Ka Nupepa Kuokoa, Volume XL, Number 24, 13 June 1902 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

Hoopukaia i na kakahiaka Poalima apau.

KE XL-Helu 24          HONOLULU, POALIMA, IUNE 13, 1902             NA HELU APAU 2915

 

Ka Hui Kamehameha Alumini

            @ malihini i na kini o Hawaii @ hui nona ka inoa e kau ae la @ oiai ua piha keia Teritore i na @ ame na hoa o keia hui, aole wale poe oia, aka, ua pinepine na mana@ puka ai ma na nupepa o kakou na hana a keia hui i hana ai.

@ ka po Poalima, Iune 6, ua manaia ae ka halawai makahiki o keia a ua nui no na lala i hoea mai.

@ weheia na hana e ka Peresidena @ E. King, kekahi o na opio Ha@ naauao a hoopono iloko o keia Teritore a e noho kumukula nei no ke Kula Kamehameha o na keikikane nu@

            @ @ hoolohe ana i na hoike @ @ @ hoike a ke kakauolelo @ ka Puuku, ua ikela, aia no ke @ nei ka ikaika o keia hui a o, na @ lokahi aia no iloko o keia ame @ puuwai pakahi kahi i oni paa ai @ ka manao paa e hoonee aku i ke @ holomua no keia mua aku.

Ua hoomahuahua hou ia ae ka heluna @ lala ma ka hooholo lokahi ana e @ komo i mau lala hou.

Mahope o ka noonoo ana i na kumu@ i manaoia no ia halawai, ua ko@ na luna nui no ka makahiki e @ nei, penei:

Peresidena, Thos. Treadway; Hope Peresidena, David L. A-i; Kakauolelo, @ Toyo Fukumura; Kakauleta, A. @; Puuku, edwin Montgomery, @ Hooia, W. Spencer.

Me ka minamina nui o ka hui, ma@ o ke kikoo ana mai o ka Papa @ ia Mr. Chas. E. King e @ aku i ka noho hakahaka o @ hoakula, Mr. Samuel Keliinoi, i @ maikai aku ai iaia no ka hooko @ i ka leo o la lehulehu.  Nolaila, e @ maikai ana o Maui i ka loaa ana o @ opio naauao nana e imi a e hoo@ aku i ka maauao ma kona @ e noho aku ai.

@ Maui nui a Hina, eia mai o Chas. @ ke hoi aku ia e hana i kou pono @Hea ia mai? Aole no hoi oia he @ kipa i kou ipuka hale, aka, he @ he Hono no na Piilani, no ka @ e Waihee.  Mai kakakii ae oukou, @ pa @ kahea, he leo o ke ola.  Mamua o ka hookuuia ana o ka hala@ ua haawi aku ka Hui Alumni i hoomaikai palena ole i ko lakou Persidena i pau, me na manao hoo@ no hoi no ka holomua o kana ha@ ma ka mokupuni o Maui.

Mahope mai, ua haawi mai oia i na @ ao hope loa ame kona aloha no @ nui me ka nonoi pu ana i na lala @ e lokahi iloko o ka hana no ka @ o ka hui ame ka mea nona ka @ haaheo e lawe ia nei,-Mrs. Bernice Pauahi Bihopa.  Malalo no o kana @ ana, ua haawiia ae he mau leo @ ekolu no na luna nui hou i kohoia @ hookuuia ka halawai.

Ua pinepine na manawa i loha ia ai mokuahana ame ka hoopaapaa o na i kukuluia e na Hawaii, a malalo mau kumu ua nahaha mau lakou, @ ke hoike mai nei na hana o keia i ka lokahi ame ka paa o ka ma@ e hoonahaha a e hoomokua@ i ke aloha hoahanau.

@ no i nele ka loaa o na manao @, aka nae, o ka olelo kaulana @ nei: “O ka lokahi ka ikaika,” @, ua hana a malama mau ia keia a e keia hui, a he haawina maikai @ lawe ia e na hui a pau a malama @ ka hiaai nui.

@ wale oia, aka, ke kono mai nei @ tui ame kana mau hana, e hoala @ hui o keia ano iwaena o na kula @ Territore no ke sila paa ana i aloha hoahanau.

@ mea maikai ole ke ku hookahi @ o kekahi opio i hoonaauaoia iwa@ o kekahi poai ana i malihini ai.  @ ae mau he mau maka malihini, @ ae hoi, oia ana like no, nolaila mau ae no ka manao, “Aloha mai makua.”

@ ka opio i komo i na hui o keia @ e hui mau ana oia me na maka @maaina iaia, a o na manao hopo@ e opeope ia ae ana a kapae ia ae @ kuono a hookahi k ahauoli pu ana.

 

Na Make o ka Mahina o Mei.

@ HAWAII KA HELUNA NUI O NA MAKE.

@ ka hoike papa helu o na make @ ka Paemoku a ka Papa Ola no malama aku nei o Mei, 1902, e hoike @ ia i ka heluna nui o na make o ia @ o na Hawaii nae ka nui ae @ mamua o na lahui e.  Heaha @ poino nui o kakou?

@ ka nana ana iho ma ka hoike a @ aia iwaena o ka poe kahiko o @ makahiki ame na keiki ma@ hookahi makahiki ka hape nui o make: a o kekahi hapa mawaena @ o ka poe o kanaono ame kana@ makahiki.

@ loaa keia mau make maloko o na @ like ole.  Eia iho ka papa helu:

@una nui         80

@ kane            57

@ Wahine       23

Hawaii Ponoi  36

@ Pake            15

@ Iapana         12

@ Pukiki         8

@ Amerika      3

@ Pelekane     2

@ @nui e        4

 

KE KIAHA MAKANA,

            E makana ia ana he kiaha dala i ka Hui Kinipopo e loaa ana ka lanakila.  Akoakoa na keiki o ka Hui Kinipopo o Honolulu ma ka auwina la Poaha o kela pule aku nei, no ka hoomaopopo ana i ka mea e loaa ai kela makana maikai.  Ua loaa no ia lakou ka lanakila a pela pu no hoi kekahi mau hui kinipopo e ae o ke kaona nei no na makahiki i hala.

            Iloko o ka makahiki 1899 i laweia mai ai keia kiaha ma Honolulu nei.  Oiai o Hawaii e hoomaamaa ana i ka hoolel poka, ia au i kaahope aku la, loheia mai ia, e holo mai ana na haole i maamaalea ma keia hana e hoohauoli pu me lakou nei ae.  Nolaila ua hooikaika na opio Hawaii e papahi aku ia lakou la mao mai, a mamuli no hoi o ia hoomanawanui ana, loaa iho la ka hanohano o ka la, me ka makana mua loa i paa ma ko lakou mau lima.  He kiaha dala ka makana, a o ka mea nona ia kuleana oia no o Mr. A.G. Spalding.

            Na makahiki i loaa ai ka lanakila i kela ame keia Hui Kinipopo o Honolulu nei ame ke kaa ana o ke kiaha makana malalo o ka malumalu o kekahi o ia iho no keia:

            Hoku, 1889; Kamehameha, 1890; Honolulu, 1891; Kamehameha, 1892; Crescents, 1895; Hoku, 1896; Puali Ekahi, 1897.

            Ua kaa ka malama ana o ke kiaha malalo o ka J.A. Thompson malu mamuli no ia o ke kohoia ana e Mr. A.G. Spalding ka ona o ia mea.  Makana kela ame keia Hui i $3.50 pakahi no ke kuai ana i mau mea paani kinipopo no ka aian ma’i o kakou ma Molokai.  Maikai loa ka noonoo pela.  Mahalo nui i ka lokomaikai.

 

UA HALA AKU MAO.

            Ma ka la 27 o Mei, hora 9 a.m. ua hala o Miss Hannah A. Kekuewa.  Ua piha iaia na makahiki he 24 me na malama me 23 hora.  Ua hanauia oia ma Mejuro, Paeaina Makala, ma ka hoi ana o na makua no ka aina hanau nei, ua hoi pu mai.  Ua hoonaauaoia ma ke kula ohana a Rev. Ostrom, a ma ke kula kaikamahine o Kohala.  A no na makahiki hope ma ke kula o Kawaiahao Seminary.  A i na la hope o ka A.D. 1900, ua hoi mai i ka home me na makua.  Ua noho hana me na makamaka haole, a no ka nawaliwali, ua hui pu me kona Haku aloha.  Ua haalele iho oia mahope nei ehiku mau pokii, ekolu kaikamahine, eha kaikunane. Ua hala aku oia, a eia na makua mahope nei e noho u ana me ka luuluu, oiai Nana no i haawi mai, a Nana no i lawe aku, e hoomaikai ia Kona inoa.            REV. S.W. KEKUEWA.       Kohala, Hawaii.

 

            Ma ke alanui Waila ae kekahi bipi bulu kahi i hele ai mai Mano mai a kau ka weli o na kanaka olaila.  Ua kiia aku i ka pu elima manawa, o ka hoi po ia i kauhale.

 

Ka La Hanau o ka Na’@ Aupuni

Malama ia na lealea like ole ma na wahi apau o keia kulanakauhale.

            I ka wehe ana mai o kaiao o ke kakahiaka o ka la 11 iho nei o Iune, keia mahina ua hoike mai ia he la nani a maikai, malaelae no na hana hoohauoli no ka hoomanao ana i ka ia hanau o Kamehameha I, ke alii ai-moku ka mea nana i hookuikahi i na mokupuni apau o ka Paeaina Hawaii, a i ka puka pono ana mai o ka la ua hooiaioia mai no i kona hiohiona nani e piha hauoli aikona mau kini.

            He nui na lealea o ia la a o kekahi o lakou oia no na lealea i malamaia ma Kapiolani Paka he mau heihei lio like ole, a he paina nui na ke Kula Sabati o Kaukeano Hou ma ke Kula o Punahou, a he ahaaina no hoi na ke Kula Sabati o ka Ekalesia Kristiano o ke kulanakauhale nei ma Puuloa, Ewa, a he luau no hoi ka ka Hoomana Mekokika o keia kaona a he paani no hoi ma ke kahua paani o Makiki, a i ka po iho o kuuia ae ai na lealea o ka po o Halalii ma ka Hale Mele Hou me na hoolei popo-kalo a na moho pelepele Messrs. Weday ame Agnew.  Ua piha hauoli maoli no ke kulanakauhale mai ke ao a hiki i ka po ana.

NA AHAAINA.

            O ka manawa i hooholoia no ka paina o ke Kula Sabati o Kaukeano Hou i malamaia ma ke kahua o ke Kula Hanai o Punahou oia hoi ka hora 9 a.m., mai ia manawa mai ka hoomaka ana e piha ke kahua i na knaka, mai na makuakane, na makuahine, na kamaliikane, na kamaliiwahine iwaena o na lahui like ole, haole, Pake, Iapana, Pukiki ame na Hawaii ponoi o ka aina.  Ma ka aoao makai o ka halekuia nui kahi i hookahua aika paina.  Ua hoonohoia na noho he heluna nui, a he papai lole kekahi i hoomaukaukauia no na mea ai.  Ua piha na noho a kuku kahi poe iluna e holoholo ana kahi poe ame na kamalii e paani ana, lele kowali, a paani kinipopo.  O keia mau mea apau aia wale no malalo o ka malmalu o na kiawe koe ka hoomaamaa kinipopo a na keikikane, a i ka nana aku ua piha hauoli like na mea apau.  O ka Lunakanawai Kiekie Frear, Rev. Mr. Kincaid ke kahu o ka Ekalesia o Kaukeano ame ka Hon. J.B.

(E nana ma ka aoao 6.)

 

HE HAOLE AUWANA

            Ma ka auwina la o ka La Pule nei, hora 1 p.m. ua loaa aku kekahi haole e hiamoe ana iloko o ka pa luakini o Kawaiahao, e kokoke ana ma ka puka nui ma Ewa.  Ua lu iho oia i kana mau dala mamua o kona alo a hiamoe iho oia me ka hoomaopopo ole i kana mea i hana ai.

            O ka ona lama mai ke kumu o ka hana ana. A ina o ka loaa ana aku o keia kanaka e hiolani ana i ka hana a ka ona lama, he mau lima eepan, ua hoi oia me ka nele a hoaa ka hopena.  He kanaka Perukia keia a ua hele wale oia e imi wahi nona e hiamoe ai aole nae loaa, a mamuli o ka loaa ole ana o kahi e hooluolu ai o kona poo ua hele wale aku no oia me ka hikaka i o a ianei i ke alanui a hiki aku la oia ma Kawaiahao.  Maha iho la kona manao a moe iho oia ilalo me ka wehe pu ae i kana mau wahi kenikeni he kanakolu ($30) a oi aku paha, a mahope o kona helu ana ua haule aku ke kanaka e hooluolu.

            Ma ia auwina la no, ua uilani ae na keiki o ke kula Pakipika e hele aku i ka lakou apana hana ma Kawaiahao, a i ko lakou hiki ana aku ua loaa aku keia kanaka e hiamoe ana a ma ko lakou noonoo ana ua loaa paha keia kanaka i ka pilikia a na keia mea i alakai aku ia lakou malaila.  Ua hoaiaia ke kanaka a ka hiamoe nui wale a i kona aia ana ae e kuku aku ana lakou nei me ka walaau ole aku.  Mahope iho o ka mahia pono ana o kona ona ua kamailio aku lakou nei i kona hiamoe naaupo.  Hopu koke iho oia i kanamau kenikeni me ka manao o keia poe keiki Kristiano.  Hoakoakoaia kana mau dala apau pono, a haawi mai oia i kona mahalo ia lakou nei.  Ma ka niele pono ioa ana o kona inoa ame kona wahi i hele mai ai ua hai mai oia i kona inoa o Joseph Dos’ a o Kaanapali, Maui, kokoke ana i Lahaina kona wahi noho.  He kanaka hana oia malaila a ua holo mai oia ianei.

 

KA LA PONI MOI.

            E malamaia ana he anaina lealea ma ka la 26 o keia mahina e na haole Pelekane o kakou.  He la Poni Moi keia o Edward VII o Pelekane a mamuli o keia me ahou, ua hoolalelale e na keiki oia aina i mea e hana ai no ia la e hiki mai ana.  Ma ka Punahou e malamaia ai keia aha laulea me ke kokua pu aku o Kapena Berger i kana apana hana maa mau.  Hele ae kakou e ike i ka mea hou oia la, a ua aeia na noho apau no kela ame kela mea e hele aku ana ia ia, nolaila e hoomanao ae kakou i keia mea nani.

            E hana pu ia ana no keia lealea ma Ladana, a ua oi loa aku na mea lealea e hanaia ana malaila.  Lehulehu wale na kanaka e hoomakaukau ia i na mea kupono e hana ai ia la, a ua ohohia na mea apau mai o a o ka aina.  Hauoli nui na kanaka oia wahi a pela pu na panalaau malalo o ka mana o Pelekane.  O kekahi l anui loa keia o ke ao holookoa.

           

            O na makana i lawe haaheo ia ao ma ka la kulaia iho nei ua waahiia i ka poe nop lakou ka lanakila i ka hora 9a.m. o ka Poaha, Iune 12.

 

Ke Puoho la o Pele i keia mau la

            Ma ka leka a kekahi makamaka i ka nupepa Advertiser ua loaa keia malalo iho:

            Volcano House, June 5.-Aloha oe:-Ua loaa mai kau leta ia’u ma ka la elua iho nei a ua hauoli no hoi i ka hai aku i ka mea hou o onei.  Ma ke kakahiaka Sabati, la 1 o Iune, hora 10 a.m. i ike aku ai au i ka puoho ana ae o ke ahi pele ame kekahi punohu uwahi nui mailoko ae o ka lua o Kilauea, a ma ia manawa hookahi pu no i ike aku ai au i ka pii ana ae o ka uwahi mai Halemaumau ae a ma ka auwina la i hoomaka hou ai ke ahi e pii ana me ka ikaika nui, a he mea no hoi e hoike mai ana i ka weliweli o ia mea.  Ma ko’u hoao ana e iho ilalo, aole loa i hiki ia’u e hana e like me ko’u manao no ka nui loa mai o ka uwahi.  Ma na aoao o ka lua ua pii ae ka pele a like me ka waha a he nani maoli ke nana aku i ka wena o ke ahi.

            Ua ano akakuu mai hoi i ka Poakahi ae a hiki i ka Poalua a ma ia po Palua no ua olapa hou mai ke ahi a ua luahine hana apiki nei o kakou.  I ka hele ia ana aku e nana ua hookuu aku oia i kona poe paahana kakaikahi ma kela huli o Kau.  Ke mau nei no ka pii o ke ahi i keia mau la a hiki mai la no i keia ahiahi.  He nui ino loa ka malamalama o ke ahi i keia ahiahi a ua hele aku na haole o onei e makaikai i ke ahi, a ma ko lakou manao ana aole e pau koke ka a ana.  Akahi no a pii hou ke ahi ma Halemaumau, ma ko’u huli ana iloko o ka buke hoomanao ua loaa ia’u ka makahiki i a ai ka pele ma Halemaumau.  Makahiki 1896 mahina o Sepatemaba a he wahi ahi uuku i ikeia iloko o ka makahiki 1898.

            Owau iho no me ka ‘oiaio, F. WALDRON.

 

Halawai me kekahi kuia

POINA MAMULI O KE KUHIHEWA

            I ka Hope Lukanela Lopaka C. Humebera ame ka Luna Koa Wakini o ka pualikoa wawae o Amerika ma Manila, e hele makaikai ana ma kekahi wahi loihi, aia hoi, ike aku la laua nei i kekahi Pilipino e hele mai ana me ka hae keokeo.  Manao ae la laua nei e hele mai ana e haawi pio, aka, i ke kokoke ana mai wehe ae oia i kana pahi nui a hahau mai i kahi o laua.  Ma kela hahau ana o ua kanaka eepa nei, lele ana ka lima o Luna Koa Wakini.

            Unuhi ae o Lopaka C. Humebera i kana pu panapana a ki aku i ke kanaka kolohe, aole nae i ku aku poholo e iloko o ka ulunahele.  Hoi aku laua me ka pilikia nui i kahi hoolulu o na puali.  He eono mile ka mamao o keia wahi mai kahi hoolulu aku.  Ua papa loa ia na koa Amerika apau aole e hele hookahi a elua paha ma kahi mamao loa.  O ka hele nui ma kahi elima a ewalu paha me ka lako i na mea kaua ua pono ia a ua ae mai ke Kenerala i keia manao maikai.

            He naaupo loa keia hana ana a kela Pilipino, no ka mea, aole keia o ka pula kaua, ua uhaki keia lahui i ka rual paa mawaena o na mana nui o ke ao.  O ke ano o ka hae keokeo ma ke kahua kaua, e hoike mai ana oia, ua haawi pio malalo o kekahi aoao.  He karaima nui loa keia ma ke kanawai kaua o ke ao holookoa.  O ke kue ana i ke kanawai kaua, ka mea hoi a na mana nui i, hooholo ai, he hewa nui loa kona.

 

He Leo Uwe.

MANAO WALE IA NO HE PILIKIA.

            I kekahi ahiahi ua loheia aku he leo uwe.  He leo wahine keia a nma kanaka e lohe nei, keia leo uwe a ke aloha nui wale.  Aia ma Makiki kahi noho o keia wahine me kana keikikane a ka lokoino nui, aole loihi loa mai ka Hale Kula o Kaahumanu aku.  Ua hoopuiwaia na kanaka e noho kokoke ana malaila, a mamuli o ko lakou lohe ana i keia leo uwe, a na ia mea i kauo aku ia lakou e holo e nana i ka mea pilikia.  I ko lakou kokoke ana aku mawaho o ka hale, lohe aku la lakou nei i ka noi a ka makuahine i kana keiki aole oia e haawi aku i kana mau puupuu a ka lokoino.  Aole i loihi loa keia nakulu aba o Kilauea, a o ka pau ae la no ia.  He hana mau no hoi keia wahine i kana apana hana o ka uwe hamama i na ahiahi apau.  I kela mau ia aku nei, kani hou ae no.  He hoohanakuli i kanaka o ia wahi.

            He mea hoohanakuli mau keia ia lakou ia, ua olelo kekahi poe oia uka, ina e hana lealea hou ana alaila e hoouna ia aku no kekahi kanaka malama hokele o Kuapapanui.  E na makamaka, e nana ae kakou i ke keiki o ka lokoina nui wale.  Aole oia kana hana, e haawi aku ai i kona mama aloha.  E malama kela ame keia keiki i kona makuahine ka mea nana hoi e malama kakou mai ka wa iluna ke alo a nunui wale no.  Nolaila e lawe kakou i na makuahine o kakou i mea nui imua o ko kakou alo.  O ka mea malama i kona makuakane ame kona makuahine, e loihi auanei kona mau la maluna o ka aina a kona Makua Lani i haawi mai ai iaia.  Malama i keia mau olelo!