Ka Nupepa Kuokoa, Volume XL, Number 34, 22 August 1902 — Nui loa na Adamu hapa na Eva. [ARTICLE]

Nui loa na Adamu hapa na Eva.

0 ka oi o na kane i male ole ma Hawail mamua o na wahine i male ole, he iwakalua ia hookahi. Ma ka lawela ana ae o ka hoike nelu' kanaka hope iho nei, ua ikeia ke kupanaha o ka oi' ana o na kane mamua o na wahine ma na okana hou i hui aku me AmeHka. Ke huiia ka oi o na kane mamua o na wahine ma Amerika ame kena mau lala e ae, no ka makahikl 1900, he 1,815,098, aka he 6,726,779 kane male oie, a he 4,195,446 wahine male ole. O keia huahelu, oia no ka poe maluna aku o ka 20 makahiki. Aole wale no i kaa keia heluna kiekie o na kane mamua o na wahine maluna wale no o na okana hou o Amerika. Ma Makekukeka he 5,000 ka oi ae o na kane maie ole no lakou na makahiki maluna aku o ka 20 makahiki, o keia no hoi ka mokuaina oi ae o ka nui o na kane mamua 0 na wa'nine. Ma Kansas he 108. pakeneta ka oi ae o na kane male oie mamua o na wahine. Ma Nebraska ua palua iho na kane mamua o na wahine. Ma Kaleponi he elua me ka hapa ia hopkahi. Ma Texas he elua ia hookahi, a ma Minesota ame Arkansas ua ano iike aku ka mahuahua. Ma na Teritore, ua ikeia no keia mahuahua. Ma Arezona he ehiku kane male ole ia hookahi wahine male ole. Ma Hawaii nei hoi, ua aneane e elua ia hookahi wahine male ole. E like me ka pii ana o ka heluna kanaka ua hiki no ke hoemiia mai keia oi o na kane e like me na mea i ikeia ma kekahi mau mokuaina o Europa, aka, he mea hiki no ke loaa na hooponopono ana mawaho ae. Ma kekahi aoao hoi ke nana mai, he hiki no ke hoomaopopoia, he hikiwawe loa ka male ana o na wahine mamua o na kane, a mamuli o ia mea 1 haule ai iakou malaio loa, he hiki nae ke hoomahuahua ia aku ka heluna o na wahine male ole ke hoohui ia aku na kaikamahine maluna aku o ka 16 makahiki. 1 ka makahiki 1900 he 39,059,242 ka nui o na kane, he 37,244,145 na wahine, *ua. like hoi ia me 51.2 ame 48.8 ia laua pakahi. Ma ke kaua kuloleo o Amerika ua hoemi nui ia mai keia oi o na kane mamua o na wahine, aka, o ka heluna oi o na kane mamua o na wahine i ka makahiki 1900 ame 1890 ua like aku no īa me ka heluna oi i ka makahiki 1860. O keia oi kiekie loa o na kane mamua o na wahine aia no ia ma ka huli moana Atelanika. •