Ka Nupepa Kuokoa, Volume XL, Number 8, 21 February 1902 — KA LAIKINI KUAI BIA. [ARTICLE]

KA LAIKINI KUAI BIA.

Ke hauoli nei makou i ka olelo Hooholo a Lunakanawai Estee e olelo ana aole he mana o ke kanawai e ae nei i na Hale kuai bia e pii mahuahua ae iloko o keia Teritori. Ke ike nei makou ua papa loa aku oia i ka Puuku 0 keia Teritori aole e haawi hou aku 1 na laikini o keia ano. O keia kanawai ke kumu o ka pii mahuahua ana ae o na haie inu waiona mamuli o ka uuku loa o na dala e loaa ai ka laikini kual bia. Mamua aku o ka hana ana ia o keia kanawai he hookahi tausani dala ko ka laikini alaila hiki ke kuai ia na walona ,aka, i ka holo ana o keia kanawai he Elua haneri kanalima wale no dala ua iike me ka oie i ka manao o ka poe kuai waiona a lehiulehu na hale o keia ano i ku ae. O ke kumu wale no o ka paio ana o na hale kuai waiona i keia kanawai oia ko lakou ae ole ia e kuai i na bia mai waho mai ma keia lalkini, aia wale no a uku ia he "hookahi tausani daia. Ke olelo nei kekahi poe he hana maikai ka hoolawa aku i na kanaka me ka bia oiai e inu ana no lakou ina no e papa ia ana. He olaio no paha ia aka he hewa nui loa ke huli pono E ono ana ke kanaka puhi paka i ka paka i kona manawa e honi ai i ka uahi paka, a e ike paha i kekahi haie kuai paka. E ono ana ke kanaka i ka i'o puaa i kona manawa e honi aku ai •I ke ala o ka puaa e huai ia mai ana mai ka imu mai, a i ole i kona manawa paha e ike aku ai i loko o ke pa ma ke al. Pela no me ka ono o ke kanaka i na waiona i kona manawa e honi aku ai i ke ala? a e ike aku ai iioi -i ka huaolelo "Saloon" e kau ana mawaho o kekahi hale. He mea maikai e hookaawale ia na haie o keia ano iluna o Puowaina, a ina e ikaika loa ka ono na lakou no ia e pil iluna o laiia. E paupauaho iho ana kekahi o lakou i ka pii i ka paii a hoohala i ka ono. O ke ku kokoke o na hale o keia ano ma na kihi o na alanui nui o kakou kekahi kumu nana e kono nei na kanaka e komo e inu. ' Oka makou e makemake nei oia ka hoopau loa ia mai o keia mau laikini, a make iho he iwakalua o na hale inu waiona# i hanau hou ia iho nei. He olaio no aoie ioa e pau ana ka inu ana o na kanaka e like 'me ka lolhi o ke ku ana o ka honua, aka, he hana maikai na kakou ka hoao ana ma na ano apau e paa mai i kona lima ikaika mai ke komo ana aku ma na kula, na home na oihana, ame na wahi no apau. ' ♦