Ka Nupepa Kuokoa, Volume XL, Number 37, 12 September 1902 — HALA KE ALOHA NAUE PU NO ME KA ANOI E. [ARTICLE]

HALA KE ALOHA NAUE PU NO ME KA ANOI E.

E Mr. Lunahooponopono. ; Aloha oe: E hat aku oe i na kini aloha, e noho ana m'ai ka la hiki ae ma Haehae, a ka mole olu ume la o Lehua. O Thomas H. "Wright, Esqr, ua hala ua nalo. lAuwe aloha no. Ua hanauia oia ma Kaluaaha, Molokai i makahiki 1856, la 4 o lulai, mai ka puhaka mai o Mr. •W. E 4 Wright me Mrs. E. Kaaukai Wright. Ua haalele aku oia ame kona mau makua i ka moku .o Hina i k§. makahiki 1864 no "Kona kai opua i ka lai, Opua hinano ua malie," ke one hanau 0 kona mama aloha. A malaila oia i hoohala ai i ka hapanui o kona mau la. Ua hoonaauaoia na kula apana, e like me ka naauao e aoia ana ia mau la. A ua komo i kē Kula Hanai o Hiio i ka 1869, no elua makahiki. Oia no ame kona pokii Wm. J. Wright. No ko hoiomua no, ua hoouna loa ia ae no laua i Lahainaluiia i ka 1871. No 6 mahina ua hoi mai oia no ka hoomaha. Aka, aole nae oia 4 hoi hou 1 ke kula; nolaila i ka 1872 ua mare iho la oia i ka' wahine, a na laua mai na keiki he 8 ame na moopuna 5 e ola nei. O Thos. H. Wright he kanaka hooikāika oia ma ka imi ana i na pono ma keia noho ana. Oiai, he nui kana mau hana i lawelawe ai, ma Kohaia ua noho iuna oia no kekahi mahiko, noho kupakako no ka halekuai o S. G. Wiider ame na kaa-ahi. Noho hope lunakanawai no Kohala ame hope luna auhau. A ua haalele ia Kohaia a hoi mai no Kona nei i ka 1892, a ua lawelawe i ka oihana hope luna auhau no 3 makahiki. Noho lunakanawai no Kona Hema no 7 makahiki, a o kana hana hope i lawelawe ai oia ka oihana ioio. A ua laweiawe pu no i' ka oihana kamana i kona mau la nawaliwali, ua kukuiii 'oia I kekahi luakini Katolika nani ioa S ku nei ma Honaunau, S. Kona. Aia no kana mau mea kamana iloko o ia hale kahi i waiho ai; nolaila, o Thomas Wright i hala he kanaka oiuoiu,. he puuwai hamama, hookipa i ka mea hanohano ame ka ilihune. Ke noho nel na makamaka ame na hoaioha me ka minamina. JOS. K. NAMAKEHA. Honaunau, South Kona, Hawaii, Sept. 3, 1902.