Ka Nupepa Kuokoa, Volume XL, Number 13, 28 March 1902 — Page 3
| This text was transcribed by: | Taryn Achong |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
HOOLAHA KUMAU.
Hui Alahae âme AIna o Oahu
@ahope aku o ianuari 1, 1962
MANAWA HOLO.
WAHI HOOLULU ma Honolulu aku.
Na la apaii kou ke Sabati.
Na la apau.
Na la apau koa ke Sabati.
Na he apau.
Na la apau.
a.m. a.m. p.m. p.m. p.m.
nolulu 7:10 9:15 11:05 8:18 7:10
City 8:02 9:48 11:48 4:49 @
n Mill 8:22 10:08 12:00 4:05 6: @
anae 10:30 4:0@
Haina 11:55 5:40
huku 12:32 6:15
waho mai aika
WAHI HOOLULU ma Honolulu.
Na la apau koe ke Sabuti.
na la apau.
Na la apau.
a.m. a.m. p.m. p.m.
@huku 5:35 9:35
aialua 6:10 2:30
aianae 7:10 9:35
Mill 5:30 7:45 1:25 5:25
arl City 6:15 8:02 1:33 6:32
ouolulu Plant 6:50 8:38 2:05 5:33
G.P. DENISON
Luna, F.C. SMITH
Luna HUai Palapaia Holo.
Metropolitan Meat Co
Hui Kuai Pipi Metropolitan
G.J. Waller- - Luna Nui
Poe Kuai a Hoolako i na Moku
ME
na lo Pipi, Hipa a pela'ku,
E loan mau aua na Manu a me na Homano i hoohuihuiia iloko o ka hau.
Makepono ke kuai i na Io Pipi mamei.
Hele mai hookahi hele mai a pau.
TELEPONA HELU : : 65
2736-tf
Ka Ayer Laau Kunu
No ke Anu, Kunu, Ma‘i ma ka Puu. Puu Eha, Anu ame ka Ma‘i Ai Ake hoomaka hou. Aohe lua e loaa ai ha Laau Kunu a Ayer. O keia la laau kunu kaulana loa i ikeia ka helelea e na lapaau ana maloko o ka Oihana lapaau, a ua apono loa na Kauka lapana iaa la i ka aai ana i ka pale lahilahi i pili aku ai ka ma‘i, wawahi i ka male paakiki e kunukunu a e manaeo ai ka puu, hoopau i ke kunu ana, a loaa hoi ka oluolu. Ma ke ano laau pale pilikia kokoke loa noloko o ka ohana o ke AYER LAAU KUNU ka helu ekahi. Aohe lua o keia laau no ka hoola ana i ke Kunu Ho, Kunu Kalea, Puu Eha, ame na ma‘i apau o ke ake-mama loohia mau ai ka poe opiopio. Aohe hana i palekana, ke ole e loaa la lakou.
KA AYER LAAU KUNU
OIA HOI
KA AYER CHERRY PECTORAL,
I homanaukauia e DR. J.J. AYER & CO., Lowe, Masa., U. S. S.
E makaala loa no na laau hoohalihalike kumukuai emi. Ka inoa o keia mau, oia ka AYER CHERRY PECTORAL. E ikeia ana keia inoa mawaho o ka wa-hi, a maloko nohoi e ke kieo o kela ame keia omole. Ka pookeia o na laan no ka malama ana, ka hooulu ana me ka hoenani ana i ka lauoho, ola ka
Ayer Laau Hooulu Lauoho.
Aole e kepia ke poo, ola na ma‘i puu puu, aole hoi helelei ka lauoho. Ina maloohaha mai ka lauoho, hinawanayo a ano kina mai, alalia, na keia laau e ho‘iho‘i hoi ae a kena ano mua, a houlu lupalupa ae la i ka lauoho. Ma na wahi apau, o keia Laau Hooulu Laupoho a Ayer ke pookela, a ua keia ia i punahele a i hoapili no na lede ame na keoaimana.
Ayer's Hair Vigor
I homakaukauia e
DR. J.G. AYER, Lowell, Mass., USA
Ke @ @ mei a Kekeika Mei o ao Ae
Hollister Drug Co. Lt.
GETERUDA WINA
Ke Kaikamahine iloko o ka Hoinoia.
Mareia no ka Waiwai. aole no ke Aloha
MOKUNA XII.
Aia i hea o Getaruda?
A na makamaka heluhelu ua ike kakou iloko o ka helu i kala i ke kii ana mai o ka anela o ka make i ka hanu hope loa o Mrs. Livinekona. Nolaila eia o Getaruda ke ku malie nei me ka naau mokumokuahua no kekahi manawa loihi i kona ike pono ana ua haia kona makuahine. Alalia, me ka lima haalulu, ua hookani aku la oia i ke bele. Ua hoea koke mai la no kekahi kauwa me ka hakalia ole a loaa mai la laia ke kaikamahine opio e kukuli ana mamua o keia kino e waiho ana me ka oni ole, e uwe ana me ka ehaeha, a e paa ana oia i kona mau lima puanuanu, me ka mau no o kona pulii ana i ka leta a Alani iloko o kona mau lima.
"E hele koke oe e kahea ia Mr. Livinekona a e kauoha aku i ke kauka e hele mai," wahi a Getaruda i haawi aku ai i ka olelo kauoha i ke kauwa wahine. iaia i huli mai ai me kona helehelena kaumaha a i ka wa i hoomaopopo koke ai o ke kauwa i ka mea weliweli oiaio. ua hele koke aku la ola e hooko i ka olelo kauoha i hoounauna ia aku ai oia. Ua pio-o iho la ka manao o na ohua noho hale a pau a akoakoa koke mai la lahou ma kahi o ke kino make e waiho ana me ko lakou helehelena kaumaha. Ua koke loa e pupule ko Mr. Livinekone noonoo i keia make hikiwawe ana o kana wahine no ka mea ua kokoke loa nohoi oia e hoomana aku iaia i kona kulana hiehie a me kona helehelena nohenohea a ma on a la nohoi ua makaukau oia no ka mohoi ana‘ku i na mea like ole a pau iloko o keia ola ana; a mamuli nohoi on a i mohai aku ai oia laia iho no kona makee i kona inoa maikai, a peia hoi me ka hauoli o kana keiki hookahi.
Ua hoea mai la ke kauka, aka ua olelo mai la ola "e kala wale ke ola o ka lede i haalele mai ai iaia, aka, aole kona he make iloko o ka wili mau ana o ka eha, he make hikiwawe kona mamuki o ka loaa ana o kekahi ma‘i puuwai iaia. Ua hiamoe aku la oia me na manao oluolu no ka mea aia ka mino aka ke hoike mai ia maluna o kona helehelena, ua hala aku la oia i kahi e hiki ole ai i na pilikia a me na poino ke hoopa hou aku iaia."
Ua noho iho la o Mr. Livinekona a me na poe a pau no kekahi manawa loihi me ka maopopo ole ia lakou he aha la ka lakou hana e hana ai. Ua komo iho la ka manao iloko o Getaruda e hoala ae ana i kona noonoo e telegarapa i ka hoahanau ponoi o Mrs. Livinekona, he lede aple i mareia e noho ana i loko o ke kulanakauhale o Nu Ioka.
Ua hele koke mai la no ia i ka wa on a i lohe ai i ke kauoha, aka ua kokoke loa oia e hina iho ilalo mamuli o ka puupuu ikaika i ku‘i ia mai ai; oiai ua kau iho maluna on a a me Getaruda ka ukana koikoi o ka lawelawe ana a hooponopono ana nohoi i na mea e pili ana i ke kino make o ka lakou mea i aloha ai.
A i ka hopena loa o na hoolala i hoolalaia ai ua hooholo ia iho la e i aloa i3. ke kino o ka mea i make alaila kali aku ke kane ana a hiki i ka hoi ana mai o Alani.
Aloha ino o Alani! oiai, ke hoi mai nei oia me na manaolana o ka hauoli iloko o kona puuwai, a me ka haili ole ae o ka manao hoohuoi iloko on a he lono kaumaha ka ka home e kali mai ana iaia.
Aka aia hoi mluna o Getaruda ka oi aku o ke aloha, no ka mea ua paluaia iho na puupuu ana e hoomanawanui a i ka eha. Aka aia hoi maluna o Getaruda ka oi aku o ke aloha, no ka mea ua paluaia iho na puupuu ana e hoomanawanui ai i ka eha. I ka manawa a ke kauka i hoopuka ae ai i ka huaolelo ua make kona hoaloha maikai a kauoha pu mai ia e hooponoponoia kona kino oia kona wa i kii aku ai a wehe mai i ka leta a. Ahoihoi aku la oia e waiho iloko o kana pakaukau kakau. Oiai oia e hana ana e like me kela ua ike iho la oia i na lalani hope loa. elua a Alani i kakau mai ai i hona makuahine e pili ana nona a o laua nohoi na lalani i kupono ole iala ke ike e penei ua mau lalani la:
"Ke lini nui nei ko‘u manao e ku‘u makuahine aloha o ka hiki aku i ka home a ike ia oukou a pau a eia nae, he weliweli au i ka halawai pu aku me Getaruda--he weliweli nohoi i ka hookuleana ana aku iala oia ka‘u wahine." Ina i koho kona manao no ka heluhelu ana i ka leta holookoe me nei ua heluheluia e ia aka ua papa ia iho la oia e kona noonoo hoopono aole e hana peia. Aole no oia i manao e heluhelu i keia mau ialani; aka ma ke ano o ka opi ia ana o ka leta ua kaa ae ia keia poe huaolelo maluna loa. aka ua ike e iho nae kona maka mamua o kona hoomaopopo pono ana aole i manaoia e ike ana oia, a he oiaio ua oi aku ka eha i loaa iho la iaia mamua o na eha e ae a pau ana i ike ai, a ua houia aku kona puuwai a puka pu ma kekahi aoao me kekahi ihe oi loa.
Ua weliweli o Alani i ka halawai aku me ia--weliweli i ka hookuleana aku he wahine oia nana! He oia mau no ke ku-e o kona manao iaia. Oia mau no ka manao inaina iloko on a no kona mareia ana me ia. Ua oi aku nohoi ka paakiki loa o la mea. Aka o ka mea e loaa ana iaia i kona wa e hoi mai ai ua kaili ia aku ka mea ana i aloha loa ai mai ka home aku. He lehulehu wale no na manawa o kekahi mau ia mai a Getaruda i hoi ai iloko o kona lumi ponoi e hakoko ai me kona mau manao kaumaha a i ka nana aku me he mea la aole hiki iala ke ola i keia ao no ka hoomanawanui ana ia mea.
"O e ku‘u makuahine, ku‘u makuahine!" wahi a Getaruda e uwe ku-o iho ai, me ka noonoo mau ana inia wale no. a e hoopuka ana hoi i ka huaolelo ana i hoole ai iaia oiai oia e ola ana. "ua aloha oia ia oe. ua oi aku kona hoiholia oe; no ke aha no ia hoi au i lawe ole ia aku ai ma kou wahi? No ka mea. nohe mea nana au e haohao mai o ko‘u helehelena hoi, he kiko ia e hapaia ana iloko e ka home kahi koi a‘u e nohe ai me ka homanawanui wale na. Ua ulu ino kela mau ia la lakou mah la pilikia loa a i mau la nohoi i loko o ka eehia a me ka kaumaha oiai lakou e kali ana iloko o keia home luuluu no ka hoi mai o kekahi kaawale aku. He elima mau ia loihi i hala ae mai ka manawa ilaweia aku ai ka uhane o ka mea i lilo mau ai ka mea nui a me ke kiko waena o na hoohauoli ana a pau, ua hele aku ia no ka wa mau loa. A i ke kakahiaka aw o ka la eono ua puka mai la ka hoolaha iloko o na nupepa ua ku mai ka mokuahi Europa. He hookahi hora mahope mai ua hiki mai ia ka telegarama i kakaula ma ko Mrs. Livinekona inoa: "E ku‘u makuahine aloha;--Ua hiki mai au i keia kakahiaka. E kali mai ia‘u i ka hora eono P.M. "ALANI"
E noho ana ka ohana e ai i ko lakou aina kakahiaka oia ka wa i hiki mai ai o ka telegarama. Ua wehe iho la o Mr. Livinekona a ike iho la i ka elele pokole. a uhu iho ia me ka leo noi a la wa ana i haawi aku ai ia Getaruda. ua kuae ia oia iluna a haalele iho la i ka lumi. Ua haikea ae la ka helehelena o ka wahine opio iaia i heluhelu iho ai ia me. He maha nohoi ia e hoomaha mai ana i ka manao i ka ike ana ua pae mai oia i ka aina me ka palekana aka o ka pilikia mamua on a me he mea la ua kokoke loa e hiki ole iaia ke hoomanawanui ia mea; ma kekahi mea hoi, oia ka mea nana e hai aku ana iaia ua hala kona makuahine? E kau pu mai ana anei kela pilikia i kona noho ana?" He mea hiki ole loa nohoi ke hoike pau aku i na manao like ole a pau i hoehaeha nui ia ai o Getaruda oiai na hora hope loa o keia e hookokoke mai ana. O ka meha me ka puai wahi leo ole ae i kau mai luna o ka hale o ke kaumaha a me ka pouli nana i hooilihia mai i na luhi a pau ua. like loa ia me ka hoopupule ana mai i ka noonoo aia no ke kawelewele ia na manao kau maha o ka pule i hala iloko on a. a ke hai pu ae ia nohoi iaia me ka ikaika loa. Ua komo iho la ke aloha iloko o Miss Forotinahama, ka hoahanau o Mrs. Livinekona no ke kaikamahine i hookaumaha loa la a hoao iho la ola e noonoo i alahele kupono nona e hooluolu aku ai iaia.
"E ku‘u kaikamahine aloha." wahi ana i olelo aku ai iaia ia awakea, "aole anei oe i manao ua oi aku ka maikai in a kaua e hooponopono ae ana i ka hale a ano makamaka hou ae--e wehe aku kaua i na olepelepe i hiki i ka malama kihapai pua e ako mai i na pua? A e ae ana anei oe nau ka hoomaopopo ana o ia mau mea a pau iloko o ka lumihookipa polu? A i ole ia o ka mea i oi aku o ka maikai. nau ponoi no e hele e ako ka pua; aole au ike iki ia oe e hele ana mawaho e holoholo ai mai ko‘u hiki ana mai ia nei a hiki i keia ia, a he mea pono nohoi ka loaa ana ia oe o ka ea oluolu o waho.
"He mea okoa ae no kekahi a‘u i makemake ai e noi aku ia oe," wahi a Miss Forotinahama i olelo aku ai, mahope mai o kekahi manawa. pokole a Getaruda i noho malie iho ai. "E kala mai oe ia‘u e ku‘u kaikamahine in a he mea hewa ka‘u e hoike aku nei ka mea hoi i loaa ole ia‘u ke kuleana no ka hana ana e like me ia, aka ua kaumaha loa ko‘umanao no Alani a ua makemake nohoi au e hoomama aku i kona kaumaha e like me ka hiki ia‘u ke hana. Heaha ke ano o kou lole e komo ai no ka hookipa ana mai i kau kane?" "O e Miss Forotinahama," i hooho mai ai o Getaruda me ka puwa i kona haule hou iho a waiho malie ilalo." aole hiki ia‘u ke noonoo ae no ia mea he lole iloko o kekahi manawa pilikia e like me keia ke ano!" "Aole au i ike no ke aha la ke kumu e ku‘u keiki aloha. in a he mea ia e kokua ana i ka hooluolu ana i ko Alani manao. Aole oe i manao e ike aku ana oe iaia e like me ke na manawa ou iloko o kou aahu kanikau--e pono oe e hoololi i kou lole e komo ai. E hoomanao oe aole oia i ike iki ia oe mai ka la o olua i mareia ai a hiki i keia la. nolaila aole oia i makemake e halawai mai me kana wahine opio iloko o ka aahu eleele a lilo nohoi oia i mea e hoehaeha hou aku ai i kona naau. E pono oe e komo i kekahi lole ano keokeo--i lole nohoi aohe i hanaia a u‘i loa. Ua ike au he mea ia nona e oluolu ai ke ike mai ia oe me ia ano lole. Ua lilo loa iho la keia manao o Miss Forotinahama i hoike aku ai ia Getaruda i mea walania loa iloko o kona naau. Ma na ano a pau ua kau ka weli ia Alani no ka halawai pu ana mai mea ia. Nolaila he mea ole iaia ke ano o kona lole e komo ai. Ina no he keokeo a i ole ia he eleele paha ua like wale no ia mau ano lole iaia no ka mea aohe on a noonoo no kekahi mea e ae aka no kona makuahine wale no. he mea ole o Getaruda i kona manao in a o kona ike hookahi ana no iaia i ko laua la i mareia ai. Ia wa nohoi ua lilo loa ola i mea hoowahawaha na kona manao oiai he iole keokeo nohoi kona e homo ana. nolaila he mea makehewa wale no ka hana ana aku e like me kela. Aole i haawi mai ai o Getaruda i kana pane ia miss Forotinahama aka ua noho iho ia oia me ka manao kaumaha e nalu ana iloko on a no keia poe mea i hoike ia mai ai iaia a hiki i kona hoomanao koke ana ae i ka mea a Mrs. Livinekona i olelo mai ai iaia no keia kumu manao hookahi no iloko e elua a i ole ia. ekolu pole i haia ae. "Getaruda." wahi ana i olelo aku ai, "ua makemake au i mea keokeo wale no kou e komo ai i ka la o Alani e hoi mai ai. Ua makemake au e ike mai ola la oe iloko o kou aahu oiha nolaila e komo oe i ko lole o ka la hoike kula o oukou: he kulana wahine u‘i maoli no kou i keia lole." "Ae, no ka pono o ka hoaloha maikai ana i aloha loa ai, e hooko ana oia e like me kana i makemake ai a ae pu aku hoi i ka Miss Forotinahama noi i noi mai ai." Aole hiki iaia ke komo i ka lole hoike kula on a oiai. ua hanaia ia lole a nani ioa aole hoi i kupono no ke komo ana i keia wa olai he wa keia iloko o ke kaumaha a me ka luuluu: aka he lole keokeo e ae no kekahi on a i hana ole ia a ano nani loa a ua ike iho ia nohoi oia ua kupono ia iole nona e komo ai mamua o na lole manoanoa eloele i laweia mai ai mai Nu Ioka mai i kekahi la mai mamua. oiai nae, aohe lana ae o kekahi wahi manao hauoli iloko on a no ko Alani huli hoi ana mai. Ua ano hoomama ia mai kona naau i ka holopono ana o kona manao a mahope mai o kekahi manawa ua kii aku la oia i ke ie a hele aku ia i waho e ako pua ai no ka lumi-hookipa polu e like me ka Miss Forotinahama noi i noi mai ai iaia e hana. Ua lilo ka ea oluolu maikai o wahi ana i hele ai i mea hoomaikai mai kona ola kino a o ke ehu kai hoi a ke koaniani makani e lawe mai ana ua hoihoi hou mai ia i kona noonoo maikai a me ke onaona o kona mau papalina i hele a hakeakea me he mea la ua kaa ma‘i oia i keia mau ia elima a i ole ia eono paha ana e noho paa loa ana iloko o ka hale. Ua huli aku la oia a nana aku ia ilalo i ke kahawai me kekahi mea a kona naau e lini nui ana e ike aku nohoi oia i kona wahi waapa e lana mai ana. Aole oia i hele iki i ka holoholo waapa no hookahi pule a ke iini ia oia no ka loaa hou o kekahi manawa iaia e hele ai no ka mea he hana ia nana i walea oiai kona mau la kamalii. Aka ua pale aku la oia i ka hoowalewale e hoomalemaleia mai ia iaia me ka minamina pu no nae ia mea nolaila ua hele aku la oia e hoakoakoa pono i na pua ana a hoihoi aku ia i ka hale no ka hoowehiwehi ana i ka lumihookipa puli: he hookahi hora okoa ana i noke ai i ka hooponpono i na mea a pau a i ka manawa i pau ai aohe nani mai a koe i ka ike ana a ka maka. Alaila pii aku la oia i ka hale iluna e wehewehe ai i kona mau mea a pau e komo ai i keia ahiahi me kona humuhumu pu ana iho i lihilihi ma ka a-i a me na lima o kona lole a omau iho la he huihui po lipine pahoehoe keo keo me kona lakeke. Aka aole hiki iaia ke hoonui aku i kana mea e hana ai. Ua nui loa kona kaumaha no ka hoomaopopo pono hou ana aku i kekahi mau hana e ae. O na mea a pau ana e hoopa aku ai e hoomanao mau ana oia i ka mea aloha i haaele mai ia lakou alaikla ua waiho pu iho ia oia i ka lawelawe ana ia mau mea. Ua oi loa mai la kona kaumaha a me kona pihoihoi mahope mai o ia manawa. Aole i kani ae ka hora eha i manawa a he elua mau hora loihi okoa e kali aku ai mamua o ko Alani hiki ana mai. Heaha la ka hana pono ana e hana ai nona iho olai kela manawa loihi? Nolaila iaia e noho ana ma ka ipoka aniani ua leha hou aku la kona mau maka i ka wai e aleale mai ana iloko o ka malamalama o ka la a me he mea la ua like ia me ka lima o kekahi hoaloa kahiko ani peahi mai iaia.
"Ina nohoi au e hele ana no kekahi manawa pokole." wahi a Getaruda i noonoo nui iho ai. "No ke aha hoi ka mea e hele ole ai?" ana i noonoo hou iho ai me ka wiwo ole mahope mai o kekahi manawa. Ma nao au e lilo ana ma keia wahi no na hora loihi elua i koe. E hele ana au." Ia wa oia i hele aku ai e komo i kona lole holoholo waapa kau iho la he papale laulau nui maluna o kona poo, komo mai la i kona mau mihini lima a puka aku la iwaho mai kona lumi aku me ka hele malie loa ana. Ua hele mua aku la oia a ka ipuka o ko Miss Forotinahama lumi e kikeke ai no ke noi ana aku iaia. "Ua hele au a pihoihoi loa ia a ano owelawela nohoi e Miss Forotinahama, a e hele ana au i ka holoholo waapa no kekahi manawa pokole, "i olelo aku ai o getaruda iaia i komo loa aku ai iloko o ka lumi aka aia nae oia ke kamailio la me ka leo ana hoomalimali me he mea ia e ano makau ana oia o apono ole mai kela lede i ka mea a kona manao i hooholo ai. "Ua pono kela," i haawi aku ai o Miss Forotinahama i kona ae; "o ka hana kupono wale no ia ia oe. E ku‘u kaikamahine aloha," i olelo hou aku ai oia me kona ike ana aku no aia no kekahi ao nana e hoopouliuli mau nei i ka noonoo o ke kaikamahine, "manao au aole kaua i nele me na noonoo maikai. Nolaila mai hoolalau loa aku makemake au e hiki mua mai oe i ka hale nei i ka wa kupono e halawai pu ai me Aiani.
"E hiki mai ana au i ka hale nei i ka wa kupono," i pane aku ai o Getaruda, a iaia i pani malie aku ai i ka puka o kona wa ia i hele aku ai. Nolaila i ka oiwi kino hiehie i iho aku ai ilalo o ke alapii a puka loa aku iwaho o ka pa i ke alanui i halii ia me ka iliili e iho loa la i ka muliwai, ua hiki aku la oia i kahi i hoopaa ia ai o kona waapa ua lalau aku la oia i ke kaula a wehe mai la, he wahi waapa nani loa keia on a. I pena keokeo ia me ka molina wai gula he mau nonona pulu ulaula a ma ka ihu o ka waapa ua kau ia kekahi hoailona o ke poo o ka manu nene a iaia i lalau iho ai i kana mau hoe o kona manawa no ia i hoomaka iho ai e hoo ia laua iloko o ka wai lipolipo e haaleale ana. I ka hapalua hora elima ua iho aku ia o Miss Forotinahama ilalo no ka nana ana in a ua makaukau na mea a pau no ko Alani kipa ana mai.
"Aole anei i hoi mai nei o Miss Getaruda? i ninau aku ai oia i kekahi o na kauwa i halawai pu ai me ia iloko o ka lumi nui. Ua pane mai ia ke kaikamahine kauwa aole ia i ike ua hele o Mrs. Livinekona i waho. Ia wa i pii hou aku ai o Miss Forotinahama i ka hale iluna a kiei aku ia iloko o ka lumi o ke kaikamahine. Aohe kino kanaka oloko aka e waiho ana no kona mau mea a pau e komo ai ia ahiahi iluna o kona moe. Ua halo‘ilo‘i mai la ka waimaka iloko o na maka o ka wahine maikai i kona ike ana aole i hiki mai ke kaikamahine i ka hale ia manawa: ua lilo ia mea i mea hoopilikia loa mai i kona manao. "Malia paha aia oia iloko o ka lumi auau," i manao ae i ai oia: a iaia i hele aku ai a kikeke ma ka puka a ia wa hookahi no ua olelo aku la oia: "Getaruda, aia anei oe iloko o laila?" Aohe pane i paneia mai nolaila ua wehe aku la oia i ke pani puka. Aohe mea ana i ike aku ai iloko. Ua iho hou aku la oia ilalo me ka naau kaumaha a ano maka‘u nohoi a ninau aku la i na kauwa a pau o loko o ka hale. Aohe mea hookahi o lakou i ike i ka hele ana a me ka hoi ana mai o Getaruda.
Ua kahea ia aku ia ke kanaka malama kihapai a oia hookahi wale no ka mea i ike ia Getaruda e iho ana i kahawai. Ua hoouna koke ia aku ia oia i ka hale waapa ua ka nana pono ana in a oe @ mai oia. Ua hoi mai ia ua kamaka ia a hoike mai ka aohe kona waapa ma kona wahi maa mau. nolaila aole oi hoi mai. Me ke kino haalulu a me ka helehelena haikea ua pii aku la oia maluna o kekahi mau anuu alapii a hiki i ka hale iluna loa a ma ia wahi oia i nana aku mai me kekahi ohe nana ikaika loa o ka ike a nana aku la oia ma o a maanei o ke kaikuono. Aohe wahi mea a ike ia aku o ka nuailona waapa koa waie iho no ua hiki laia ke hoomaopopo pono he mau peapea keokeo kana e ike la i kahi ma mau loa a ua like laua me kekahi mau eheu keokeo e upoi ia ana iloko o ka malamalama o ka ia. Ua kokoke loa oia e hina ilalo i keia manawa a ua maopopo ole iaia kona alahele e hoi ai. Aole hiki ia ke kuka pu aku me Mr. Livinekona no ka mea ua hele aku oia maluna o ke kaa i ka hale hoolulu kaa ahi e kii ai ia Alani a iaia hoi oia e hoike aku ai i ka nuhou kaumaha e pili ana no ka make ana o kona makuahine ma ko laua alahele e hoi mai ai i ka home. Nolaila ua kauoha hou aku la oia i ke kanaka malama kihapai e kii aku i kanaka hou a hele pu laua maluna o ka waapa o Mr. Livinekona e imi ai i ke kaikamahine i nalowale aiaila noho iho la oia iluna o kekahi noho me ke ano maluhuluhi no ke kali ana no na ouli e hili mai ana. Ua kani mai la ka hora eono aka aole nae i hiki mai ke kaa ia manawa a pule iho la oia e hoololoiahili aku kona hiki ana mai aohe on a nana pehea la ka loihi no kona makemake e loaa mua o Getaruda mamua o kona hiki ana mai. no ka mea he mea kaumaha loa ia in a aohe ia malaila no ka hookipa ana mai i kana kane i kona manawa e hiki mai ai mahope o kona kaawale ana aku no eha makahiki. Nolaila ua hoahewa loa iho la oia iaia iho no kona apono ana aku e hele oia i ka holoholo waapa; aka aohe oia i upu mua e loaa ana kekahi populikia he la kalae maikai nohoi ia a ua ike nohoi ia he hana maa mau no ia nana o ka hele i ka holoholo waapa oia wale no. Aka ua hoomaopopo iho ia oia ia manawa ua loli ka pa ana a ka makani ke puhi pololei ia i waho i ka moana. O! aoile i pono kona hookuu ana iaia e hele ua oi aku kona noi ana e hele i ka holohaa a i ole ia i ka holoholo o na mea like ole a pau e malama ana iaia mai ke komo ana iloko o ka poino. Hamau! aia ke o-we mai ia ka huila kaa a me ke kapuai lio maluna o ka liilii i halii ia iluna o ke alanui. Ae ua hoea mai la laua a me ka naau kaumaha ua puka aku la i waho o ka lanai no ka halawai pu ana aku me laua a e hookupa mai hoi i ka mea i hele auwana iloko o ka home. Ua kokoke loa oia e haawi pia o ka manao wiwo oie e paa ana iloko on a no ka mea ua ike oia o ka lini iloko o Alani o ka ike mai i kona makuahine e ku aku ana ma kahi on a e ku ana a hookipa mai iaia me ke aloha a e kaumaha ana oia i ka ike mai he mea okoa kana e ike mai ai ma kona wahi. ua holo loa mai la ke kaa a ku iho la mamua pono o ka ipuka iaia nohoi i puka loa aku ai iwaho a ua hiki ole iaia ke kaohi iho i kona waimaka a ka ike ana aku i ke keiki i hookaumaha loa ia kona naau e pii mai ana i ke alapii ua api mai ia oia i kona makuahine a poliki iho la iaia a paa a honi iho la oia iaia me kona kino holookoa e naka la aka aole hiki iaia ke hoopuka mai i hookahi huaolelo aloha.
"E ku‘u keiki, ku‘u keiki aloha e-," wahi a Miss Forotinahama i olelo aku ai, "he hoina kaumaha keia ou i hoi mai nei; aka na ke Akua oe e hoomakai! Ua hauoli au i kou hoi ana mai nei." Ia wa oia i alakai aku ai iaia iloko ka lumi a Getaruda i hoowehiwehi ai a nani me na pua aia no kona hoi ana mai a hoomaka aku la e ninaninau no ka mea e pili ana i kona oia kino a me kana alahele moana e hoao ana oia e hoopiha mau i ka manawa a me ka hoolalau ana i kona noonoo i ole ai oia e hoomaopopo mai i ko Getaruda mehameha oiai oia e hoolohe pono loa ia i ka nehe mai o kona mau kapuai wawae i ka manawa on a e hoi mai ai. Ua loaa maoli ke ola kino maikai ia Alani--ua hookanakamakua loa oia iaia iho a he keonimana kaulana a kanaka u‘i maopopo la. Aka ua hele kona helehelena a hailepo i keia manawa a no a ua kokoke loa e haalulu kona kino holookoa me ka naau mokumoku ahua ana e hoao ana e uumi a e hoopio. Ua maopopo koke mai la no oia aole o Getaruda o ka hale aka ua manao iho la nohoi oia malia paha aia nohoi ia iloko o kona lumi kahi i moe a ma‘i ai no keia nuhou kaumaha nohoi i kau iho maluna o ka ohana holookoa a ua hiki le iaia ke aia mai kona wahi moe mai eia nae aohe oluolu iki o kona noonoo no kona ike ole iaia no ka mea oiai oia ma kona alahele au moana e hoao mau ana oia e noonoo iloko on a pehea aku la kona ano i keia wa a ma ke ano hea la oia e hookipa aku ai ia‘u. Ua hele aku la kekahi kauwa a olelo aku ua makaukau ka paina a e kali wale ana no ia laua. Alaila oni ino ae ia o Miss Forotinahama a hili mai la o Alani a ninau iaia. "Aia i hea o Getaruda e Anate Macia?" "Ua kaumaha loa au i ka hai aku ia oe--aohe au i maopopo ia mea--ua hele au a pihoihoi loa--aka. aohe o Getaruda o ka hale nei."i olelo aku ai oia a e hoike mai ana kona helehelena i ka pilihua maoli. "Aohe oia o ka hale nei! He oiaio loa aole oe i manao e olelo mai ua kaa wale oia mai ka home aku nei!" wahi a Alani i olelo mai ai me kona manao haohao.
"Aole; aka mamua o ke kani ana o ka hora eha o ia kona manawa i hoomaka aku ai e hele aole oia i hoi iki mai a hiki i keia manawa oiaio nae ua haawi mai no ia i kana olelo hoopaa e hoi koke mai ana no ia i ka wa kupono no ka halwai ana me oe." "I hea oia i hele aku nei?" wahi a Alani i ninau pokole mai ai. "I ka hoehoe waapa iwaho o ke kaikuono la." Pehea! i ka manawa pilikia e like me keia ke ano--me ka waiho mai no o ke kino make o ku‘u makuahine iloko o ka hale!" wahi a i olelo mai ai me ke kuoo no ka mea ua nui loa iho la kona ehaeha i keia mau hana ano e. "Mai kau oe i ka hoahewa ana maluna on a," i olelo aku ai o Miss Forotinahama me ka leo oluolu. "Na‘u i olelo aku nei iaia e hele no ka mea iloko nei wale no ia o ka hale i noho mau iho nei mai ka manawa o ko makuahine i make ai a hiki i keia ia: aka mamuli e kona ano pihoihoi a ano maluhiluhi loa i keia la o ia ko‘u mea i ae aku nei iaia e heia. Ua maka‘u au o loaa hou mai auanei ia i ka onawaliwali."
Aole i pane aku o Aiani aka wa noho malie iho ia ia me ke ano mumuie a hoihoi oie. Aole hiki iaia ke pale ae i ka hoomanao ana no keia mau nuhou kaumaha elua i ka wa hookahi no ka mea i kona la nohoi i haalele iho ai i ka home ua hele no ia i ka i ka holholo waapa a i kona la no hoi i hoi mau i kona home ua haia hou aku la no hoi i ua holo waapa nei no ana. maila paha o ka pihoihoi a me ke ano onawaliwali a Miss Forotinahama i olelo aku ai ua like no ia me keia manao mua on a i hele mua ai. Ua walania loa iaia ua lilo keia kaawale loihi ana on a a me kona huli hui ana mai i mea ole iaia a he hoike maopopo ana mai keia i kona manao ku-e no iaia. Ua hele aku la o Miss Forotinahama me ka naau kaumaha iloko o ka lumiaina a aole hookahi o lakou i noonoo nui aku no ia mea he ai, olai ua luhiehu ke pakaukau i na mea ai ono loa. O ka hali ia ana mai no ia o na mea ai no ka papaaina hope loa a komo mai ana kekahi kauna ine ka nanaina pioloke a pilihua. Ua hoi mai nei na kanaka i olelo mai ai oia mai ka lakou huli hele ana aku nei ia Mrs. Livinekona opio; aohe lono a lakou i hoihoi mai nei nona aka ua loaa aku nei nae he hoe lahuahi e lana hele ana iluna o ka ili wai a lakou i maopopo loa ai he hoe no ia no ka Nanu nene Keokeo. (Aole i pau)
Ka Manao o Ku‘u Hoa Kula.
KAKOO IKAIKA OIA I KA BILA KA NAWAI LEPERA A KA ELELE WILIKOKI
ua loaa mai ana manao malalo iho mai kekahi Hawaii opio naauao mai a ke hauoli nei makou no kona kakoo ana ma ka aoao ana i manao ai ola ka pono ame ka pololei. Oiai he kauka naauau oia ke manaolana nei makou e loaa ana kekahi mau manao maikai i ko makou poe heluhelu mai kana i kakau mai nei. Penei kona mai manao e kakoo ana i ka Bila Kanawai Ma‘i Lepera a ka Elele Kilikoki i waiho aku nei imua o na Loea hana kanawai ma Wasinetona: Mr. Lunahooponopono: aloha oe: Ma muli o ka nui o na mea e kamailio ia nei e pili ana i ka "Bila Kanawai Ma‘i Lepera a ka Hon. R. W. Wilikoki, e oluolu mai oe ia‘u e hoike aku i kekahi mau kumu a‘u i manao ai he "Bila Kanawai" Maikai keia.
1. O ka hoolilo ana i ka Mokupuni o Molokai a i ole ia o kekahi wahi paha oia mokupuni i kahua ma‘i no ka Lahui holookoa he ninau wale no ia no ka manawa no ka mea e hoea mai ana no ka manawa e hiki ole ai ia Molokai a i ole ia o kahi i hookaawale ia no ka hoolipa ana in a ma‘i nolaila i ka wa e ike ai ka Lahui i ka lawa ole o ka lumi ma Molokai oia no ka wa e noi mai ai ka mokuaina ame na Teritori i kahua mai lahui no lakou iho. alaila o ka pau no ia o ka lawe ia ana mai o ko lakou poe ma‘i i Hawaii nei. I ka wa o ke kaua mawaena o ka "Akau" ame ka "hema" ua hookaawale ka ahaolelo Lahui i kekahi wahi e kokoke ana ma ke kulanakauhale o Wasinetona i Hoolilina Lahui," a ia wa no e kaua ana ua hookaawale keia mokuaina ame keia mukaina i hooliina no ko lakou mau koa iloko o ke kaua. I keia manawa no a i keia mau makahiki pokole i kaa hope iho la ua ike no kakou in a koa i hoihoi ia iho nei maluna o na moku. I ko lakou wa i hoea aku ai i Kaleponi ua kanu ia no kekahi poe ma Kaleponi a o ka poe koa no o kekahi mau mokuaina ua hoihoi loa la no i ko lakou mau hooilina Lahui ma ko lakou mau Mokuaina. Ua ike kakou apau i ka oiaio o keia mau mea e pili ana no na mea i hana ia no na hooilina aole anei kakou e manao iho e hooaawale ana keia mokuaina keia mokuaina ame na Teritori i kahua malama i ko lakou mau ma‘i? Ke manao nei wau aole loa e ae ana kekahi mokuaina e hookaawale ia kekahi o kona mau kupa mai kona mau palena mai. Ina o ke kupa a‘o ia mai ka wa kamalii mai a hoea i ka wa kanaka makua ana hoi e himeni "Kuu Aina Hanau E Nou wau e Mele nei Aina maikai & etc. Owai ia ka aina e nana maka mai ana i kona mau kupa i kona mau ia o ka ehaeha? Aole loa he mokuaina i nela in a home no ka poe ilihune a mamuli o ka hookomo ia ana aku nei o keia Bila Kanawai e ike auanei kakou aole mokuaina e nele ka hookaawale la i kahua ma‘i no lakou.
2. Lilo ka hooponopono ana o ko kakou kahua ma‘i i ka Lahui a he mea makehewa la‘u ke olelo e oi aku ana ka malama pono ia o ko kakou poe ma‘i. Nana i ko kakou keena leka ame kuke awa Lawe ia na leka ma na keena ame na hale noho. He mau hana i moe uhane mua ole la nolaila aole a kakou mea e kanalua ai.
3 Pau ko kakou kapa la ana mai he lahui ma‘i pake.
4. Nui ka poe mea kla o na mokuaina e hele mai ana e hoohana i ka lakou mau kaia oiai aia ka malama ana o ka poe ma‘i ma ka lima o Amerika ke aupuni a lakou i hilinai nui ai. Ma keia wahi he mea pono paha ia‘u ke olelo ae i ka olelo kaulana a kekahi haole waiwai loa o Amerika a o kekahi hoi o na alakai o keia mea he imi waiwai ma ka hoohana ana in a puu dala he mau miliona "Wall Street has confidence in America," oia hoi "He hilinai o Wall Street ia Amerika." Ua kapa ia o Wall Street oia ke kiko waena o Amerika ma keia mea ke dala, no ka mea aia ma ia alanui ma Nu Ioka ka nui o na poe waiwai. Ua hilinai na poe waiwai in a hooponopono aupuni ana a Amerika. nolaila aole lakou e ma ka‘u i ka lu i ka lakou mau dala maanei. O kekahi kumu o ko lakou maka‘u ola no paha ko lakou lohe ana ame ko lakou ike ana i ka nui o na ma‘i pake maanei nolaila aole lakou i hele mai maanei me ko lakou mau ohana aka, in a na ka Lahui e hooponopono e pau ana ko lakou kanalua.
5. Nui na hana o ka aina nei mamuli o ka nui o ke kala e hoohana ia ana maanei.
6. Pii ka uku o ka poe hana a he manaolana ko‘u e pau ana no ka hapanui o ka hana o ka aina nei i na kanaka. He manao lana ko‘u e ko ana no na mea apau i hoike ia ae maluna in a e hele mai ana keia bila. He nui aku no na kume i koa aka ua lawa kaua no keia manawa.
Owau Mo no, PUAKAILIMA.