Ka Nupepa Kuokoa, Volume XL, Number 24, 13 June 1902 — HE HAOLE AUWANA [ARTICLE]

HE HAOLE AUWANA

Ma ka auwina la o ka La Pule nei, hora 1 p. m. ua loaa aku kekahi haole e hiamoe ana iloko o ka pa luaklnl o Kawaiahao, e kokoke ana ma ka puka nui ma Ew'a. Ua lu iho oia i kana mau dala mamua o kona alo a hiamoe iho oia me ka hoomaopopo ole 1 kana mea i hana ai. O ka ona lama mai ke kumu o ka hana ana. A ina o ka loaa ana aku 0 keia kanaka e hiolani ana i ka hana a ka ona lama, he mau lima eepa, ua hoi oia me N ka nele a hoaa ka hopena. He kanaka Perukia keia a ua hele wale oia e imi wahi nona e hlamoe ai aole nae loaa, a mamuli o ka loaa ole ana o kahi e hooluolu ai o kona poo ua hele wale aku no oia me ka hikaka 1 o a ianei o ke alanui a hiki aku la oia ma Kawaiahao. Maha iho la kona manao a moe iho oia ilalo me ka wehe pu ae i kana mau wahl kenikeni he kanakolu ($3O) a oi aku paha, a mahope o kona helu ana ua haule aku ke kanaka e hooluolu. Ma ia auwina la no, ua ullani ae na keiki o ke kula Pakipika e hele aku i ka lakou apana hana ma Kawaiahao, a i ko lakou hiki ana aku ua loaa aku keia kanaka e hiamoe ana a ma ko lakou noonoo ana ua loaa paha keia kanaka i ka pilikia a na keia mea i alakai aku ia lakou malaila. Ua hoalaia ke kanaka a ka hiamoe nui wale a i kona ala ana ae e kuku aku ana lakou nei me ka walaau ole aku. Mahope iho o ka mahia pono ana o kona ona ua kamailio aku lakou nei i kona hiamoe naaupo. Hopu koke iho oia i kana mau kenikeni me ka manao e laweia ana, aka, aole pela ka manao o kela poe keiki Kristiano. Hoakoakoala kana mau dala apau pono, a haawi mai oia i kona mahalo ia lakou nei. Ma ka niele pc*no ia ana o kona inoa ame kona wahi i hele mai ai ua hai mai oia i kona inoa o Joseph Dos' a o Kaanapali, Maui, kokoke ana i Lahaina kona wahi noho. He kanaka hana oia malaila a ua holo mai oia ianei