Ka Nupepa Kuokoa, Volume XL, Number 37, 12 September 1902 — Hiki [Illegible] Komikina Amerika. HAWAII NEI A HOOMAKA KOKE NO KA LAKOU HANA. [ARTICLE]

Hiki [Illegible] Komikina Amerika.

HAWAII NEI A HOOMAKA KOKE NO KA LAKOU HANA.

O na inoa r#lalalo iho nei, he Kokua-' Komite ia o ke Komite o ka Ahā _ S?enate o na Mokuaina Huiia no na Mokupuni o ka.Pakipika ame Poko Riko, i hoomanaia a i hoikeia ma ka olelo hooholo, i aponoia e ka Aha Senate o na Mokuaina Huiia, no ka huli ana i ke kulana ano nui o na mokuouni o Hawaii ame ko lakou iawelawe ia ana; eia lakou ma Honolulu nei i keia mana.wa no ka hooko ana aku i ka hana i waihoia mai, a e hui ana ma na lumi ma ke Kahua Hoolulu Mokukaua ma kela kulanakauhale ma ka Poakahi, Sepatemaba 8, 1902, ma ka hora 10 a. m,, a ma ia manawa ua oluolu lakou e lohe, ma na palapaia, mai kekahi Luna Aupuni America, a i ole Luna Aupuni 0 ke Teritori, makaainana, a i ole kekahi poe hui, e hoike ae ia lakou i kekahi mau kumuhana e hiki ai ia lakou ke noonoo aku no ka pono o na kanaka ame ke aupuni o keia mau mokuuuni. J. M. MITCHii^jj, J. R. BURTON, A. G. FOSTER. O keia maluna ae ka hooiaha a na Komisina America i hoounaia mai nei no ka imi pono ana i ko lakou kulana maanei. Ma'ka mokuahi o ka Poaono nei, Sepatemaba 6, ua hiki mai i o kakou nei ke koena o na Komisina oia o Senatoa John H. Mitchell ame Senatoa A. G. Foster a ua hoomaka koke ae lakou i ka lakou hana ma ka hoopuka ana ae i keia olelo kuahaua. Ma ka Hotele Hawaii ko lakou wahi 1 hui ae ai ma ke Sabati nei a noonoo no na mea e hana aku ai. O na hoa e ae o keia komite ua holo pu mai nei me ka lakou mau wahlne, koe o Senatoa Mitchell, ka lunahoomalu o ke komite. Mawaho ae o na Senatoa, o Kamaki Sammons kekahi a oia no ka makai o ka Aha Komisina, a o ke kakauolelo hoi a Senatoa Foster, a o ke kakauolelo o na komisina oia o H. C. Robertson, kakauolelo a Senatoa Mitchell. 0 ka hana mua i noonoōia ai oia no kahi e noho ai o ka aha, a oiai ua haawiia aku he keena ma kahi Hoolulu Mokukaua ua ae koke ia me ka hakalia ole. O ka lua oia no ka mea i kaheaia ma ke kakahiaka Poakahi nei ma ka olelo kuah9.ua. Ua haiia aku i na Komisina he nui na kumuhana e laweia aku ana imua 0 lakou, e laa na loaa kuke awa, ame na aina, ke koi no na aina lei alii, na mea i manaoia no na hale oihana aupuni, ka hooponopono ana i ke awa kumoku, na hale kukui kiai awa, na koi pauahi ame na pono wai, aka, aole 1 noonoo na Komisina i keia mau mea, a ua manaoia o ka mea mua e hana ai 0 ia no ka haawi ana i kela ame keia mea he manawa e lawe ae ai i ka lakou mau mea i manao ai, a mahope aku no ke kaana ana. Aole e' ae ia na kukai olelo ana i keia manawa, a no keia mua aku e haawiia ana no 1 manawa no kekahi mea e hele ae al e hoike i kona mau manao ma ka olelo'. 1 ka wa i hiki mai ai o na Komisina ua nui no na hoaloha i hele aku e ike ia lakou. Iwaena o lakou ua komo ae he komite 0 elua lala, oia o A. Richley ame Philip Peek, no ka Ua Kanilehua o Hilo, nolaila, e holo aku ana na Komisina no Hilo ma ka mokuahi Kelaukina o keia pule ae. Ua makaukau ko Hilo mau kini no ka hookipa ana i na niaiihini hanohano, a e hala ana he eha la no ka iuii ana i na mea pono e hana aku ai no Hilo mamua o ko lakou -hoi ana mai. O Senatoa Mitchell o Oregona oia kekahi o na kanaka . noho loihi iloko o ka Aha Senate o America, a ua ikeia oia kekahi o na kanaKa hana kanawai a loio makaukau loa o ka huli komohana o America. O Senatoa Foster o Wakinetona oia kekahi o na kanaka ikaika loa ma na hana hoowaiwai nana i kukulu ae i ka hooholomua ma iia poai akau komohana, a he kanaka nui oia ma Wakinetona. O keia kona noho mua loa ana iloko o ka Aha cenate, a ua pii ae oia ina ke kulana kiekie mamuli no 0 kela makaukau ma ka īawelawe oihana kalepa ame leona ikaika ma ka hana kanawai.