohe he waiwai? E noonoo a pane I ka haina o keia mau ninau nou iho.
Ke manao nei makou o ka walona ame ka piliwaiwai na hana nana kakou e hoilihune nei, e paa nei ilalo, a ina kakou e mokumoku ae I keia mau kaulahao e hiki mai ana he Iubile hauoli. E maliu mai e na makua, na keiki, na kakoo o Hawaii, a e wehe ae I keia mau ino, a nee aku imua a iluna no ka pono, ka pomaikai, ame ka hanohano o Hawaii aloha.
Ka Imi ana o Ke Dala
PUIWA KA POE PILI WAIWAI A HAAWI I NA MAKAI KALOHE I KE DALA.
O kekahi ano o ka imi ana I ked ala he palupalu loa, a he lehulehu hoi ka poe e imi nei I ked ala ma ia ano. O kekahi ano o ka imi ana I ked ala me ka palupalu loa oia ka Nishiana ame Ah War I hana ai. Ua ike keia pake ame keia wahi kepani I ko laua pilikia I ked ala a nolaila ua noonoo like iho la laua I kau laua hana maikai e hana ai I loaa ia laua ked ala e pono ai keia noho ana. Ma keia noonoo like ana a laua ua loaa aku ia ia laua kekahi hana maikai a laua e hana ai a hoomaka aku ia e hana, a loaa I’o no ked ala, koe wale no ua uhai mai ka poino mahope.
O keia Kepani, he makai oia mamua aku o keia manawa a ua ike ola mamua aku o keia manawa a ua ike hoi oia I ka mana o ka leo o ka makai maluna o ka poe e lawelawe ana I kekahi hana hewa. O keia wahi pake hoi ua maopopo iaia kahi e pili waiwai ai kekahi mau kepani, a o keia iho ia kahi e loaa mai ai ia laua o ka laua dala. He elua a laua hana mua e hana ai mamua o ka hiki ana ke loaa ia laua ke dala. O ka mua oia ka loaa ana ia laua o kekahi mau pu pananpana I hiki ke paio I ka manawa e ikaika mai ai o ka enemi.
I ka makaukau ana ua hele aku ia laua ma kekahi wahi kikike I ke alanui Maunakea a loaa aku ia kekahi mau Kepani e pili ana. He mau dala kekahi e waiho ana iluna o ke pakaukau a I ka ike ana mai o na pake ia laua nei ua hoomaka koke aku ia lakou e huna I keia mau dala.
“E haawi oukou,” wahi a kahi pake, “aia ka Hope Makai Nui Chillingworth mawaho a I hoouna mai nei oia ia maua iloko nei I mau kala. Ua makemake oia I iwakalua kala, Ina e loaa mai pau ko oukou pilikia.”
“He hoopunipuni oe,” wahi a na Kepani I pane like mai ai.
Ua pii koke ae la ka huhu o Ah War I keia manawa a wehe ae ia oia’I kana pu panapana a kau aku ia imua o keia mau kepani me ka olelo pu ana aku ina aole e uku koke ia mai kela mau kala ua kauoha ia mai oia e ka Hope Makai e ki ia lakou I ka pu. I ka lohe ana o na Kepani I keia kauoha ua maka’u oa lakou a hoomaka koke e uku I ka lakou kala.
I ka loaa ana o keia mau dalai a laua ua hoi aku ia keia mau wahi kalohe me ka hauoli, a e noonoo hou ana paha laua I kekahi wahi a laua e hele hou aku ai e hoao I keia hana kalohe a laua, I ka manawa I hiki aku ai o na makai oiaio a lawe ia mai ia ua mau wahi kalohe nei no ka Halewai. I ka maopopo ana I kekahi o keia mau Kepani ua kalohe ia lakou e keia mau wahi mea ua holo koke mai ia kekahi o lakou e ninau pono ia Chillingworth a I ka hoike ana ia aku aole I kauoha ia kekahi mau mea e hana I keia hana ua komo koke ka hoopii no laua.
Aole he laau ohana I ike nui loa ia elike me ka laau Pain Killer. No kamaono makahiki a oi ua hoao ia keia laau e na kanaka o na aina like ole no ka hooponopono ana I ka hana a ko lakou mau opu amen a ma’I like ole apau e loaa ana ia lakou. Ua ike ia kona maikai am eke ola o na ma’I like ole iaia. E nana pono I na laau pololei ole oiai he hookahi wale no laau pololei a oia ka Perry Davis. Kumukuai 25 ame 50 keneta.
Make Emoole kekahi Iapana
HOOHOLO NA KIURE UA MAKE OIA MAMULI O KA AI ANA I KA LAAU MAKE
Ua Noho Hana Oia me Robert Pahau ma Waikiki no Kekahi Manawa He Maikai Wale no Mamua o ka Hora Eiwa o ia Ahiahi
I ka hora ekahi o ka wanaao Poaono oka pule I hala ua loaa aku la o Aoki, ke Kepani hana a Pahau o Waikiki e waiho ana ma kona wahi moe ua make. I ka hora eiwa mai o ka po Poalima he maikai wale no kona ola kino, a ua hoi aku oia e moe me ka ike mua ole ia ua loaa oia I kekahi haawina o keia ano. I ka hora I hoike mua ia ae nei ua lohe ia aku ia oia e kupaka ana iloko o kona lumi a I ka holo ana ia aku e nana aia hoi ua loaa aku ia oia e waiho ana ua aneane loa e pau ke oia, a he mau minute pokole loa ma hope mai ua haalele mai ia oia I keia ola ana.
Ua kauoha ia ke kauka I ka manawa I ike ia ai o kona pilikia aka aole I hiki aku a hiki wale no I kona make ana. He 37 ka nui o kona mau makahiki a he kepani hana pololei hoi I ka hana. Ma ka hoike a kekahi o kona mau hoa’loha he wahine kana aia no nae ma Iapana. Ma ka noonoo waleia aku no ua lawe oia I kekahi laau make a oia ke kumu o kona pilikia. Mamuli o keia noonoo ua haawi ia oia I ka mea nana o ke aupuni e nana pono ina ua ai I’o oia I kekahi laau make.
Ua hooia mai oia ua loaa aku iaia kekahi laau make iloko o ka opu o keia kepani.
Ma ka noonoo pono ana a na kiure ua hooholo lakou ua make keia kepani I kekahi laau make ana I ai ai me kona makemake maoli iho no, a aole hoi mai ka lima aku o kekahi poe okoa. O W. Savidge, F. Goudie, T.H. Petrie, Chas. Dickson, F.L. Dortch, John K. Nakookoo na kiure nana oia @na.
Ke Kahua Kaua ma Aferika Hema
NUI HEWAHEWA KA LILO O PELEKANE NO KEIA KAUA
Ke hoao nein a Bua, ma o ko lakou mau hoa’loha ala, e hoopau ia ke kaua ma Aferika Hema mawaena o lakou me na Pelekane, aka, aole he ae o Pelekane I ka aelike a lakou e makemake nei e hana ia mawaena o keia mau au puni. Ma ka nana aku e hoomau ia ana no keia kaua a hiki I ka haawi pio ana o kekahi aoao.
Ma ka hoike a na nupepa ua hooholo ia ka haawina dala no ke kaua ma ka Hale o na Lunamakaainana. Ina e holo ana keia I ka hale o na Lord (Haku) alaila aohe manaolana I koe e pau ana keia hana a hiki I ka haawi pio ana o kekahi a laua.
He nui ka ilio o Enelani e Malama nei I keia mau Bua. Eia malalo o ka lakou Malama ana he 27,000 Bua paahao, ame ko lakou mau ohana I hiki aku I ka 150,000. Mawaho ae o keia ke Malama nei lakou I ko lakou mau koa ponoi iho no lakou ka huina I hiki aku I ka 237,000 koa, 208,000 lio, amen a miula. He poe lehulehu keia e Malama ai I keia ame keia la.
Aole I hoopau ka Bia I ke kii malu ana mai e kaua I na Pelekane. E pee mau ana lakou ma na kuahiwi a hiki I ka manawa a lakou I manao ai oia ka manawa kupono e loaa ai ia lakou na koa Pelekane oia iho ia ko lakou manawa e puka mai ai. E kiai mau ana lakou I na puali koa Pelekane ma na wahi apau, a I ko lakou manawa e ike ai I kekahi puali uuku kupono ia lakou ke paio ua puka koke mai lakou mai ko lakou mau wahi like ole mai a hoomaka e hana I ka lakou hana.
KELA ME KEIA
HOOLAHA
Ina e kipa na Hawaii meakuai Hawaii elike me na papale Hawaii, na umeke Hawaii, amen a mea oia ano, ma ka “HAWAIIAN CURIO STORE” ma ka lumi malalo o ka Hotele Hawaii e loaa no kekahi meanana e kuai mai no na kumukuai maikai.
(Feb. 21-28-Mar. 7-14.)
HOOLAHA
Ke hoike ia aku nei ka lohe I keia ame keia ua pau ko G.P. Koloku noho hana ana me a’u a aole ona kuleana ohi I na uku hoolimalima amen a hana e ae no’u mai keai ia aku.
MRS. KAMAI GASPAR,
(Oia no o Nahina)
Napoopoo, Feberuari 13, 1902
(Feb. 21-28.)
HOOLAHA
Ke hoolaha ia aku nei, ua pau ka noho hui ana o na mea no laua na inoa malalo iho ma ka inoa Hui “Kona Trading Company” ma Kailua, Mokupuni o Hawaii. E lawelawe ia ana ka hana, ma keia hope aku, e A. Cockburn wale no, a ua lawe ae oia I na ale apau o keia hui, a iaia e uku aku ai ka poe I ale I keia hui.
ALEX COCKBURN,
JOHN K. WHITE
Kailua , Kona Akau, Feb. 10, 1902
E Malama ia ana kekahi halawai o ka Hui o Kahana I ka POAONO, Feberuari 1, I ka hora Elua o ka auwina la ma ka LUAKINI ma Kahana, Koolauloa; no ka noonoo ana I kekahi mau mea e pili ana I ke kumu kanawai @ keia hui, amen a hana e ae e hiki mai ana imua oia halawai.
JOHN D. HOLT
Luna Nui Hui o Kahana
(Jan. 24. 31.)
HOOLAHA
Ke hoike ia aku nei ka lohe I keia ame keia, ua kuai ae o S. DECKER ame WM. FERNANDES I na waiwai apau o B. LICHTIG, na kii, na kiihoonui ia, na pihi, amen a waiwai a pau oia ano, a o keia ame keia e makemake ana e loaa aku ko lakou mau kii, main a kii I waiho ia mai a hiki I na kii I hoonui ia, a mau pihi paha, e hele ae e hui me maua ma ka Hale hana o W.W. WRIGHT, alanui Moi, e kokoke ala I ke alanui South, oiai aole mea okoa aku I ae ia e ohi I na dala me ko maua ae ole aku.
S. DECKER,
W.M. FERNANDES
Hoolaha Mana Hookolokolo
Iloko o ka Aha Kaapuni Apana Hookolokolo Ekahi o ka Teritore o Hawaii AMELIA AURNDEL kue ia JAMES AURNDEL. Palapala kii ((Poo Aupuni) KA TERITORE O HAWAII: I ka Makai Kiekie o ka Teritore o Hawaii, a I ole I kona Hope, ka Makai Nui o ka Mokupuni o Oahu, a I ole I kona Hope, iloko o ka Teritore o Hawaii:
Ke kauohaia aku nei oe e kii ia JAMES AURNDEL, mea hoopilia, ina e waiho mai ana oia I kana pane I kakaula iloko o na la he @kalua mahope iho o ka hookoia ana o keia, e hele mai imua o ka Aha Kaapuni I hoikeia ae nei ma ke Kau o Feberuari.
Hoolaha Mana Hookolokolo
O ua Aha la, e malamaia ana ma Honolulu, Mokupuni o Oahu, ma ka POAKAHI, la 3 o Feberuari ae nei, ma ka hora 10 kakahiaka, e hoike mai hoi I ke kumu e ae ole ia ai ke koi a Amelia Aurndel, ka mea hoopii, e like me ka mea I hoa@akaia iloko o kana palapala hoopii oki mare I pakuila me keia.
A e hoihoi mai I ka palapala kii me ka hoike piha o kau mau hana no ia mea.
Ikea ka Mea Hanohano A.S. HUMPHREYS, Lunakanawai Ekahi o ka Aha Kaapuni Apana Hookolokolo Ekahi, ma Honolulu, Oahu, I keia la 14 o Ianuari 1902.
(SILA)
Kakauinoaia) A.G. KAULUKOU,
Kakauolelo.
Ke hoike aku nei au o ka mea maluna ae he kope oiaio ia o ka Palapala Kii ma ia hihia, a ua kauohaia e ua Aha la e hoolahaia ia mea a e hoopaneeia ka hihia a ke Kau o Mei, M.H. 1902, e hiki mai ana o keia Aha.
GEORGE LUCAS,
Kakauolelo.
Honolulu , Feberuari 17, M.H. 1902.
Robertson & Wilder Loio no ka mea hoopii.
6ts-Feb. 21-28.- March 7-14-21-28.
ILOKO O KA AHA KAAPUNI O KA APANA HOOKOLOKOLO KAPUNI EKAHI, O KA TERITORI O HAWAII
CHRISTINE MORGAN
v.
HENRY VICTOR MORGAN
Palapala Kena
$2 Kuni Aupuni
KA TERITORI O HAWAII:
I ka Makai Kiekie o ka Teritori o Hawaii, a I ole ia, I kona Hope, ka Makai Nui o ka Mokupuni o Oahu, a I ole ia kona Hope o ka Teritori o Hawaii.
Ke kauohaia aku nei oe e kii aku ia HENERY VICTOR MORGAN, ka mea I hoopilia, ina e waiho mai oia I ka palapala pane iloko o na la he Iwakalua mahope aku o ka loaa ana o ka palapala kena ma keia hihia iaia, e hele mai imua o ka Aha Kaapuni I oleloia ma ke kau o Nevemaba oia Aha. e noho ana ma Honolulu, Mokupuni o Oahu, ma ka Poakahi, ka la 4 o Novemaba ae nei, ma ka hora umi o kakahiaka, e hoike mai I ke kumu e hiki ole ai ke hookola ke koi a Christine Morgan, ke mea hoopii, e like me kana Palapala Hoopii Oki Mari.
A e lawe ae oe malaila ia wa I keia Palapala me kau hoike piha maluna iho o keia.
E IKEA ka Mea Hanohano A.S. Humphreys, ka Lunakanawai Mua o ka Aha Hookolokolo Kaapuni Ekahi, ma Honolulu, Oahu, I keia la 23 o Sepatemaba, 1901.
(Sila)
(Kakauinoaia)
J.A. THOMPSON
Kakauolelo.
Ke hoike aku nei au, o ka mea maluna ae he kope oiaio ia o ka palapala kii ma ia hihia, a ua kauoha ua Aha ia e hoolahaia ia mea, a e hoopaneeia ka hihia a ke Kau o Mei, 1902, e hiki mai ana o keia Aha.
Honolulu , Oahu, Feberuari, 1902
GEORGE LUCAS,
Kakauolelo
(Feb. 7, 14, 21, 28- Mar. 7, 14.)
MA KE KAUOHA
HOOLAHA
Ke hoolaha ia nei ua hookohuia o Mr. E.F. Schmidt I agena no keia keena no ke kau ana I na huahelu o na hale ma ka apana o Honolulu, Mokupuni o Oahu, ma kahi o Stevenson I waiho mai I ka hana.
JAS. H. BOYD
Luna Nui o na Hana Hou
Keena o na Hana Hou,
Honolulu, Feberuari 17, 1902.
KOHO KUMU-KUAI I SILA IA.
Ua makemake ia e ka Luna Nui o na Hana Hou e hiki aku kekahi mau koho kumukuai haahaa no na mea I hoakaka ia malalo iho mai keia manawa aku a hiki I ka hora umi kumamalua o ka la ehiku Maraki, 1902, ma kona keena:-10,000 kapuai o ka hao (cast iron) 6 iniha bele amen a paipu wai “spigot,” o kea no maikai, I hoao mua la mamua o ka lawe ana ia mai no 300 paona ikaika maluna o ka iniha kuea hookahi, ame 12-6 iniha elbows, 12-6 tis (tees), 300 paona “hemp yarn” ame hookahi tona kepau a e lawe ia a hiki I ka uapo F. o B. ma Honolulu iloko o kanaona (60) la mahope o ka ae ia ana o kana kumukuai, a mahope hoi o ka hana ia ana o ka aelike.
Aole I paa ka Luna Nui o na Hana Hou e lawe I ke koho haahaa loa aka e koho ana oia I ka mea ana I makemake ai, a ua hiki no hoi iaia ke hoole I na koho apau. No na mea aku I koe am eke kii o keia mau mea I makemake la e hiki aku ma ke Keena o ka Luna Nui o ka oihana Wai o Honolulu.
JAS. H. BOYD.
Luna Nui o na Hana Hou
(Feb. 14-21-21.
I ka Puuku o ka Teritori o Hawaii a I keia ame keia mea I kuleana:
Oiai ua hui ae na poe no lakou na inoa malalo iho ma kekahi hui ke hoike aku ne penei:
I
O ka inoa o na lala o ka hui oia o:
H.L. WILLIAMS,
CECIL BROWN,
F.W. HANKEY,
II
O ka lakou hana oia ke kuai ana I na wai maikai mai ka honua loa mai (Mineral Water) ma keia Teritori a ma na Panalaau ame ka Teritori o Amerika, mawaho aku o Hawaii, a ma Europa. A e hana ana lakou I na hana apau I kulike me ka manao o ke kanawai no ka hooholomua ana aku I keia hana e laa ke kuai ana I na aina kupono ame na waiwai hoi I kupono no ka lawelawe ana I ka lakou hana.
KOPA HOOLA-ILI
Aole mea I oi aku ke kupono ma ka Malama ana ina keiki liilii mamua o ka hoauau pinepine ia, me ka lawelawe nui ana I ke kopa maikai. Aole he kupono na kopa hoioi lole no na bebe. He mau mea aai ko loko o ia ano kopa. O kona lawelawe ia ana he mea ia e ulu mai ai na puupuu, he mea ia e hooi ae @. E hoemi mai no ia a e hoopau loa no hoi I na puupuu; a oia ke kopa maikai loa no ka hoomaemae ana ina palap@ no ka mea, ala maloko ona @ kahi @ mea lapaau nana e hoola. Aole @ loaa kekahi poino o ka ili mamuli o @ kopa.
Ua oi loa aku kona waiwai no ka lawelawe ia ana iloko o ka wai auau o na bebe. E hoioi I ke poo o na bebe @ ke kopa Hooia ili, a aole loa e loaa @ kekahi poino mamuli o na puupuu ma ke poo a I ole ia na mea oia liilii I @ I ka poe opiopio, Mamuli o kona ano laau, ua hoopau loa ia a pale loa ia aku na ano mai lele he nui.
O ke Kopa Hooia Ili oia ka mea maikai loa no na kanaka makua. O kona lawelawe mau ia ana ka mae e loaa @ ka helehelena maikai a e hoopalupalu a hoomaikai I ka ili. He pomaikai ke@ mamuli o kona lawelawe ia ana. Mamuli o kona hoa@ ia ana e maopopo @ no I keia ame keia mea noonoo I @ ano maikai maoli ma kea no he kopa lapaau ame auau.
He 25 keneta wale no ke kumukuai a e loaa no ma ka halekuai o KA HUI KUAAI LAAU O HOBRON. Mia Kua@ Laau Kukaa a Kuai @.
Ma ke Kauoha
III
O ka inoa hui o keia hui oia @
H.L. Williams & Co.
IV
O kahi e lawelawe ia ai ka lakou @ na oia keia Teritori, (a o Honolulu @ kiko waena), ame na wahi ma Amerika, ame Europa a lakou e hoohana aku ai ma keia mua aku.
Hanaia I keia la 10 o Feberuari 1902
Kakauinoaia: H.L. WILLIAMS:
CECIL BROWN,
F.W. HANKEY
Feb. 14-21.)
TERITORI O HAWAII, KEENA O KA PUUKU, HONOLULU, OAHU
No na mea e Pili ana I ka Hoopau Noho Hui o ka “People’s Ice and Refrigerating Co, Ltd.:
Oiai, ua waiho mai ka PEOPLE’S ICE REFRIGERATING CO., LTD he hui I kaupalenaia I kukuluia a o ku nei malalo o ka mana o na kana wai o ka Teritori o Hawaii, I ka @ palapapala noi no ka hoopau ana I ko lakou noho hui ana malalo o ka @ oke kanawai, me ka waiho pu ana @ I kekahi palapala hoike I pakui @ like me ka makemake o ke kanawai.
Nolaila, ke hoike ia aku nei ka @ I keia ame keia mea I kuleana mamua aku, a I kuleana hoi I keia manawa iloko o keia hui I kaupalena@ ma na ano apau, e waiho mai I ka lakou mau kumu kue, ina he mau kumu kekahi, ma keia keena I ka la 4 o Maraki, 1902, a I ole mamua aku @ manawa, a o keia ame keia kanaka @ makemake e lohe ia kana mau kumu kue I keia palapala noi, e hiki @ ma ke Keena o ka Mea Nona ka @ malalo iho, I ka hora 12 o ke awakea o ka la I hoike ia aw la maluna, he ka hoike ana mai I kana mau kumu kue, ina he mau kumu maikai @ka@ e hooko ole ia ai keia palapala.
WILLIAM H.WRIGHT
Puuku o ke Teritori o Hawaii
Honolulu , Ianuari 4, 1902
Jan. 10, 17, 24, 31- Feb. 7, 14, 21, 28-May 7
Hoolaha Hooko Moraki
HOOLAHA HOOKO MORAKI
I kulike ai ma kekahi palapala @ raki I hanaia mawaena o John Wright ame Lydia Wright, kana @ hine, o Honolulu, Mokupuni of Oahu Teritori o Hawaii, ame
Emily C. @ o Honolulu, I hanaia I ka la @ lai, 1900, a I kakau kope ia hoi m@ keena kope o ke
Aupuni ma H@ ma ka buke 107, mai aoao @ hiki I ka aoao 409.
Ke hoolaha ia aku nei ma makou hooko aku I keia palapala moraki mamuli o ka uha’I ia o ka aelike, oia ka uku pono ole ia mai o ke kumu ame ka uku pane I ka manawa @ like ia ai.
A ke hoike pu ia aku nei I k@ ana o ekolu pule mahope aku la mua e puka ai keia hoolaha @ kudala akea ia ana na waiwai @ I paa ma keia palapala moraki, @ na waiwai I hoike ia malalo @ ke Keena kudala o James F.M @ Luna Kudala, ma Honolulu, @ kaono, ka la 15 o Maraki, 1902 a @ hora umi-kumamalua oia la.
EMILY C. JUDD
Ma o kona @oio ma ke Kan@
F.M. SWAN
Hanaia ma Honolulu, Feberuari@
O ka apana aina I paa ma keia @ pala moraki oia keia apana aina @ Kulaokahua, ma Honolulu, I hoike ha ia e like me keia mau hoaka@ malalo iho:
Apana 3, Block B-E hoomaka@ mai kekahi wahi ma ka aoao ma@ ke alanui Kinau, 200 kapuai ma k@ kau-komohana o ka pou pohaku ranaita, e hoike ana I ka aoao aku ke kihi o alanui Keeaumoku ame kinau a e holo ana ma ka helu M@ na pololei:
Akau 21° 12’, Hikina 90 Kapuai@ ala ma ka apana Ekahi, Block @.
Akau 68° 49’, Komohana 50 Kap@ pili ala ma ka apana 22. Block @
Hema 21° 12’, Komohana 90 ka@ e pili ala ma ka apana eha. Block @
Hema 68° 12’, Hikina 50 kapuai @ ala ma ke alanui Kinau a hik@ kiko I hoomaka mai ai, nona k@ I hiki aku I ka 4,500 kapuai ku@.
Na na mea aku I koe e hui aku @ Atkinson ame Judd, na lolo o k@ paa moraki, Judd Building, @
2357—Feb. 7-14-21-28.
.