Ka Nupepa Kuokoa, Volume XL, Number 19, 9 May 1902 — Page 6
| This text was transcribed by: | Lehualani Concepcion |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
6
He mau Hui Kinipopo ko Kalaupapa.
E KUKULUIA ANA I HALE HOU NO KE KAUKA MA
KALAUPAPA NO KA MAMAO LOA O KA HALE KALAWAO
I ke ahiahi o ka Poakahi o keia pule i kaalele mai ai o Makawe (McVeigh), ka Luna Nui hou
o ke hakua ma’i lepera ma Molokai i keia manawa, ia Honolulu nei a hoi aku la no Kalaupapa a e noho ana hoi oia he elua, a i ole, he ekolu pule mamua o kona holo hou ana mai i ke kaona nei. Maluna o ka moku i hai ia no ka lawe ana iaia, ua ike ia kekahi mau apana papa, a i ka ninau ia ana aku, ua hoike mai la oia he papa kukulu hale ia no ke kauka o ka kahua ma’i. Ua makemake o Makawe e kukulu ia i hale no ke kauka ma Kalaupapa ika wahi nui o na ma’i, a aole hoi ma Kalawao, e like me ko keia manawa. I kekah manawa ino, wahi ana, aole he hiki i ke kauka ke hele mai mai Kalawao a hiki i Kalaupapa, a no keia kumu au pilikia kekahi poe i loaa i ka ma’i ia manawa. Ua hoike aku oia i keia mea i ka Papa Ola a ua hooholo lakou o ka hana maikai loa a lakou e hana ai oia ke kukulu ana i hale no keia kauka ma Kalaupapa a oia kela papa i lawe ia aku la.
O kekahi ukana a keia moku i lawe aku nei, he mau laau tua-tua no ka hooulu ana ma ke kahua ma’i. I’a lawe mua ia no kekahi mau laau e hooulu ma ke kahua ma’i aka aole i lawa no ka hana i manao ia, a nolaila, ua makemake o Makawe e kanu hou ia kekahi mau kumu laau a hiki i ka lawa kupono ana no ka hoola ana aku i na ma’i, ina he ola io na ma’i i keia laau e like me ka hoike e hoike ia nei. Aole he maikai o ka ulu ana o keia laau ma kalaupapa, a ua manao ka Luna Nui no ka maikai ole o ka wahi i kanu ia ai kela laau, a nolaila, e hoao an oia e kanu i keia laau ma ka wahi e ulu maikai ai.
“O ka pilikia wale no i keia manawa,” wahi a Makawe, “ua haawi ia keia laau me ka nana ole ia o ka poe o ola ana, a o ka poe hoi i ae mai e lawe i keia laau aole i malama pono ia ko lakou manawa ai laau a he elua no paha inu ana o kekahi poe. Ua makemake au e nui keia laau ma ke kahua ma’ a ua makemake nui au e haawi ia keia laau i na-ma’i me ka manao kuio a e nana ana lioi au i ko lakou ano maikai mai ame ka maikai ole paha i keia laau. Aole loa e maopopo ka maikai o ka laau i na e nana pono ole ia ka manawa lawe laau ame ke ano o ka ma’i.”
O kekahi mea ano nui loa, he mau hui kinipopo ko ke kahua ma’i. Aole o Honolulu nei wale nohoi ke paani a hoe na ma’i a kakou. ua hoala ia he elua hui kinipopo, a e paani ana keia mau hiu elua a o ka hui helu ekahi o laua iloko e ehiku paani ana e loaa ana iaia he makana o $20. Ua hoolawa ia na ma’i me na kinipop ame oa laau hili popo, a he kono ia mai hoe o ko Honolul nei poe ike kinipopo e holo aku e hookuku me lakou.
Ke hooiaia nei ka Luna Nui no na lealea o ka ia 1 Iune. Ua manao oia he heihei lio ana ka lakou me kekahi mau lealea e ae. He kahua heihei o hapalua mile ko ke kahua mi’i a he mau ilo holo kekahi malaila, a o ka mea wale no i koe oia ka loaa o kekahi mau makana kupono no na lio e lanakila ana ma keia mau heihei.
Iloko o elima malama i keia makahiki he ehiku wale no poe ma’i hou i hiki aku mak ke kahua, a ke hui ia na ma’i a pau ma ke kakhua i keia manawa he ewalu haneri wlae no a oi iki. ua maopop loa aole i like ka nui o ka poe i loaa i keia haawina i keia manawa e like me ka manawa i hala aku.
o ihonei
KA LETA HOALOHALOHA A NA MAI’LEPERA IA
MR. C.B REYNOLDS
Kalaupapa, Molokai, Aperila 24, 1902 ia Mr. C. B. Reynolds. Aloha o’e: O makou o na mea nona ua inoa malalo iho nei, he mau komite i koha pona ia ma kekahi haiawai akea a na mai lepera i malamaia ma ka la @@ o Aperila, 1902 ma Kalaupapa, no ka waiho ana aku imua ou i keia leta hooalohaloha a lakou ia oe i hooholo lokahi ai me ke ohohia nui iloko o na leo hu@@ penei:
“Ua hookaumaha nui ia ko makou @@@@ mamao i ka lohe ana mai i ke apono ia ana o kau palapala nei no a waiho ana au i kou noho Luna Ni ana u@ai no makou, aka, me ka nana ole ae i ka olelo hooholo a ke omite niuaninau nou, ke haawi nei makou i na mahalo ae na hooaikai kiekie ana ia oe no kau mau hana hoopomaikai a lehulehu wale i hana ai no o makou mau poo a makou noi e hauoli nei i keia ia.
O kau ma hooponopono ame na aiakai ana i na hana o e Kahua Mai Lepera iloko o na makahiki elima i kaahope ae nei ke manaoio nei makou ua hana oe me ke kaulike ame ke aloha hoakanaka, a o ia mau hana ana au he mau kia hoomanao poina ole la i kukuni paa loa ia iloko o ko makou mau puuwai, a oiai oe e kaawale ana mai o makou aku nei, aole lao makou e hoopaina iki ana ia oe.
“O makou no me ka haahaa, “Thos K. Nakanaeia, Lunahoomalu; Geo. Kanikau, D. Noholoa, J. Moloni, L. A. Kekipi, Wm. Kapeia, Jr., Puniho, J. K. Alapai, @no, Haulani, Kea Kaehanui, M.P. Kaleoalii, Uno, Keaaian, Silas Carter, L. Mailima, Nakilau Sr.”
No Keia Buke Ku-e Moremona
Ke makemake nui loa ia nei e loaa ka buke a Mr. kauahi i kakau ai e pili ana i kona manao ke i ka hoomana Moremona. O Kauahi, oia kekahi ioio kaulana loa o Hawaii nei o ke au i hala, a mamoli o kona komo ana i ka Hoomana Moremona, ua ike oia i na hemahema, nolaila, ua waiho aku oia ia hoomana a hoike akea ae i kona manao kue maloko o ka buke ana i kakau ai. Ina he mau makamaka, eia ia loakou he mau hope, e oluolu e hoike mai keia k@@na me ke kumukauai kupono i manaola.
I ka po nei i mare ia ai o Miss Dora Mossman me Lunakanawai Clark o Kailua, Hawaii. A ia po hookahi nohoi i make ia ai o Miss Gretchen kope me Mr. Albert Waterhouse.
Aia i hea o Kuokoa Home Rula
Haohao makou i ka puka ole ana mai o ka mupepa Kuokoa Home Ruela i ka ple i hala. I ka make ana o o Koulia, puka mai aohe ka aoao namu, a oia ka makou i hoike aku ai i hiki no ka ke namu i ka manawa e ola ana o Kaulia, ka mea ike namu. I ka nalo ana no o Kauila, oka nalo pu aku no la o ua waha-olelo nei, a e ko ana paha ka olelo wanana a ka Lahui Hawaii, ua aneane loa e lele kahi aho. Aloha no!
Lohe mai makou eia ke hooinu laau ia mai nei, he ha-no ka ma’i, a o Makamu no ke kauka. Lohe hou mai no makou ua aneane e haawi pio ua kahuna nei, ua ikaika loa ka ma’i a ua hala ma o aku o ka mana o kana mau iaau akika. Aloha no. Ina e make io mai ana, o ka pau loa no ia o na waha olelo Home rula a koe mai no na waha-olelo o ka aoao Repubalika ame kahi waha olelo hookahi e ka aoao Demokarata, a malia nae paha o hui ae me Home Rula ma e like me ka hui ana iho nei ma ke kau kuikawa. Aole hoi o ka make ana o ke alakai koe iho na wahaolelo, aka, make no ke alakai, make pu nome na wahaolelo.
Pau ko laua kaa i ka Nahana
PILIKIA NA WAHI KOA NAMUWA AME KA
NU O KA HOOPAAPAA I PAKELE AI.
Oiai kekahi mau wahi koa manuwa e holoholo kaa ana i ke Sabati i hala ua hookui aku ia ko laua kaa me kekahi kaa okoa, puiwa ko laua lio, haule ua mau wahi kela nei ilalo a holo ka lio a hooku’i me kekahi pou uweaolelo a lele liilii ke kaa i kahi e a eha hoi ka wawae o ka lio. I ka hoihoi ana mai o ua mau wahi kela nei i ka lio me ke kaa i hele a nahaha ua nuui ka huhu o ka mea nona ke kaa ame ka lio, ame ka hana nui ua mau wahi kela nei i pakele ai mai keia pilikia mai o laua.
He poe hooponopono ole loa no na koa manuwa i ka lakou mea e hana ai, a oi loa aku ina maluna o ka lio ame ke kaa he pono holo no aia ka pono o ke kaea o ka lio a makepono ka lakou dala o ka lilo ana no keia lio a kaa paha. Aole ma Honolulu nei wale no keia mea e ike ia nei, aka, ma an kuaaina no kekahi. Ke hoomanao nei makou i kekahi mau makahiki i hala aku nei, ua ike makou i na koa e holoholo ana maluna o na lio ma na ae kahakai o ka aina hanau me ka nana ole ae i ka lakou hana e hana ana. I ka pau ana o ka aina hanau me ka nana ole ae i ka lakou lealea ana a hoihoi mai i na lio lohe aku oe i ka ona lio e nuku mai ana, aka he akaaka wale ia mai no e na manuwa a pau ae la keia.
HOU PAHI MALUNA O KE KAA HAPAUMI
Ua hopuia i ke ahiahi o ka Poakolu nei, Mei 7, o A.H. Lucas, no ka hoao ana e pepehi i ko kalaiwa o ke kaa hapa-umi, me ka pahi. Ka laina kaaumi keia o Mr. Pains e holo nei ma Waikiki-kai.
Ua hoike ae ke kalaiwa kaa hapa-umi, o keia haole o Lucas, he ohua oia no luna o kekaa hapa-umi, ua ano ona i ka rama i ka hiki ana o ke kaa ma kela aoao o ka Moana Hotele, kokoke aku ia i ka palena pau o ka holo ana o ke kaa. Ua hoomaka mai la keia wahi haole e maihole i ka pahu i waihoia ai o na hapaumi a ana ohua e ho-o ai, oia hoi ka pahu dala o ke kaa hapa-umi. Ua papa aku ke kanaka opio kalaiwa kaa i ua Lucas nei, aka, hoomau no ia i kana mau ano hana keko, a no kona hoolohe ole, ua pii ke kai o ke kalaiwa, ua hakoko me ia, a ua unuhi ae ia ua wahi haole nei i ka pahi a hou aku la i ke kanaka opio kalaiwa kaa. Kukonukonu no kahi i moku i ka pahi, hapalua iniha ka loa pela noka hohonu.
I ka wa o keia hakoko ana, malaila no ka Makai Macy, oia kahi ohua, ua hopu ia o Lucas a lawe pu ialaua i ka halewai. Ua hookuuia mai ua Lucas nei malalo o ka bona o $250. Auhea oe, e makaala no ka pono. Hiu ke oolea.
UA PIHOLO O WELAU.
He lono walohia ka i hiki mai i o makou nei, no ke piholo ana o Weiau iloko o ke kai. ua hele aku ia me kekahi mau kanaka elua ma ka waapa no ka lawaia mawaho o kuanalu o Kahakaaulana a loohia ia oia e keia pilikia.
Oiai e lawaia ana lakou ua huli iho la ka waapa a piho aku la o weiau. I ka pae ana mai o kekahi mau anaka luka nei o ka aina ua haawiia aku ia ka lono i ka halewai no ke piholo ana i ka hohonu o ka moana o Mr. Weiau.
He keiki ui, a ikaika keia kanaka opio o Weiau, he akamai no hoi oia i ka au. Eia nae ua piho i ka hohonu o ka moana. Ua kii ia kona kino na ka oihana makai a laweia i ka hale waiho o na kino make o ka huli pono ana i kona kumu i make ai.
O, Mr. Weiau, oia kahi o ko makou hoa’loha. Oahu nei noona onehanau. Holoholol pu me ia i na la i au wale aku la. he kaikuahine no kona e ola nei. Manao ia i kinohi ua lumai ia ola e kahi lima aloha ole. Aka, ma ka noii nowelo ana me ke akahele o ke kauka, ua loaa aku ia ma ka opu, he mahuahua ka rama e waiho ana iloko o ka opu-ai-ai. Ua haalele iho la ma keia, he wahine me ka ohana e palauma aku ana nona ma kela ao. Ke komo pu aku nei makou me ka wahine, ka ohana ma ke kanikau pu ana. Aloha no.
Kuapo ia o Way Boy
MANAO O CUMMINGHAM UA OI AE KA
WAIWAI O KA LIO HOU
O kekahi mea e kamalilo nui ia nei o ka poe puni heihei lio, ame ka poe makemake hoi i na lio holo, oia ke ku apo ia ana iho nei o Wayboy, kekahi o na loa heihei kaa holo loa i hiki mai ma Honolulu nei me Trump he lio hou loa mai nei. Ke hoomanao nei ka poe i hele e ike i na heihei hope loa ma Kapiolani Paka i ka maahiki i hala, o Wayboy kekahi o na lio holo loa, a he nui hoi kana poe heihei i kaili ai ma ia la. O kona manawa holo i ka mile he 2 minute, 18 ¼ sekona, a o ka manawa holo o keia lio hou i hiki mai nei he 3 minute ame 27 sekona i ka mile I ka lawe mua loa ia ana o keia Trump e hoao ma ke kahua heihei he 2 minute me 42 sekona a oi iki kona manawa holo a mahope mai oia manawa ua loaa ka manawa holo a makou i hoike mua ae la maluna.
I ka ninau ia ana aku o Cunningham i kekumu o kona kuapo ana i keia lio holo loa no keia lio i maopopo ole kona manawa holo, ua hoike mai la oia penei: “O Wayboy, ua ikeia i hiki iaia ke holo me kona papa ole ia mai, aka, no keia Trump, he lio hou loa ia, a aohe nohoi ona holo loa, aka, me ka malama maikai ame na kahu maikai e lilo ana oia kekahi ilo holo loa, a e ae ia ana hoi oia e komo ma kekahi mau heihei maikai i hiki ole ia Wayboy ke komo, a ma keia ano, ua hiki loa ia kakou ke ike ua oi ae ko Trump waiwai ma keia heihei ana aku mamua o Wayboy oiai no nae o Wayboy ko laua lio holo loa.
Eia na lio heihei ke hoomaamaa mai nei ma Kapolani Paka i kela mau la, a ma ka nana aku ona heihei o keia makahiki kekahi o na heihei maikai loa ana, a e ike ana hoi kakou i kekahi mau lio holo loa, a he poe lio hou mai nei kekahi, pela mai ko makou lohe, i ike ia ko lakou holo ma na aina e, a e hoopuiwa mai ana lakou i na ona o kekahi o na lio holo loa o kakou nei. Ke manao nei ko Hilo poe lio e kaili ana lakou i ka hanohano o kekahi mau heihei, a e hoi aku ana hoi no ka Ua Kanilehua me ka hauoli.
Puali ka Hau Nui i ka Hau Iki.
Ma ka huakai hope aku nei a ka mokuahi nui “Hong Kong Maru” no Kapalakiko ua puni keia mokuahi i ka ohu mawaho mai oke Ipuka Gula, a e like me ka mea maa mau i na moku i ka namawa e komo ai iloko o ka ohu ka hookani mau i ko lakou oeoe i ole ai e hookui me kekahi moku okoa aku, o a lakou hapa wale no ia ia po a hiki wale i ke kakahiaka ana.
Aole o keia moku wale no kei komo iloko o keia ohu aka o kahi mokuahi uuku “Eureka” mai Kahului aku, kekahi i womo pu iloko o keia ohu a e hookani like ana laua i ko laua mau oeoe ma ka ike ole aku o kekahi i ke kahi. O ke oeoe o eia wahi moku uuku “Eureka,” ua like loa me ka oeoe o kekahi moku manuwa nui ke koikoi, a oiai laua e hookani like ana i ko laua oeoe ua manao loa ikeia Hongkong Maru ua kokoke loa lakou i kekahi moku kaua, a no ko lakou makau o hookui me keia moku kaua a pau ko lakou moku i ka nahaha ua hoao mau lakou e hookaawale mai keia wahi moku aku, a e uhai mau aku ana hoi keia wahi moku ia lakou.
I ka mao ama ae o ka ohu, ua ike mai la ke kapena o ka Hongkong Maru i ke kulana o kahi moku ana i makau ai, a ike iho la hoi ua “fulu” ia oia e keia wahi moku uuku loa, a oia ka makou i olelo ae lamaluna “Puali ka hau mui i ka hou iki.”
Ka Hihia o Rev. S Kekipi
Hoopii Na Hooilina Waiwai O
R. Mia O Pauwela No Ka Waiwai I Lilo Iaia
I ka Poakolu, a Aperila 3, ua hoao ia kekahi hihia ano nui imua o Lunaknawai Kaapuni Kalua o Wailuku. He hihia kivila keia, he hoopii hoi na na hooilina o na waiwai o r. Mia o Pauewai, Maui, e hoopau kale ia kekahi palapala kuai i hana ia mawaena o Rev. S. Kekipi o ka hoomana naauao ame R. Mia mamua o kona make ana. he nui ka poe i huli ma ka hoomana naauao o Kekipi mamua aku nei, oiai oia ma pauwela, a no ka nui o na kanaka i huli mai ma kana hoomana, ua ike ia ke kupono loa e kukulu ia i luakini no lakou e hoomana ai malaila, a ua hoomaka koke lakou i makemake nui ai. No ka nui ole o na kala i loaa e hiki ai ke kuku ia i luakini no lakou, ua ae o R. Mia, he kanaka kuonoono no Pauewela i huli ma keia hoomana e moraki ia kona aina ame kona hale i wahi e loaa ai o ke dala no keia hana, a hiki no hoi i ka manawa eloaa ai o keia mau dala, pau nohoi ka paa ia ana o kona waiwai ma kela moraki. ma keia moraki ia ana o keia mau waiwai ua loaa he huina dala kupono no ka kukulu ana i luakini no lakou malaila, a mahope mai o ke ku ana o keia luakini ua lulu ia a loaa na dala no ka uku ana i ka moraki o keia mau waiwai o Mia.
Mahope mai ua hiki aku o Rev. S. Kekipi imua o R. Mia me kekahi palapala kuai i hana ia e, ia me ka ike ole o R. Mia, wahi a na hoike, a noi aku nei ia Mia e kakau inoa mai, a i ke kakau inoa ana o Mia i keia palapala kuai ua manao oia he moraki hou keia nokona mau waiwai no ke kukulu ana i luakini ma Hana, maui, a i halema’i hoi ma Pauwela, e like me ka mea i hoike ia aku iaia. I ka make ana o R. Mia, a oiai hoi kana wahine e kaawale ana mai ko laua home mai, ua hoi aku ia kela Kekipi a noho ma ka aina ame ka hale o Mia ma ke ano oia ka ona, oia mau waiwai meka waiho no nae o na pono hale o Mia ma iloko. ua hoikeia ae e na hoike ua hiki aku ka waiwai o keia aina ame ka hale i ka $1700. Ua hoopanee ia keia hihia a ka la 23 o keia mahine i loaa ai kekahi hoike i makemake nui ia.
Lanada, Aperila 22 – Ua loaa he uni poe i loaa i ka ma’i bubonica plague, ma Port Elizabeth. Elima poe i make a kanu ia.
Nu Ioka, Aperlia 24. Ma ke pahu ana o kahi waiho pau@@ o ka halekoa ma Managua, Migaragua, ua puehu liilii he 4,000,000 po@a pu raifela. Nui ke..
Ua hoike ae ka nupepa hague, he mai pilikia ko ka Moiwahi@e Wilhelmina, ma o ka loaa ana i ka mai talfoda o@a.
Ka Hale Hooheehee Dala
Makemake ia e ko Waikiki Kai Mau Ona Aina.
He umikumamaiwa ka nui o na poe ona aina i koi ae nei i ke aupuni no na lihi ili-aina, i lilo aku no ka hookea hou ana ae i ke alanui ma Waikiki-kai, nona ka huina o $85,285.20. ma keia puu huahelu e kau ae la maluna i hookahaha aku i ka LUna o na Hana Hou. Eia iho na hoonohonoho ana:
Ka waiwai o kapiolani, o kana koi, $1 noke kapuai kuea, like me $43,500, no ke eka hookahi. O keia mau koi mai $1 a ka 4 ¼ keneta no ke kapuai muea. Ke noi hope na Johna Ena.
E. S. Kuna (Cunha) kana noi wale no i ke aupuni e hoonee i kona pa, me ka hana ia ona mau palulu, paipo, a pela aku, malalo o na lilo o ke Aupuni. He keonimana maoli keia.
Ua manao ka Luna Nui o na Hana Hou Boyd, e kuka me keia mau ona aina, na lakou keia mau koi nui a ka launa ole. Ua kuka no kahi poe. malia o koho ia i mau komiaina a na lakou e noonoo me ke akahele, no keia mau koi poho.
Eia iho na koi malalo:
Elikapeka K. Booth, ma o kona loio J. A. Magoon, eono eka aina ma kahi o McCully, 50 keneta no ke kapuai kuea, 29,850 kapuai kuea, $14,935. Ka waiwai o Bernice Pauahi Bishop, 4.3 eka, 17,175 kapuai kuea e laweia ana, ma ka 15 keneta o ke kapuai $2,576.25. Ka aina o E. C. MacFariane, i make 17,175 kapuai kuea, 9.75 eka, 30 keneta no ke kapuai, me kahi mau hooponopono ana ma na lilo o ke aupuni me ka uku ana ia %5,152.50. Ka waiwai o E. C. McFarlane 8,975 kapuai, 8.7 eka, 20 na keneta o ke kapuai, $1,795.
Ka waiwai o ka Moiwahine Emma 8.975 kapuai, 8.7 eka, ma ka 25 keneta o ke kapuai, $2,243.7 Ka waiwai o John Ii, 42,500 kapuai, 34.39 eka, ma ka 50 keneta o ke kapuai $21,250. William Cornwell, August Ahrens me John F. Bowler, 43,260 kapuai, o ka aina o 871,299 kapuai ma ka 15 keneta o ke kapaui $6,489. Smauel G. Wilder, 2,235 kapuai o ka aina o 3.44 eka, ma ka 10 keneta o ke kapuai $232,50. Liliuokalani, 37,405 kapuai ma ka 20 keenta o ke kapuai, $7,481.
Ka waiwai o J. L. Lewis ma o ka Hui Hawaiian Trust, 32,000 kapuai mai ka apana o 12 eka aku, no 10 keneta o ke kapuai, $3,000. Ka waiwai o Mrs. H.M.S. Davis, ma o ka Hui Hawaiian Trust 4,878 kapuai, mai ka apana aku o 3.61 eka, ma ka 10 keneta o ke kapuai $4,87.84.
Vitoria Ward, E.H. Wodehouse, ka loio, 17,950 kapuai, mai ka apna aku o 2 eka, ma ke 50 keneta, $8,975. Emily C. Judd, ia F.M. Swanzy, 5,250 kapuai mai ka apana aku o 3.24 eka, ma ka 12 keneta o ke kapuai, $630. Ho Tai Yun, iaia ke hoolimalima, no a hoonee ana i kahale $350. J.M. Davidson ka lole. Ah Choy mea paa hoolimalima $800 no ka poino i hanaia ame ka hoolimalima $775. Huina dala $1,675. J.M. Daivdson Ka loio. Su Fook Kee, he mea noho hoolimalima, poho 19 mahine, $2,000. J.M. Davidson ka loio. John Ena, na Robertson & Wiler, no ka hooneeia ana o ka hale $75 ke poho. E.S Cunha, 14,700 kapai, no ka hookuene a hooponopono a hoolako ana i kahi hemahema o kona wahi, pela ma Kapiolani Park, ka hoonee ana o ka pa, (fence.) Kuluku ana i pale-ma-kani (curbing). Aole me ka ona aina no hoolilo ana ia mau mea.
Ka waiwai o Kapiolani, J. F. Colburn, kahu malama waiwai, 4,775 kapuai, nona ka ili 13,735 kapuai kuea, ma ka $1 o ke kapuai, $4,775. Hui Kwong, na Gill me Farley na loio, 3,000 kapuai, $600. John Ena 11,120 kapuai, o ka apana nona ka ili o 9.5 eka, ma ka 4 ½ keneta o ke kapuai, $500.40.
O keia ae ia na koi i ke aupuni e uku mai i keia mau dala $85,288, me 20 keneta. Oia iho la ke poho no na ili aina i lawe ia, no ka hoakea hou ana i ke aianui o ka lehulehu. He mea maikai keia no na poe a pau o keia kapitala. Ina nae hoi aole i pehu loa ae nei keia huina dala i ka manao o ka mea nana e kaana ka poono ame ka ono ole o keia mau koi.
No makou iho, ua hauoli makou i na ano hana hou i pili i ka pono o ka lehulehu, elaa ana hoakea la ana o na alahele moowini, me ka hana hou ana i mau paka hou, me ka hana hou ana i mau paka hou me na pua aala ma na kihapai, he mau mea keia o oluolu ai ka nanaina o ka maka o ka mea e ike aku ana; poina na noonoo hoihaa o na minute mamau o ka mea i hana ia me ka maiau e ka lima o ke kanaka nana ia i hana.
Kahi la-iki o keia mau hoohana ana, oia paha ka lawa ole o ka waihona o ka lehulehu, me ke dala ole no keia mau hoohana ana.
Aina Mamo
Oluolu ka mai o ka Moiwahine Wilihelmina. Loaa iaia ka maha. Aala ke Kiaaina Dola ma Bosetona no ka launa ana me na makamaka. Aneane elua miliona dala, ke poho,mamuli o ka hoonaue oiai, ma Mckiko. Nui na koa amerika i loaa i ka mai korela, ma ka hema o Lu@ona. Lapukela (Labouchere) ka inoa o ka lunahooponopono London Truth, ua hoopilia mai nei no ka laibila ia Haku Suffields.
Kanahiu-kumamalima mau hipa, kumukuai nui, no ka hoouna ana i Auseteralia, ma ka moku-mahu Moana mai Vanekoua mai. Ka Haku Chrales Beresford, na kohe ia mai nei i noa no ka Hale o na Makaainana, me ke kue ole ia. Aia keia ma Pelekane. Maka mai nei ma Wasinetona, kekahi haole keaka, ma ka inoa Sol Smith Russell. He mauli-awa kona mai. O kona waiwai ua hiki aku i ka $@,000.000 . Ua holo malu aku ke kaikamahine hookama, a kekahi haole keaka me ke kuene. Clay M. Greene ka inoa o ka makuakane.
KU O DAVID KANEWANUI I KA PU.
Mamuli o na uila poino wale o ka manawa, ua loohia ia iho ka lunahooponopono o keia pepa me kekahi uila poino, ma ke ano uila mai ka lima o kekahi o kona mau hoaloha. Dan @ ma ke ahiahi Poalua nei, ma ka hale hui o na keiki Kamehameha ma Alanui Papu. O ka lono mua i loaa mai i keia keena, ua ku pahia wale no ka peka pu-panapana ma ka paplina, a aohe i kukonukonu loa ka eha i loaa iaia, a ua lawe ia nae i ka haukapiia.
Ma ka lono hou i loaa mai i keia keena ma ke kakahiaka o ka ia in@h@ nei, e i ana ua kukonukonu loa ka eha i loaa ia Mr. David Kaenewanui. Ua huli na Kauka Taylor me Wayson i ka pola i ku ai o Mr. Kanewanui. Ua huli na Kauka Taylor me Wayson i ka poka i ku ai o Mr. Kanewanui, ma a papalina me ka hookolo hele ana me ke akahele loa, aole nae i loaa iki. O keia poka-pu, ua ku aku no ia ma ka iwi papalina, a ua holo paha mahope o ke pao.
Oiai o David Kanewanui e luakaha ana mekona mau hoaloha, ma ke ahiahi Poalua, may 6, ma ke ke Club o na Opio o ke Kula o Kamehameha, ma ke alanui Papu, kahi i milimili ai i ka pu nona ka poka lokoino. U akomo aku la o Mr. kanewanui no kahi keena okoa aku, aole i liuliu ua ki aku keia Mr. Io, i ua pu kani ole nei, eia nae ka mea apiki ua kani ua pu nei a ku aku la o David Kanewanui i ka poka o ka pu-panapana. Ua olelo ae o mr. Kanewanui, o keia kipu, i hanaia, aole me ka manao ino, aka, he ulia maopopo ole, nolaila o kela keonimana nana keia kepau lokino ua palekana no ia. E hala ana paha na la he umi ia mr. Kanewanui ma ka haukapila a hoi hou mai ia ma keia keena.
He Keko Ahiu
I kapule i hala ma ke awaawa o Manoa, ua hoohikileleia ko lalia mau kamaaina Pake, e ka makau i kekahi keko nui ahiu e holapu hele ia ma ko lakou mau ipuka hale. Wahi a ko laila poe, he keko keia i hemo mai Honolulu aku nei, he makahiki a oi i hala ae nei. mai ia manawa mai ka holapu hele ana o keia keko iuka o ke awaawa o Manoa. he pule i hala ae nei, ua hoohiki loa aku ia ua holoholona nei ma ka hale noho o Mr. Nalei, ma Kapukaomaoamo. he wahine ko ka hale e noho ana ia wa, i ka ike ana o keia wahine i ke keko, ua holo aku la ia he kauhale okoa, hai aku la i ka hiki ana ae o kekahi malihini keko, i kona wahi. Hele aku nei o Keoniana i ka hale me ka pauku laau, no ke kaua ana me ka keko nei ma ka lanai o ka hale, i ka ike ana mai i ka pauku laau ua haka pono mai ia kona lena ike i ka mea me ka laau. Hookokoke loa aku nei ua kanaka nei i ke keko, a uhau aku la i ka holoholona, me ka ikaika i loaa iaia. na keia uhauia ana ua huhu loa ua holoholona nei a ia wa oia i hopu mai ai i ka laau me ka hikiwawe loa, a kaili aku ia mai ka lima aku o Keoniana, uhai ae ia ia i ka laau i na apana elua, kiloi a holo aku la me ka hiehie nui, ma ka alahele e kamoe ana i ke kuahiwi o Manoa.
Ua hoea mai ka mikini eli o ke awa o Puuloa.
Ua hoike aku ke Kiaaina Dole i ke Komite o Hale ma Wasinetona i ke kupono ole o na nika ke hana ma na maiko o Hawaii nei.
Ua haalele mai i keia ola ana o J. K. Kaunamano ma kona wahi noho ma alanui Kuakini i ka pule i hala, a ma ke Sabati mai i hoolewaia aku ai oia.
He Panai Kupono
He Kua Hou, Ma Kahi o Ke Kua Kahiko, Ma Honolulu Nei E Hanaia Ai.
I kahi wa e loaa ana i keia kikala hanenee, ke ano naluea, hoihoi ole; kahi wa holo ae la ka eha ma ka iwikuamoo, e kokoke ana ma kahi o ka puu-paa, a me na hookuina, a he ano maui la, aole i kana mai ka eha ke kulou. Makehewa ke kau ana i ka makeke, a anaana ana i ke kua. Aohe loaa kahi o ka eha. No ka loaa ana he kua hou a ikaika, e oluolu ehoao e hahai i na kuhikuhi ana a keia mahainana o Honolulu nei.
Mr. A . J. Cahill o ke alanui Papu, ma keia kulanakauhale, kiai po kana hana ma kahi o Mesers. T. H. Davies & Co., Kaupalenaia, wahi ana: He @@@@ moku au i ko’u mau la opio, a i kahi manawa, ua hana au no ka Hui Moku Piliaina. Mamuli o keia loaa ana o’u i ke kikala haneenee me ka mai ma ka puu-paa ua haalele au i ko’u hele ana i ke kai.
No keia kumu, ua hoao au i na ano laau a pau, a o ka laau nana au i hoomama keia mau luuluu i loaa ia’u, ola no kela Haule a Doans no ke Kikala Hanaoenee me ka Puu-paa. Eia ke kuai ia nei ma ka halekuai laau o Hollister’s. Oia loa ko’u mai, pau na ehaeha i loaa ia’u. Ina e manao ana kahi mea e ike la’u, e loaa no au ma kahi kuai lako moku, o Van Dorn’s, alanui Papu.
@ loaa no ia oe, ka laau i ola ai o Mr. Cahill, me ka nana pono ana i ka inoa piha like me keia ma a wahi: Doan’s Backache Kidney Pills.
Doan’s Backache Kidney Pills, ke kuai ia nei ma na hale haawi laau a pauma ke 5 keneta o ke poho, 6 poho $2.50, a i ole e leta mai no i ka halekuai laau o Hollister Co., ma Honolulu, Agena no ka Pae Aina Hawaii.
HOOLAHA.
Eia ma ko’u lima he kaa paikikala “Rambler,” o ka mea nona keia kaa e kii mai me ka uku i ko’u lilo hoolaha ame ka malama ana, a hala na la he umi-komamalima e lilo no keia kaa la’u.
KAEHU (k).
Mei 9, 1892: Alanui Kuakini
May 9, 16, 23
@O KE ..
Koko Ino Ka Mea e Loaa ai ma Pilikia ma ke kino.
E Heluhelu i keia mau hanao
AYERS SASAPARILLA
KA
Laau nana e hookaawale na @@@@ mai kou koko aku. He laau @@@@ ai, a he laau e hooikaika ana i @@@ mau laia apau. O ka Laau Ayers @@@ sasaparilla ka laau kaulana loa @@@@ ke ao holokoa. Ina a hoo@@@ lawelawe ana i kela lauua e loao ana @@ ke ola kino maikai a me ke koo maemae, hoi hou mai ka ula o koo @@@ lehelehe, pu’ipu’i maikai hou mau @@@ palina, a loaa ke kulana ola kino @@kai.
He loaa na pu’u paa o ke kino @@2 laau Ayer’s Sasaprilla, e hoo@@@ ana mai ka ma’i puu paa (Heights). Diseased ame na ma’i oia . Ke @@@ ikaika aku nei makou e lawe ia k@@ paa apau.
Hoomakaukau ia e Kauka J. C. Ayers & Co., Lowell Masa, U.S.A. E loaa no keia mau Huaale ma @@ halekuai laau a pau.
Malio o Makemake Oe i ka
Laau Penekila
No na
Moku
Auahi Umi
Na Pehu Hi
A me na Eha a pau o ka Opu
He laau maikai a he maopopo keola hikiwawo
He Hookahi No
LAAU PENIKILA
Perry Davis’, Elua ano, 25 keneka a me 50 keneka
Ua oi ae me ke ino o ka ma’i hi mamoa o ka ma’i dipiteria. he loaa mai ka poo opiopio ame ka poo oo a he poino hoi i kekahi manawa. O kekumu o au nei o ka poe make mamuli o ka mahi, no ka mea pono ole ia ao ia i ka hoomaka ana mai o ka ma’i. O ka @@ au hoopaa hi ae korela a Chamberslain kekahi o na laau maikai loa @@ keia mau pilikia, a ina a haawi la i ka manawa kupono e paa ia ana na pilikia nui. Aole he hala o keia laau, a he maikai kona ai ana. He mea maikai e malalma ia keia ano laau ma na hale apau. E kuai i kela la. Malia he hoola maikai ia. E loaa no ana na Hae Kuai Laau Apau. O Benson Smith & Co., na Agena no Hawaii nei.
E A’o ana i ka Namu
Ma ka hoike a kekahi poe papa o Kina, ke hoomaka nei ka Emepera Wahine o Kina e ao i ka namu. Ua piha ke kanahiku a oi makahiki o keia Emepera Wahine, a ua kaulana hoi @@ keia, eia nae ke hoao nei ola e ike @ ka lakou olelo i, ke kanahiku a oi o kona mau makahiki. Ke hoohenehene no kekahi poe iaia, me ka olelo aa ne “He hi-ka palale, hi-ka palahu,” kah@ namu e loaa ana iaia. Wela-ka-hau ka Emepera Wahine o Kina.
Ahahui Paoaina
Ua noila mai makou e hoike aku @@a ke akea, ma ka la 21 o ka mahina o Iulai o keia 1902 e hoea mai ana, e noho ana ka Ahahui Paealina o ka Hoo@mana Naauao ma ka luakini o Kealaula-o-ka-Malamalama, ma Kouia. Nolaila, e akoakoa pu ae e na kini heiheilani o ia pauli ma ia la. W.S.J. OLIWA MAKEKAU, Kakauolelo
Haalele i ko laua Bela
Ia ka po Poaono nei ua hopu ia kekahi poe kanaka opio i ikela e ko Honolulu nei poi waiwai a e lawelawe no hoi i ka hana ma kekahi o na hale hana nui o kela haona ma kekahi hale ma Palama no ka pepa pili waiwai. Ua lawe ia mai no ka Helewai, a ua haawi like lakou he poe inoa okoa wale no, a huna i ko lakou @oe inoa pololei, oiai no nae ua maopopo i na makai ka inoa o kekahi o lakou a o lakou no paha a pau loa. I ke kakahiaka Puakahi nei i kahea la ana mai o na inoa kapakapa o lakou aole hookahi i ku mai, a lilo wale na dala bela a lakou.
E MAHALO MAI ANA I KO MAKOU HOOIKAIKA
Kalaupapa, Molokai, Mei 1 190@, Mr. Lunahooponopono; E ae ma @ lawe aku i na hoomaikai ana mai kekahi aku o na ma’i ma ke kahua nei no ko oukou hooikaika e imi ia ko makou pono ma ka laau tua-tua. ke @@ nei makou i ko oukou hooikaika e @@@@ ia ko makou oia ame ke ola ole i ka laau tua-tua, a ina aole oukou e @@ ikeike mau ana i ka lehulehu i ka waiwai o keia laau aole lao e hoao ia ani ko makou ola ia laau ame ke ola ole Nolaila, e ke Kilohana Poolea o ka Lahui, ma hoopau oe i ke o ana o @@@ lei a hiki i ka hoao ana o ka Papa @@ i keia laau e loaa hoi iamakou ka @@ maikai. Aohe no he wahi mea hou ana nui o ke kahua nei. Me ke aloha nui ia oe e Mr. Lunahooponopono. ua lawa kaua. MA’I LEPERA