Ka Nupepa Kuokoa, Volume XL, Number 37, 12 September 1902 — Haukawewe na Kaa Uwila make Alanui Moi i ka Poalima nei. [ARTICLE]

Haukawewe na Kaa Uwila make Alanui Moi i ka Poalima nei.

Ma ke kakahiaka Poalima nei, Sepatemaba 5, i holo iho ai ke kaa-uwila o ke Alanui Moi mai Pāwaa aku a hiki loa va iuka o Kalihi. Ma ke ahiahi o ka la mamua iho o ka holo ana o ke kaa, ua hoao mua ia ae*e ikeia ka paa maikai o ke alahao ame na hooponopono i hanaia iho nei ma ka uwapo o Haaliiiamanu. Ma ke kakahiaka o ka Poaha, ua paa ae ke kuikl e kokoke la ma Alanui Liliha ame na hemahema liilii o ka uwapo, a i ka wa e'holo ana no na kaa i hoomaka iho ai na limahana e kanu iho i nfci>o o kahi i hueia ai. He nani maoli no ka paa ana ae nel o keia alahao, a he mea no hoi ia e maalahi loa ai na kanaka e makemake ana e holo mai kekahi aoao a hiki i kekahi aoao. O ka mea apikl wale no i ikeia oia no ke komo ana ae o na kaahapaumi a hoao e aiai i ke alahele o ke kaa uwila mafna wahi e kokoke ana na alahao a i 'elua. Ma ke kakahiaka i holo ai ke kaauwila, ua ikeia kekahi hana i manao

ole ia e ala mai ana. Ma na kihi o Alanui Kamika ame Alanui Moi, aia malaila kekahi o na kuiki o ka Hui Kaahapaumi. Mamua aku nei o ka mea maa mau, o ka aoao akau ola ka keia ame keia kaa e lawe ae ai i ka \va e komo ai iloko o ke kuiki, ma keia kakahiaka hoi, ua komo ae la na, kaahapaumi ma ko lakou mau aoao hema. Ma keia hana ana, ua paa iho la ke kaa-uwila a hiki ole ia lakou ke holo aku a hiki i ka wa e hoea mai ai ke kaahapaumi e kali ia ana. Ua hiki kino ae ka luna hoohana o ka Hui Kaa-uwila ma kahi e hanaia nei keia mau hana hoololoiahili i kona mau kaa, a ua nol aku i ka oluolu o ke kalaiwa kaahapaumi e neenee aku i loaa ai ke kowa e holo akii ai na kaauwila, eia nae, aole he ae iki mai o na kalaiwa. Ua ikeia keia poino, nolaila, ua hoounaia aku ka lohe i ka halewai a ua hoounaia ae ka makai o na kaa a nana i kauoha aku e hookaawaleia ke aianui, aole hoi e hiki ke alalai wale ia ka pono o ka lehulehu. Ke koi mai nei keia haawina e pono no e hoonul hou ia ae na alanui o ke kulanakauhale nei i hiki ai na hana ano hou e lawelawe ia nei iluna o ka aina.