Ka Nupepa Kuokoa, Volume XL, Number 9, 28 February 1902 — HAKAI NO KA AHA KIEKIE. [ARTICLE]

MAKAI NO KA AHA KIEKIE.

Ma ka Poalima o ka pule i hala i hookohu ia ai o George Sea, ka makai mua o ka Aha Apana, i makai no ka Aha Kiekie. Oia ana no ka makai o ka Aha a ka Lunakanawai Ekolu Robikana o ka Aha Kaapuni. Aole oia e uku papalua ia ana, aka, he hookahi no uku o ka Aha Kiekie, aka e lawelawe like ana oia i ka hana ma keia mau aha elua. He kanaka makaukau o Keoki Sea ma kela hana, a he keonimana hoi ma na ano apau, a ke hauoli nei makou i ka loaa ana iaia o keia kulana maikai. Ke mahalo pu nei makou i ka Lunakanawai Kiekie no kona haawi ana i kela wahi maikai i kekahi kanaka Hawaii e like me Keoki Sea.