Ka Nupepa Kuokoa, Volume XL, Number 29, 18 July 1902 — HOOMANAO I KA LA PONI MOI. [ARTICLE]

HOOMANAO I KA LA PONI MOI.

Ua malama ae na Kilibati o Lahaina, ma ka la 17 o lune, i ka hoohanohano ana i ka la poni moi o Edward VII o Beritania Nui, a Emepera hoi o Inia, ame na mokupuni liilii o ka moana Pakipika. I ka wa iku pono ae ai ka Ia i ka 1010, ua pii ae la ka hae Pelekane a pulelo ae la i ka makani o ka aina he Maa-a. Ua hoohiwahiwaia ka pahu hae, me na waihooluu like ole o na hae. E like me ka like ole o na waihooluu o na lahui i noho hoomalu ia e Pelekane, pela ka waihooluu like ole o na hae i hoohiwahiwaia. Ua' malamaia he anaina haipule maloko o ko lakou hale halawai ma Puunoa. Ua haawiia he mau pule no ka nonoi ana i ka lokomaikai o ke Akua, e hooloihiia na la e noho alil ai ka Mol Edward maluna o ka nohoalii; e like me ka loihi o na la i noho alii ai kona makuahine aloha ka Moiwahine Victoria, a i pono hoi kona hooponopono ana a hoomaiu ana 1 na lahui kanaka apau e noho ana malalo o kona malu, a I noho hoaloha pu hoi me na mana nui e ae o ke ao nei me ke kuikahi ame ka maluhia. Mahope iho o na leo hoomaikai i ke Akua, ua haawila mai he haiolelo e ko lakou alakai ma ka.uhane, no keia la poni moi. Eia ka olelo alakai o ka la ma 1 Samuela 16:12, hapa hope: "Olelo mai la o lehova, e ku ae oe, a e poni iaia, no ka mea, oia no ia." He noeau na manao i kukuluia. Eia kekahi o lakou ua poniia o Edward VII, ma ke ano he koko alii no Pelekane mai na kupuna mai. Ma kona aoao e makau aku ka moi i ke Akua, ke kumu o ka noho alii, ame ka mole o ka noho aupuni, pela auanei e mau ai kela makia "Aole e napoo ka la mg, Pelekane, aole hoi e lawe ia aku ka mai a oe aku. Aole hoi e huna ia ka malamalama iloKo ou." He mau palpai manao kekahi. O ka nui o na Kilibati i akoakoa ma keia halawai he 90 a oi aku, a mahope o na hana, ua paholaia mai ka papaahaaina no ka hoomanao i keia la nui, o ka mea nana e hoomalu nel ka Paeaina o Kilibati, pela i hoomanao ai na Kilibati no ko lakou moi. MEA KAKAU. Lahaina, Maui, lune 27, 1902.