Ka Nupepa Kuokoa, Volume XL, Number 37, 12 September 1902 — E HANA AKU OE IA HAI, E LIKE ME OE I MAKEMAKE IA HAI E HANA MAI AI IA OE. [ARTICLE]

E HANA AKU OE IA HAI, E LIKE ME OE I MAKEMAKE IA HAI E HANA MAI AI IA OE.

(Koena o ka pule i hala.) "E hele no oe, ina paha e lilo ia i k'imu e noho ai na ohua e ae apau loa." Pane aloha aku la ke Kapena. Ia manawa e kupipi ana na ohua apau ma kahi o ka waapa, me ko lakou ukana, e kali ana no ka olelo hooholo a ke Kapena, mamua o ko lakou ee ana maluna o ka waapa. Emoole, a kukalaia ae Ia ka olelo hooholo a ke Kapena, ma ka ike ana ae iaia e hele mai ana, me ka hiipoi ana mai i ke kanaka mai. Holo pololei aku no ia iwaena o ka lehulehu, me kona haawe ana i ka mea ane make, a kauoha aku e halii i pela moe ma kahi oluolu loa o kona waapa; a malaila oia i hiamoe ai ke kanaka mai, me ke aloha menemene o ka makua'i kona kamaiki. A pau ia, hoomaka koke ae la oia. e hooholo i kona waapa. Ia manawa ala mai la ka noonoo hou iloko o na naau o na ohua, oia no ka hilahila, me ka mlhi i ko lakou ano ua-1 hoa. Me ka manao lokahi, ee lakou maluna o ka waapa; a mahope mai o, kekahi mau hora, ua hoouna hou ia j kekahi komite i ke Kapena, me ke noi haahaa aku iaia e halawai pu ma kaj rumi mahope o ka waapa. Iho iho la ke Kapena ilalo, a mawaena mai o na ohua, ku mai no kekahi kanaka, i hele a hina ke poo, ame ka halokoloko ajia o na waimaka ia i hai aku ai i ke Kapena, ua ao mai oia ia lakou i kekahi haawina maikai, a nolaila e mihi mai ana lakou imua ona, me ke noi aku iaia e kala mai ia Hu ae 1 a na waimaka o ke aloha pumehana, iwaena o kela anaina. Haule mai no hoi ke kuaua o na kulu dala ilok'o o ka pakeke' o ke kanaka mai, me ka olelo hoomaikai, —"Ke Akua Kou Kokua," iaia e hoi ana i kona home, me ka iini nui e make iloko o na lima puiki aloha o kona makuahine. S. P. KAAIA, Waianae.