Ka Nupepa Kuokoa, Volume XL, Number 31, 1 August 1902 — O Honolulu no ka Oi. HAULE PAHU KA HUI KINIPOPO O NA HONOAPIILANI I NA MOOPUNA A KAKUIHEWA. [ARTICLE]

O Honolulu no ka Oi.

HAULE PAHU KA HUI KINIPOPO O NA HONOAPIILANI I NA MOOPUNA A KAKUIHEWA.

Ma ka auwina la o ka Poakahi nei i ulele iho ai na keiki loea ma ka paani kinipopo o Honolulu nei me ko Maui poe keiki. O ka hui kinipopo Honolulu ka hui i paani aku me ko Maui hui kinipopo. Mai ka hoomaka ana a hiki i ka pau ana. aole he wahi ai puni a na keiki o Maui a he eiwa ai puni a ko Honolulu. Na keia huahelu i hoike ae. "O Honoiulu No Ka Oi." He maikai no ka paani ana a na keiki o Maui a o ka pillkia nui wale no mamuli no ia o ka hiki ole i na keiki o Maui ke <illegible> ka popo a ka mea nou popo o Honolulu. He umi-kumamaono ka nui o na keiki i lilo o ko Maui hui kinipopo mahope o kahi e hahau ai a he kakaikahi ko iakou mau keiki i komo aku i na pahu. I ka ewalu o na komo ana, ua eha ae ka lima o ke keiki hopu popo o Maui a ua hookomoia ae he keiki hou ma kona wahi. O ke keiki nou popo o ka hui o Maui he nawaliwali kana nou ana a oia no kekahi kumu i hiki loa ai i na keiki kinipopo o Honoluiu nei ke hili aku: ua lilo no nae kekahi mau keiki o Honolulu nei ma kana nou ana aole nae ia he mea e hiki ai i ko Honolulu nei mau keiki iae oo ma ia ano hana e haule iho malalo o Maui. Ma ka auwina la Poalua mai, ua paani hou ae no na keiki o Maui me ko Oahu nei mau keiki i <illegible> la mailoko mai o na hui like ole o ko Honolulu nei mau hui kinipopo. Ua manao nui na keiki o Maui e loaa ana ia lakou he wahi lanakila ma keia hookuku hope ana, aka e like no me ko lakou haule ana i ka ia mua pela no ma ka elua o na la o ko lakou paani ana. He umi ai puni a ko Honolulu nei mau keiki a he elima no a Maui. Ma keia e ikeia ai aole i hiki i ko Maui mau hui kinipopo ke hoohaule iho i ko Honolulu nei mau hui kinipopo. Ua loaa mai no he mau manao e hoi ana keia hui kinipopo o Maui a hooikaika e oi ae ko lakou makaukau no keia mua aku. Ma keia hui ana o na keiki o Maui me ko Honolulu nei ua loaa mai he manao hoaloha mawaena o lakou, ma ka lakou mau paani ana iho nei. E haawila na mahalo ana a nui i na keiki o Maui no keia kipa ana mai e ike i ko Honolulu nei mau keiki punl lealea, aole wale ola, aka, ua hoike mai lakou he mau keonimana lakou ma ko lakou mau manao.