Ka Nupepa Kuokoa, Volume XL, Number 38, 19 September 1902 — KAUKA WILLIAM C. HOBDY KE PANI MA KAHI O KAUKA COFER, KE KAUKA AMERICA MAANEI. [ARTICLE]

KAUKA WILLIAM C. HOBDY KE PANI MA KAHI O KAUKA COFER, KE KAUKA AMERICA MAANEI.

Eia i Honolulu nei i keia mau la he o'pio nona na makahiki maluna iki o 30, a ke kuhihewa ia nei e kekahi poe he keiki na Kauka Cofer o ka oihana kauka America maanei. O keia opio oia no ke pani o Kauka Cofer, oiāi e huli hoi aku ana oia. no kona aina ma ka mokuahi o ka, la 9 o keia mahina. Ua hemo mai o Kauka Hobdy mai ke kula nui o Kentucky, a mai laila ae no ke kula kiekie o Columbia ma Nu loka, a malaila i loaa ai iaia na hoonaauao ana ma ka oihana lapaau. Mai keia kula mai, ua komo aku oia no ka halemai o na koa kaua moana o America. Mamuli o kona makaukau ma keia hana i hoihoiia mai ai ola no Honolulu nei a e kaa ana maluna ona na lawelawe ana o keia oihana mai ka la 8 aku o keia mahina.

Ua wawahiia ka hale hana ili i ku ai ma ke kihi Ewa o alanui Papu ame Moi, ma ka aoao mauka. He hoomakaukau keia no ka hale nani a ku ae ma ia wahi.