Ka Nupepa Kuokoa, Volume XL, Number 37, 12 September 1902 — Hiki mai ka Mokuahi Korea. KE KUPUA O KA MOANA PAKIPIKA. [ARTICLE]

Hiki mai ka Mokuahi Korea.

KE KUPUA O KA MOANA PAKIPIKA.

Ma ka hora 2 o ka auwina la Poaono nei. Sepatemaba 6. i loaa ae ai i na kamaaina o ke kulanakauhale nei ka hoailona o ka ike ia ana o ka moku-, ahi Korea, ka mea 1 upu nui ia no na la i hala aku no ka ike ana aku i kona kino nul ame na hoaloha i huli hoi mai i ka aina nei. j Mamua iho o ka hora 4, ua kaolo ae la keia moku ma ka aoao 6 ka hale kukui kiai awa, a oia no hoi ka manawa 1 hoomaka ae ai na oeoe e kani pinai, e hoopiha ana hoi i ke kulanakauhale me ko lakou mau leo. Ua piha kui ae na uwapo i na makaikai i ake e ike maka i ka pololei o na mea i oleloia no keia moku, a he nui io no. a o keia no paha ka mokuahi nui hookahi i kipa mai i o kakou nei. I kona hoopili ana mai ma ka uwapo loilii o Ainahou, aole 1 lawa kona loihi no keia moku, a ua oioi wale aku >kona ihu imua e aiai ana i ka uwapo o ke Aupuni Amenea. Ua haalele aku oia i ka Ipuka Gula o Kaleponi ma ka hora 2 o ka auwina la 0 ka la 30 o ka mahina i hala, a i kona hiki ana ma kahi o 15 mile, ua ku iho la oia no ka hooponopono ana i kona panana. Ua uhi koke mai ka malu po, nolaiia, ua ku iho ka moku mawaho, a malaila i naiowale ai kekahi o kona mau heleuma. Ma ka auwina la Sabati mai ua holo mai ia ka moku i\ ioaa hou mai Ia he ulia poino iaia, mamuli o ka haki ana ae o kekahi o kona mau pauma e hookahe ana i ka wai iloko o kekp.hi o kona mau ipuhao. O keia na mea i hooulolohi loa i kona holo ana mai nei, nolaiia, aole i hoaoia e uhai aku i ka manawa hoio e paa ia nei e ka mokuahi Kina. I ka po mamua iho o kona holo ana mai nei, ua loaa mai la ka lono mai Wakinetona mai e ae ana i ka hookau ia ana o na luina Pake l laweia aku nei e ka mokuahi Geiica no keia mokuahi hou, a ua liuliu koke ia ae no ka holo ana mai. O ka nui o na iimahana oluna o keia moku ma na mahele, penei no ia: 53 o na lahui Europa, 188 Pake ame elua Kepani, a he 294 ka nui o na ohua no | Honolulu nei. Me he rflea la aole paha , i hiki i kekahi mea ke koho aku i ka 1 nui o na lako mea ai e laweia nei maI luna o keia moku no ka hanai ana i ! kona mau kanaka me na oliua. Ua hoikeia mai ka papa helu, a mā ka I hoomaopopoia ana, o ka piha ukana o ' kekahi moku holo piliaina nui o kakou nei, o'ia ka lawa a oia no ka mea e paaia nei ma kona keena waihona ai. Ua hookuu laula ia ae keia moku no ka makaikai ana ma ke Sabati nei, a ua manaoia he mau tausani ka nui o na kanaka i hele ae e nana i keia moku nui o ka Moami Pakipika. Maanei oia i hooponopono hou ia ai ame ka lawe ana aku i mau tona lanahu hou nona. Ma ka Poakahi nei i niau loa aku ai oia no na aina o Kina ame lapana.