Ka Nupepa Kuokoa, Volume XL, Number 23, 6 June 1902 — Page 4
| This text was transcribed by: | Gloria Vlachos |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, JUNE 6, 1902
malalo nae o kau mau kauoha. O ka hoolala ana kau, o ka hooko ana kana."
"O Tamale, kuu wahi kuhu." wahi a Balea. "Ka, aole paha oia i ike a kamaaina i kekahi wahine opio. Aka alia! Inehinei iho la no oia i noi mai ai ia'u no ko'u ae aku e mare oia me kekahi wahine hana keaka, a mahope o ko laua mare ana e ae ana no oia e hoomau aku no ka wahine i ka lawelawe hana keaka ana, a e hoomau no hoi oia i ka noho kahu ana no'u, a no ia mea, ua ae aku au iaia e mare. Aole au i ike i ka wahine aka, ma kana olelo mai he wahine opiopio no oia. A heaha hoi ka pili o ka kana mau kamalilo iaia?"
"He pili loa a pili pono." wahi a Blanche, "ho mai ko pepeiao a e hoike aku au i na mea a pau." He kulou ana aku o ke poo o Balea imua, he mau olelo hawanawana ana na Blanche ma ka pepeiao. he pual ana o ka ula o ka hauoli ma na papalina oa Balea. alaila, ua maopopo ae la iaia ko Blanche manao a me kana mea i hoolala ai.
"Aole loa he mea nana e hoopahu'a I kena mau hoolala ana au." wahi a Belea. "Aole loa i komo mua ka manao iloko o'u e hana au pela, a ina e holopoho ana e aie nui ana au no ko'u pomaikai nui ma ou la."
Aole kaua, e ka mea heluhelu, e ike ana i keia manawa i keia mau manao hoolala o ka manao ino a Blanche no kona hoaloha Amber, e maopopo ana no nae ia kaua e hele aku ai imua ma ka moolelo ana.
"I mea e maopopo pono ai ia kaua ka holopono loa o keia mea a kaua i aelike iho la e hooko aku, e hoi koke ae au i ka hale i keia manawa a e hoike aku i keia mau mea a pau @ kuu wahi kahu. e haawi aku au iaia i dala e kuai @ @ palapala ae mare i hiki ai hoi ke marela laua i ka la apopo, alaila, ma ia manawa auanei e hiki ai ia kaua ke paulele piha aku mahina o ka wahine."
Ua ae aku la o Blanche i keia manao o Balea a olelo hou aku la:
"I keia manawa eia kaua iloko o ka hookahi pana ana o ka manao a hookhi hoi pana ana o ka puuwai. O ka pono e loaa ana ia oe e loaa pu no auanei ia'u. Aka, ke hoao oe e hoopuka i kekahi wahi huaolelo - he olelo paha ia nana e kaualako ana ia'u iloko o ka popilikia, e hai aku au i keia manawa, o oe pu kekahi e komo pu ana iloko o ia haawina hookahi. Nolaila, o keia mau mea a pau a kaua i hooholo lokahi iho nei no ka hookoia ana aku, e lilo ia @ mea huna mawaena o kaua."
Aole o Balea i pane aku no keia mau olelo hope a Blanche. Ua kaukolo aku la nae ko Blanche nana haka pono ana maluna ona a ike a hoomaopopo iho la oia aole loa no o Balea e hana ana i kekahi mea nana e alako ana ia laua iloko o ka popilikia.
"E ae mai oe e hoi ae au i keia manawa." wahi a Balea. "E hele kipa mai no au e ike ia oe i keia a me keia manawa a'u i ike ai he kupono, no ka hoike ana aku i ka holopono a me ka holopono ole o ka kaua hana. A ina aole au e hele kino mai alaila, e hoouna palapala mai au."
Me keia mau olelo ua ku ae la oia a hoi aku la, a hele aku la o Blanche a ku nana aku la iwaho ma kekahi pukaaniani - e nana ana hoi ia Balea iaia e hoi ana, a i ka poe no hoi e hele aku ana a e hele mai ana ma ke alanui. Ua hala no kekahi manawa loihi o kona ku ana ma ka pukaaniani, a o ka poe e maalo ae ana e huli ae ana lakou a nana iluna i ka pukaaniani kahi a Blanche e ku nei.
Iwaena o keia poe i ku iki iho a nana i keia kaikamahine ui e ku nei me ka pukaaniani, he wahine nui momona kekahi nona na aahu aole i lilo loa i ka nani. Ua haule pono aku ka ike a kona maka maluna o Blanche e ku hoomau nei ma ka pukaaniani, a na la mea i hooku loa iho iaia a haka pono loa aku la.
A i keia manawa no hoi a Blanche i hoohele mai ai i ka nana hele ana a kona maka a hiki i keia wahine o kona manawa no ia i lele aoao ae ai ma ke ano pee mai ka pukaaniani ae me ka mama nui.
"O! e na lani! Eia anei ia ianei?" He mea oiaio anei ua hiki kino mai oia i Ladana nei?" wahi a Blanche i puana ae ai me ka makau a me kanaka" pu ana o kona kino. "O, pehea la au e hana ai? Ua ike mai nei anei oia ia'u? Ua hoomaopopo pu mi nei no anei owau no keia o Blanche Lonale?
Me na helehelena i hele a haikea a me kona kino naka haalulu ana ua noho iho la oia Huna o ka noho ana i haalele iho ai he manawa pokole mamua iho, a upiki ae la i na lima ma kona mau maka.
Ua noho iho la oia ma keia kulana me ke kaukolo aku o kona hoolohe ana o ke kani o ka hele kahea o ka hale, a o keia mea paha e makemake mai nei o komo iloko o ua wahine momona nei paha ana i ike ai ma ke alanui.
O keia mau minute ana e kali hoolono nei ua like ia me he hora la ka loihi. a no ka hiki hou ole iaia ke noho hoomanawanui, ua haalele iho la oia i ka noho a kolo hou aku la no ka pukaaniani, a iwaena o na lihilihi pale, ua hoaiki ae la oia a nana aku la.
A aia no ua wahine momona nei ke ku la no ma kahi no ana i ike mua ai me ka nana pono ana no i ka pukaaniani.
A me he mea la paha ua ike hou mai ia oia la Blanche, no ka mea. ua ohohia koke ae ia kona mau nanaina. a hoomaopopo iho la o Blanche ua ike hou ia mai la oia.
He halulu ana iluna o ka papahele me he pohaku la i haule iho mai luna. waiho loihi ana o Blanche iluna o ka papahele ua maule a ua pau kona ike.
He mau minute loihi ko Blanche waiho ana elike me keia ke ano a pohala ae la. Ala ae la oia e noho iluna a hoolohe hoolono hou aku la o ke kani ae o ka @ele kahea. O kona kino holookoa eia no ke naka nei, a o kona mau onohi maka hoi ua puu mai la iwaho no ka ua mea o ka makau nui.
A no ka mea hoi aole he hiki iaia ke noho hoomau elike me keia ke ano, nolaila, ua @@ hoomanawanui ae la oia a hele hou aku la no ka pukaaniani a k@@@ hoaiki aku la.
Aia hoi, aole ua wahine la ma kahi ana i ike mua ai.
Me ke leo u@@ i like aku me ka leo @@@@ hauoli. ua holo awiwi aku la oia mai ke keena hookipa aku a no kona keena moe a pani mai la i ka puka me ke kipa ana.
O keia wahine nei momona oia no ka mea aoao ke poo manao i hoikeia ma ka hapamua o keia mokuna - He wahine ano e!
MOKUNA XXIX
------
Ke Kaikunane a me ke Kaikuahine.
He Manao Hoohuoi.
------
"Ua loaa ae nei ia'u ko wahi palapala. e kuahine," wahi a Iasepa i pane aku ai i ke kaikuahine iaia i komo aku ai iloko o ke keena hoopika kahi hoi a kona kaikuahine e noho kali ana nona. "A oiai aole a'u hana nolaila. ua hele koke mai nei au. Heaha ka mea i hanaia a o kau nuhou nui hoi? Ua noi mai anei o Sa Ralapa i kou lima ma ka mare? Ua hoomaopopoia anei ko olua la e mare ai? E hai koke mai oe ma na mea ana nui oiai. aole o'u hoihoi no na olelo hookuanui a me na olelo hoolauwili."
"Mai hoopupule oe i kou mau noonoo ana, e kunane." wahi a Blahcne "E noho iho ilalo a e hoolohe mai. Aole i noi mai o Sa Ralapa ia'u ma ka mare, a aole no oia e hana ana peia, a aia wale no, e lohe oe, a haawi mai oe i kou kokua ana i kou kaikuahine nei."
"Ma ke ano hea au e kokua aku ai ia oe?" wahi a lasepa iaia i lawe ae ai i kekahi noho a noho iho la.
"Me keia oe e kokua mai ai ia'u. Ua hoomakeleho o Sa Ralapa i ko Amber a no ia mea e-------"
"O Amber!" wahi a Iasepa i puana ae ai me ka lele ino ana ae iluna me he mea la ua iniki ia ae la kona hope e ka noho. "O Amber anei kau mea i kamailio mai nei? Aia oia ihea, a ua ike anei oia iaia?"
"E noho iho ilalo, e kuu kaikunane, a mai hana pupule mai oe. He oiaio, ianei o Amber kahi i ike ai ia'u. a he mau minute wale no ke kowa mai kona manawa i hoi ai a kakau a hoouna aku ai au ia Losona me kahi palapala."
"A aia oia ihea i keia manawa?"
"E hahai aku no au i kona wahi e noho nei ina e hoopau ae oe i kena ano nanaina li-o ou. He moolelo loihi ka'u e hoike aku ana ia oe, nolaila, e noho ilalo."
Ua noho iho la o Iasepa ilalo a hoomaka aku la o Blanche e hoike piha i ka moolelo o Amber:
"He elua a he ekolu paha hora i hala ae nei ua hiki mai la o Amber i kauhale nei, a laweia mai la ka lohe ia'u e kekahi kauwa e olelo ana aia he wahine opio o hoaloha kahiko no'u ua makemake e ike ia'u. No keia mau olelo ua kauoha aku la au e hookipaia mai oia imua o'u. a he mea oiaio, i ka wa i haule aku ai o ko'u nanaina ike maluna on a aole au i ike a hoomaopopo owai la oia-o ua hoaloha kahiko nei o'u. A he mea oiaio hou, ua loli loa kona ano mai kona ano mua a'u i ike ai iaia."
"Well, a pehea hou aku?"
"Well," wahi a Blanche i hoopili mai ai i ka huaolelo mua a kona kaikunane, "ua hoike mai oia o Amber no oia mai luna a lalo a hoomaka mai ia e puili a honi ia'u, a ma ko'u aoao ua apo puili aku la au iaia ma ke ano hookamani, a ua hoohenoheno aku au iaia me he mea la ua aloha au iaia. A he oiaio hou, ua hoopuka aku au iaia nou a me kou aloha @aio nona."
"A pehea oia i pane mai ai?" wahi a ke kaikunane.
"Ua olelo mai aole oia i makaukau e hookipa aku i kou aloha iloko o kekahi keeno o kona waihona noonoo. Ua hookauia kekahi hana lapuwale a ekaeka no hoi maluna o kona kino e ke keiki a ka Haku Mualana, e Balea Mualana. ma kona lawe kaili malu ana iaia."
I ka wa i lohe ai o Iasepa i keia mau olelo hope a kona kaikuahine, ua li-o hou ae la kona mau maka a halii pu iho la ka haikea maluna ona. a me keia ano iho la ua ku ae la oia iluna a hoomaka iho la e holoholo mamua o ke alo o ke kaikuahine, a i ke kaikuahine hoi e moolelo ana i ke ano maoli o ke kailiia ana o Amber.
"Ma o na lani, e ike ana o Mualana opio i ka hopena o kana mea i hana ai maluna o keia wahine opio!" wahi a Iasepa i puana ae ai me ka leo kakana o ka inaina. "E ike ana oia i ka hopena o keia mea he hoohaahaa i ke kulana o kekahi wahine opio i hiki ole ke pale nona iho."
"E pela io ohi." wahi a Blanche. "o'kou hana ana elike me keia ke ano o kou hoao ana no ia e alako ae i ka inoa o Amber a imua o Sa Ralapa, a ke lohe oia, e hai aku au ano, ua pau ko kaua wahi pili lihi ana aku ia Sa Ralapa. a o ke aloha no auanei ko kaua."
Na keia mau olelo i hoaokanaka ae i ko Iasepa noonoo, no ka mea, o ka loaa ana o ka lanakila ia laua, oia hoi, ma ka aoao o kona kaikuahine, o ka pahu hopu hookahi wale no ia a laua e ake nui nei e loaa, a me keia noonoo ana, ua kamailio leo oluolu aku la oia i ke kaikuahine ma ka ninau ana aku:
"Alaila, ua ike anei o Sa Ralapa ia Amber?"
"Ae, ua ike oia aka nae, aole oia i hoomaopopo o Amber Kotene no ia. Ma kekahi noonoo ano u@ia pomaikai i kupu koke ae la iloko o'u i kela manawa a maua e kukai kamailio ana, ua koi aku au iaia e haalele oia i ka inoa Amber a e lawe i inoa hou- i inoa i like me Vale-Miss Vale. no ka mea. wahi hou a'u, aole he makemake o Sa Ralapa e hookama@a kona inoa ohana e kekahi mea kulana haahaa. No keia mau olelo a'u ua ae koke mai o Amber. a mahope iho o ka pau ana o ka maua mau kukai kamailio ua iho like aku la maua no ka ipuka o waho a ma kekahi ano ulia hoopakalaki no hoi. o keia no ka wa o Sa Ralapa i hoea mai ai a ike mai la ia Amber.
"Ua hoomaopopo no anei oia o Amber Kotene no keia e ku aku nei imua ona?"
"Aole. A pehea hoi e hiki ai iaia? E hoomanao iho oe he uuku loa kona manawa i ike a i launa ai me Amber iloko o na paia o Kotene Holo. Aole loa i komo kekahi manao hoohuoi iloko ona e hiki ai iaia ke manao hoohuoi ae o Amber no keia, aka. o ka'u mea nae i ike a hoomaopopo no ko Sa Ralapa kulana. eia na koko@a ana o kona noonoo a me @na manao no Amber a aole no kekahi mea okoa ae. No ka mea. I ko'u manawa i hoolauna aku ai ia Amber iaia ua ko@o mai la ia iaia a me a'u e hele aku makou e makaikai i kekahi mau kii maloko o kona keena buke. a o keia kono ua ae koke aku o Amber me kona nana ole i ka'u mau imoimo aku. Ke manao nei au aole oia i hoomaopopo hou mai ia'u. a o kona noonoo ana a pau aia ao ia maluna o Sa Ralapa. Ua hoikeiki aku o Sa Ralapa i na kii. i ke keena malapua. i na pua a me na mea kanu. a ua ako a haawi aku ia Amber he poke pua loke opuu. a he poke pua ano ole ka i haawiia mai ia'u. a ma kona nanaina a pau kona helehelena. kona leo. ka@a mau olelo i @@@puka ae. kona kulana a me ke ano o kana mau lawelawe hookipa ana. ua hoike mai keia mau mea a pau. kona manao nui no Amber a nona wale no. Nolaila. e kuu kunane, e paho@a mai oe i kou kokua ana no kou wahi kaikuahine nei. kou kokua ana hoi ma keia mau olelo a'u o ko laua hui a halawai mua loa ana ia a o ka hui a halawai hope loa ana no hoi ia! Ua hiki anei la oe ke kokua mai ia'u?"
"Ua lokahi aku la ko'u manao me kou ma ia wahi." wahi a Iasepa. "Ke hauoli nei au no kona hele ana mai e ike ia oe a oiai no hoi au e huli hele ana iaia mai kona la i nalowale ai. He wahi manao hoohuoi ko'u no Mualana opio. no ka mea, o ke kanaka hope loa ia a'u e manao ai e kulou iho ana oia ilalo a lawelawe i keia hana ekaeka."
"Aole ia he mea ano e ma ko'u noonoo ana," wahi a Blanche. "No ka mea. he wahine opio ui maoli no o Amber, a nawai no e ole ko Mualana opio hoomakaleho iaia. A ina aole no kona ano kulana haahaa ma ka hanau ana, e hai aku au me ka oiaio e mare no oia i ke kane iloko o na hanohano he nui wale."
Aole i pane aku o Iasepa aka, ua minoaka iho la oia iaia e noonoo ana no ka lilo o Amber iaia, ka ui hoi a kona kaikuahine i keha ai.
"A ano, e Iasepa, he mea pono e noonoo a e hoomaopopo kaua i ka kaua mau hana e lawelawe ai, a he mea pono no hoi e kuka maikai kaua me ka paulele ana o kekahi i kekahi. Eia kaua ke ku nei ma ke anuu keikie ma ka Sa Ralapa noonoo ana, a nolaila, ina e hui lokahi ana kaua a hookele maikai aku i ka kaua maua mea i hoolala mua ai, ea, aole au i ike i kekahi mau kumu nana e akeakea mai i ko'u lilo ana i Lede Kotene, a he ona hoi maluna o kakahi waiwai i hiki ole ke hoomaopopoia kona nui. Ua loaa ia kaua keia kulana, e oluolu mai oe e hoomaopopo iho, mamuli o na hana poholalo. Aole he mea okoa aku i ike. He mau hana hoopunipuni a poholalo ka kaua i hana ai no Amber. Ma ia mau hana a kaua ua kuewa hele aku la o Amber mai keia home hookama ona. a ina e mahui iki o Sa Ralapa, a i ole, komo paha he wahi manao hoohuoi iloko ona, alaila, e kau mai no ka hopena o ka hilahila maluna o kaua a e hele kuewa aku no kaua elike la me Amber. E lohe ana oia i ka oiaio ke hui a halawai hou oia me Amber. Aole he mea e nele ai, a aole no hoi he mea nana e akeakea aku."
"Ke ike nei au he mea pono e akeakeaia ko laua hui a kukai kamailio hou ana." wahi a Iasepa. "E paulele mai maluna o'u, e kuahine, na'u e hana ia apana hana. Aole laua e hui hou ana. A no'u nei hoi, ua olelo mai anei oia aole i holopono loa kona manao?"
"Ae, ua olelo io mai no oia pela. A oiai ua lawelaweia kekahi hana nana e hoolapuwale ana i kona inoa a me kona kulana, he mea na'u e hoomaopopo nei e awiwi koke ana oia e lawe ae ia oe i kane nana ina e akamai kau lawe'na olelo ana maluna o keia kumuhana. no ka mea, ma ka hilahila i ka hoolapuwaleia o kona inoa e kono awiwi iaia e mare koke ia oe i mea nona e maemae ai. Nolaila, e akamai oe a e maalea pu hoi. Ma keia wahi wale no oe e kamailio ai ka inoa, ke kulana . a pela wale aku. A ano, ua mapopo aku la ia oe kau mea e hana ai nolaila, ke ninau aku nei au ia oe. a ua makemake au e maopopo pono ia'u."
"A heaha ua mea la?"
"Eia. Na mea a pau e pili ana no ona mau makua. Owai o Amber? Heaha kona kulana? He makua waiwai anei kona, a i ole, he mau makua ilihune paha."
"Aole loa au e ae ana e hoomalamalama aku i kou manao, e kuu kuahine," wahi a Iasepa. Aole ou kuleana ma na mea pili hanauna o Amber. Iaia wale no au e hoike aku ai i keia mea huna a aole i kekahi mea okoa aku."
"Ua hiki no ia'u ke koho iho no ko Amber kulana," wahi a Blanche, "no ka mea, ina aole he waiwai a hanohano hoi kona hanauia ana, alaila. aole oe e ake nui e lilo oia i wahine nau. O kekahi no hoi, ua hoike mai kona kulana aole oia i hanauia mailoko mai o kekahi ohana haahaa. Ia oe wale aku no paha ia i ka huna i kau mea huna, oiai, ua maopopo ae la no ia'u. Aka, e awiwi oe a mare koke aku iaia i kumu e aekaekaia ai kona hele ana aku e ao a malama keiki no kekahi poe okoa aku."
"Ua noho mumule iho la o Iasepa ma ke ano noonoo no kekahi @ au minute alaila, kamailio hou ae la:
"Oiai, ua olelo mai o Amber ia oe e noonoo ana oia no ka'u noi no ka mare, ke manao nei au e haawi aku i manawa loihi nona e noonoo akahele ai. Ua aloha au iaia a aole au e hilahila ke olelo ae au pela. a ina aole he wahi hapaumi hookahi i loaa ma kona inoa. a ina ua hanauia mai oia mai ka puhaka mai o na makua ilihune a nele, a i ole, mai ka puhaka mai o na makua lopa a aeahaukae, a i ole, mau makua aihue paha, e hai aku au ano e mare no ua iaia ma na ano a pau."
"A ina e hoole o Amber i ka ae ana e lilo oe i kane. pehea iho la hoi ia?"
Ua halii koke ae la he nanaina ano e maluna o na helehelna o Iasepa, upiki iho la oia i kona mau lehelehe me ke aki ana o na ku'i. alaila. owaka ae la kona waha a kamailio hou ae la:
"Aole loa he mea malalo iho o ka la nana e kono mai ia'u, a nana hoi e hoololi ae i ko'u manao. Aole. aole loa he mea nana e hoololi ae i ko'u manao. E lilo ana oia na'u. a na'u wale no."
"Bah! hele pela," wahi a kona kaikuahine i pane hoohenehene aku ai. "Ke ike nei au ina e hoole ana o Amber aole oia e mare ia oe e kukuli koke iho no oe me ka olelo ana e huikalala aku oe a o ka pau ae la no ia. Mai hoao mai e hoopulou i ko'u mau maka me kena mau olelo epa au. O kou kulana i keia wa ua loli ae ia mai keia wa au i kokua ai ia'u a holopono ai ka kaua hana kipaku ia Amber. Nolaila, i keia manawa ke ano pau ae nei ko'u manao ohohia ana nou."
O keia mau olelo a Blanche he mau olelo ia ana e hoao ana i ka manao maoli o kona kaikunane.
"Ua kuhihewa oe, e Blanche." wahi a Iasepa. "Aole loa i loli ae ko'u kulana. O Iasepa no au i keia manawa elike la me kau no i ike ai mamua aku nei. E hoolohe hou mai. E lilo ana o Amber i wahine @@'u-ina o ia lilo ana ua hanaia ma ke ano maikai a maikai ole paha."
Na keia mau olelo hope a Iasepa i hook@@@@ hope aku ia Blanche. no ka mea. ua ike aku la oia ma na helehelena o kona kaikunane ua oiaio kana mau olelo a ua hoopukaia me ka oiaio. Nolaila. ua pane hou aku ia oia ma ke ano hooma@@@@:
"Alaila, e ae ana no oe iaia e ao kula loa ua makemake oia e hana pela?"
Ua kunou aku la o Iasepa.
"Ina owau oe." wahi a Blanche. aole loa au e ae e hookakakii i ka'u mau olelo. E ninau maoli aku no au iaia ina ua makemake oia e mare. a ina e ae mai ua pau ae ia no. aka. ina oia e hoole mai ana, alaila, e hopu iho no au iaia a lawe aku elike me ka Mualana opio i hana ai. Oia ka'u la?
"Mai hoopuka mai imua o'u i na olelo lapuwale o kena ano," wahi a Iasepa me ka hulili ana ae o kona maka. "Ua oki@ Ua hiki ia'u ke hana ia Amber elike me ka'u mea i ike ai he pono. He mea ano e nae i ko'u noonoo ana i ko Mualana opio hoopaa ana iaia ma kahi paa. He mea oiaio anei ua mahui oia i ko Amber kulana oiaio maoli? A i ole, ua makemake oia e hunakele ia Amber. He mea pono e ike au iaia i keia manawa. Homai ka helu o kona hale e noho nei, e Blanche."
Kakau iho la o Blanche i ka helu o ka hale kahi a Amber e noho ana a haawi aku la i kona kaikunane, a pane hou aku la:
"Ina me keia no oe e hoapaapa mai ai. e kunanae. he mea maopopo e lohe ana o Sa Ralapa a o kona miki aku no ia a noi ana e mare laua. Pehea e hiki ai ia oe ke pale ae i keia mea? E hai aku au e hooko piha aku no oia i ka makemake o kona makuakane ina e ike maopopo ae ana oia o Amber no keia wahine opio."
Ua minoaka iho la o Iasepa aka, aole oia i pane aku.
"E hookomo aku oe i na manao iloko ona, e kunane, ma kau olelo ana he hoaloha oiaio loa au nona elike la me oe. E hai aku iaia ua kokoke loa mai ka manawa o'u e mare ai me Sa Ralapa-aole nae he hiki ia'u ke hoopoina i kana mau hana kohu ipo la i ko Amber wa i hiki ai ianei, a me kona kuhea ana mai ia'u ma ka inoa kuahine. Ua kapae aku oia i ka hoopuka ana i ka inoa kuahine ia'u mamua aku nei, a me he mea la, i kona manawa i ike ai ia Amber, ua hoala hou ia ae no hoomanao ana no ia inoa o'u. Ua ano maalili kona manao hoomaopopo no'u. a me ke akahele loa au e hana ai a hiki i ko'u lilo hou ana he mea nui iaia."
"O kou kuleana ia" wahi a Iasepa iaia i ku ae ai iluna. "Eia au ke hele nei no ka ike ana ia Amber a e hoomanao pu iho oe aole loa oia e maalo hou ana imua o na nanaina o Sa Ralapa. He manaolana nui ko'u i keia manawa e lilo ana oia i wahine na'u. Malia o keia hoao ana e kaili i kona kino he alanui kupono loa paha ia-he mea paha ia nana e hookomo i na manao kaniuhu iloko ona-komo na manao uiha no keia ano o ke ola ana-a o kona manawa auanei paha ia e huli mai ai me na lima hamama a apo aku i ko'u aloha i hele wale a kupaa nona. A pehea, ua hai aku anei oia ia oe ua hoao o Mualana opio e lawelawe i na hana pono ole maluna ona?"
"Ae, ua hoao io aku no o Mualana opio e hana pela, a no ka pinepine o kana hana ana pela, ua manao iho la o Amber e hoomalimali iaia, a i kakahi la ua hai aku la oia i kon moolelo piha, me kona hai pu ana aku he iaia oia no ka ohana o Kotene, a me kona hoike pu ana aku i kekahi lei daimana ana e lei ana i kela manawa."
"Ua hana anei o Amber pela?" wahi a Iasepa i ninau aku ai me kona hele hi-ka ana aku a pili i ka paia o ke keena.
"Ae, ua hana io no o Amber pela. a me he mea la, no ka makuahine keia lei daimana ana i hoikeike ai. Ua heluhelu iho la o Mualana opio i na huakumu i kahakahaia a me ka la. a ma ia manawa ua ano e ae la kona ano a me ke ano o kana mau hana, a haule hou iho la ua lei daimana nei iluna o ka papahele. No keia mea ua hoololi ae la o Mualana opio i ke kulana o kana mau hana, a noi au la ia Amber e hoohuiia laua ma ka mare iloko o ka hanohano."
I keia manawa ke auku nei ko Iasepa poo iluna a ilalo me he mea la aia he mea ua ili a ua mau ma kona kileo puu. Aole i nana aku ke kaikuahine i keia mau hana auku a kona kaikunane aka. me na olelo kui houhou ua pane hou akau la:
"Pehea iho la kou manao no keia mau hana ku i ke keonimana a Mualana opio? E hoike aku au ia oe, me keia kanaka opio kulana hanohano a hooilina hoi o ka waiwai o ka Makuika Akanekota-Ke olelo hou nei au, o keia kanaka opio kulana hanohano a waiwai, ka mea hoi au e hoao nei e paio aku a o kou hoa paio hoi no ka lima o Amber, ke manao nei anei oe e loaa ana ka lanakila ma kou aoao? Ua nele oe ma na ano a pau a ua hoopuka ae nei no hoi oe i kau mau olelo kaena, no ka lilo o Amber ia oe a aole i kekahi mea okoa aku, pehea, e hookoia ana no anei ia mau manao upu ou? Aole o keia wale ae la no na pono i loaa ia Mualana opio. aka, me ka hoohakalia ole ua nonoi koke aku la oia ia Amber e mare laua, me kona ae ana e hookoia ka oihana o ka mare mawaena o laua ma kahi a me ka manawa a Amber i makemke ai. He maikai keia manao o Mualana opio a ua hoike oia i kona kulana keonimana. a eia nae ua naauapo o Amber ma kona hoole ana."
"O, e lele koke aku no au i ona la." wahi a Iasepa iaia i ku ino ae ai iluna.
"A mamua o kou hele ana." wahi hou a Blanche. "ua makemake au e hoakaka pono mai oe i ke kaona o kau mea i kamailio iho nei e pili ana no ko Amber hanauia ana. Heaha iho la ka hewa ina ua komo na manao hoohuoi iloko o Miualana opio no Amber a me na mea a pau e pili ana nona? Ua olelo mai oe ua makemake o Mualana opio-ke keiki hookahi a ka Haku Mualana a hooilina waiwai hoi o ka Makuika Akanekota. e huna a e hoonalonalo loa aku la Amber-pehea oia i makemake ai e hana pela? Aole he maopopo ia'u"
"Aole no e maopopo ana ia oe i keia manawa." wahi a Iasepa. "nolaila, mai hoao e hoopowehiwehi i kou noonoo no ia mea. E lohe ana no oe i ka wa kupono."
"Aka e kuu kunane." wahi a Blanche i hoomau aku ai i ke kamailio ana." aole anei ma kekahi ano ua pili o Amber ia Balea Mualana? Ina ua pili lo alaila. aole anei no keia ike o Mualana opio ka mea nana i kono iaia e hoonalowale aku la Amber? Ea, me he mea la o keia ae la ka pololei. no ka mea. aia wale no a maopopo ia oe ke kumu a me ka manao o kekahi kumuhana pela no oe e hooko aku ai. O kekahi no hoi. oia no kona ike ana i keia lei daimana a me kona noi koke ana e mare laua-@e hoike moakaka keia a@na e hooia mai ana ia'u. oia no kekahi i ike i ka mea huna e pili ana no ko Amber hanau ana.
(Aole i pau.)
Hele Malihini ana o kekahi Keiki Opio Auwana mai keia Ao aku a hiki i kela Ao.
I kekahi la, hele auwana kekahi keiki i ka waonahele o keia ao a hiki aku la ma kekahi wahi. a moe iho la iloko o kekahi ana. A i kuu hiamoe ana. hiki mai la kekahi moeuhane. Ike aku la au ma kuu moe ana. he kanaka i aahu ia i ka lole nahaehae a weluwelu. e ku ana. a o kona mau maka e nana ana mai kona hale aku. a he buke ma kona lima. a he haawe nui a kaumaha maluna o kona kua.
(Isaia 61:6. Aia hoi. ua palapalaia imua o ko'u alo; aole au e noho ekemu ole. e uku aku no au. maloko o ko lakou po@@. Luke 14:33. Pela hoi keia mea keia mea o oukou i haalele ole i kona mea a pau, aole e hiki iaia ke lilo mai i haumana na'u Halelu 38:4 No ka mea, ua kaa ae kuu mau hewa maluna o kuu poo. me he mea kaumaha la. ua kaumaha loa ia ia'u)
Ike aku la au iaia. ua wehe la i ka buke. a heluhelu iho la: a i kona heluhelu ana, uwe iho ia ia me ka haalulu.
A no ka hiki ole ke hoomanawanui hou aku. poha mai la kona leo uwe nui. e olelo ana. "Heaha la ka'u e hana ai?"
(Oihana 2:31. A lohe lakou i keia. walania iho la ko lakou naau. i aku la ia Petero. a i na lunaolelo. E na kanaka. na hoahanau. heaha ka makou e hana ai. Oihana 16:30. A kai mai la ia laua mawaho. i aku la. E na haku heaha ka'u e hana ai i ola au." Habakuka 1:2. Pehea ka loihi o ko'u kahea ana. e Iehova, aole oe e hoolohe mai? A uwe aku hoi ia oe no ka hana ino, aole oe i hoopakele mai? (3). No keaha la kou hoike ana mai ia'u i ke kaumaha. a me ka ehaeha? Aia no ka hana ino. a me ka hoohihia imua o'u: a aia mai la ka hakaka a me ka poio.)
Pela no ia i hou aku ai i kona hale. a uumi i kona uwe ana, i ike ole mai ai kana wahine a me na keiki i kona kaumaha; aka, aole i hiki iaia ke hoomanawanui. no ka nui loa ana mai o kona pilikia. Nolaila i hoike aku ai ia i kona manao i kana wahine a me na keiki, penei, "E kuu wahine aloha, a me na keiki a kuu puhaka, owau o ko oukou makamaka aloha, ua pilikia loa i keia haawe nui e kau koikoi nei maluna o'u: eia hoi kekahi, ua hoikeia mai hoi ia'u, e pau ana keia kulanahale o kakou i ke puhiia i ke ahi, a iloko o keia kahuli ana, e make mainoino auanei au, me oe ka'u wahine, a me oukou e ka'u mau keiki aloha. ke loaa ole ia kakou kekahi puka e hoopakeleia ai a ola.
I keia olelo ana. kahaha loa ae la kona poe hanauna, aole no ka manao he oiaio kana, aka, kuhi lakou ua pupule oia, no ka mea, ua kokoke napoo ka la, manao lakou e oluolu paha ia ke hiamoe, alaila hoomoe lakou iaia i kona wahi moe, aka, ua like kona kaumaha i ka po me ia i keao; a he uwe wale no kona me na waimaka, a ao ka po.
A i ke ao ana ae. ninau mai la lakou iaia, pehea oe? I aku la keia. "Aole o'u maha iki, he nui loa mai kuu ehaeha." Alaila ao hou aku la oia ia lakou, aka, hoopaakiki hou iho ia no lakou i ko lakou mau naau.
Manao no hoi lakou e hoopau i kona kaumaha ana ma ka olelo kalakala a me ka huhu iaia; i kekahi manawa. aka hoohenehene lakou iaia, a i kekahi manawa, hoino aku. a i kekahi manawa hoowahawaha iaia.
Aka, aole ona nana i keia mau hoino ia, ua hele aku no ia a komo iloko o kona keena malu, e pule aku no lakou a e uwe mihi ana i ko lakou pilikia.
Hele hookahi ana no ia i ka la ma ke kula e heluhelu i kana buke. a e pule hoi. a pela kana hana ana i na la he nui. I kekahi manawa o kona hele ana ma ke kula, no ka heluhelu ana i kana buke, me ke kaumaha nui o kona naau; a i kona heluhelu ana. kahea aku la ia me ka uwe nui, e like me mamua. "Heaha ka'u e hana ai i ola au? (Oihana 16:31. I mai la laua. e manaoio aku i ka Haku ia Iesu Kristo. a e ola oe ame ko ka hale ou.)
Alaila nana aku la ia i kela aoao i kela aoao, aka, ku malie iho la no ia. no kona ike ole i kahi e holo ai. Alaila @@ aku au i kekahi kanaka o Euane@@@ kona @noa e hele ma ana i ona ia. a ninau mai la ia ia'u. Heaha kau e uwe nei? Pane aku la ia. ke ike nei au iloko o keia buke ma kuu lima. ua hoohewaia no au e make a mahope aku e hele i ka hookolokolo ana.
Alaila i mai la o Euanelite, no ke aha la oe e makemake ole e make. he nui na popilikia o keia ola ana? I aku la keia no kuu makau. e hoopoho iho keia haawe maluna o kuu kua iloko i ka lua o Topeta. (Isaia 30:30. No ka mea, ua hoomakaukau kahikola o Topeta. no ke aili hoi ia i hoomakaukau ia ai; ua hana ola ia wahi a hohonu. a ua nui hoi. He wahi ahi, a ua nui hoi ka wahie. na ka hanu no o Iehova e hoa iho. e like me ka luaipele e kahe ana.) A ina aohe o'u pono e noho iloko o ka halepaahao. aole hoi au e pono ma ka aha hookolokolo. a malaila aku e hele ai i ka hoopaila ana; oia mau mea ka'u e uwe nei."
Alaila, i mai la o Euanelite, "Ina pela kou manao, no ke aha la kaua e ku wale nei?" I aku la keia. "No ka mea. aole au i ike i kahi e hele aku ai." Alaila haawi mai la o Euanelite i kekahi ow@@@ pepa. a ua kakaula maloko panei: "E holo i pakele ai i ka inaina e kau mai ana." (Matalo 3:7. A ike aku la ia. he nui na Parisalo a me na Sadukai i hele mai e bapeti@oia ai e ia. i aku la oia ia lakou. E ka hanauna moonihoawa. nawai oukou i ao aku e holo i pakele ai i ka inaina e kau mai ana?)
Heluhelu iho la ua kanaka nei. aiaila. haka pono aku la ia Euanelite. i aku la. Mahea kahi a'u e holo ai? Kuhikuhi aku la o Euanelite me ka lima. maluna aku o kekahi aina palahalaha, ninau aku la oia iaia. "Ua ike oe i kakahi ipuka olo@@ ma o?" (Matalo 7:13. E komo ae oukou ma ka puka pilikia. no ka mea. he akea ka puka. he palahalaha hoi ke alanui e hiki aku ai i ka make; a nui wale hoi ka poe komo ilaila. (14). Aka he pilikia ka puke. he olo@@@ hoi ke aia e hiki aku ai i ke ola. a kakaikahi wale ka poe loaa iaia.)
Aole au i ike, ninau hou keia. ua ike oe i kekahi kukui malamalama ma o? I aku la ia. Ae, ua ike uuku wau. Alaila olelo ae la o Euanelite. e nana pono kou maka ilaila. e pii pololei aku ilaila. a pela oe e hiki aku ai i ka ipuka. E kikeke oe ma ka ipuka. a e halia mai ilaila kau mea e hana ai.
(E hoomau la aku ana.)
HOOLAHA KUMAU.
-----
Ka Hai Banako hoaha
Malama Dala o Ha@@@@
Huina i @@@@………………@@@@
-----
Peresidena……………..Kiki@@@@@@
Hope Peresidena…………..W.P. @@@@
Puuku……………………W.O. @@@@@@
-----
Keena Hana N@@
Alanui Papu, kokoke i Alnui @@@@
Keena La@a ma Hilo, Hawaii
------@ LAWELAWE A@@@@
Oihana Banako Hoahu Dala
ma Honolulu âme Hilo
E la @eia mai no na hui@@@@@ ka haawiia o na ukupanee no @@@@@ makahiki ma ka huina o @@@@@ no ka makahiki. E loaa no @@@@ a me na hooponopono ana ke @@@@@ ma ke Keena Hoahu.
@@@@-1 yr.
------
DR. L. F. ALVAREZ
-----
Keena Oihana a Wahi No@@
@@@@ Emma Street
Na Hora H@@@: @@@@@@
@@@@@@
@@@@@@
Telephone W@@@ 211. @@@@@
-----
Dr. T. Mitamura
-----
Kena Ohana 14@@. Alanui @@@@@@@
Telephone @@@@ Pahu Leta @@@@@@
noho, 534, Alanui Nuuanu
Na hora keena: 8-10 a.m. 6-9 p.m.
koe na Lapule
-----
Kauka J. Uchida
HE LOMA MA KA OIHANA LAPA@@
Keena: Alanui Beretania, M@@@@
Papu âme Nuuanu.
Manawa hana, 8 a 12 A.M. @@@@@@ P.M.
Telephone Helu 1211 White
------
LEWERS AND COOK
Ltd.
(LUI & KUKE, KAU@@@@@)
-----
Na mea Hookomo @@@@
a Kuai i na
LAKO KUKULU HAL@@
o kela ame keia ano.
-----
Malaila e loaa ai na @@@@ malalo iho:-------
NA PAPA N.W., NA @@@ HOLE, PILI HALE, NA PUK@@@@ NA OLEPELEPE. AME NA @@@@ NO PUKA ANIANI, NA K@@@@@ AME NA MEA PILI I KA @@@@@ HANA KAMANA, NA PO@@@@ PENA.
NA PENA LIKE OLE, A@@@ NA HULU PENA, NA ANI@@@@@ NA PEPA HALE, PALE PU@@@@@ ANIANI, MOENA, ETC.
-----
O na kauoha pono hale ap@@@@ hiki mai ana ia makou e @@@@ koke ia no me ka eleu ame@@@ KUMU JUAI HAAHAA LOA.
-----
LEWERS & COOK
-----
I KA PO@ KULI: - Ua haawi @@@@ kahi @@@ waiwai i hoola la mai @@@@ huli ame ka @@@ @@@ @@@@ mamuli o ka @@@@ hoolohe @@@@ Dr. @@@@@@@ai ke loaa keia @@@@@ me ka @@@@@ THE NICHOLSON @@@@ Eighth Avenue, New York.
@@@@@@