Ka Nupepa Kuokoa, Volume XL, Number 28, 11 July 1902 — He Koi Poho o $10,000 MAKEMAKE E PILI HOU KA AINA ME LAKOU. [ARTICLE]

He Koi Poho o $10,000

MAKEMAKE E PILI HOU KA AINA ME LAKOU.

Ma keia pule i hoomaka ai na hana o ka Aha Hookolokolo Kaapuni o ka Apana Hookolokolo Kaapuni Ekahi ma ka noho lunakanawai ana a ka Lunakanawai Kaapunl A. 8. Humphreys a o kekahl o na hihia i lilo i mea nui iloko o ka aha hookolokolo oia no ka hihia waiwai a James Auld ame kona mau pili e koi ana l ko lakou poho o $10,000 ame ko lakou kuleana e hoihoi mai 1 ka aina me lakou. He hoopii keia na James Auld ma e kue ana i ka Hui Pa Papa ame Kukulu Hale o Oahu ka ona e paa nei ia waiwai.

Aia keia aina waiwai nui iloko ponoi 0 ke kulanakauhale nei e waiho la mauka iho o ka Hale Leta a holo a hiki 1 ke alanui Moi, a mai ke alanui Betela a hiki i ka halekuai o Dimond ma. He aina waiwai nui keia nona ke kumu waiwai mawaena o $50,000 ame $100,000.

O ka ona mua o keia waiwai oia no ka Hui o Kakela ame Kuke a ma ke kuai ana ua lilo aku la ia James 11. Lewis. Peia ka nee ana mai o ka hoolilo ana i keia aina a hiki i ka lilo ana i ka hul e kueia nei.

Ua hooloheia keia hihia i ka Poalua iho nei no ka manawa mua loa me ke kakoo ana o Mr. A. L. C. ka loio o ka aoao hoopii, aka, ua hooliaiahala mai o Messrs. Magroon ame Lig-htfoot na loio o ka aoao pale e noi ana i ka aha e hoopau i ka hihia mamuli o ka loaa ole o na kumu hooiaio no ke kuleana o ka aoao hoopii. Ua nana ole aku ka lunakanawai i ke noi a ka aoao i hoopiila. Eia na kiure e hoolohe nei i keia hihia: Ben. Houghtaiiinff, H. N. Crabbe, J. K. Merseberg Lot K. Lane, J. A. Hughes, tCharlea Sehoelikoph, Solomon Kaleiopu, David Notley, Jamea MeKee. Joe Paiko opio, L. H. Dee, ame Eli J. Crawford.