Ka Nupepa Kuokoa, Volume XL, Number 19, 9 May 1902 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, MEI @, 1902     8

HOOLAHA KUMAU.

 

Ka Hui Alahao ame Aina o Oahu

Mai a Mahope aku o Ianuari 1, 1902

MANAWA HOLO

WAHI

HOOLELE.

@ Honolulu

me.

Na la apau koe ko Sabati

Na la apau

Na la apau koe ko Sabati

Na la apau.

Na la apau.

                                                a.m.     a.m.     p.m.     p.m.     p.m.

@no Ania        .           .           7:10    9:15    11:05    8:35    5:10

@mi City        .           .           8:02    9:48    11:48    8:48    5:30

@ ia Hill          .           .           8:23   10:06   12:08    4:06    6:30

@o nae            .           .           .....     10:50    .......     4:36     .....

@ loa               .           .           .....     11:56    .....       5:49     .....

@ olu              .           .           .....     12:55    .....       6:25     .....

 

@ noho mai

@ai ka

WAHI

HOOLULU.

@ ma

@ adai e.

Na la apau koe ko Sabati.

Na la apau.

Na la apau.

Na apau.

a.m.     a.m.     p.m.     p.m.

@ oku             .           .           .....    5:35    .....     2:08

@ aina             .           .           .....    6:10    .....     2:50

@ eane            .           .           .....    7:10    .....     3:56

@ Mill             .           .         5:50    7:46    1:25   4:38

@ City            .           .           .         6:10    8:08    1:30   4:52

@ ala Piant      .           .         6:50    8:25    8:35   5:28

G. P. DENISON, Luna.                         

F. C. SMITH,                     

Luna Kuai Palapala Holo

Metropolitan Meat Co

@  pi Metropolitan

@ J. WALLER - - Luna Nu

@e Kuai a Hoolako i na Moku

ME

@na lo Pipi, Hipa a pela'ku.

@o mau ana na Manu a me na Kama@

no i hoohuihuiia iloko o ka hau.

@amepono ke kuai i na Io Pipi maanei.

@ Nele mai hookahi, hele mai a pau.

@ TELEPONA HELU          :           : 65

2786-tf

 

KAKELA ME KUKE

(KAUPALENAIA.)

@oe Kakepa ma ke Komisina

A HE

Poe Lawelawe Kopaa.

@E POE AGENA NO NA MA

HIKO LEHULEHU

 

A MAALAHI KEIA MANAWA

 

HE HIKI KE HUKI A HOOPIHAIA NA NIHO POPO ME KA EHA OLE malalo o na paahana ana o keia au naauao e kapiliia ai i ka io o ka papa niho.  Aohe hanaia i ka laau hoohiamoe.

  O keia wale no kahi huki a hana niho ma Honolulu nei i loaa na PAAHANA I HOOPAAIA me na mea e ae e hiki ai ke huki, hoopiha a hoopaa i poo gula a puna paha e hiki ole ai ke ikeia ke ano e mai ka niho maoli ae, a e paa no ia no umi makahiki malalo o ka hoopaa ana, me ka LOAA OLE O KEKAHI HUNAHUNA O KA EHA.  He POE WALE NO I HOONAAUAO A HOOKUU MAIKAI IA na poe lawelawe, he poe i lawelawe mua ma keia oihana mai ka 12 a i ka 20 makahiki, a he loaa ma ke poo o na mahele like ole o keia oihana.  E kipa mai lo makou nui. a e ike no auanei oukou i ka oiaio o ka makou e hoolaha nei.  E hoike mua aku no makou ia oukou i ka nui o ko oukou lilo i ka wa e NANA MUA AI ME KA UKU OLE.

            Paa Niho Ku'i................................................................$5.00

            Niho Gula....................................................................... 5.00

            Hoopiha ana me ke Gula................................................ 1.00

            Hoopiha ana me ke Dala................................................   .50

            NEW YORK DENTAL PARLORS.

            Room 4, Elite Building,  Alanui Hotele.

He mau kokuawahine no kekahi no na wahine

 

  Aia wale no me ke kino ikaika e hiki ai i kekahi kanaka ke hoomanawanui i na ehaeha a ka ma'i ke hiki mai.  Aka ma na malama ia ka laau Pain Killer ma hou kale aole loa e hiki ana ia @ mau ehaeha ke mau.  Aole e aia ana no ka manawa aka no ka wa mau ma.  Mai haalele i ka hoao ana i na maikai o ka Laau Pain Killer.  E rana poao i na laau pololei ole oiai he @ wale no laau pololei a oia ka P@ Davis.  Kumukuai 25 ame 50 keneta.

GETERUDA WINA

Ke Kaikamahine iloko o ka Hoinoia.

Mareia no ka Waiwai, aole no ke Aloha.

  Ua ike kakou e na makamaka heluhelu i ko Alani ano i kona wa i heluhelu ai i keia leta; i ka laweia ana aku o ka ikaika a pau mai kona kino aku. a me kona haule ana a noho iluna o kekahi noho, a nana pono loa mai la i ka lua o ka leta e waiho ana iluna o ka papahele, a e manao ana nohoi me he mea ia he leta ia i hoea aku mai ka make mai.

  A o kana hana hope i hana ai ua kulou iho ia oia ilalo e lalau ai i ka leta, e haalulu ana hoi kona lima , a ua hele nohoi kona helehelena a haikea.

  "He keu aku no paha ke ano e o ko kaua hopena, e kuu Getaruda," i namunamu liilii iho ai oia, iaia i hoi iho ai i ka inoa ana i kakau ai maluna o ka wa-hi leta, "ina nohoi i oi aku ko'u naauao ia wa e like me keia wa, me nei aole loa au e ae i na olelo hooweliweli a me na olelo kauoha a kuu makuakane - ua oi aku ka pono, ina au i noonoo mua me ke akahele."

  Ua wehe ae ia oia i ka leta i ano paoa i ke aia a heluhelu iho la mai ka mua a ka hope, a hoike mai la kona helehelena i ke kaumaha maoli.

  Aohe mea i hiki ke hoomaopopo i na eha walania i hoopihaia ai kona naau iaia i noho iho ai ma kela wahi a hoomanao i na mea o ka wa i hala ae, me ka hoomaopopo ana nohoi he mea ano e loa ke komo ana iho o ke aloha iloko ona no ka wahine, ana hoi i manao ai aole loa oia i kulike me kona ano; o ka mea nohoi ia ana i hoowahawaha loa ai, a hehe hookahi aku ai oia ma kana huakai hele.

  Ua komo mai la ka hoomaopopo ana iloko ona i kela wa e nalo aku ana ka nani e poai puni ana ia Miss Vana Asadela.  I ka ike ana eia no o Getaruda ke oia nei ua lilo loa iho la ia i mea nona e lini loa ai iaia, e makemake hou ana i kona aloha a me ka launa hou ana, a oia ka mea nana i kapae ae i na mea like ole a pau mahope.

  Aole i loaa iki ka moe maikai ia Alani i kela po.  Iloko oia o kona keena oihana kahi i holoholo ai i o a ia nei a hiki wale i ke kani ana o ka hora eha e ke kakahiaka.  me ka piha o kona noonoo me na manao walania like ole, alaila, maluhiluhi wale iho la no, a hoi aku la oia a moe iluna o kekahi punee. a maluna o laila oia kahi i moe ai me ka noonoo mau ana a hiki i ka wehe ana mai o ke alaula, a o kona manawa ia e hoomaka hou ai i kana hana no kona noho ana o keia mua aku.

  Ua piha loa iho la nohoi oia me ke kaumaha no Miss Vana Asadela.  Ua maopopo loa iaia ua aloha keia kaikamahine iaia, oiai nae, aole oia i hoopuka aku i hookahi huaolelo o ke aloha iaia.

  I ka hoea ana mai o ke kakahiaka ua like ko Alani helehelena me kekahi mea i moe loihi i kahi moe no ka nawaliwali.  O kona moe ole ana i kela po a me na manao kaumaha oia ka mea nana i hoano e loa iaia.  Aka, ua hana iho la no oia i kana e like me ka mea mau, a hooikaika iho la nohoi e hele e ike i kana poe ma'i.

  Oiai i kela awakea, iaia e hele ana ma ke alanui Mikikana no ka hele ana e ike i kekahi wahi keiki uuku, ana i aloha loa ai oiai oia i kaa mai ai no kekahi wa loihi, ua halawai pu iho ia oia he alo no he alo me Blanch Vana Asadela.

  Ua hooho mai la oia me ka leo puiwa i ka ike ana mai iaia.

  "Kauka Livinekona, heaha ka mea i loohia ia oe?"

  "Ka mea i loohia ia'u?" i ninau mai ai oia, me he mea aole ia i hoomaopopo i kona manao.

  "Ae: he nanaina pilihua loa kou i keia kakahiaka."

  "He wahi nuhou hoopuiwa loa ka i loaa mai ia'u i kela ahiahi aku nei, a oia ka mea nana i hoopilikia loa mai ia'u," i pane aku ai o Alani me ke kaumaha.

  "Me he mea la he nuhou ano koikoi loa nohoi ka i loaa mai ia oe, i hele ai kou nanaina a ano e like me keia."  i olelo mai ai o Miss Vana Asadela me kona noii loa ana mai i ke ano o ko Alani helehelena.

  "He mea ia e kono mai ia'u e haalele ia Kikako nei no kekahi manawa, Eia au ke hoomakaukau nei no ka hele koke ana."

  "O ka manao o keia hele koke ano i keia la ane?" i ninau mai ai o Blanch, me ka hoao ana iho a mino aka, oiai ua mae mai la ka nanaina o kona helehelena u'i i kona lohe ana i keia nuhou hoohikilele.

  "O ka manao o ia i ka la apopo, ina e hiki ana ia'u ke hooponopono koke no ko'u hele ana: a, e Miss Vana Asadela. ina oe e ae mai ana ia'u, alaila hiki aku au i ou ia i keia ahiahi no ka haawi ana i ko'u aloha."

  I kona lohe ana i kela mau huaolelo ua hoike mai la kona helehelena i ka hoihoi.

  Ua manao iho Ia oia e hele aku ana oia e hai i kona aloha iaia, a noi aku hoi iaia e lilo oia i wahine nana i kona wa e hoi hou mai ai.

  "E hele mai ma na ano a pau," i pane mai ai oia: "aka, ke hilinai nei au aole i lilo ana kou hele ana mai e haawi i kou aloha he mea ia nou e kaawale loihi aku ai.  He oiaio, aole e hiki ana ia oe ke noonoo no ke kaawale loihi ana aku." i olelo hou aku ai oia me ka pihoihoi.

  "Aole hiki ia'u ke hai aku la oe pehea ia ka loihi. e nana aku paha i na mea e hiki mai aua.  Aka, i keia po au e hai aku ai ia oe i na mea apau.  E pono au e hele i keia manawai i kuu poe mai.

  Ia wa oia i wehe ae ai i kona papale. a aloha aku ia iaia, a hele aku la ma kona aiahelei aka, i kela la holookoa ua lilo iho ia ko Blanch helehelena kaumaha i mea nana e noonoo nui ai. a manao iho la ia o ka hana pono wale no ana e hana ai ia wa o ka haalele koke ia Kikako. no ka mea. ua ike iho ia oia me ka moakaka loa o ka noho ana iho he mea ia e hoopilikia loa aku ana i ko Miss Vana Asadela noho ana.

    I ka hora ewalu o keia ahiahi ua ku aku la oia mamua o kona ipuka komo: a i kona komo ana aku ua alakai ia aku la oia iloko o kekahi rumi hookipa ueku. kahi hoi ana e kali mai ana iaia.

  I ko Alani komo ana aku ua ku ao la oia kana a haawi mai la i kona lima, a loha koke mai ia hana mau maka me ka pihoihoi.

  "Manao au aohe oe i haalele aku nei e kekahi mau wahi ae i makemake ai e hele i keia ahiahi no ko'u hele ana mai nei." i olelo aku ai o Alani, iaia i leha aku ai i kona lole nani e komo ana.

  "Ke hai aku nei au ia me ka oiaio loa. aole loa pela." i pane mai ai o Miss Vana Asadela: "aka, ua oi aku ko'u olioli i kou hele ana mai nei. no ka mea, aole hiki ia'u ke hoohauoli ia'u iho ina au e hele ana i kekahi wahi, oiai, ua uluhia loa ia au me kou helehelena kaumaha i kakahiaka nei."

  "Ua kaumaha au i ka lilo ana o ko'u helehelena kaumaha i mea na kou manao e oluolu ole ai, aole o'u makemake i lilo ko'u haalele ana iho i mea na kou manao e pilihua ai.  He leta ka i loaa mai ia'u mai kuu makuakane mai i kela ahiahi aku nei, me na nuhou e kono mai ana ia'u e hoi hou i Europa me ka hookaulua ole."

  "E hoi hou i Europa!" i hoopuka hou mai ai o Blanch i kela poe huaolelo me ka haikea o kona helehelena.

  "Ae," i pane aku ai o Alani me ka umii e lou ana i kona iwi aoao, iaia i hoomaopopo aku ai i ka helehelena kaumaha o ke kaikamahine. "Aohe wahi manao o ia ano iloko o'u i ko'u wa i haalele iho ai ia oe i kela ahiahi aku nei.  He hoolale hikiwawe loa keia o ka hiki ana mai nei. a me mea kaumaha loa no'u ka haalele ana iho i ka'u hana, oiai, ua ano hookuonoono pono iho hoi ka noho ana; aka nae," i olelo hou aku ai oia me ka iini nui iloko o kona. "ina e ko ana ka hana a'u e hele nei i na aina e, alaila, ua makepono ko'u hele ana."

  "E loihi ana anei kou manawa e kaawale aku ai?" i ninau mai ai o Blanch me kona hoao ana e uumi i ka haalulu o koa leo.

  "Aole hiki ia'u ke hai aku ia oe," i pane aku ai oia me ka manao luuluu. "Aohe o'u manaolana pela.  A nolaila, e Miss Vana Asadela, ke haawi aku nei au i ko'u mahalo ia oe no kou hookipa aloha ana aku ia'u, he mea malihini iloko o kou kulanakauhale.  He lehulehu wale na hora a kaua i luana pu ai me ka oluolu, a i ko'u wa e hoi hou mai ai, ina au e hapai hou ana i ka'u hana me Kauka Fosdike, ke hilinai nei au e hookipa aku ana no oe la'u ma ke ano he hoa'loha kahiko."

  "Aohe hiki ia'u ke manao ae he mea okoa mamua o ia mea he haaheo i ka ike ana e hoomau ana no o Kauka Livinekona i kona noho hoa'loha ana me a'u, a e hoomaopopo oe he hookipa pumehana ana kou i ka wa au e hoi hou mai ai."

  Ia wa o Alani i haawi aku ai i kona lima iaia, a olelo aku la:

  "Aloha oe, e Miss Vana Asadela; a e kau mai na hoopomaikai ana a pau a me na hoohauoli ana maluna ou."

  Ua hele pu aku ia o Miss Vana Asadela me ia a hiki i ka lumi nui iwaho loa, a haawi aku la i kona aloha ahiahi iaia; aka, o kela koele o ka pani ana mai o Alani i ka puka ua like ia me kekahi bele kanikau e kanikau ana i kekahi mea make.

  Mahope iho o ko Alani haalele ana aku ia Miss Vana Asadela ua pololei loa aku la oia a hiki o Kauka Fosdike, a haiaku la iaia me ka oiaio loa i ka moolelo piha o kona oia ana.

  "Ina aole e loaa ana kuu wahine ia'u, e ke kauka, e hoi hou mai ana no au me oe," i olelo aku ai o Alani, aka, ke kaumaha loa la kona manao i ka mea i maopopo ole mamua ona.  Ua hookaawale iho la na kauka elua me ka lulu lima aloha ana, oiai ua minamina loa iho la laua i ko laua noho aloha ana i keia mau mahine, kakaikahi o ka hana pu ana i ka hana.

  He elua ia mahope mai ua hoea aku la o Alani i Nu Ioka me ka ninaninau hele ana i na keena oihana a pau o na laina moku like ole e pili ana no ka loaa ana o kekahi kaikamahine i ka moana i ka makahiki i hala.

  Ua ko kona makemake i ka loaa ana aku iaia o ke kapena o ka mokuahi nana i hoopakele o Getaruda, a lohe mai iaia mai i na mea a pau e pili ana nona.  Aka, mahope mai o kona waihoia ana aku malalo o ka lawelawe ana o ke kauka o ka moku, ua hai pu mai la nohoi oia ua loaa iaia na lawelawe maikai ana, nolaila, ua manao iho la oia aohe nohoi ana hana e hana aku ai iaia. a pau iho la kona hele ana e ike iaia.  Ua ike ola i kekahi lede a me ke keonimana e hele mau ana e makaala i kona waiho ana iloko o ka nawaliwali, aka, aohe ona hoomanao i ko laua mau inoa.

  Ua lilo iho la keia lohe ana o Alani i mea hoomake loa  i kona manao, a maopopo ole iho laia i kana mea e hana ai.  Me he mea la ua like loa keia me kekahi hana naaupo i ka pono hana wale aku no aohe i ike i ke ano o ka hana e hana aku ai, a lana hou ae la no kona manao no ka hoi hou ana i Kikako, a me kana oihana, a haalele loa i ka imi ana i ka mea ana i iini loa ai e loaa.  Aka, ua ike iho la no oia aole e loaa ana iaia ka maha oluolu-e lilo ana ia i mea hoolauwili mai i kona noonoo i kona wa e hana ai i kana hana. oiai oia e noho ana me ka maopopo ole i ka mea e pili ana no Getaruda.  No ka mea. ua ike oia eia no ia ke ola nei a ua iini loa hoi oia o kona loaa aku a loaa pu nohoi me kona aloha.

  "Aole au e haawi pio ana, e hoomau ana no au i ka hele imua-e imi ana au iaia ma na wahi like ole a pau a hiki i ka piha ana o ka makahiki, me ka hilinai ana i na mea a pau a kuu makuahine i hoike mai ai ia'u. a malalo o ia kuhikuhi ana au e hele ai i mea nana e kokua mai ia'u i ka ike ana aku iaia.  Aole loa e ko kuu makemake ina aole au e hoao ana, nolaila, e haawi ana aui hookahi makahiki no ka huli ana: a ina e haule ana ko'u manaolana e hoi hou ana au me Kauka Fosdike, e like me ka'u i olelo aku ai iaia."

  Ua hooholo iho la oia i kona manao i Parisa ola e hele mua ai, oiai, ilaila kana leta kahi i kakauia ai.

  He elua ona mahina o ka noho ana ilaila: aka, aohe nae he mea i loaa iaia, no ka mea, aohe ona lohe iki i kekahi mau mea ano hou no kekahi mea malihini i hiki aku ilaila, alaila, manao iho la ia ua loihi loa paha kona haalele ana iho ia Parisa, a i ole ia, o kona haalele koke ana iho no paha ia mamua o kona hiki ana aku ilaila.

  Ua hehe aku oia i Felorena, Viena a me Roma, me ka noho ana he mau pule lehulehu iloko o ia oie kulanakauhale pakahi. aka, ua ike no ka hopena me na la e noho ana i Parisa. a o ka hopena i ike ia ua hoomaka mai la oia e ana maluhiluhi.

  "Aole loa oia e loaa ana ia'u." i olelo iho ai oia, me ka manaolana pio. i kekahi ia ana i hoi hou mai ai kona hotele i Bruseia, me ka aneane loa e loohia i ka aawaliwali no ka luhi a me ka pihoihoi a ka napu.  Manao au he kaua waiwai ole loa keia a'u e auwana hele nei maluna o ka ili o ka honua no ka imi ana i ka mea i maopopo ole ia'u.  A eia nae, aole hiki ia'u ke haalele i ke ana ia hana.  Ua like no au aole loa e maha ana ko'u noonoo a hiki ia ka loaa ana o kuu wahine ia'u."

  Ma ka ipuka oiao kekahi hale-paikii kahi i ku ai, e nana pono ana i kekahi poe kii oiai, oia e kamailio wale ana no iaia iho. aka, ua huli koke ae ia oia i ka lohe ana aku o kona mau pepeiao i kekahi kapuai wawae e hele mai ana a me ka o-we o ka hu'a o kona lole iluna o ka papahele.  Aole no i loihi loa ua maalo ae la kekahi wahine mamua ona. a komo aku la iloko o kekahi lumi hookipa uuku, he mau kapuai pokole wale no mai kahi ana e ku ana.

  Ua puiwa koke aw la ko Alani Livinekona manao ia wa.

  "He wahine loihi. me ka oiwi kino hiehie, a he nani kona kulana ma na ano a pau: he helehelena kona i like ka maemae mo ko ka mabala eia nae he kino ola maikai kona a he ano hoihoi; he lauoho haulaula, a he mau maka ohaha maikai. o ke kuhikuhi ia a kuu makuahine i hoike mai ai ia'u i kona ano. a aole au i ike i kekahi mea e like me ia ke ano, o keia kaikamahine wale no i nalo aku nei mai ka ike hou ana a ko'u mau maka." i namunamu liilii iho ai oia iaia iho me ka noonoo nui ana, iaia e nana pono aku ai iloko o ka lumi o ka lede i komo aku ai.

  Ia wa koke no ua lohe aku la oia i kekahi mea e hookani mai ana i kekahi leo mele iluna o ka piano, alaila, poha mai ana kekahi leo moakaka mai kai ma ka himeni ana.

  Ua ku iho la o Alani me ka hoolohe pono loa ana, a hoike mai la kona helehelena i ka hoihoi a me ka mahalo.

  "Ua kakau mai kuu makuahine ia'u he leo nani ko Getaruda; ua hiki anei ia'u ke hoola ae ua loaa oia ia'u i keia manawa?" i ninau iho ai oia iaia iho. me ka manao pihoihoi loa iloko o kona naau.

  Ua hoomau ia iho la keia manao e ulu iloko ona. a paa iho la kona manao aole oia e hoohala ana i ka ike hou ana i ka helehelena o kela kaikamahine u'i ka mea nana i ume aku i kona noonoo, a hiki wale i ka aina awakea o kekahi ia ae, a oia kona wa i hoea mai ai me kekahi keonimana a me ka lede aoo, i ka nana aku ua lilo oia i mea punahele loa ia laua.

  Mahope iho o ka aina awakea ua hele aku la oia iloko o ke keena oihana o ka hotele e nana ai iloko o na buke, ina e loaa ana iaia na inoa o kela poe ekolu a kona manao i kau nui ai.  Ua ike no oia he poe hou kela o ka hoea ana aku ilaila, no ka mea, aohe oia i ike i kekahi poe e like me ia ke ano i ka pule hookahi ana i noho ai ilaila.

  Ua loaa aku la iaia he ekolu poe inoa, ana i manao ai o ko lakou inoa ia, mawaena o na poe i hiki aku i ka la ma mua iho.

  "O Mr. a me Mrs. Weba, a me Miss H.G. Weba, Kikako, Ilinoi, Amerika Huipuia."

  Ua hoihoi loa iho la ko Alani manao i ka heluhelu ana i keia poe inoa.

  He poe Amerika keia; aohe kulike o ka helehelena o ka lede opio i ka helehelena o ka lede a me ke keonimana i hele pu mai ai me ia, a ua hoomaopopo aku oia i ke ano o kana kahea ana ia laua e like me (Auntie) makuahine ma ka hanauna, a pela nohoi me (Uncle) makuakane ma ka hanauna, oiai. o kona mau huakumu mua elua ua like loa ia me ko Getaruda.  O Helena Getaruda kona ino, a manao iho la oia ua makemake loa keia mau mea iaia i kona wa i hoopakeleia mai ai mai ka popilikia mai o ka moana, a malia paha ua lohe laua i kekahi mea e pili ana i kona moolelo a manao no e hookaawale ia mau hoohihia ana a pau, a lawe ai laua iaia i hoa kaahele no laua-a malia paha ua makemake laua e lawe iaia i hanai na laua.

  E like me ka oi ae o kona hoomanao ana ia mea, pela ka paa o kona manao aia oia ma ka meheu pololei ia wa; a ano uluku loa mai ia oia a paupauaho nohoi i ka imi ana i ka mea pohihihi, a he mea paakiki loa iaia ke kali ana a hiki i ka hoea hou ana mai o kekahi ia ae no kekahi manao ana i hooholo ai nana ponoi no e hoolauna aku iaia iho i ka ohana Weba me ka hoike ana aku he hoa makaainana oia no lakou.

  Aole i loaa iaia ka hiamoe ana i kela po; ua manaoio loa oia o ka hopena iho la ia i mea hoohia-a loa iaia a hiki wale i ka puka ana mai o ka malamalama akahi no oia a haule iloko o kekahi hiamoe kulipolipo, a oia kona wa i moeuhane ai, e uhai hele ana oia ia Getaruda mai kahi kihi o ka honua a i kekahi kihi, a o ka hopena o kana ike ana aku iaia ua nalowale loa aku la oia mai ka ike ana a kona mau maka me he mea la ua haule aku oia me ka hikiwawe ilalo o kekahi pali kuhoho.

  Ia manawa oia i puoho koke ae ai, a lohe aku la oia i ke kani ana mai o ka hora ewalu o la kakahiaka.  Ua ala ino ae la oia mai kona wahi ae, komo wikiwiki iho la i kona lole. a iho koke aku la ilalo no kona aina kakahiaka.  Aohe ka ohana Weba i hoea mai, a he poe malihini ka poe e noho ana ma ko lakou wahi.

  Ua ninau alu la oia i ke kuene aia la ihea la ka poe mua e noho ana ma ia wahi i ke ahiahi iho mamua.

  "A, e ka mea hanohano-o Madame a me Mademoisele Weba?" i ninau mai ai ke kanaka.

  "Ae." i olelo aku ai o Alani me ka kapalili o kona houpo.

  "Ua hala aku nei!" oia ka pane i paneia mai ai ma ka olelo Farani.

  "Ua hala! Ihea?"

  "I Ladana, ma ke alahele ma Hava. e ka mea hanohano, i ka hora ehiku me iwakalua nei."

  Ia wa i pau koke ae ai ka ono o ka Alani ai ana. a hoike mai ia kona helehelena i ke ano hoka.

  Ua hele aku la oia a ke keena oihana. hoomaopopo aku la i ka manawa o kekahi kaa ahi hou mai e haalele ai no Hava, uku aku ia i kona aie, kau iho la iluna o ke kaa lio. a holo aku la no ka hale hoolulu kaa ahi, a ilaila oia kahi i kali ai me ka uluhua a hiki i ka makaukau ana o ke kaa ahi e holo. a eia hou oia ma kona alahele e ho-aa hele nie me ka moeuhane mua ole aohe a loaa ana iaia ka hua o keia imi ana. aole nohoi oia i halawai mua me kana wahine.

  Ia wa no, me ko Getaruda ike ole mai eia kana kane ke imi hele nei iaia, he mau hana okoa kana e hana ana mamuli o ka ike i loaa iaia.

  Oiai kana aikane. Rose Tela. e noho ano no i Parisa. ua hoohala ia ka manawa me ka piha olioli.  Ua hoopoina oia i kona mau ehaeha ponoi. i na mea a pau a koe kona halawai hou ana me kana aikane. a haawi aku la oia iaia iho i ka hoolealea ana a me olioli pu ana e like me ka wa kahiko i noho hoa'loha ia ai.  Ua pili paa loa ke laua noho ana ia mau ia.

  Aka ua kaawale iho ia na aikane elua me na waimaka o ke aloha a me na minamina, a hele aku ia o Rose Tela ma kona alahele i Roma.

  He elua a ekola wale no la mahope mai ua hele holoholo makaikai aku ia o Getaruda oia hookahi wale no iloko o kekahi wahi i kapaia. Wahi de la Conocoda; ua kono ia mai na kaikamahine ana e malama ana no ka hele ana i ka holo keia me ko laua hoa paani a ano mehameha mai ia nohoi oia a me ke kaumaha o kona manao. a ike iho la oia i ke ano o kona noho ana me ka piha ehaeha o kona naau, a haohao iho la oia no ke aha no la hoi i loaa ai ke kaumaha o keia noho ana i kekahi poe, a he hauoli wale nohoi i kekahi poe, a la wa koke no ua maopopo iho la iloko ona eia kekahi mea ke uhai aku nei mahope ona a e makaala loa ana nohoi i kana hana e hana ana.

  Ua huli mai la oia a nana owai ia oia.  Ua ike iho la oia a nana owai ia oia.  Ua ike iho la oia i kona ku ana aku he alo no he alo me kekahi wahi kanaka uuku elemakule, ua hele nohoi a wiwi a ua like loa kona manaina me ka helehelena o kekahi kupapau, ua like ke keokeo o kona lauoho me ka hau, o kona mau papalina ua hele a alualu. a e a mai ana kona mau wahi maka liilii me he ahi la, a e haka pono mai ana me ke ano ahiu maluna ona.  I ka nana aku ua nawaliwali a ua haalulu na iaia o kona kono, a he hikaka ke ano o kana hele ana.

  Ua kokolo mai ia ka manao ano e a me ka makau maluna o Getaruda iaia i halawai ai he alo no he aio me kela mau maka eleele ooi a mai i kona helehelena: a mamuli o ka ulu koke ana ae o ka noonoo iloko ona ua hoomaopopo koke iho la oia ia wa he kanaka pupule kela a e hele pololei ana mamua pono ona. aka me ka manao hea la aohe maopopo iki iaia.

  Ua haalele mai la kona ikaika iaia. me he mea la ua pau he pana ana a kona puuwi no ka piha he pana ana a kona puuwi no ka piha i ka maka'u. a ua lilo ka mana o kona oni ana ae, oiai, ua lilo ia i mea hoopihoihoi loa i kona manao, no keia mea ano e o ka poai puni ana mai iaia.

  I ka wa i ike koke ai o ke kanaka me kona hoomaopopo loa ana, ua hohola mai la oia i kona mau lima imua iaia ma ke ano e nonoi mai ana, a hooho mai la oia me ka leo haalulu, a me na huaolelo Farani me ka moakaka maikai:  

  "E Getaruda, Getaruda. ua huikala mai anei oe ia'u?  Oia anei kou mea o ka hoi hou ana mai nei e hai ia'u ia mea?  E kuu hiwahiwa, ua loaa anei ia oe ke kuokoa i ka hopena loa? Ua-" alaila hooliilii loa iho la oia i kona leo me he hawanawana ana ia iaia i hookokoke loa mai ai i ke kaikamahine i piha i ka maka'u-"ua make anei oia, a e loaa ana anei ke kuleana ia'u i keia wa a no no kou hoi hou ana mai me a'u?

  Ua kuemi hope aku la o Getaruda mai iaia mai, a eia nae ua paa loa iho la kona wawae ma ia wahi: aole hiki iaia ke hookaawale aku i hookahi kapuai mai iaia mai, ina no aohe oia i kau mai i kona lima maluna ona me ka aua ana.

  He mea okoa ae no kekahi i awili pu ia me kona maka'u, oia hoi he ha'oha'o a me kekahi mea ano e.  Ua kahea mai ke kanaka iaia o Getaruda!  Pehea la oia i ike ai i kona inoa, a heaha la kona manao o ka ninau ana mai i kekahi ninau ano e iaia.

  "Ua kuhihewa paha oia ia'u no kekahi mea okoa ana i ike ai,"  wahi a Getaruda i noonoo iho ai, "aka he mea kupanaha loa ko'u kulike ana me ka mea ana i ike ai i na makahiki loihi i hala ae, a o ko'u inoa o kona inoa nohoi ia!"

  "No keaha oe e kamailio ole mai nei ia'u, e Getaruda?" i noi mai ai ke kanaka pupule me ka leo aloha, oiai oia i puliki paa iho ai i kana paa ana i kona mau lima.  "Aole hiki ia oe ke huhu mai ia'u mahope o ko'u nalowale ana i keia mau makahiki loihi.  He oiaio ua lawa ko'u hoehaehaia ana e kela hana ano e no ke kala ana aku ia mea he tausani manawa.  Aole hiki ia oe ke hoomaopopo pehea la ka nui o ko'u iini no ka lohe ana i kou leo-he leo nahenahe kou iloko o ia mau la, e kuu lei-a, ina aohe i loli e like me ka loli ana o kou helehelena, alaila, he oia mau no ka maikai i ka hoolohe ana a ka pepeiao.  A! he nani ke ano o kau himeni ana! Nau i himeni kekahi himeni, a me he mea la e laweia aku ana kuu puuwai mailoko aku o kona wahi mau, a ua moeuhane au he tausani manawa o'u i lohe ai a i ke ala ana ae eia ka he mea alakai hewa wale no i ka noonoo.

  "Ua hoao mai kekahi poe e hana i kekahi hana i mea no'u e manaoio aku ai," i hoomau mai ai oia i ke kamailio ana me he hawanawana ana ia, oiai oia i leha ae ai ma o a maanei me ka akahele, me he mea la ua maka'u oia i ka hoea mai o kekahi mea, "ua pupule ia au: aka, aole loa au pupule, e kuu hiwahiwa.  O ka pilikia wale no i loaa ia'u oia ke kaumaha a me ka ehaeha i loaa i kuu naau oiai oe i nalowale aku ai me ke ano pohihihi loa.  Ina nohoi lakou i hookuu mai ia'u e like me kela. e ae mai ia'u e hele e imi ia oe, mamua o ka hoopaa ana ia'u me ke kaulahao me he ilio la iloko o kekahi hale holoholona. a mai like loa au me kekahi hipa keiki ke akahai.  Ha! ha! aka he loihi ke alanui me ka loaa ole o na kikeekee.  Aole au e loaa ana ia lakou i keia la: me he mea la ua kokua mai na aumakua ia'u. a hookuu mai nei ia'u i ka wa kupono no ka imi ana ia oe.  Aka, pehea la oe e nana mai nei ia'u me ke ano puanuanu. e Getaruda?  No keaha oe e kamailio ole mai nei ia'u?" i hooki iho ai oia me ka nana pono loa ana iaia. a kulou loa mai la hoi oia imua no ka nana ana iloko o kona mau maka.

  "Ua kuhihewa maoli oe," i hoomaka aku ai o Getaruda e olelo oluolu me ka makau no iloko ona; "ua manao oia o au ka mea ana i ike ai i na makahiki i hala ae nei."

  "Kuhihewa!" i hooho mai ai ua kanaka pupule loa ia me ka huhu. "ua manao au he mea okoa oe!  Ha! ha! Aole oe i hoopoina i kau mau hana lealea loa a pau i hana ai a hiki no i keia wa. oiai, ua hiki i kekahi mea ke noonoo na nui kupono oe i keia manawa no ka hoomaopopo an ia mau mea mamua o ka paani ana me ka puuwai o na kane e like me ka paani ana o kekahi keiki uuku me ke kiaipopo peku-wawae.  Manao anei oe ua hiki ia oe ke hoopunipuni mai ia'u. mamuli o kau mau hana hoopohala e hoike mai nei he mea malihini oe ia'u?  He loihi ka manawa a'u i kali ai o ka loaa ia'u he wa kupono e like me kia no ka epa ia mai ma ke ano he mea paani wale no ia."

  "Aka. e Mr. --"

  "Aka. e Getaruda- aole anei o Getaruda kou inoa?" i ninau mai ai oia me ka huhu.

  "Ae." i pane aku ai no kaikamahine i piha i ka maka'u ana i hoomanao ae ai me ka weliweli i keia manawa pokole i kona hai ole ana ahu he inoa okoa.

  "Aha! alaila, o oe ia no?" i hooho mai ai ke kanaka me ka ai loli.

  "Ua ike no au.  Aole loa he Getaruda e ae me ka helehelena e like me kou.  Ua manao anei oe ua hiki ia'u ke hana iloko o na mahina loihi ekolu no ka imi ana i ke ano a pau o ka helehelena kanaka. he pena ana i keia lauoho hinuhinu. i kela lae nani, a me keia mau maka kamahao-aole anei ou hoomanao i ka wa o'u o kai pinepine aku ana ia oe aohe mea e ae i loaa na maka i like loa me hou?-a hoopoina hoi no ke aha la lana i like loa ai?  Ua manao anei oe ua hiki ia'u he hooulu wale no i ka manao he mea okoa ae kekahi i loaa ka waha me keia. me kona mau lehelehe aulii palupalu? a i ole ia, keia auwae poepoe me hana wahi mino uuku?  Aole, aole loa, e kuu hiwahiwa.  Ua ike no au e loaa ana no ia'u i kekahi manawa."

  I ke kanaka e kamailio ia ala oia ke hamohamo ia i ka lauoho o Getaruda a me kona mau papalina keokeo me kona mau lima alualu a wiwi. a e ka mea hiki wale no ia Getaruda he hana ia wa o ka noho malie me ka uwa oia ae i kana hoopapa ana.

  Pehea ana la ke ano o ka hopena e hiki mai ai?  Heaha ana la kona hana e hana ai no ka wehe ana iaia iho mai ka paa ana a kela kanaka pupule?  O, ina nohoi e maalo ae ana kekahi mea ma kela alahele. a i ole ia. hele mai hoi a kokoke iki i hiki iaia ke peahi aku e hele mai o kokua.

  Aka aohe wahi kapuai wawae e loheia aku ana, aohe nohoi poe kokoke ma ia wahi e hiki ai iaia ke kahea aku.

  Me he mea ia ua hoomaopopo ke kanaka i ka huli ana ae ona me ka hikiwawe loa no ka nana ana paha i kekahi mea, a komo iho la ka hoohuoi iloko ona i kona manao o ka huli ano e ana ae, no ka mea ua oi loa iho ia ka puliki ana a kona mau lima wiwi i ko Getaruda lima palupalu.

(Aole i pau.)

 

 

 

 Ka Manawa Me ke Dala. - O ka ma'i ka mea e pau wale ai o ka manawa ame ke dala.  Haule wale kou manawa hana a nui kou lilo i na kauka, a ma ia hana ana ua papalua ia kou poho.  Ua hiki loa ke hoopau ia keia pilikia ma ke kuai ana i kekahi laau i maopopo ka maikai. a ma ka lawe ana i keia laau i ka hoomaha mai. Ina e kuai koke ia i Omole o ka laau Koreia a Hoopaa hi a Chamberlain e ike ana oe i ka pomaikai oia kuai ana. no ka mea ma kou makaukau mau ana me keia laau apau e hiki mai ana, a aole hoi e moe ma ka wahi mae no hookahi pule e uwe ai i ka eha.  Aole he nele o ka loaa o ke ola i keia la.  Malia o ka laau ia nana e hoopakele i kou ola.  E loaa no keia laau ma na hale kuai laau apau.  O Benson Smith & Co. na Agena no Hawaii nei. 

 

Moolelo o ka Ahahui Kula Sabati o ka

Mokupuni o Oahu.

  Ua noho ka Ahahui Kula Sabati o ka Mokupuni o Oahu, ma ka "Pa Kulakahunapule" i ka hora 10 a.m. o ka la 3 o Aperila 1902.

  O Mr. Henry K. Meemano ma ka noho Lunahoomalu a o D.W. Keliiokamoku White ma ka noho Kakauolelo no ka manawa.  Ua hoomakaia na hana me ka himeni ma ka aoao 36 o ka Hoku Ao Nani ame ka manao alakai ma Mat. 5:3. ame ka pule mai ka Lunahoomalu mai.  Hoomaopopoia na lala o ka Aha i hiki mai, penei:

  Kawaiahao, E. Lilikalani (Hope Kahu) aole Elele, Kaumakapili, L.K. Nakani (Hope Kahu) Asa Kaulia Elele, Kalihi, ame Moanalua, Jos. K, Maiao Jr. (K.K.S.) Jno. Kahuena, Elele, Ewa. H.K. Meemano (K.K.S.) D. W. Keliiokamoku White Elele, Waianae, S. Mapu (K.K.S.) S. Keau Elele, Waialua, aole K.K.S.L.D. Iaea Elele, Hauula, aole K.K.S. aole Elele, Waianae, aole K.K.S.E.K. Haleakala Elele, Kaneohe, aole K.K.S.W.L. Kalihiwai Elele.

  Na Kahu Kula Sabati Nui E.P. Aikue ko na Koolau M.K. Nakuina ko na Kona.

  Na hoa o ka Aha oia no na Kahu ekalesia na elele ekalesia.

  Noi mai o Rev. K. Poai e hoomau ia no na luna mua o ka Aha i mau luna nui no keia kau.  Aponoia.  Koho ka lunahoomalu i na Rev. Jno M. Ezera.  O Rev. O. Emerson ame E.P. Aikue i Komite imi kumuhana.

  Na Rev. Jno. M. Ezera i heluhelu mai ka hoike hapa a ke komite imi kumuhana penei.

  1.  Hapalua hora haipule.  2.  Hoike kihapai a na Elele.  3.  Hoike Papahelu a na K.K.S. Apana.  4.  Hoike a na K.K.S. Nui.  5.  Ka buke "Ka Hoahana."  6.  I Kula Sabati no keia Mokupuni i ka hoike hui ma Lahaina.  7.  Koho ana i na Kahu Kula Sabati Nui.  8.  Kahi ame ka manawa e noho hou ai o keia Aha.

  Aponoia ka hoike.

  Oiai ua pau ke kumuhana ekahi i ka hanaia nolaila ua hapai ia ke kumu hana elua.

  Na Ana Kaulia i heluhelu mai i ke Kaumakapili. na Jno. Kahuena i ko Kalihi ame Moanalua. na D.W. Kiliiokamoku White i ko Ewa, na S. Keau i ko Waianae. na J.D. Iaea i ko Waialua. na E. K. Haleakahi i ko Waikane na W.L. Kailiwai i ko Kaneohe.

  Ua aponoia keia mau hoike apau.

  Hapaia ke kumuhana ekolu, na E.K. Lilikalani i ko Kawaiahao. aponoia, na L.K. Kakani i ko Kawaiahao. aponoia. na L.K. Kakani i ko Kaumakapili aponoia me na hooponopono e pili ana i ka huina haumana.

  No Joe K. Mala'o i ko Kalihi ame Moanalua. na H.K. Meemano i ko Ewa na S. Mapu i ko Waianae. na ke kakauolelo o ko Waialua. aponoia keia mau hoike.

  Hapalia ke Kumuhana 4.  Na M. K. Na ka ina i kana hoae Aponoia. I 2 na hooponopono.  Na E.P. Aikue i kana hoie Aponoia.  Noola ke kumuhana ae ma.

  Ua kamailio nui na hoa maluna o keia kuiouhana no ka pono o ka hoomau aku a hoopau paha i ke pa'i ana i kela buke, oiai na e kamailio ia ana na roi mai o Rev. O.P. Emerson a hoopanee ka aha a noho hou i ka hora 1:45 auwina la aponoia ke noi, nolaila ua hoopaneo ka Aha me ka pule a ka lunahoomalu.

  Noho hou ka Aha ma ka auwina ia Pora 1:45 elike me ka hoopanee ano Hoomakaia na hana me ka ai moni H. A. N. aoao lll ame ka pule ma! La Rev. E.S. Timoteo mai.

  Ua hoomau ia ka kamailio ana @