Ka Nupepa Kuokoa, Volume XL, Number 19, 9 May 1902 — Pakaa ame Ku-a-Pakaa UA PUKA MAI NEI KA BUKE ELUA O KEIA MOOLELO HAWAII MAIKAI [ARTICLE]

Pakaa ame Ku-a-Pakaa

UA PUKA MAI NEI KA BUKE ELUA O KEIA MOOLELO HAWAII MAIKAI.

I ka puka ana mai o ka buke moolelo mua o Pakaa ame Ku-a-Pakaa ua nui ke ohohia o na kanaka, a he lehulehu o lakou i hele mai e ninau ia makou i ka manawa e puka mai ai o ka buke elua. No ko lakou ohohia loa i keia moolelo, ke hoike aku nei makou ua loaa mai ia makou ka buke elua a ua makaukau he poe kope lehulehu no kela ame keia e makemake mai ana. E hoouna mai i na kauoha ia Moses K. Nakuina, ka mea nana e hoopuka nei i keia buke, a e hoouna pu mai i na hapaha, a e loaa aku no e Pakaa ame Ku-a-Pakaa. He mea maikai e hoomanao ia he kahu iwikuamoo laua no Keawenuiaumi, ke alii o Hawaii, a o na moopuna hoi a Laamaomao. He moolelo oiaio kela o ke au kahiko e hoike ana i ka noho ana oia manawa, ame ka hana e hana ia ai ia manawa. O Ku-a-Pakaa ke kamaeu nana i hoolakalaka na makani a pau o na Mokupuni o Hawaii nei, a uhao iloko o kana ipu kaulana i kapaia o ka Ipumakani o Laamaomao. Aohe he pono e holo na poe kau Mea hehi wawae me ka paa ole i omole Laau Chamberlain Pain Balm maloko o ko lakou mau eke mea hana kaa. He laau maikai loa keia no na eha hou ame na anuu e loaa ana. He hookaai no kau ana loaa ka oluolu. E hoao. E loaa no keia laau ma na hale kuai laau apau. O Benson Smith & Co. a Agena no keia mau laau ma Hawaii nei.