Ka Nupepa Kuokoa, Volume XL, Number 37, 12 September 1902 — Hui na Home Rula me na Demokarata. PAA KA AELIKE MAWAENA O NA AOAO A ELUA. [ARTICLE]

Hui na Home Rula me na Demokarata.

PAA KA AELIKE MAWAENA O NA AOAO A ELUA.

Ma ka halawai a ke Komite Hooko o ka Aoao Democarata i malamaia ma ka po Poakahi nei, Sepatemaba 8, ua hai ae o Makake, ka lunahoomalu o ia komite, ua kakauinoaiā, ua silaia a ua haawiia aku ka palapala hoopaa no ka hoohui ana i ka aoao Home Rula ame ka aoao Democarata i hookahi ma na paio ana no keia kau koho balota ae. Maloko o ua palapala la ua oleloia, he elua hapakolu o na Senatoa ame na lunamak'aainana o keia kau ae ma ka aoao Home Rula, a he hookahi hapakolu na ka aoao Democarata. Ma ka mokupuni o Oahu nei, ua apono aku ka aoao Democarata i na moho a ka i • aoao Home Rula a koe hookahi a e' kapaeia ana kona inoa a hoopiha ia aku i Democ-arata. Ma kahi oka Elele 0 Wilikoki no. O ka pono kaulike anei keia o ka lehulehu? Mahope o ke koho ana o ! kelā ame keia apana iloko o keia Paeaina i mau moho'no lakou, oia ka manawa e kii aku ai a hoonoho iho i kekahi mea i hope. Minamina w r ale ka luhi o na kanaka na lakou i koho iho 1 ko lakou mau moho alaila kapae ia ae mamuli o ka hana a na alakai. Ua like no keia me na hana a ka Aha Elele i malamaia ai ma ka hale keaka Opiumā a na opio o ka aoao Kuokoa i ku kaawale ae ai, O ka pono o ka lehulehu oia ka lakou mea i makemake ai a e haawiia aku na ka lehulehu e hana, eia nae, I na alakai no ua hanaia ae la no a pau; aole hol o ka ui ae i na kini a nināu ae, "pehea kakou?" O Jkeia iho la no ko laua makemak 0 , aole o ko kakou. Aole e hiki ke hoike ae o ka nele i loaa ia kakou ke kumu i makemakeia ai e hoohui na aoao a elua i hiki ai ke hele aku o Wilikoki ma ke ano Democarata a ma ia ano e loaa mai ai la kakou ka hua. j

— — | O kahi maikai loa i kekahi ohana, ke loaa a komo paha iloko o ke kaumaha mamuli o ka lawe aku o ka make i kekahi o ka ohana, oia no ka Hui Hoolewa a Tounsend o ke kulanakauhale nei no ka mea he haahaa loa na auhau 0 ka lawelawe hana ana a he maikai »»lo hoi na lawelawe hana ana. Ma Kohanaikl Kona Akau, Hawail i ikeia ae ai kekahi wahi manu ano hou 1 ike ole ia ma ia wahi ma ke komo ana ae iloko o ka luakini i kekahi Sabati, a ma ka nana ana o kamaaina, ua loaa aku la kā hoomaopopo ana he kino kona o eha iniha a eono ka loa o ka eheu hookahi a o kona hulu ua like me ko ka iole a pela no hoi kona leo. Ma ka ninau ana i kona inoa i ka poe i ike mua i kela ano manu ua ha'iia mai he "Loulu."