Ka Nupepa Kuokoa, Volume XL, Number 10, 7 March 1902 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

4 NUPEPA KUOKOA, MARAKI 7, 1902

 

KA LOKE KEOKEO

 

(@@@@ ka aoao @ mai.)

 

a e @@@@ ae hoi kakou i ka haoa a na kauwa e kii nei i ke kino make o ke kauwa e kii nei i ke kino make o ke kanaka i ike ia iloko o keia ana.  Ua hooko ia ke kauoha a ka Haku Kali@edi@a a ua loaa mai la ke kino make o ka mea i hala.  I ka nana pono ana @a iho, aia hoi e kau ana no ma kona lima akau ke komolima a kana wahine i makana aku ai iaia.  I ka huli ana ia aku iloko o kona pakeke ua loaa aku la no kana uwaki, ame na @oa no apau ana i hele pu ai.  Aohe mea aku i koe, ua maopopo ae la aole keia @@ mea okoa aku aka o ka Haku Kasedile no keia.  A heaha la kona kumu o ka make ana?  I kona hele ana i keia po he ikaika maikai kona ola kino a ua maopopo ole ke kumu o kona haule ana iloko o keia ana a make loa.  Ua pepehiia anei oia?  Ua powa ia anei oia mamua o kona hui ana me Lola?  Aole hookahi kino oia i hiki ke hoike mai i ka haina o keia ninau o Lola wale no, a aole hoi i maopopo kona wahi i noho ai.

          Me ka hoike ole ia i kana wahine, ua malama ia kekahi hoolewa nui no ka Haku Kasedile, ua kanu ia kona kino make ma kahi no e waiho ana o na iwi o kona mau makua.  I ka pau ana o kona hoolewa ua hoi mai la na kauwa ame ka Haku Kalifedina a hookahi a lakou hana nui o ka malama ana i ke ola o ko lakou Haku wahine.

          Mamuli o ka hooikaika ana o na kauka, ame ka nui hoomanawanui o Dolores, ua loaa iki iaia ka maikai, a ua ike ia aku la hoi ka pii maikai ae o kona ma'i.  I kela ame keia la, e kahea mau ana ola i kana kane e hoi mai me ia, me kona maopopo ole eia kana kane ke waiho mai nei iloko o ka home o ka maha, ka home hoi hou ole mai.  Ma ka nana aku he hookahi wale no mea nana i kaohi mai i kona oia, a oia hoi ka laua wahi keiki.  Ina paha aole keia keiki a laua me nei ua haalele mai oia i keia ola ana me ke kali hou ole iho.  He hookahi mahina a oi kona waiho ana ma kahi moe, a akahi no a hiki iaia ke noho iluna.  He mau pule mahope mai ua ae ke kauka iaia e holoholo mawaho, a pela ka pii liilii ana ae o kona maikai a hiki i ka maikai loa ana.

          I kekahi la, ua koi aku ia kona makuakane iaia e hele laua i ka holo kaa ma ka hina o ka ohana o Kasedile, a ia laua i hiki aku ai ilaila, aia hoi e waiho mai ana kekahi kaikamahine ua hele a wiwi a ua aneane hoi e make iluna o kekahi lua kupapau hou i eli ia i kekahi manawa aole i loihi loa aku nei.  I ko laua kokoke ana aku aia hoi ua ike ia aku la aole kela he kaikamahine okoa aku aka o Lola no keia.  O kahi ana e moe ana oia no kahi e waiho ana o na iwi o ka mea a laua i aloha like ai.  I keia manawa i hoike piha aku ai ka Haku Kalifedina i kana kaikamahine i ka moolelo o ka loaa ana aku o ke kino make o kana kane iloko o ke ana i hoike mua ia ae nei.  Kona kii ana ia ame kona hoolewa oiai kana wahine e moe ana iluna o kona moe ma'i.

          Nana pono aku la o Dolores i kona hoapaio e waiho mai ana ua aneane e haalele mai i keia ola ana, a i ka ike ana mai o na maka powehiwehi o Lola iaia, ua peahi mai la oia ia Dolores e hele aku malaila.  Ua hele oia a nawaliwali, a ua hiki pono ole hoi iaia ke pane mai.  Penei kana i olelo mai ai:

          "Ua he-he-wa wau.  E make ana wa-a-u me ia.  E kala mai oe ia'u.  Aole na'u o-oia i pepehi, i haule oiai maua e holoholo ana.  E honi mai oe ia'u, e hele ana wau i ka home mau loa.  Good-bye."

          Me kela mau huaolelo ua pani iho la oia i kona mau maka aloha, a he mau hora mahope mai ua haalele mai la oia i keia ola ana.  Ua palo o Lola no ka mea ana i aloha ai a hiki i ka hora hope, ua waiho oia i kona ola me ka mea ana i aloha ai.  Nani ke aloha oiaio e like me kona.  Iloko o ka hoonele ia o kona puuwai me ka aloha aku o keia kana iaia, ua hoomau no nae ola i ke aloha ana iaia.  Ua haalele ia mai oia aka aole oia i haalele aku.  Ua maopopo ae la keia mau mea apau ia Dolores a uwe iho la oia no kona hoapaio i hala aku, a no kana kane aloha hoi i hala pu aku.  Ua maopopo loa ae la aole oia i haalele mai i keia ola ana mamuli o kekahi lima manao ino iaia, aka ua haule oia iloko o kela ana oiai laua e holoholo ana me Lola i kela po ana i hele aku ai e kokua i keia kaikamahine iloko o ka pilikia.

          Ua hoi mai ia laua a kauoha e kii ia aku ke kino make o keia kaikamahine a e malama ia kekahi hoolewa nui.  Ua hoomoe ia oia ma ka aoao o ka mea ana i aloha ai, a i ka haalele ana mai o Dolores i keia ola ana ua noi ikaika ola e kanu ia oia ma kekahi aoao mai o kana kane a ina kaua e hele e ku'u makamaka heluhelu ma ko lakou wahi i kanuia ai, e ike ana kaua he ekolu lakou e moe ana ma kahi hookahi, o ka laua mea i aloha ai mawaena o laua.

          I ka pau ana o ka hoolewa o Lola ua hoi mai la lakou no ka home.  He mau la mahope mai ua hiki mai la kekahi hoa'loha maikai o Lola a mai laia [mai la ia] mai i hoike piha ia mai ai ka moolelo o ka hele ana o keia po elike me ka Lola i hoike aku ai iaia.  I ka hele ana a ka haku Kasedile i keia po ua loaa aku la iaia o Lola, a hele like aku la laua iloko o kela ulu laau.  Ua nanea loa laua i ke kamailio a e hoike mai ana hoi o Lola i ka moolelo o kona haalele ana i ka aina mamuli o kona aloha i kela Haku Opio.  Ua loihi ka laua hele ana, ame ka noonoo ole ae i keia ana, ua hele aku ia laua ma kekahi wahi kokoke ilaila.  Mamua o ko laua maopopo ana ua hau ia aku la ka Haku Kasedile ilalo.  Ua hiki laua ma ke kue o kela ana, a ua a@cane laua e haule like ilalo a he laki wale no ka pakele ana o Lola he pouli kela wahi a aole he ike pona la aku o mua oiai eia laua iloko o ka ululaau, a ua paa ka malamalama o ka mahina ia lakou.  Nana aku la oia ilalo, aka, aole @e ike ia aku.  Ua maopopo ole iaia kana mea e hana ai.  Ua kakau mua oia i kana leka ia Dolores, oia hoi ka leka a kaua i ike ae nei, me kona manao loa e hiki ana iaia ke paa mai i kela kela keiki me ia oiai ua loihi ko lakou noho pu ana me ka Loko Keokeo a ua ka@a pa@a oia iaia i keia manawa.  Me ka maopopo ole i ka mea e hana ai, ua holo pupule aku la o Dolores no kona home.  Ua hoomaopopo loa iaia ua make kona @oahel@ oia po, aka aole oia i makemake e hele aku e hoike i kana wahine o ui mai maluna ona kekahi hoopai weliweli.  Ua noho malie oia me kona hele mau no nae e nana i keia ana.  I ke kakahiaka ae oia na kauwa e huli ana i ka Haku Kasedile ua hele aku la o Lola no keia wahi, a ike pono aku la oia i ke kino o ka Haku Kasedile e waiho mai ana ilalo.  I ka la i kii ia ai, ua hele huli mai oia a aole i loaa iaia.  I kona ike ana iloko o na nupepa ua loaa ke kino make, ua maka'u loa oia, a hookaawale koke oia iaia.  He mau la mahope mai ua heluhelu oia a ike i kahi i waiho ai o kona mau iwi a hooholo e hoi mai no laila a oia kela make ana malaila.  Aloha wale ka hoapaio o ka Loke Keokeo!

          Ua ola ka Loke Keokeo he mau makahiki lehulehu mahope mai, @@a aole loa oia i poina i kana kane maikai, ame kona hoapaio hoi o kona mau la opiopio.  Ua ulu ae ka laua kaikamahine, a lilo oia kekahi o na kaikamahine u'i loa i ike ia ma Enelani.  He hookahi makahiki mahope o ka loaa ana o ke kino make o ka Haku Kasedile ua haalele mai la ka Haku Kalifedina i keia ola ana, a noho iho la ka Loke Keokeo iloko o kona mau waiwai i loaa iaia mai kana mau kane elua.  He lehulehu na kanaka u'i waiwai o Enelani i hele mai e noi iaia i wahine na lakou aka aole loa ola i ae aku, ua lawa oia iloko o ka ehaeha o kana kane aloha i hala aku.

KA HOPENA.

 

          Ka laau ohana kaulana loa o keia au!  Ina e eha kou puuwai e ola ana i ka Pain Killer me kekahi wahi wai uuku iloko o kou puu a e loaa no ia oe ka maha ame ka oluolu.  He mea maikai e hoomanao ia he maikai ka laau Pain Killer no ka lawe ana maloko a mawaho hoi.  O ka mea nui wale no nae ola ka nana pono ana i na laau pololei ole oiai he hookahi wale no laau pololei a oia ka laau Pain Killer a Perry Davis.  He 25 ame 50 keneta ke kumu kuai.

 

Hoike na Ike Akamai Pelepele

 

O AGNEW KA IKAIKA O LAUA, AKA UA LIKE NO PAHA NA IKE PELEPELE.

 

NO KEKAHI manawa i hala aku nei ua nui ke kamailio ia no Fox ame Agnew, na haole ike o kakou pelepele.  O Agnew oia ka mea nana e a'o nei na makai o kakou i ka pelepele, a o Fox hoi, oia ka haole i hoaia iho nei?  i kula pelepele ma Palama, ma keia aoao mai o ka hale hoolulu kaa ahi a pau wale iho nei no.  He mau haole ike kela i ka pelepele, a ua manao na hoa'loha o kekahi o ka lakou kanaka ka ikaika ame ka ike pelepele, a pela nohoi kekahi aoao.  He lehulehu na manawa o laua i manao ia ai e pelepele ana aka i ka hiki ana mai i ka hora hope loa ua hiki ole iho la i kekahi o laua ke pelepele.

          I ka po Poaono nei ua hoike ia na ike pelepele o laua.  Mamua o ka puka ana mai o keia mau haole ike pelepele ua hoomaka mua iho la kekahi poe ike ole e pelepele ma ke ano hoolealea i ke anaina.  O Edward Smith kekahi o na haole kaulana loa ma ka pelepele ame Jack Mansfield ka mua.  Mai ka mua o ka laua pelepele ana a hiki wale no i ka pau ana ua maopopo loa i ka poe e nana aku ana ua kupono ole ko Kamika hoa pelepele e paio me ia.  I ko laua pau ana ua ku mai la o Jackson ma.  Aole mea ano nui o ka laua.

          O ka pelepele mawaena o kekahi mau wahi keiki liilii no laua na makahiki aole i oi aku mamua o ka eha ka mea hauoli loa ia.  Mai ka hoomaka ana no a hiki i ka pau ana ua ulele na puupuu a ua mau wahi keiki nei.  Ua like ko laua ikaika a aole i alala kekahi o laua mamua o ka pau ana, aka ua hoi aku kekahi ame kekahi me ka manaolana ina i loihi iki aku ka laua paio ana me nei ua eha iaia kekahi.  Nui ka hauoli o ka lehulehu i hiki aku ma keia la i ka laua pelepele ana.

          Mahope mai o na keiki liilii ua ku mai la he mau pukiki e hoike i ko laua mau ike pelepele.  O Joe Decker ko laua wahi mea ano maa maa iki, a he lehulehu na manawa i loaa ai o Manuela Gonsalves i kana puupuu.  Pau ka laua komo mai he koa Amerika me kekahi haole kela okoa iho no.  Ua ano malule kona hoa pelepele i ka wai "Primo" a aohe nana ae i na puupuu e iho makawalu mai ana.  Pau ia he haole hapai pahu me ke koa.  Ua kuhihewa kahi haole hapai pahu he mau pahu keia ana e hapai nei a aohe he nana ae i na puupuu e iho mai ana.  Ina paha he pahu me nei ua eo iaia.

          Mahope mai o laua ua ku mai la kekahi makai me kakahi Paele.  He Paele iki loa keia i ka pelepele a ua paani lealea ia kahi makai.  Ua kokoke loa ae nei i ka hora umi i keia manawa, ka hora hoi e puka mai ai o Agnew me Fox, na mea i makemake nui ia e ka lehulehu i hiki aku.  I ko laua puka ana mai ua hoike ae la ka lehulehu i ko lakou hauoli.

          Puni Ekahi.--Mahope o ka lulu lima ana ua hoomaka laua e hoike i ko laua ike pelepele.  Ua like ko laua ike, a pau wale no ia puni.

          Puni Elua.--Mahope o ko laua paani ana no kekahi manawa pokole ua loaa aku la o Fox ia Agnew ma ka papalina ame ka eleu nui ua hoihoi mai la o Fox i kana puupuu a loaa aku la no kona papalina.

          Puni Ekolu.--I keia manawa i hoike ai o Agnew i kona ikaika a hina kona hoa paio ilalo.  I ka hoomaka ana ae e ku iluna ua loaa hou aku la.  Ua hauoli i ke kani ana mai o ka bele.

          Puni Eha.--Ua loaa mau o Fox ia Agnew a pela nohoi o Agnew ia Fox.  O ka Agnew ke waiho mai he ikaika, a o ka Fox he nawaliwali, a aia wale no malaila kona pilikia.  E hooikaika ana o Agnew e haule kona hoapaio mawaho o ka laina aka aole he hiki iaia.

          Puni Elima.--I kela puni i ike ia aku ai ka piliki maoli o Fox.  Ua pau kona ikaika aka aole no i poina kona ike pelepele.  Mahope o ka laua pelepele ana no kekahi manawa ua ike ia aku la ko laua makemake maoli e hakaka a i keia manawa i komo mai ai ka Hope Makai a hoopau wale ia ka laua pelepele ana.  He hookahi puni i koe aku, aka ua hoopau wale ia ka laua pelepele ana.

          Ma ka manao o ka lehulehu i hiki aku malaila o Agnew ko kaua mea ikaika, aka ua like no paha ko laua mau ike pelepele.  Ua maopopo ae la ko laua mau ikaika i keia manawa, a ua pau ka olelo ana o mea a o mea ka ikaika.

 

KA HANA A KA UWILA I KE KINO

 

Loaa kekahi Kanaka Hana Kaaahi o Milwaukee i ka Uwila oiai ma ke Keleponi a H@na Ilalo.

 

Loaa Oia i ka ma' Haalulu mai keia Ma'i---Pau ka hiki ke Hoohana i Kona mau Lala---Kona Hoola Kupaianaha a me ke ano o ka loaa ana o ia Pomaikai.

 

          He nui na hana kupaianaha e ike mau ia nei, aka, aole paha i hiki i kekahi kanaka ke hoike ae i kekahi moolelo i oi ae ke kupaianaha mamua o ka mea i loaa ia Mr. D. C. Peak, e noho ana ma ke alanui Wells, helu 814, Milwaukee, Wis.  O ke ano o kona ola ana mai ka ma'i lolo mai kekahi mea e olelo nui ia nei e na nupepa ame na kauka.

          He kanaka o Mr. Peak i kamaaina ma na alahao kaa-ahi like ole o Amerika a ua noho oia ma kekahi mau wahi ano nui no kekahi mau makahiki ma ke alahao o Kikako, Milwaukee ame St. Paul a hike wale no i ka loaa ana iho la iaia o keia pilikia.  Ua loaa iaia ka oluolu mai kona pilikia mai a ke kokoke mai nei kona manawa e hoi hou ai me keia hui.  Mamuli o ka ike ia o ke ano kupaianaha o kona ola ana ame ka nui o na mea e kamailio ia ana nona ua houna ia kekahi mea kakau nupepa e hui me ia.

          Penei ka Mr. Peak mau pane i na ninau a ke kanaka kakau nupepa.  "He mea maikai e hoike piha aku au ia oe mai ka la mua loa mai o ka hoomaka ana o ko'u ma'i.  I kekahi la iloko o ka makahiki 1888, oiai ka hekii [hekili] ame ka uila e hana ana i ka laua hana, e kamailio ana au ma ke Telepona i ka manawa i loaa ai ka uwea i ka uila a holo keia uila a loaa wau a o ko'u hina aku la no ia ilalo.  Aole i maopopo loa ia'u ka nui o ka poino i loaa ia'u ia manawa, aka no hookahi makahiki holookoa mahope mai, i kela ame keia manawa e ua ai, e ike ana au i ka hoholo o ka uila iloko o ko'u kino me he mea ala e paa ana wau i ka uwea o kekahi pahu uwila.  Mahope mai ua paa keia haawina a hoopau loa au i ko'u noonoo ana no ia mea."

          "Aka, iloko o ka makahiki 1896, i ka piha ana ia'u o ke 41 makahiki, ua ike iho la au i ka lolo mai o ko'u mai iaia a hoomaka mai la ka eha o ko'u mau ami.  Ua hoike koke au i ko'u pilikia i ke kauka a hoomaka oia e lapaau ia'u no ka ma'i rumatika no kekahi manawa.  Aka, iloko o ka nui o kana laau i haawi mai ai ia'u ua ike iho la au i ka pii mahuahua ae o ko'u pilikia.  Ua hele mai la ko'u mau lala a lolo pu, a ua hiki loa ke hou i ke pine iloko o ko'u lima ame na wawae me ka ike ole i ka eha.  Ina wau e pane i ko'u mau maka e hina ana au ilalo.  No ka loaa ole ia'u o ka oluolu mai na kauka mai ua hele aku la au e hui me kekahi kanaka akamai loa ma na ma'i o keia ano a ma kana nana pono ana ua hoike mai la oia aole ko'u he ma'i rumatika aka he ma'i lolo.  Ua hoomaka oia e lawelawe i ko'u ma'i, aka malalo o kana lawelawe ana ua loaa iho la au i ke koko ino moe ma ko'u wahi moe no kekahi manawa loihi.  I ka hiki ana ia'u ke ala ae iluna ike iho la au aohe hiki ke oni ko'u mau iaia.

          "Ua ano pau mai la ko'u manaolana e loaa ana ia'u ka oluolu.  Aka, ua ike iho la ko'u wahine i kekahi hoolaha ma ka nupepa "Evening Wisconsin."  Iloko o keia nupepa kekahi hoola i iakau [kakau] inoa la e Mr. Joel Shomake o North Yakima, Wash., e hoike ana i kona ola ana mai ka ma'i lolo mai mamuli o ka Huaale Akala a Kauka Williams no ka Poe Haikea.  Aohe he hiki ia'u ke kakau ia manawa oiai aole he hiki i ko'u mau manamana lima ke paa i ka peni, nolaila ua oki ka'u wahine i keia hoolaha a hoouna ia Mr. Shomaker me ka ninau pono ana aku ina he oiaio.  Ua kakau mai la oia i loaa iaia ka oluolu mamuli o keia laau a noi mai la ia'u e hoao.

"Aole wau i manao e loaa ana ia'u ka oluolu aka, ua kuai koke wau i kekahi o na Huaale Akala a Kauka Williams no ka Poe Haikea ma ke ano hoao.  Ua hiki loa ia oe ke ike mai nou iho i ka hana a keia laau.  Ke manao nei wau e hiki ana ia'u ke lawelawe hou i ka'u hana ma ke alahao iloko o kekahi manawa pokole mai keia manawa aku.

          "Ae, ua hiki ia oe ke hoolaha aku i ka'u mau mea a pau i hoike aku nei ia oe," wahi ana, "a e olelo pu aku oe ina ua makemake kekahi o lakou e ninau mai ia'u no ka oiaio o keia mau mea ua makaukau wau e hoike aku i ka oiaio."

 

KE ANO O KA MA'I LOLO.

 

          O ka hoomaka ana o ka ma'i lolo aia no ia iloko o ka iwikuamoo, a e ike ia ana ma ke ano o ka hele ana ame ka hiki pono ole he hooponopono i ke ano o kau hele ana.  O kekahi o na hoailona mua loa e ike ia oia ke ano kaea ma na kuli ame na kuekuelima.  Ua hooi ia ae keia eha i kou manawa e oni ai, a aole e loaa ka maha ma ka hiamoe.  He lehulehu na manawa e ike ia ai ke ano lolo mai a ike ole i ka eha mamua o kou komo kuhohonu loa ana aku iloko o keia ma'i.  Ke loihi aku ua ikaika loa mai la ke ano lolo o kau mau iaia, i kekahi manawa ma na wawae wale no, a mai laila aku e pii ai no na uha a hiki loa iluna.  Oiai he lohi loa ka nee ana a keia ma'i, i kekahi manawa he umi makahiki e ulu ai mamua o ka ikaika loa ana, aole he ike moakaka loa ia o na hoailona o ka ma'i, aka aia no ka ma'i ke hana ana i kana hana a hiki i ka lolo ana o kou mau wawae, e ano hikaka ana kau hele ana, a e hoike mai ana hoi i ka hiki pono ole ke hele.  I ka manawa e ikaika loa ai ua hiki ole ke paa ia kou mau "hoopau pilikia."  O kekahi hoailona oia ka eha ma ka aoao, i ka manawa e loaa ai o ka aoao maluna o ka iwikuamoo.

 

KA LAPAAU ANA.

 

          He ma'i paakiki loa ka ma'i lolo i ka hoola ana, a no kekahi mau makahiki loihi ua manao ia aole he ola o keia no ma'i.  I keia manawa nae, ua maopopo loa he ola no keia ano ma'i i ka Huaale Akala a Kauka Williams no ka Poe Haikea.

          Ina no ua loihi ka ma'i me oe e loihi ana no ka manawa e lapaau ia ai mamua o ka loaa ana o ka oluolu.  He hana maikai ole ka waiho ana a ikaika ka ma'i, oiai no nae he mau ma'i no kekahi oia ano i ola i keia mau huaale.

          O ka hiki i keia mau Huaale Akala a Kauka Williams ke hoola ina ma'i o keia ano ame na ma'i okoa aku, he hoike moakaka ia no ka hiki ke hoola i na ma'i apau oia ano elike me ka ma'i haalulu.  He laau maikai loa keia no ka ma'i lolo, ka eha iloko o ke poo, ke anu ame na ma'i no apau e ulu mai ana no ka maikai ole o ke koko, e like me na ma'i rumatika, ma'i puuwai, ka Haikea a hakahaka pu o ka helehelena, ame na ma'i apau oia ano iloko o na kane ame na wahine.  E loaa no keia laau ma na Hale Kuai Laau Apau a i ole e hoouna pololei ia aku no i ka manawa e loaa mai ai ke kumukuai ia DR. WILLIAMS MEDICINE COMPANY, Schenectody, N. Y. he 50 keneta ko ke poho a he eono poho no Elua dala me ka hapa.

 

HULI HOI HOU MAI KA MOKUKOA WARREN

 

          I ke kakahiaka o ka Poalima i hala mamua o ka aina kakahiaka ua haalele mai la ka Moku Koa Warren ia Honolulu nei ma kana huakai no Manila, a i ka hora ekolu o ka auwina la ua ike hou ia keia moku e hoi mai ana no ke awa nei.  Ua puiwa loa na kanaka i ka ike ia ana e hoi hou mai ana kela moku a hoomaka koke lakou e noonoo i ke kumu o ka hoi hou ana mai.  Ua manao loa ia ua puka o lalo o kela moku a ua komo mai hoi ka wai malalo mai oiai mamua o kona holo ana ua ike ia ke komo o ka wai aka ua hana ia a paa mamua o ka holo ana o keia moku.  I ke ku ana mai o kela moku i ka uapo ua hoike ia mai la o ke kumu o kona hoi hou ana mai oia ka haki ana o kekahi o kona mau ku'e i waena moana oiai oia ma kana huakai no ke kai o Manila.

          He mau hora wale no ka holo ana a keia moku mamua o ka ike ana la ua hemo keia ku'e a ia manawa lakou i noonoo ai i ka lakou hana maikai e hana ai.  mai hiki no ia lakou ke holo loa ma ka lakou huakai ina aole i haki a haule mua kekahi kue ma ka lakou huakai mai Kapalakiko mai no Hawaii nei.  Ua maopopo ina alii o keia moku he hana pilikia ka hoao ana e hele ma keia huakai loihi me ka lawa pono ole o ka ikaika holo o ka moku, a no keia kumu ua hoi hou mai la lakou no Honolulu nei.

          Aia maluna o keia moku he 995 ola, ke hui pu ia na koa, na alii moku ame na kela.  I ke ku ana mai o keia moku o ka mea mua i noonoo ia oia ka loaa ana o kekahi wahi maikai e malama ia ai na koa iluna o ka aina.  Ua maki ia mai keia mau koa me ko lakou mau huluhulu a hiki i ke kahua mamua mai o ka hale paikau.  Kukuluia h e [he] mau halepea a malaila lakou e moe nei i keia mau po anu.  Ke hele aku malaila i keia mau po e ike mau la ana na koa kiai e holoholo ana, e kiai ana hoi i ke oia ame ka maluhia o na koa.

          Aole i maopopo ke kumu o ka haule ana o keia mau ku'e elua oiai he mau ku'e hou keia i hana ia mai nei.  O ke kumukuai o ke ku'e hookahi ua hiki aku i ka $1,500, nolaila ua nui maoli ke poho ma ko laua haule ana.  Aka aole o ke kumukuai ke mea e noonoo nui ia nei i keia manawa o ka hiki ame ka hiki ole ke hana ia ma Honolulu nei.  He mau ku'e okoa no kekahi a lakou i paa mai nei me lakou a ina e hiki ana ke hoopaa ia i Honolulu nei me ka pilikia ole, alaila e holo koke ana lakou ma ka lakou huakai, a ina aohe e hiki ana alaila e kali ana lakou a loaa mai ke kauoha mai Kapalakiko mai e pili ana i ka lakou hana maikai e hana'i.

          He wahi moku kaulana loa keia.  O keia wahi moku no ka mea nana i lawe mua loa mai ka lono o ka make o ka Peresidena Makinale.  I kekahi manawai i hala aku nei ua @@@ keia wahi moku ma kekahi aina mawaho mai o Iapana a he laki wale no ka nahanaha ole ana.  I keia manawa hoi ua haole na ku'e elua.

          Ua hauoli loa na koa i ka hoi hou ana mai i ka aina, oiai he ino loa ka moana i keia manawa a he hoihoi ole hoi ka holo ana iluna o na alo ahiu o ka moana.  O ka lakou e makemake nei o ke ku loihi o keia moku ma Honolulu nei e hala ae kela mau la ino.

 

He mau Noi Oki Mare o Keia Kau

 

HOOPAU WALEIA KA MARE O KEKAHI MAU MEA NO KA OPIO O KA WAHINE

 

Ke Hoohalahala nei o Senatoa Kahilina.--Ka Hoopii Oki a Kekahi Pupule i Kana Wahine ma o Kona Kaikaina A@a.

MA KEKAHI olelo hoohole a ka Lunakanawai Humepere e pili ana i na oki mahope o ka la 14 o Iune 1900, ua hiki loa ke hoomaopopo ia aku ua mana ole na oki i haawi ia mahope mai oia manawa, a ua kupono hoi e hopu ia ka poe i mare hou mai keia oki ana mai no ka mare lehulehu.  Aole oia wale aka o na aina i kuai ia e keia mau paa mare i oki ia, me ke kakau ole ia o ka inoa o ke kane ame ka wahine ua mana ole.  Ua ulu mai kela mai keia pauku mai o ke kanawai kumu:

          "Aole he palapala oki e ae ia e ka Ahaolelo, a aole hoi e ae la e na Aha o ka Teritori, koe wale no ina ua noho ka mea noi oki ma ka Teritori no elua makahiki mamua koke iho o keia noi ana, aka aole keia e pili ina noi e noonoo ia ana i ka manawa i holo ai keia kanawai."

          Aohe he mea i hoike ia ma na kanawai o Hawaii nei e pili ana i ka loihi o ka noho ana o kekahi mea koi oki mamua o ka hiki ana o kana koi ke noonoo ia, aka ma ke kanawai kumu e like me ka mea i hoike ia ae la ua kauoha la keia.  Ina e hooko ia ana ka manao o kela kanawai alaila o ka poe apau loa i oki ia mahope mai o keia manawa me ko laua noho mua ole ma Hawaii nei no elua makahiki ua mana ole ko laua oki ia ana a eia no laua ke noho kane a wahine nei, a ina ua mare hou aku kekahi o laua alaila ua hiki loa oia, ke makemake, ke hoopii ia no ke mare lehulehu.  Ua oi aku mamua o ka hookahi haneri poe i oki ia mai ka la 14 mai o Iune, 1900, a hiki i keia manawa a he hana maikai na ka poe i loaa keia oki ana ke huli hou i ko lakou mau palapala oki a maopopo ina ua oki pono ia lakou.  Ua hiki loa hoi ke olelo ia, aole o na oki wale no i noho ole na mea oki no elua makahiki mamua o ke noi aka o na oki no apau, oiai aole i hoike ia e na loio ka loihi o ka noho ana o ka mea nana kela noi oki ma keia Teritori mamua o ka loaa ana o keia palapala oki.

 

AOHE MANA O KO LAUA MARE.

 

          Ma ka hoopii oki a Jacintha Walsh i kana kane Patrick Walsh, ua hooua hoopau wale ia ko laua mare e ka Lunakanawai Robikana mamuli o ka opiopio loa o keia kaikamahine i kona manawa i mare ia ai me keia kanaka a ua ike ole hoi oia i ka pono ame ka pono ole o keia mare ana.  He umi kumamakolu wale no makahiki o keia kaikamahine a he kanakolu makahiki o kana kane i ko laua mare ia ana.  Ke nana aku iaia he opiopio maoli i'o no oia.  Aole oia i maopopo i kona manawa i hanau ia ai a e ole ka buke a kekahi kahunapule o Lahaina akahi no a maopopo kona opiopio maoli a kupono ole e lilo i makuahine no ka home.  I ka ninau ana ia aku o keia kaikamahine ina ua ae oia i keia mare, ua hoike mai la oia aole oia i makemake e mare ia me keia kanaka, aka ua hookonokono ia oia e kona makuahine.  I ko laua mare ia ana ua haawai mai la keia kanaka iaia he $500 ma ke ano makana.  He haawai mau no oia i ke kala i kela ame keia manawa.

          O ka mea aloha loa oia ka manawa a Konela Fitch, ka loio o ke kane e paio ana i keia hoopau mare, e ninau ana i keia kaikamahine ina aole oia i makemake e hoopau wale ia ko laua mare mamuli o kona makemake e mare i kekahi [kek] ma ka noa o Frank De Sa.  Ua luliluli mai la keia kaikamahine i kona poo, a i ka ninauninau loa ana ia aku ua olelo mai la oia aole oia i ike i kekahi keiki ma keia inoa.  I keia manawai i hoikeike aku ai ka [sentence unreadable] kaikamahine i ke kii o keia keiki me kana wahine mare mua.  Ua oki keia keiki mai kana wahine mua mai.  Ma keia kii e ku ana keia keiki me kana wahine mua iloko o ko laua mau lole o ka mare ana.  I ka ike ana o keia kaikamahine i kela kii ua uwe koke oia, a huna i kona poo.  I ka ninau hou ia ana aku ina ua ike ola i keia keiki ua ae mai la oia, aka aole ma ke ano he mau ipo, he ike kakahiaka wale no.  Ua hoopau wale ia no nae ko laua mare mamuli o ka opiopio loa o keia kaikamahine e like me ka makou i hoike mua ae nei, a ina he makemake i'o oia e mare i keia keiki ua hiki loa ia laua ke mare ia i keia manawa.

 

KEKAHI MAU OKI E AE.

 

          Ua ae ka Lunakanawai Robikana i ke oki o Walker ma.  O ke kumu i ae ia ai ko laua oki ola ka malama ole ia o ke ola.  Ua hoopii ia mai no ka hoeha mau kekahi aka aole he mau hoike moakaka e hiki ai ke ae la ko alua oki ma ia kumu.

          Ke noi nei o Senatoa Kahilina e hoolohe hou ia ko laua oki mamuli o ka nui loa o kela hookahi Tausani uku oia ia ae la i kana wahine.  O Kaulia ame Poepoe kona mau loio.  O kekahi o na kumu maikai ma kana palapala noi hoohalahala i ka olelo hooholo oia ka hiki no i kela wahine ke malama iaia iho oiai he mau waiwai nui kona, a ua nui loa keia ae ana ia e uku aku kana kane iaia he hookahi tausani kala.

          Ke hoopii oki nei o Keoki Houghtailing (Hapakeia), he pupule e paa ia nei ma ka Hale Pupule.  I kana wahine no ka moekolohe.  Na kekahi o kona mau kaikaina e hookomo nei kana hoopii oki.  I kekahi manawa i hala aku nei ua hopu ia keia wahine no ka moelalau m@ kekahi o kana mau ipo mua a ua olelo ia hoi o kona lalau mau me kela kanaka ke kumu pupule o kana kane.

          Ke noi nei o Mrs. Bertha Hough @ oki ia oia mai kana kane mai Mr. Luther W. Hough, no ka malama ole i kona o@a.

 

          Ke hoomakaukau nei o Theodore Richards (Likeke) he buke himeni Hawaii hou.  He keonimana makaukau oia ma na huamele a e pomaikai ana kakou ma ka loaa o na buke himeni maikai.

HOOLAHA KUMAU.

 

Ka Hui Banako hoahu Malama Dala o Hawaii

 

(KAUPALENAIA.)

 

Huina i hoahuia    $250,000.00

 

Peresidena            Kikila Barauss

Hope Peresidena  W. P. Robikana

Puuku                            W. G. Cooper

 

Keena Hana Nui:

 

Alanu Papu, kokoke 1 Alanui Kalepa

 

Keena Lala ma Hilo, Hawaii.

 

E LAWELAWE ANA I KA

 

Oihana Banako Hoahu Dala ma Honolulu ame Hilo

 

          E ia keia mai no na huina hoahu me ka haawiia o na ukupanee no na hoahu makahiki ma ka hina o 4½ pa-keneta no ka makahiki.  E loaa no na R@l@ a me na hooponopono ana ke ninau @@ ma ke Keena Hoahu.

@@@-1yr.

 

DR. L. F. ALVAREZ.

 

Keena:  Oihana @a      Wahi Noho:

 

1@40 Emma Street

 

Na Hora Ha@@:

8 a     10 a. m

3 a     3 p.m.

7 a     8 p. m.

 

Telepona White 211.     3@@4-1yr

 

Dr. T. Mitamura

 

Kena Ohana 1468, Alanui Nuuanu.

 

Telepona 153.      Pahu Leta @41.    Wahi noho, @24, Alanui Nuuanu.

 

Na hora keena:     8 - 10 a, n., 603 p m. koe na Lapule.

 

Kauka J. Uchida,

 

HE LO@A MA KA OIHANA LAPAAU.

 

Keena:  Alanui Beretania, mawaena o  Papu ame Nuuanu.

 

Manawa hana, 8 a 12 A.M.    7 a 1 P.M.

 

Telepona Helu 1211 White.

 

LEWERS & COOKE, Ltd.

(LUI & KUKE, Kaupalenaia.)

 

Na mea Hookomo ma@ a Kuai i na

 

LAKO KUKULU HALE

 

o kela ame keia ano

 

Malaila e loaa ai na mea malalo iho:--

 

          NA PAPA N. W., NA PAPA HOLE, PILI HALE, NA PUKA NA OLEPELEPE.  AME NA @@ NO PUKA ANIANI, NA KU@ AME NA MEA PILI I KA OIHANA KAMANA, NA PONO PENA.

          NA PENA LIKE OLE, AME NA HULU PENA, NA ANIANI NA PEPA HALE, PALE PUKAANIANI, MOENA, ETC.

 

O na kauoha pono hale apau loa @ hiki mai ana ia makou e hoo@@ koke ia no me ka eleu ame @@ KUMU KUAI HAAHAA LOA.

LEWERS & COOKE

 

          I KA POE KULI:--Ua haawi [words unreadable] kahi lede waiwai i hoola ia mai [words unreadable] kuli ame ka haluluia iloko o k@ [words unreadable] mamuli o ka pahu hoolohe [words unreadable] Dr.Nicholson @@, @@@,000 i kana @@ kokua kuli i hiki ai ka loaa keia po@@ @@@@ i na poe kuli me ka @@@o ole.  E [words unreadable] kau mai, THE NICHOLSON @@@@ INSTITUTE, @@@ Eighth Avenue, New York @@44.

 

I Makahiki mai Iulai 1.