Ka Nupepa Kuokoa, Volume XL, Number 35, 29 August 1902 — NINAU PILI WAIONA. [ARTICLE]

NINAU PILI WAIONA.

NA KANAWAI NO KA WAIONA. 1. Heaha ka ke Aupunl hana no ke kuai ana aku i ka waiona? Ua hanaia he mau kanawai i mea e hooponopono ai i ke ano o ke kuai ana i na waiona. 2. Heaha keia mau kanawai? Oia no na kanawai no ka laikini ana. 8. Ua papaia anei ka hana ana ame ke kuai ana aku i ka waiona? Aole, ua papaia no nae iiiaiaio o kekahi mau kumu. 4. Heaha ia mau kumu? Ua papa ke kanawai i ke kuai ia ana aku o ka waiona i na keiki, na kanaka ona hupo ame ke kuai ana aku i ka lapuwale. 5. Alaila, ua hiki no anei ke kuai ia aku ka waiona i ka poe i lilo i poe kanaka makua, ka poe ona hupo oie, ame na hoomau ana akū i na mea pono ole, ine ke kuai oie ia aku ma ka lapuwale? Ua hiki no ma na wahi apau i makemakeia e na kanaka. 6. Ua loaa anei i na kanaka ka mana e ae aku l ka o ka waiona aine ka ole? Peia no ina ka hapanui o na mokuaina. 7. Heaha keia mana? Ua kapaia ka mana koho kuloko. 8. He mana okoa ae no anei kekahi mawaho ae o ka mana koho kuloko? Ae, oia no ka hana e koho i na kanaka no ka hana ana i na kanawai ma ka Ahaolelo, ua hiki ia iakou ke koho i na kanuka hoole waiona, a na lakou e hana aku i na kanawal no.ke ku-e ana aku i ke kuai ana i ka waiona ame kona hana ia ana.

+ o ka ninau no ke paniku ana i ke kuai ia aku o ka waiona, oia kekahi 0 na ninau ano nui ioa iioko o ka hookele aupuni ana. Ma Amerlka ame Hawaii nei, eia ke paio ikaika ia nei no keia ninau, a ua ala mai he aoao kaiai aupuni hou i kapaia—Prohibition Party—Aoao Hookapu. Eia i Hawaii nei iu aoao, he hapa uuku nae ia iwaena o na aoao kaiai aupuni e ae, a o ko lakod manao nui oia no ke koho ana 1 na kanaka e ku-e ana r ka hanaia ame ke kuai ana aku i ka waiona, me ka nana ole i ke ano o ka aoao kalai aupuni a i poe i hiiinai ai. Ma na mea i hoikeia ae nei ma ke poo mnnao e kau ae la maluna, ua ikeia aia no he mana i na makaainana e paniku aku i ke kuai ana ame ka hana ana i na waiona ma ke koho ana i na kanaka ku-e i ka waiona. Ina he manao ko na makaainana Hawaii e paniku aku i ka waiona, alaila, aole he ala okoa ae e pono e o ke koho wale no i na kanaka ku-e waiona, a oiai, eia ae ke kau koho balota,—aole anei he mea pono e koho aku na kanaka i mau senatoa a lunamakaainana Uu-e waiona?