Ka Nupepa Kuokoa, Volume XL, Number 10, 7 March 1902 — Ke pau nei na Moa a Kakou i ka Make NUI NA MOA MAKE MA MANOA A ME KALIHI NO KA MA'I LUKU. [ARTICLE]

Ke pau nei na Moa a Kakou i ka Make

NUI NA MOA MAKE MA MANOA A ME KALIHI NO KA MA'I LUKU.

Ke hoike mai nei kekahi poe hanai j moa i ka make nui o ka lakou mau. moa i keia manawa. a ua manao ia he ma'i Korela moa ke kumu o ka make, Ma Kalihi ame Manoa ua ike ia ka raake mai o na moa me ka maopopo ole o ke kumu. Aole Uuku nui loa ia na moa i ka manawa hookahi e like me ka mea i ike ia i kekahi manawa, aka e hoomaka mai ana e make liilii. I ka hoike ia ana aku o keia mea ia Profesa Sedg\vick, ka mea ike ma na ma'i oia ano ame ka iaau e pau ai, ua hoike mai la oia aole oia i manao he ma'i Koreia ke kumu e poino nei o na moa aka he hi. Ma kona ike aia wale ao ka hiki mai o ka ma'i Koreia o na moa i ke kau wela, mahope o kekahi mau la wela loa, a o ka ma'i e manao ia nei he Korela. ma ka huli pono ana aku, he ma'i ,hi wale no. "Ke loaa i ka ma'i Korela." wahi ana, "e luku ia ana ia ka puulu moa holookoa i ka wa pokole loa. Aole o'u manao he ikaika loa ke Korela moa ma Hawaii nei, aole hoi e like me kekahi mau wahi a'u i ike ai. I ke kau wela i hala he mau wahi ma'i kakaikahi wale no ka'u i ike, a aole no o'u inanao e luku ia ana na moa me ka ikaika e keia nia'i." ,,. ] ka ninau ana ia aku o ka laau e pa kele ai na moa mai ka ma'i Korela mai ina e hiki mai ana i Hawaii nei ua olelo mai la oia he hookahi wale no ana hana i ike a oia ka hoomaemae i ka Hale moa me na laau hoomake ma'i. a me ke puhi ana i ke kino make o na moa i ke ahi. I ka manawa e ike ia aku ai kekahl moa. e hoike mai ana i na lioailona o ka ma'i e pepehi koke iaia a puhi i kona kino i ke ahi. Ma keia ano e pakele ana ke ola o na moa aku i koe a e pau ana hoi ka laha nui ana o ka ma'i.