Ka Nupepa Kuokoa, Volume XL, Number 15, 11 April 1902 — Page 3

NUPEPA KUOKOA, APERILA 11, 1902                                                                           8

 

 

HOOLAHA KUMAU.

 

Hui Alahao âme Aina o Oahu

Mahope aku o Ianuari 1, 1902

 

MANAWA HOLO

 

WAHI HOOLULU    Na la apau koo ko Sabati        Na la a pau.     Na la apau koo ko Sabati        Na la apau.      Na la apau.

 

Honolulu aku

                                    a.m.                                         a.m.                 p.m.                                         p.m.                 p.m.

Honolulu                     7:10                                         9:15                 11:05                                       3:15                 5:10

Pearl City                    8:02                                         9:48                 11:48                                       3:47                 5:30

Ewa Mill                     8:32                                         10:08               12:00                                       4:06                 6:10

Waianae                      ….                                           10:50               ….                                           4:45                 ….

Waialua                       ….                                           11:55               ....                                            5:10                 ….

Kahuku                       ….                                           12:32               ….                                           6:15                 ….

 

 

 

 

Mai waho mai             Na la apau koo ko Sabati        Na la a pau.     Na la a pau.     Na la a pau.

n i  ka

WAHI

Hoolulu

ma Honolulu

                                    a.m.                                         a.m.                 p.m.                 p.m.

Kahuku …….             ….                                           5:35                 …                    2:08

Waialua …….             ….                                           6:10                 ….                   3:30

Waianae …….                        ….                                           7:10                 ….                   3:55

Ewa Mill …….           5:30                                         7:45                 1:35                 4:32

Pearl City ….              6:15                                         8:02                 1:30                 4:53

Honolulu Plant           6:50                                         8:32                 2:05                 5:@6

                  G. P. DENISON,                                        

                        Luna,                                                  F. C. SMITH

                                    Luna Kuai Palapala Holo.

 

Metropolitan Meat Co.

(Hui Kuai Pipi Metropolitan

 

            ______

 

G. J. WALLER - - Luna Nui

 

Poe Kuai a Hoolako i na Moku

                        ME

na Io Pipi, Hipa a pela'ku

 

            _______

 

E loaa mau ana na Manu a me na Kamano i hoohuihuiia iloko o ka hau.

            _______

 

Makepono ke kuai i na Io Pipi maanei.

 

            _______

 

TELEPONA HELU   :           : 65

                        2736-tf

 

____________________________

Koko

Maemae

 

            OIA KE KUMU O KE OLA

            KINO MAIKAI . . . .

 

KA AYER SASPARILA

 

            Ka mea e maemae ai ke koko, ikaika n aa-loolo, ono ka ai, pau ka poluluhi, a maikai maoli ke ola. He mau tausani o na kanaka i hoike no ke ola o ka Laau Sasaparila a Ayer.  Ke Hoea mau mai nei ka lakou mau palapala ma kela anue keia eke leta.  Aohe keia he laau no ka hoao wale ana.  Ke hoola mai nei kela poe leta apau, "Ua ola qu i ka Laau Sasaparila a Ayer."  O kekahi

 

 

            WAHINE NAWALIWALI

 

i hele a pili mau ka ili i ka lela moe, i loohia i ka ma`i papalahu ai ili, i hele hoi a wiwi, a pela hoi me ka ma`i i loohia mau ai lakou na wahine, kakau mai la oia no kona ola loa ana.  Ina makemake oe e hoopomaikaiia oe e ka pomaikai i ikeao e kela poe, a loaa ia oe ke ola kino maikai a ikaika alaila, e inu oe i ka laau hoomaemae koko a hooikaika kino hoi.

 

Ka Laau

Sasaparila a Ayer.

 

            E makaala loa no na laau hoohalikelike kumukuai emi.  Ka inoa o kela laau, oia ka AYER SARSAPARILA.  E ikela ana keia inoa mawaho o ka wa-hi, a maloko nohoi o ke kino a kela amea keia omole.

 

_____________

 

No Keaha       I HOOKAWELEWELE. LE LOA AKU AI OE I KELA

 

ANU, KUNU AME PUU EHA?

 

____________ 

 

            Ua kaulana loa ka LAAU KUNU A AYER (Ayer's Cherry Pectoral) iloko o na makahiki he aneane 60, ma ka hoola ana i na Ma`i o ka Puu ame ke Akemama, ke Anu, ke Kunu, ka Ma`i La Grippe, ame ka Ma`i Mala o ka pai, Akemama.  He ono keia laau ma ke inu ana, a he oiaio ke oia.

 

AYER'S CHERRY PECTORAL

 

____________ 

 

 

Na Medals Gula mai 35  Hoikeike Nui o ke Aa

____________ 

Mai lawe i aa Laau Emi i Hoohalikeia me keia

____________ 

 

Hollister Drug Co. Lt

  No Agena no ka Paeaina Hawaii

____________

GETERUDA WINA

____________

Ke Kaikamahine iloko o ka Hoinoia.

____________

Mareia no ka Waiwai, aole no ke Aloha.

____________

Hoolaha Mana Hookolokolo.

____________

 

Ae, he pilikoko ko`u ma keia inoa, i olelo mai ai o Alani me ka wiwo ole.

            "Oia!  Aole paha oia he pilikoko nou---oia anei ka mea oiaio?" wahi a kona kokoolua i hooho aku ai me kna ano puiwa.

            "Oia maoli ka mea oiaio e like me ka`u i hai aku nei ia oe. e Miss Peresekota.  Ua piholo ia ola i ka moana i kekahi mau mahina elua i hala ae nei."

            "Ua pilholo ia!" i olelo aku ai ka lede me ka leao ilihia.  "Auwe no ka hoi ka mea weliweli e!"

            "Ae, ua lilo ia i mea hookaumaha loa i`o nohoi ia," i olelo aku ai o Miss Peresekota ia Alani i hooki iho ai i kana kamailio ana.  "O kou kaikuahine anei ia, e Kauka Livinekona?"

            "Aole," i  pane mai ai oia; " aka he pilikoko ponoi loa oia no`u,  a me ko`u ohana nohoi ia kahi i noho ai no na makahiki loihi--ka mea oiaio. o ko maua hanai like ia ana."

            "Alaila e olelo mai ana oe ua loaa keia poipo ulia wale i ka la no ou i hoi mai ai mai na aina e mai?"

            "Ae, aole au i ike hou iaia no na makahiki eha."

            "I ka nana aku, me he mea la ua loli maoli kona ano iloko o keia mau makahiki loisi," i olelo aku ai o Miss Peresekota.  "E pono au e olelo aku, oia nohoi kekahi kaikamahine u`i loa a piha naauao maoli a`u i ike ai.  Mai oi loa aku nohoi kou hauoli, e Kauka Livinekona in a oe i lohe i kana haiolelo hope loa.  Ua olelo ia o kekahi ia o na haiolelo nani loa i haawila iloko o ke kula, a ua piha hauoli na poe a pau iaia."

            Ua komo iho la na manao minamina iloko o ko Alani Livinekonna puuwai iaia i hoolohe mai ai i keai mau olelo e pili ana no kana wahine i nalowale.  Ma na wahi like ole a pau ana e hele ai e lohe mai ana ia i ko na mahaloia.

            I ka ike ana o Miss Peresekota ua lilo kela kamailio ana on a i me no Alani e ehaeha ai, ua hoololi koke ae la oia i ka laua kumu manao no ka hoomau ana aku i ka laua kamailio ana, ua kamailio aku ia oia i na mea ano nui i hanaia iloko o kona kulanakauhale a me ka holomua o na mea a pau, a pela wale aku, a hiki  i ka manawa i kakalaia mai ai ua makaukau ka aina ahiahi, a oia ka wa a Mrs. Faka i hele mai ai e noi ia Alani e lawe ia Miss Vana Asadela i waho.

            Aole no i loihi loa ka uluku ana o kela manao kaumaha iloko o Alani mamua o kekahi hana hoohoihoi a kela kaikamahine u`i i hana ai i mea nona e hoopoina ai ia mea, na mea hoi a Miss Peresekota i hoala ae ai i kona manao, a nolaila ua hoi aku oia i kona home me he mea la aohe i loaa iaia kekahi kula ma kana huakai.

            Ua hoolala mua o Miss Vana Asadela i kekahi mau hana e pili ana no kekahi poe huakai hele makaikai ana i manao ai he mea ia e komo pu mai ai o na Livinekona, no ka mea i kekahi pule ae e haalele ai lakou ia Okalana.

            "E mehameha loa ana au i kou wa e haalele mai ai," i olelo aku ai o Blanch ia Miss Forotinahama i ka la mamua mai o ko lakou haalele ana iho a hele aku no Iosemite, a oia nohoi kona la i hele aku ai e haawi i kona aloha hope iaia.  Iaia e kamailio la la Miss For.otinahama aia kona mau maka ke leha ia ia Alani.

            "Heaha hoi ka mea e mehameha ai, " i olelo mai ai ka ledE ku

            "Ke ike aku la au he ano e kela leo i kani mai la," wahi a Blanch i olelo aku ai, me ka pii ana ae o kona ula, "aka ma ko'u halawai pu ana hoi me oe ma ke aiahela a kaua i hele like mai ai, alala hiki mai ia hoi iwaena o na poe malihini, a oia ko'u mea i manao ai me he mea la he mau hoa'loha kahiko kaua.  K manaolana ne iau e halawai hou aku ana no kaua i kekahi manawa e hiki mai ana e ku'u Miss Forotinahama aloha."

            "O ka manao hookahi ia, e ku'u hoal'loha maikai, " i pane mai ai o Miss Forotinahama me ka manao aloha iloko on a no ke kaikamahine u'i.  "no ka mea, i kekahi manawa he hoomanao mai oe ia'u no ku'u kaikamahine i nalowale koke iho nei no, oiai aohe no i kulike kona ano me kou."

            "Auwe i hooho aku ai o Blanc, me ka leo aloha."

            A i kona huli ana ae ia Alani, ua olelo aku la ola me ke leo uuku:

            "e Kauka Livine kona, no keaha ia oe i hai ole mai ai ia'u he kai kuahine kou o ka nalowale koke ana iho nei?  Manao au aole i kupono ka'u poe olelo lealea i hoopuka aku ai imua ou, a ua lilo paha ia i mea nou e ehaeha ai."

            Ua hoomakaa ae o Alani e hoohmama i kona mau lehelehe me he mea ia ua makaukau oia no ka pane mai, alaila me he mea la ua ulu koke ae iloko on a kekahi hoomanao no kana wahine, ua ku koke ne ia oia iluna a puka akau la iwaho.

            "O Miss Forotinahama! heaha la ka'u mau olelo i hoopuka aku nei i lilo ai ia i mea nona e eha ai?" wahi a ke kaikamahine i hooho aku ai me ka manao kaumaha.

            "E ku`u hoa'loha maiai," i hoakaka pono mai ai o Miss Forotinahama me ka oluolu, "aohe he kakuahine ka mea i nalowale--o ka Alani wahine no ia."

            I ka lohe ana o ke kaikamahine i kona mau huaolelo ua ku kkohe ae la oia iluna mai kona noho ae a n@@e aku ia oia me na maka ano ahiu maluna o ka helehelena o kona kokoolua.

            "O kana wahine!" i hooho aku ai oia me ke ano okalakala. "Ua mareia o Kauka Livinekona!  Aole loa au i moeuhane no ia mea."

            Ua ku malie iho la o Blanch ma ia waho , a nana pono aku ia ia Miss Forotinahama me kona iha pahaohao, a ua hele nohoi kona helehelema a hoike @@ i'a kemo iho la pilik@@@ no kana homaka@@

 ia ana ma mua o ka makuahine o Alani Livinekona. Aka ua hoauhee koke ia no ia poo hoopono ole on a.

            Ua kukuli iho la oia ilalo ma ka aoao o kona hoa, a iaia i apo aku ai i kona mau lima ua olelo aku la ola me ka i@@ haaluiu:

            "O Miss Forotinahama, no keaha la oe i hai mua ole mai ai ia'u i keia mea? Manao au ua hoehaeha loa aku au i kona noonoo!--a ua hoehaeha loa aku nohoi au ia oukou a pau me ka'u mau olelo lealea! Ua olelo aku au i na olelo hoomakeaka a ua hauoli pu kaua ma ia hana aname kou'u manao aole la he mea kaumaha i loohia i ko oukou noho'na iloiko o ke ao nei. Ua olelo aku au i kekahi mau mea he lehulehu i kupono ole loa i'au ke hoopuka aku in a au i ike mua i kela mea."

            "E ke kaikamahine maikai," i pane mai ai ka lede hoopono, me kona manao aloha no ke kaikamahine i hoehaeha ia." mai kau oe i ka hoahewa ana maluna iho ou, no ka mea, me ka oiaio loa, ua hoohala ae oe i kekahi mau hora o ka luuluu me kau mau hana hoohauoli. Na ke Akua paha i hoohui ia kakou ma ke alahele. a he hana maikai kau i hana mai ai ia makou a pau."

            "Ua piha lokomaikai oe no kou olelo ana mai la e like me ia." i pane aku ai o Blanch, me ka leao haahaa: aka me na maka e pupuku ana a me na papalina e puai ae ana ka ula ua hoomau aku la oia i ke kamailio ana: "Aole anei oe e oluolu ana e hai mai ia'u no ka mea eapili ana i kou mau popilikia?"

            Ua manao iho la o iss Forotinahama ua komo ka manao aloha iloko o kona hoa no kona noi ana mai e hai aku! no laila ua hai mai la oia iaia i kekahi mea e pili ana i ko Getaruda moolelo, no knona mare opiopio loa ana ia Alani, ame ko Alani hele loihi ana i na aina e no ka imi ana i ka naauao e pili ana no ka oihana lapaau, no ka make ana o kona makuahine, a me ka make weliweli i loaa ia Getaruda, a hui pu nohoi me ko Alani hoi ana mai i Kekahi hale iloko o ke kanikau a me ka mehameha.

            "He kaumaha i'o no ke na mau mea a pau loa i hai mai la," wahi a Blanch i olelo aku ai me ka oluolu, i ka manawa a Miss Forotinahama i hooki iho ai i kana kamailio ana: "a ua nui aku la nohoi kou aloha no keia kaikamahine opio, au i olelo mai nei i kona wahine u'i. He kii no anei kau on a, e Miss Forotinahama? Ua makemake loa au e ike i kona ano."

            Ua nui kona pihoihoi e ike i ko Getaruda Livinekona ano, a e hookuku hoi i kona u'i me ko Getaruda.

            "Aole, e ke kaikamahine maikai; a o kekahi mea ia a makou i minamina loa ai, a o ko makou makemake hoi ia o kona ike i kona ano mahope mai o ka loli ana. Aka aole loa i hiki i ku'u kaikunane ke koi aku iaia e hele e pai kii aole on a ae iki ia mea."

            "Aohe ona ae?" i olelo aku ai o Miss Vana Asadela, me ka manao haohao iloko on a.

            "Aole no ka mea aohe no on a ano u'i i kona wa kamalii, a o kona poe kii nohoi ia manawa he ku maoli no i ka hoihoi ole ke nana iho, a ua nui kona makemake ole ia lakou.  He opiopio loa nohoi oia ia ka wa o Alani i haalele iho ai a hele aku--he umi kumamaono wale no on a makahiki, a he hemahema loa oia ma na mea a pau; aka, ua loaa iaia ka naauao kupaianaha oia keia mau makahiki eha o Alani i kawale aku ai, a ua mano nohoi au i hoole oia i ka hele ana e pai kii no kona makemake e huna malie no i keia mea hou mai iaia mai a e haawi aku hoi i mea hoopahaohao iaia i kona wa e hoi mai ai."

            Ua hoomaka mail la o Miss Forotinahama e noonoo eia kana kamailio ana ke hele loa aku nei i ka nui loa, oiai ua hoao nohoi oia e makaala nona iho; aka ua lilo ia mea i mea aloha loa na keia kaikamahine u'i a ua lilo maoli kona manao ilaila, ua loaa iaia ka paulele ana a oi ae paha mamua o ka mea i kupono i kekahi malihini. Ua hooholo oia i kona manao aole ia e kamailio hou mai ana, a hoololi ae la oia i ka laua kumu manao, aka o ka mea ana i hai ole mai ai, ua lawa ia ia Miss Vana Asadela no ka hoohuoi ana aku. Ua paulehia maoli ko Miss Vana Asadela manao maluna o ke kauka opio. He ekolu ona makahiki i launa pu ai iloko o ka poai o kekahi poe kanaka opiopio; oia nohoi ka u'oi o kela manawa e kaulana hele ana, a ua nui na kane i hoomahie aku iaia; aka o kana i manao ai a i hooholo ai nohoi aole loa oia e mare ana a hiki i konahalawai pu ana me ke kanaka a kona manao i hoohihi ai.

            I kwla wa pokole ana i ike ai ia Alani Livinekona i Kikako iaia i komo aku ai @@@@ o ke kaa ma @l@ @ he @3 a i@ manao iloko ona.

            "O oe ke kanaka e kohu ai," a i na hora a pau ana i launa pu ai me ia o ka manao nui ia e hana ana iloko ona.

            He puupuu ikaika loa ia i loaa aku ai iaia i ka wa on a i lohe ai ua mare o Alani, a e like me ka kakou i ike ai, ua kokoke loa oia e ike i kana mea e hana ai. O kana ia i kaena ai oia ana ka maka mua loa e pili mai ai o ke aloha o ke kanaka ana i haawi ai iaia iho, a eia ka ua lilo mua kona puuwai a ua nalowale hoi ka wahine.

            Eia nae ua hoemi ia mai kona manao pilihua i kona ike ana aohe mea nana e keakea i kona mare ana i keia manawa a ua kuhohonu maoli kona manao i lilo i ka mea ana e halia mau nei.

            Ua hoi hou aku la no o Alani iloko o ka lumi mamua o ko Miss Vana Asadela hoi ana, a i kona manawa i makaukau ai e ku iluna no ka hoi ana ua noi aku la oia in a he mea hiki iaia ke hele pu me ia.

            He mea ia i ike pinepine ole ia i kona wa e hoi ai. O kona ano e hoike mai ana he wahi manao kaumaha kona no Alani a ua ike no hoi o Alani ia mea, oiai, ia wa hookahi no, aole ia i hoomaopopo pono in a paha ua oi ae kona u'i a me kona aulii ia manawa mamui o na manawa e me a pau ana i ike ai iaia.

            A is laua i hiki aku ai i ka ipuka o ka hale o kona hoa'loha, ua noi mai ia o Miss Vana Asadela." aole anei oe e komo mai ana e Kauka Livinekona?"

            "Mahalo i kou lokomaikai, aka, aohe hiki ia'u ke komo aku,: e aia kakahiaka nui loa ana makou no ka makou huakai hele, a he mau hana e ae no koe a'u e hana aku ai a Anate Macia i hoounauna mai nei ia'u e hana koke, no laila maanei no kaua e ka hoa kaawale."

            Ia wa o Miss Vana Asadela i haawi aku ai i kona lima no ka lulu lima pu ana me Alani.

            "Aohe o'u manao he mea pono ia'u ka hai ana aku ia oe i@a hoi he kaumaha au i ka hoopuka aku i ka huaolelo "good-bye." wahi a Miss Vana Asadela i olelo akau ai me ka leo b@@lulu. @@ @@ a me kou mau makou ua hoohauoli mai oukou i ka'u huakai hole a pela nohoi me na pule elua a kakou i hoohala pu iho nei ia ne'i nei, a o kekahi nohoi, he minamina au i kou kaawale aku mai ia'u aku.  Ke manao luna nei au e halawai hou ana no kaua i kekahi manawa e hiki mai ana."

            "Me ka oiaio loa, o ko'u manolana no ia," i pane mai ai o Alani me ka manao oiaio a e hoomaopopo ana hoi oia i ke anao haalulu o kela lima palupalu ana e paa ana iloko o kona lima, a me ka iini nui iloko on a a kona mau maka e hoike mai ana.

            "Ina," wahi a Alani i olelo hou mai ai, "e loaa aku ana oe ia'u i ka hale i ko makou manawa e hoi mai ai, au loaa ia'u ka oluolu o ka hele mau ana aku e ike ia oe e like me ka'u i manao ai e noho makou i Kikako no hookahi pule a oi."

            "I ka wa hea oe e hoi mai ai?" i ninau aku ai o Blanch.

            "Manao au iloko o elua mahina."

            "O ko'u wa ia e hoi aku ai i kau hale, i pane aku ai oia, me ka paa o kona manao aohe mea nana e keakea meai iaia no ka hoi ana i Kikako i kou manawa e hoi mai ai. "alaila he mea oiaio aole oe e hoopoina ana ia'u?"

            "He mea oiaio loa ia," i pane mai ai o Alani, me ka mino aka a me ka manao hoola aku ana iaia.

            "A, e Kauka Livinekona--he hookahi a'u mea i makemake ai e olelo aku ia oe.  Ina ua hoehaeha aku au ia oe i kekahi manawa mamuli o ka'u mau olelo lealea kupono ole, a i ole ia ma ke kono ana aku ia oe i na anaina lealea kupono ole, a i ole ia ma ke kono ana aku ia oe i na anaina lealea a ua lilo ia i mea ku e i kou manao, nolaila e kla mai oe ia'u.  Aole au i ike a hiki iho la i keia la--i ka popilikia i loaa koke iho nei ia oe."

            Ia wa i pii koke ae ai ka ula maluna o kona mau papalina, a piha ae ia kona mau maka i ka waimaka a me ka leo oluolu a nahenahe loa oia i  olelo aku ai, a ua lilo ia i mea na ko Alani puuwai e aloha loa ai.

            Ia wa koke no ua puliki loa iho la o Alani i kona lima a paa loa, no ka mea i ka nahenahe wale no oia i kuu mai ai.

            "Ke hai aku nei au ia oe me ka oiaio loa, e Miss Vana Asadela, aole loa oe i hoehaeha mai ia'u, oiai, he mea oiaio, ka haule ana o ku'u makuahine, a hui pu nohoi me ka hopena weliweli o kekahi mea a makou i aloha nui ai, a ua lillo ia i mea kaumaha loa ke hoomanao ae," wahi a Alani i pane mai ai, me ke kaumaha, alaila haawi aku ia oia i kona aloha iaia, a haalele aku la iaia.

            Ua hele aku la ka ohana Livinekona ma ko lakou alahele, e makaikai hele ai ma ka aoao hema o Kaleponi a me Iosemite, a aole loa i hoopoina o Alani ia Miss Vana Asadela, no ka mea e haawi mau ana no o Miss Forotinahama i ka olelo mahalo nona, a e minamina ana oia i ka hiki ole iaia ke hele pu ma ka lakou huakaihele.

            Ua lilo kela kaahele ana a lakou i mea hauoli loa, oiai, ke loaa mai la ka oluolu maikai i ka lede, ame ka ikaika kupono i kona kino, a i ka pau ana o na mahina elua a lakou e kaahele ai, e hele pololei loa an or Mr. Livinekona a me kna kaikaina wahine i Folorida i kahi o ke kaikunane o Miss Forotinahama e hoohala ai i na mahina o ka hooilo, oiai hoi o Alani i hoolohilohi aku ai mahope no kona makemake e ike i na mea hou o ka aoao komohana o Kaleponi, a me ka makaikai hele ana i kekahi mau wahi like ole, alaila hoi loa ia i Kikako.

            Aole ia i hoopoina i kana olelo hoopaa i hoopaa aku ai ia Miss Vana Asadela--he oiaio, ai a ka manao pihoihoi iloko on a no ka launa hou ana aku me ia--a o kana hana mua loa e hana ai, mahope o kona hooluolu ana iaia iho mai ka huakai hele loihi ana i hoi aku ai, o kona hele ana e ike iaia i kona home ma alanui Wabasha.

            Ua oi ae nohoi kona nan ia nawa mamua o kona ike hope ana i Kapalakiko, a ua hookipa aku iaia me ka piha hauoli.

            Iloko oia o kekahi home nani ka noho ai, a e hoopuni ia ana e na apau e loaa ai ka oluolu o ka noho oiai hoi, ua hooi ia ae ka nani o home la i kona halawai hou ana Alani Livinekona.

            Ua hooluunaia aku la oia me Mrs. Vana Asadela, a e hoike mai ana kona ano, he wahina u'i oia iloko o kona mau la, no ka mea he oia mau no ia hiohiona iloko o kona mau la luahine, a he kulana hiehie maoli no kona e hoike mai ana.

            O ka mea mua loa a Blanc i kamailio aku ai ia Alani e pili ana no ia no kona noho ana i Kikako, a mamua o ko Alani hoomaopopo ana ia mea, ua ike iho ia oia e komo ana ia iloko o kekahi poai nani loa, kahi hoi on a i jhookipai aku ai me ke aloha pumehana.

            Ua ike iho la oia ua kulike na mea a pau o ia wahi me kona makemake.

            "Manao au he mea pono i'o no ia'u ka noho paa ana i'a nei nei," i olelo iho ai o Alani iaia iho, i kekahi la: "a in a e hiki ana ke loaa ia'u kekahi wahi kupono no ka hoomaka ana i ka'u hana, manao au loaa ia'u ka pomaikai."

            Aole no i loihi loa ua hoike ia mai la ia mea iaia.  Ua hele aku oia e ike ia Miss Vana Asadela i kekahi ahiahi a loaa aku la iaia kona makua hine e kamaiho ana me ko lakou kauka ohana, oia hoi o kauka Fosdike--he keonimana aoo i mahalo nui ia a me ke kulana hanohano.  Ua kokoke e pau kana oihana o ka hele ana aku ilaila i ka wa o Alani i hiki aku ai, a mamuli o kona hoolunaia ana aku me ke kanaka opio a me ka ike pu ana nohoi he kauka nohoi oia no ke kula hookahi ana i hele ai, a he eha hoi on a mau makahiki i imi ai i ka naauao e pili ana no ka oihana lapaau i na aina e, ua hoike mai la ia i kona ano hoihoi iaia, a ua lilo iho la ia ahiahi i wa no laua e lauoa pu ai me ka houoli, oiai nole i makemake iki o Miss Blanch i ka pau loa o ka manawa o kana malihini me kekahi mea okoa.

            Ua lehulehu loa na manawa a laua hui pu ai mahope mai o kela manawa a ike iho la o Alani ke anao lilo mai la ola i punahele na ke keonimana aoo oiai.  I kekahi ia ua hoopuka mai ia oia i kekahi wahi olelo lealea:

            "O ko'u makemake, e ke kanaka opio in a he mea hiki ia'u ke hoopaa ia oe me ke kaula hao i Kikako nei."

            Ia wa o Alani i nana koke ae ai iluna.

            Malia paha o ka hoomaka ana keia e hemo o ke alahele ana e upu nei.  Ua ike mai la o Kauka Fosadike i ka manao o ke kauka opio ma ke anao o ka nanaina a kona mau maka e hoike aku ana.

            "Pehea kou manao no ka noho ia ne'i nei ma k@u wahi?" i hoommau mai a ke kronimana noo i ke kamailio ana.  "Ke anao palupalu loa mai nei au; aole hiki ia'uy ke hele ma na wahi like ole a pau o'u e kahea ia mai ai e na poe ma'i i ka wa malie a me ka wa ino e @@@ me na ia mamua, a ua nui palena @@@ ka'u poe hana e lawelawe mau nei i @@ he mamua o ka mea hiki ia'u ke lawelawe."

            "O kou manao paa anei ia. e ka mea hanohano?" i ninau aku ai o Alani me ka manao koikoi.

            "Ae, no keaha hoi? in a ua makaukau oe no ka oihana a ua oluolu hoi oe i ko'u manao i hoike aku nei la oe.  He makemake au i kou mau mano--ua ao kupono ia oe a ua ike au ua loaa ia oe ka mekaukau a in a oe e hoao ana e lawelawe i ka hana i kela manawa aohe o'u kanalua e holomua ana no oe ma kau oihana.  Ua makemake loa au e waiho i ka oihana, a i ole ia e like hoi me ka nui o ka manawa a ku'u poe ma'i e ae mai ai ia'u."

            "O ka'u no ia i manao ai ua makemake au e noho i'a ne'i nei." i oleloo aku ai o Alani.

            "Alaila e hana aku e like me kau i manao ai." wahi a ke kauka aoo i olelo mai ai me ka manao oiaio.  He makemake au ia oe--he manaoio ko'u he kanaka poopono oe, a he kanaka nohoi i hiki ke hilinai la, a in a e hiki ana ia oe ke paa i ka paulele ana a ku'u poe ma'i  e lilo ana ia i mea no'u e olioli loa ai, no ka mea aohe kupono o ka oihana ia'u i keia manawa--ua lawa au i ke dala no ke koena o ko'u mau ia i koe e ola ai ma keia ao."

            Nolaila ua noho iho la o Alani e noonoo pono no ia mea no kekahi mau ia kakaikahi, aka o ka hopena o ia e lawe mai ana ia i ke noi a Kauku Fosdike, a e lilo ana oia kekahi o na kauka lapaau ma Kikako.

            Ua olioli loa o Blanch Vana Asadela i kona lohe ana e noho loa ana o Alani i Kikako.  E lelele mau wale ana no kona oili i kona hoi aku no kona home ponoi.

            Aka i keia manawa e noho ana oia--o kona home ana ia, a e loaa ana iaia na manawa kupono o ka ahele ana iaia,.

            "E ko ana anei kona makemake? O kona manaoio maoli no la. I ka nana aku o na mea a pau aia ia iloko o kana maliu ana, a ua halawai mau laua ma na anaina lealea: oia kona hoa e hele mau ai ma na wahi like ole a pau, oiai aohe on a manao nui no na poe e ae mamua o Alanai, a e manaolana mau ana oia no ka manawa e hiki mai ana.

            A eia nae i ka hoomaka ana o na mahina kupulau ua hoike moakaka loa mai la o Miss Blanch Asadela ua kokoke loa oia i ka pahu hopu o kana mea i manao ai mamua o kana i ike ai i ka manawa on a i hookaawaleia ai me Alani LIvinekona i Kapalakiko.  He oia mau no kona ano eleeeleu, paa rula, oluolu, aka aohe ana wahi huaolelo e hoomahele aku ai i ka mea ana i iini nui e lilo oia iaia,.

            I kekahi ahiahi oiai o Alanai i hele aku ai e ike iaia, i ka nana aku ua hookaumaha anao e loa ia kona manao.  Aole loa i ike o Alani i kona ano e mamua, a mahope o ka hoao ana e huki iaia iwaho, ua ku ae ia oia iluna no ka hoi ana me ka manao, ua omaimai ia paha oia a ua makemake ole oia i kona hele ana aku me kona kono ole mai iaia.

            "O, aole oe e hoi," wahi a Blanch i olelo mai ai, i kona wa i nana ae ai iluna, me ka puiwa no kona hoi koke.  Alaila me ka mino aka e hoike mai ana ua minamina oia i kona hoi koke, ua kamailio mai la oia:

            "Ua ike no au aole au i hookipa mai nei ia oe me ka hoihoi--ua kohu lolo loa au i keia po, aka he kumu ka mea i hoea mai ai o ia anao., oia ka'u e hai aku nei ia oe me ka oiaio."

            "Manao au ua omaimai ia oe, " i olelo aku ai o Alani, me ke aloha iloko ona nona.

            He makai no au," i pane mai ai oia, "aka--ua loaa mai nei ka'u leta mai k'u kaikuaana mai, Mrs. Ovatona, i keia la, a ua makemake oia ia'u e hui koke me ia i na aina e."

            "A aole anei ililo ia huakai hele i mea nou e olioli ai, e Miss Vana Asadela?" i ninau aku ai o Alani, me ka mino aka ana.

            "Aole hiki iki ia'u ke hoomaopopo ia mea," i pane mai ai oia me na maka hoihoi ole, a e kapalili ana kona puuwai me na pana ko'iko'i, a e hoao ana hoi oia e hooki ia pana ikaika ana.  Ua hui ka huoli i loaa ia'u i keia kau hooilo a he hana nui ia e hoowalewale mai ai no ka hele ana i kahi e."

            Ua nana pono loa aku la o Alani iaia.  O kana mau huaolelo i hoopuka mai ai, o kona leao, o kona manao ua lilo ia i mea nona e ano e loa ai, a ua komo koke iho la ka manao ilihia iloko ona eia ka paha kela wahine u'i ke hoomaka mai nei e aloha iaia--a o ke kumu kela o kona kanalua ana no ka hele ana i na aina e, a i hookahi huaolelo mai iaia mai ua lilo ia i mea e lilo ano e ai no kona ola ana.

            E hoopuka mai ana anei ia ia mea?--ua aloha anei oia iaia?--ua makemake anei ia e loaa oia iaia?  Aohe ana mea e ae e ola a kona manao i ume ia aku ai, e like me kana i manao ai ma o Blanch la.  Aole hiki iaia ke pale ae i ka hoomanao ana i kona hiohiona nani, a ela nae aole oia i ike maopopo i kona noonoo ponoi iho no ke aloha ana iaia, aole hiki iaia ke wehewehe pono ia manawa i ke ano o kona puuwai ponoi, a no laila ua loaa kekahi mea nana e kaohi hope iaia mai ka hoopuka ana aku i na huaolelo i mea nona e hoohui ia ai me ia.

            Ma ke ano o ka hoohalike ana i ke ano e iloko on a, i ka nanaina o Getaruda ana i ike hope ai iaia, i ka manawa on a e ku ana ma ka lanai o ka hale o Livinekona Home, me kela helehelena kaumaha, keia mau maka hoihoi ole, a me kela ano pio o kona manaolana, oiai me he mea ia ua kokoke loa e hiki iaia ke lohe hou i kela leo kaumaha, ana i olelo mai ai.  "O, e Alanai, ua kaumaha, ua kaumaha au no na mea a pau!" a @a wa i komo iho ai ka manao aloha iloko on a nona mamua o kekahi mea ola okoa e ae iloko o ke ao nei.

            Ua hiki iaia ke huli aku i hope i kela manawa a nana mai kjela hora mai anan i hoowaha ai e aloha iaia me ke aloha wela ana i manaoio ole ai ua pono ia.

            He oiaio ua nalowale aku oia mai ka ike hou ana a kona mau makam a ua lanakila oia no ke koho hou ana i kokoolua nona no keia mua aku, a no keaha hoi oia e koho ole aku ai la Blanch Vana Asadela? 

            Aka, aole--ua oi aku ke koikoi o kona kaumaha ia manawa no ka hoopuka ana aku i kekahi mau olelo hooipoipo i kekahi mea okoa.

            Ua jkomo mai la keai mau mea a pau iloko o kona noonoo me he anapu hikiwawe ana ia a ka uila oiai oia i hoomaha iki iho@@ mahope o ka Blanch oleolo hope i oi@@@@@@@ai ai iaia, a aohe mea hookahi @@@@@@ manao mau ana iloko on a iaia @@@@@@io aku ai me ka mino aka ana:

            "Aole loa oe i ike? O Ka'u i manao wale ai o ka iini nui ia a na lede opio pio a pau o ka hele no kekahi huakai i Europa."

            "Ae, a o au no kekahi i iini no ia mea. Ua lana loa ko'u manao e hele pu me ku'u kaikuaana, aka nohe ia o ka manawa maikai, a i keia manawa ua pau ko'u makemake no ka hele ana.  Malia paha no ka nui o ka hauoli i loaa iho ne ia'u i kela mau la." i pane mai ai ola, iaia i huli ae ai a nana iaia.

            "Ua uni io no ka hauoli i loaa i keia kau, e Miss Vana Asadela, a ke hillinai nei au me ka hooia ana aku e hoonui hou ia mai ia mea."  Ua ku ae la oia iluna a olelo hou aku la.  "He manaolana ko'u hele ana a hui pu me kou kaikuaana aole loa ia e lilo ana i mea luhi i ka hooholo ana. Iloko o hookahi a i ole ia elua la e hele hou mai ai au e hoolohe i ka hopena o kau mea i noonoo ai me ke akuhele maluna o ke kumu manao."

            Ia wa olia i haawi aku ai i kona lima iaia e like me kana hana maa mau alaila hoi aku la ia.

            He umi minute @@@ mai me he mea la ua ike ia aku @@@@ u'i la e moe ana oia iluna o ko@@@@@@@@@ me @@ huli o kona alo ilalo, e uwe ana me ka ehaeha nui.

            Ua hoi aku la o Kauka Livinekona me ka noonoo kaumaha loa.  I ka nana aku me he mea ia he mau hana lokoino wai no ka ke ao nei i haawi aku ai iaia oiai na makahiki hope i hala ae.  Ua lilo ola i keehina wawae no na mea oluolu ole a pau.

            "O, Getaruda, aole loa au i hoomaopopo mamua pehea ia ka nui o ko'u aloha ia oe!" wahi a Alani i namunamu liilii iho ai, iaia i koe ae ai ia ke kukaepele no ka ho-a ana i ke kuku ea o loko o kona keena hana.

            I ka malamalama i pahola ae ai a puni ka lumi ua ike aku ia oia i kekahi leta e waiho mai ana iluna o ke pakaukau.  O ka limakakau o kona makuakane ke kau ana mawaho o ka wa-hi aa ua like ole nohoi me kona limakakau maa mau.  Ua uhae ae la oia i ua leta la a haule iho ana ka lua o ka leta iluna o ka papahelel.

            Me ka eleu o ka ike o ko Alani mau maka ua pau iho ia ia ka heluhelula na wahi lalani kakaikahi a kona makuakane i kakau mai ai--he mau lalani hoi i kakaula me ka awiwi a me ka pihoihoi nui--iaia i heluhelu ai ua loli ae la kona helehelena a like me ke keokeo o ka pepa, a haalulu iho la kona lima a hiki i ka manawa o keia leta i nakeke ai.

            I ka manawa i pau ai o kana heluhelu ana ua hikaka hele aku la oia a hiki i kona noho ana iluna o kekahi noho a nana pono loa aku ia oia i ka lua o ka leta e waiho mai ana iluna o ka papahele.

            "Ke hookaikai aku nei au i na Lani i ku'u hana ole ana ia mea!" wahi ana i hoopuka ae ai me ka leao mumule a kupinai aku la ia leao a puni ka lumi.

            I ka la elima o Augate a me ka la mahope mai o ko Alani Livinekona hoi ana aku, ka wa hoi a ka ohana o Getaruda e huli hele ana i ke kaikamahine i nalowale iloko o ka ua a me ka pouli a e hoopuka mai ana hoi kekahi moku-ahi mai ke awa mai o Nu Ioka mai waena mai o ko lakou puulu moku e ae, a holo aku la ma kana huakai au moana.

            Ua piha oluna o kona oneki i na ohua.  Me ka nee malie loa oia i holoae ai mawaho o ke awa a hiki i kona nalowale loa ana aku mai ka ike ana a ka poe e hoomau ana i ke kiai ana iaia.

            I kona kaa pono ana aku malalo o kahi i kapaia o Sande Huka ua haalele aku  la ke pailata iaia. Ua hoomau aku la oia i kona nee ana imua me ka hooma-lo ia ana ae o kona mau pe'a e kekahi makani ikaika  e pa mai ana mai ma ka hikina, a e hana ana na enegini i kona mana me kona mau ku'e ikaika mai mua a hope  o ka moku, a hiki i ka hoopaa ana i kona holo ana ia manawa koke no, hoomaka iho la na ohua e pio-o mne ka noonoo ana ua loaa kekahi pilikia ia lakou mai ka hoomaka loa ana aku no o ko lakou huakai

            Ua ike ia aku la na sela moku e holo ke mai ana i o a i'a ne'i o ka oneki a akoakoa like ae la lakou mawaena konu o ka moku, alaila ua kauoha ia aku la kekahi waepa e hookuu ia ilalo a hoo maka aku la na kanaka e hoe me ko lakou ikaika a pau ma kahi a lakou e ike ana i kekahi wahi mea uuku mamua pono o ka ihu o ko lakou waapa.

            "Heaha keia?  Ua loohia anei kekai mea?  Ua poino anaei kakou?  Ola kekahi o na ninau a na ohua i ninau aku ai i ke kapena a lakou i akoakoa like mai ai a puni oia no ka makemake e ike i ke kumu o keia mau hana ano e.

            Aohe, aohe mea i loohjia, aohe nohoi he pilikia, a ke kapena i olelo aku ai, koe wale no ua ike la kekahi wahi waapa uuku mamua pono aku o lakou, a i ka nana aku me he mea la aia no kekahi mea iluna on a, a ua hoouna aku oia i kekahi poe sela e nana pono ia mea.

            Ua piha hookeke iho la oluna o ka oneki ia manawa me ka makaala loa o kela ame keia, ame ka pihoihoi nui nohoi e ike owai ia ka mea e noho ana iloko o ka pilikia iluna o kela wahi waapa uuku.

            Ua lawela mai la na ohe nana ikaika loa o ka ike, a ua hiki ia lakou ke ike aku he wahi waapa uuku loa kela.  I kupono'ole ke pale aku i na ale ahiu o ka moana.  I kona ike pono loa ia ana aku ua ike ia aku la kona pena keokeo, me ka molina gula ma kona ka'e oiai iloko on a ua ike moakaka ia aku kekahi mea e moe ana me ka ike ole i kana mea e hana ai.

(Aole i pau.)

----------------

O na keiki kinai ahi, aia ko lakou mau ola iloko o ka pilikia mai na pohaku uinihapa e haule mai ana ame ka wela o ke ahi a lakou e hoao ana e kinai.  Aole loa i kupono ia lakou he noho me ka hoolako ole i ka laau hamo eha a Chamberlain.  Aole he laau e aku i oi ae ka maikai mamua o keia no ka pauahi ame na eha e ae ola ano.  E loaa no ma ka Hale Kuai Laau o Benson Smith & Co., na Agena kuai nui.

---------------

            I keia Poalua ae e holo ai ka bana Lahui no Maui.  E ku mua ana lakou ma Lahaina a mai laila aku e holo loa ai no Wailuku, Makawao, ame na wahi nui o kanaka .

---------------

            O na daia apau e loaa ana mai ke keaka o na kaikamahine o ke kula o Kamehameha i ka po o ka la apopo, e hoolilo ia ana no ka hoouna ana i kekahi kaikamahine Hawaii i Amerika.  E kokoua ia kakou Hawaii iho.