Ka Nupepa Kuokoa, Volume XL, Number 41, 10 October 1902 — Page 1

This text was transcribed by:	Kate Motoyama
This work is dedicated to:	sister terry guthrie

Ka Nupepa Kuokoa

KE KILOHANA POOKELA NO KA LAHUI HAWAII.

Hoopukaia i na kakahiaka Poalima apau.

BUKE XL.--Helu 41. HONOLULU, POALIMA, OKATOBA 10 1902 NA HELU APAU 2932

HELE I KA HEENALU

A LILO KONA OLA

James Lucas, Keikikane

a Geo. Lucas ua

Hala.

Waiho ae ka Makuakane he $200

i ka mea e loaa ana

kona Kino make.

I ka auiwana la o ka Poaono i hala ma ka poina nalu e kokoke ana i ke kuaau o Kahala, a imua o ke alo o kona kupunawahine, Mrs. Auld, ua hala a ua nalo aku i ke ala hoi ole mai o James Lucas ke keikikane a Charles Lucas mamuli o ka huli ana o ka waapa ame ka lumilumiia ana e ka nalu. Penei iho @ moolelo i haiia mai:

La auwina la no ua hele aku o James Lucas @ kekahi keiki Hawaii e lawaia me ka @pena ma kaheka a ua nui no ka laua i'a i loaa. Ua huli hou aku laua no kauhale a mahope koke iho ua hoeu koke ae la o James Lucas no ka hele ana i ka heenalu. Ua ike aku o Mrs. Auld i ke kupono ole o ke kai no ka hana @ ka opio i makemake ai e hana a ua papa aku iaia aole e hele, ua paa nae ka manao o ka opio e hooko aku i kana mea i manao ai. Ua ike aku o Mrs. Auld i ka waapa e lana ana no @ok ke kai, a ua kauohaia aku ka @ huki @e i ka waapa i ka aina. Ua hele aku ka opio me kona hoa i kahaone a ia Mrs. Auld i nana hou aku @i aia u amau opio e hoonee la i ka waapa i waho.

Mahope mai ua hele aku oia no ka lana@ a i ka nana hou ana aku aia ua mau opio nei ke holo la iwaho. Ua ani peahi aku o Mrs. Auld a aole i ikeia mai ka ianei ani aku. Ua komo aku o MRs Auld iloko o ka hale a puka hou mai iwaho me ka ohenana ame kekahi apana lole ulaula, a hoomaka aku ia e ani @e ka nana ana aku ma ka ohenana. Aole i huli mai na opio i hop ea hiki aole i o laua hiki loa ana i kahi e poi ma ka nalu.

Ma ka ianei hoomaopopo aku ua ike mai la ka opio Hawaii i ka ianei ani aku a huli aku la a hai i kona hoa. Ia Lucas i huli ae ai e nana i ka ianei ani aku oia no ka manawa i loaa aku ai ka waapa i ka nalu a huli iho la. Ua lumilumiia ihoa na opio e ka nalu a ua hiki ole aku ia Mrs. Auld ke ike aku ia laua no kekahi manawa. I ka hala ana ae o keia nalu ua ike hou ia aku na opio e hooikaika ana i lanakila mai keia poino ae, aka, ua loaa hou mai la i ka lua o ka nalu a nalu hou @na na opio iloko o ke kai; o keia ka manawa hope loa a Mrs. Auld i ike ai @ kana moopuna, ua ike aku oia i ke keiki Hawaii e lana mai ana.

Ua hai koke ia aku keia lono i na kamaaina oia wahi a ua holo aku na kokua maluna o kekahi waapa a o ke kino maule o ka opio Hawaii ka i loaa aku, a kona hoa hoi aole he mea i ike ia @ . Ua hoikeia ae keia lono i ka makuakane o ka opio poino a ua hiki aku @ ma kah@i nalowale aio kana keiki. I ke Sabati aemaluna oia o ke kaup@ku hale o Mrs. Auld kahi i nana aku ai i kela ame keia nlu a ha'i ana @e ka manaolana e ike aku i ka oku @ mai o ke kino make o kana keiki. Ua hoole oia aole e ai a po wale no ia @. Ua hiki aku ka Hope Makai Nui Chillingworth ma kahi o keia poino a @ui @ aku ma ka huli ana i ke kino @ake @ ka opio. He nui na hoaloha @ opio ame na maua i hele huli aku iaia a po wale no ka la Sabati nei @ @ wahi mea a ike ia aku ke kino @ake@ o ka opio.

Ua hoike ia mai ua waiho ae ka makuakane o ka opio he $200 uku makana @ ka mea e loaa ana ke kino make o kana keiki. He umikumamahiku makahiki o keia opio, a i kona make ana @ e maanei kona makuahine oiai ua @o hoomaha aku oia no na Kona. He makaukau loa keia opio i ka au, a ua @ wale ia ua hihia oia i ka akoa@ e like me ke keiki Hawaii, oiai, @ hai ae ke opio Hawaii, i ko laua wa @ ia ai e ka nalu a no ka elua o ka @ awa ua hihia kona lole i ke akoakoa. Ua hooikaika oia i ka wehe ana @ maopopo ole iaia pehea la ia i @ ai, aka, o kana wale no i hoomaopopo ai oia no kona hakoko ana ame ke ala ana ae aia ka oia i ka aina @ahi i waiho ai.

@AU KA WA HOOPAA INOA INEHI-

NEI.

Ma ka po nei iho la i pau ai ka noho @ ka Papa Hoopaa Inoa Koho Ba@ no keia kau koho ae. O ka poe i @ ole ko lakou mau inoa ua haule la@ i muliwaa, nolaila, aole e hiki ana @ lakou ke hookomo i ko lakou mau @ ma keia kau koho ae.

Ma ka noho ana o ka Papa Kakau na Koho Balota i ka Poakolu nei, ua @ aku ka nui o na inoa i paa ia la @ 16@, a ke hoohui ia apau loa he 6,205. @ like kela me 600 oi aku i ko ke kau @aia, eia nae, ke paa ia nei he 200 mau @ no ka huli ana i ko lakou kupono @koho balota.

@a nui ka ikaika o na komite o na apana @ elua ma ka huli ana i ka poe @ balota i hele ole ae e hoopaa i ko @nu mau inoa, a henui no na inoa @aa ae ma ka manawa i pau ai ka hoopaa inoa. Aole i loaa mai ka makou @luna nui, aka, e hoike ia aku ana ma @ kel@ ae.

EIA KA MOKUKAUA GEREMANIA

CORMORAN I HONOLULU NEI

KA MOKUKAUA GEREMANIA CORMORAN.

E hiki ana na Kaa-Uwila

ma ke Alanui o

Waikiki.

ANEANE E PAU KA HANA MA KA

AINA O MAKALE.

Ke manao nei ka lunanui o ka Hui Kaa-Uwila i ka la apopo e pau loa ai na hemahema o ke alahao kaa-uwila e hoomoe ia nei ma ka aina o Makale a hui aku me ke alanui Waikiki O ka hali ana i na mea e hanaia nei keia alanui na kekahi o na kaa-uwila, ma keia hana ua mama mai na lawelawe ana.

Ina e paa io ana keia alahao i ka la apopo, alaila, i ka Poakahi e holo ai ke kaa mai Kalihi a hiki i ka palena pau o kahi i pau i ka hana ia. Ma keia iho la e hooholo hou ia ana he mau kaa hou; hookahi ma ke alanui Wilder a he hookahi ma ke alanui Moi. E holo aku ana ke kaa o ke alanui Wilder a iho ma alanui Alekanekero a hui me alanui Moi, maanei ua hiki i na ohua ke kau aku no ka palena o ke alahao keia manawa.

Hoohala iho he Malihi-

ni Hanohano i o

kakou nei.

SIR JAMES MACKAY MAU KINA

MAI--HOI AKU NO PELEKANE.

Ma ka mokuahi Coptic i ku mai ai i ka Poakahi nei mai Kina mai ua hoea mai la ma Honolulu nei a hoohala iho la i kekahi mau hora pokole maanei, o Sir James Mackay, kekahi o na kanaka kulana kiekie o Pelekane, i holo aku nei no Kina ma ka aoao o Pelekane, no ke anaina hui mai nei o na komite o na mana nui o ke ao nei i hui a noonoo i ka auhau waiwai.

He haole hookae ole keia i ka launa ana, eia nae, aole he hoonui wale i kana mea e kamailio ai. He nui na mea ana i ike ai, aka, aole on a makemake e kamailio no ia mau mea. I ka wa i hui aku ai ka mea kakau nupepa me ia, ua hai mai oia aole ana mea e kamailio ai no na mea e pili ana i ka auhau waiwai, a ua manao oia ua oi aku ka pono nona e kamalilo ai ma kekahi wahi okoa o keia poepoe honua mamua o ke kamailio ana a po ka la i kekahi mea kakau nupepa o Honolulu nei.

He haole keia i komo nui iloko o ka lawelawe oihana kalepa ana mai kona wa opio mai, a ma ia ano, ua kamaaina oia i ka lawelawe ana no ia hana a kohoia oia no ka hana ana no ka pono o kona aupuni. Nana no i hooikaika aku i na Pake e hana i na hana e poino ole ai na lawelawe kalepa ana oiai ma ka hana ana i na mea kue e nele ai ke dala iloko o ko lakou mau pakele.

Ua nui ka mahalo ia o na hana a keia haole e ka poe e noho mai ia ma Kina, a ua oleloia ua oi aku kona hana ana i mea e loaa ai ka noho kuikahi ana mawaena o na Pake ame na haole.

HE LEO ALOHA MAI KA AINA

MAI O KA EHAEHA.

Mr. Lunahooponopono o ke Kuokoa.

Aloha oe:--

E oluolu oe e hookomo iha ma kekahi wahi o kau pepa i keia mau mamalaolelo e kau ae la maluna, i ike mai ai kou, a o ko makou mau ohana pakahi e noho mai la i kela ame keia pe'a o kuu aina aloha (mai Hawaii o Keawe a ka welona a ka la i Lehua.)

Oiai, ua ike iho kou mea kakau maloko o "Ke Alakai" o ka la 29 o Sepaemaba malalo o ke poomanao, "Ko Amerika Poe Lepera i Molokai," eia hoi, ma ke kakahiaka o ka Poakolu, Sepatemaba 24 i hiki aku ai ko kakou Elele R. W. Wilikoki imua o ke Komisina Senate Amerika, me kona manao kulo maoli, a hoola aku ia i kon amakemake io e hoihoiia mai na ma'i lepera o Amerika, ka malama ana i na ma'i, ame ka hooponopono hoi i ka noho ana o kela Kahua malalo o AMerika, a oia ka'u e hoakaka nei i ko'u manao maoli ma o keia hana la a ko kakou Elele.

Oiai, ua hiki loa ia makou ke ike maopopo lea loa na ko kakou Elele io no ka i haawi aku nei ia makou malalo o ka Amerika malama ana mai, malia paha, ua ike ua Elele la i kekupono ole paha o ka malamaia ana e ka Papa Oia, he ulu paha na hana hakihaki kanawai i henaia e makou, a e kue ana hoi i ka noho ana maluhia o ka lehulehu mai o a o o ka aina, a i ole, hoolaha nui aku paha i ka ma'i ma kela ame keia wahi, oiai makou ka poe i hookaawaleia mai mai ko makou mau ohana like ole mai mamuli o ka haawina i ili iho maluna o makou, a aole hoi he manaolana ana no ka ike hou aku i ka makou mau mea aloha mahope, a ma keia wahi makou e noho ai no ka hopena o ko makou mau la maluna o ka ilihonua a ke Akua i haawi mai ai, pela paha ke Elele i manao ai e haawi aku na Amerika e malama mai ma ka noho paa ana mai a kekahi Lekimana (Regiment) koa Amerika e hoomalu mai ia makou i ole ai e kueia ka noho an amluhia o ka lehulehu mai o a o o ka aina, a i ole no ka hele laula paha o ka poe i loaa i keia ma'i mai keia kahua aku a hoolaha aku ma kela a ma keia wahi, a i ole no ka uuku paha o na mea e pono ai keia ola ana e loaa nei i na ma'i mai ka Papa Ola mai, a oia ka'u, a o makou no paha apau e pane nei, Aole pela! aka mamuli no ia o kona (1) Aloha ole; (2) Lokoino maoli no; (3) Alakaiia e kahi, aole ma kona manao ponoi, a i ole o ka poe paha nana oia i koho aku; (4) Hoowahawaha i ka hanohano i loaa aku iaia, a e hoomaopopo pu ia, aole loa keia he mau kumu kupono i manaoia e ko kakou Elele e hana aku pela, oiai, aole loa he mau hana hakihaki kanawai ano nui i hanaia e makou na mai, a i ole, he haalele iho paha i keia kahua, a he kupono ole paha o ko makou malamaia ana mai e ka Papa Ola, he oki loa ma na ano apau; aka malia paha o oleloia mai makou penei, pehea ka oukou e uwe mai nei i ka pilikia, a makemake hoi e hoonui ae i ka oukou mau paona ai a paona i'a hoi? Ae, e pane aku no au, aole makou i pilikia ia ha'i, a aole no hoi i ka Papa Ola, aka, i ua Elele la ame kona pohai (Home Rula) e noho mana ana i ke kau ahaolelo o 1901, oiai, aia ia lakou ka mana e hana mai i na mea apau e pono ai ko makou noho ana, aole i ka Papa Oia, no keaha hoi ko lakou hooholo ole iho a nui ka puu dala, i hiki pono ai i ka Papa Ola ke hoolawa pono i ko makou mau makemake, oiai he mea hooko wale no ka Papa Ola, ma ka mahelehele ana i ka lawa kupono o na dala no na hoolilo malalo o kona malu, no na makahiki elua e nee ana; a malia, o olelo hou mai paha no ka uuku mai no o ke dala ke kumu, eia ka ninau, Nawai i houuku i na loaa aupuni? Pane ma lakou; no ke aha? Pane, (1) Ma ka imi ole i na hana e waiwai ai ka aina; (2) Hoopau manawa wale i ka ahaolelo, me ka pau wale o ia mau dala, aohe pomaikai loaa i ka lehulehu mawaho, a pela hoi me makou ka ohana o ka poe no lakou na dala e lu nei i ka waihona Aupuni no ko lakou ame ko makou mau pono; aka, heaha ka mea i ikeia? He nele, hune, a pilikia maoli no.

Oiai, ua maopopo loa keia mau hana a ka Elele e haawi ana ia makou iloko o ka poho lima o Amerika ma na ano apau, malia paha, mamuli o ka hiki ole paha i ko makou mau ohana pakahi, a hoaloha paha e malama mai ia makou, ma ka uku ana ae i na auhau makahiki i ka waihona aupuni no ko llakou pono ponoi, a pela hoi me makou; a i ole ua molowa paha lakou i ka malama ana mai ia makou, oiai, aole makou na makou ponoi maoli e malama nei; aka, na ka waihona o ka lehulehu i ukuia ae e lakou; mana au, aole paha kekahi o ko makou mau ohana a hoaloha paha e olelo mai, i ka molowa i ka malama mai ia makou, oiai no lakou e noho ana me ke aloha no ka lakou mau mea aloha i hookaawaleia mai mai ia lakou, a in a paha peia io, alaila, ua hiki io no keia hana ana a ka Elele; a in a hoi aole pela ko makou mau ohana a hoaloha paha manao; alalia,heaha k amea pono e hana ai? eia no, kue mau aku iaia ame kona pohai, no ka mea, o kona lanakila ana, alaila, o ka lanakila ana no ia o kana mau hana; a o kona lanakila ole, oia no ka lanakila ole no o kana mau hana, pehea e lanakila ole ai? a eia no, maka mau no o kela aloha pili paa o ka ohana i ka ohana. a o ka hoaloha i ka hoaloha, pela no e kue aku ai iaia ma ka pahu balota.

Ua maopopo ae la keia manao, a eia hou no keia manao, he mea maopopo loa ka lilo io o makou malalo o ka Amerika hoomalu ana, ke loaa io ka lanakila o ka pahu balota ia R. W. Wilikoki i ka la koho balota, a in a pela io; alaila, e hiki pu io mai ana ka hookoia ana o ka mea a makou i keu iho nei ma ke kakauinoa ana, no ka mea, aia he mokupuni ma ka nuku o ka muliwai Misisipi i hookaawaleia no na ma'i lepera o ka Mokuina o Lusiana, a malaila, ua hookaawaleia ka noho ana o na kane ame na wahine ma ka hookaawale ana a kekahi pa o iwakalua kapuai ke kiekie me ke kiai ia e na koa, a oiai makou e noho ana iloko o keia kahua ma ke ano, ua lawe ae

(E nana ma ka aoao 3.)

No ke pani ana i na

Makalua o na Luna

Aupuni.

WAIHO AE NA HOME RULA I KA

LAKOU MAU INOA.

Ma ka halawai a na Home Rula i malamaia ai ma ka Poalima o ka pule i hana ua noonooia ae ka hoopiha ana i na wahi e waiho hakahaka mai nei o ke aupuni mamuli o ka hana apakee a kakou i ike iho nei. Iloko oia halawai ua nui na olelo i hoopukaia no na hana i hanaia iho nei ame ka poe kupono no ka paa ana ia mau hakahaka Mahope o na noonoo ana ua laweia ae na inoa o keia mau keonimana no ka hoopiha ana i na makalua:

Puuku--Keikialii Kawananankoa

Luna Hooia--F. J. Testa (Hoke.)

Kakauolelo Nui no ke Keena o na Hana Aupuni--Chas. Wilcox.

Mawaena o na mea i noonooia oia no ka palapala noi a L. K. Kentwell, kekahi o na moho lanamakaainana o ka Apana Eha; e noi ana e hookuu aku iaia mai ka holo lunamakaainana ana. O kana kumu pale oia no ka paa loa o kona manawa ma kana hana. I ka wa i waeia ai oia i moho aole i kana mai kona kukahekahe, aka, i ka wa i imi pono ia ai kona kupono e lilo i moho ua loaa iho la ua hele aku oia e kakau i kona inoa ma ka papainoa me ka pololei ole. O keia kona mea nana i pale ae iaia mai ke kulana ana i haaheo ae ai no kekahi manawa pokole, ma kana kumu pale nae no ka nui loa o ka hana Ua hookomo ia aku o Samuel Kamakaia ma kona wahi.

Ua nui na lono i laweia ae no ke kue loa o na kanaka ia Ng Mon War, kela Pake lunamakaainana Home Rula. Ua loaa ae ka lohe eia kekahi palapala hoopii e kue ana iaia a ua nui na inoa i paa ma ua palapala ia. Ua lonoia mai no hoi eia o Mossman ke noonoo nei i kana palapala i hoike aku ai i na Home Rula ma keia Aha Elele i malamaia ai ma Waverly Hall. Ua hoao ae o Chas. Notley e loaa keia palapala aole no nae he mea i ikeia no keia palapala.

Liuliu hou ka Moiwahi-

ne no ka hele ana i

na Aina E.

Eia ka Moiwahine ke liuliu hou nei no ka holo ana i Amerika Huipuia. E haalelel iho ana oia ma ka la 11 o Novemaba ka manawa hoi e holo aku ai ka mokauhi Ventura mai ke awa aku nei o Honolulu nei. E hele hou ana no kana huakai no Wakinekona a ilaila e hoohala ai i ke kau hoolio. E lawe pu ana no oia i ka poe ana i lawe pu aku nei iaia i hele mua iho nei, oia o Miss Myra Heleluhe, J. Aea, ame John Aimoku. Aia a hiki aku lakou i Kapalakiko e hoomaha iki iho ana lakou malaila no kekahi mau la, alaila kamoe aku ka lakou huakai no ka nee ana i ka Hikina, a kiei iki iho ana paha i ke kulanakauhale Loko Paakai, a mailaila aku no Kikako, a pae aku no hoi i kahi i manaoia.

HE MAU MOKU HOU

IA E KU MAI ANA

E holo ana na Moku

mai Marseilles aku

a Kapalakiko.

Ke mannaia nei e Hakoko ana

no na Eke

Leka.

Ua loaa mai he mau lono ianei, aia he mau hoolaha ana no ka papa hoohana o na laina mokuahi o ka Messageries Maratimes e holo nei mai Marseilles a hiki i Sydney, e holo loa ana a ku ma na awa ma New Caledonia, Tahiti, a maanei kekahi a hiki loa aku i Kapalakiko oia no hoi ka pahu hopu. O keia mau hoolala ana aole i hiki aku i ka panina aka o na lono i laau mai i ka maanwa i hala koke iho nei e hoike mai ana e aneane aku ana i ka hoopau loa ana na mea i koe no ka pakui ana mai, a e hoomaka koke aku no ka hoohana ana iloko o ka manawa kupono.

O ka hoopau pono ana o na hana hoolala o keia laina mokuahi a holo pono alaila, e hookomo ana mai ia i Hawaii nei i na mea ano nui ame na holomua o na aina panalaau o Farani o New Caledonia, ka aina hoi nona ka holomua e ikeia nei i keia manawa, ame Tahiti, a i ka manawa e holo pono mai ai ka hoomoe ana o ka uweaolelo moe moana i o kakou nei alaila e lilo ana keia paemoku i wahi ano nui no na moku a he hoonui ana ae ia i ka oihana kalepa i manaoia aku e hoonui ia ae ana ke holo pololei mai na moku mai Marseilles a hiki ianei.

Aole he like o ka laina mokuahi Messageries Martimes me ko ka Trans- Atlantique Generale a o ka like ole oia no ka lilo ana o ka inoa mua he poo o ka laina mokuahi o Farani. O na laina ano nui o keia hui oia no ka laina holo i Amerika Hema, a i ka Lae Hao, ma ka holo ana ae ma ke ala e hiki aku ai i ka mokupuni o Madagascar, holo i Iukohama ma ke ala e hiki aku ai ma na awa o Kina a hiki loa aku i na awa o Austuria. A aia ma na awa hope i oleloia ae la, oia na awa o Auseturia, e pakuiia mai ai ka laina holo o keia mau mokuahi e hiki mai ai i Hawaii nei ke holo pono na mea apau.

Ma ka laina e holo nei i keia manawa he eha mau moku no lakou ka nui tona o 6,500 o ka mokahi hookahi a ua hana ia lakou ma ke ano moku pe-a i oi aku ka maikai mamua o na moku pe-a e ae ma kekahi mau makaukau i loaa ia lakou pakahi. Eia na inoa o na moku: Ville de la Clotat, Armand Behie, Ausstralien, Polynesien. Ua hanai keia poe moku ma ke ano maikai, no lakou na makaukau i hanai a maikai a e like me ke ano o na moku o keia mau laina moku, o keia laina moku ame ko ka P. & O. ua hiki aku ko lakou maikai i ko ka laina moku o Enelani. Aia ka hoohana ana i keia mau moku malalo o ka poe i makaukau iloko o ka oihana kaua moana, a o ka holo ana, he helena ia no ka haawi ana i na ohua i ka maikai.

Ua loaa keia ike o ka laina moku Oceani Company e lawe nei i na leta i hoopaaia mai e ke Aupuni o Farani no ka lawe ana i na leta mai Kapalakiko aku a hiki i Tahiti i kela ame keia mahina, me he la, aohe i loaa ka pomaikai, ppiha ma ia hana, a o na uku kokua a ke Aupuni o Farani i haawi aku ai i na moku Farani he wahi haawina kokua iki ia i keia hui e hiki ke hoolawaia na lilo o ka holo o na moku, a ia manawa hookahi no e hiki ai ke hana i na hoowaiwai ma na hana e lawelawe ia ai mawaena o Auseturia ame na panalaau o Farani ma ke ala hookahi a pela no ka huli hoi ana.

Ke Kahua o Arlington

Hotele.

E HOOMAEMAEIA ANA--KA MEA

NANA E NOHO KUAI MUA ANA

MA KA HALEPOHAKU O YOUNG

Eia ke kele loa nei e paa ka halepohaku nani oYoung e kukuluia nei. O ke keena kuai mua loa e wehe ia aku ana oia no ko David Lawrence keena kuai paka. O keia no ka haole nona kekahi keena i piono ai ma kela pauahi aku nei ma ke kuea o Kimo Lahaina (Campbell Block. Aole no i paa loa kona keena, a oiai no e nee ana ka poe hanapuna ame ka poe pena aia no keia haole ke hooponopono nei i kona mau mea hana. Ua manao wale oia ke pau ka hana ana o ka poe pena e wehe koke aku ana oia i kona keena kuai.

Oiaia ke hele loa nei keia halepohaku e paa ke manao nei na kahu malama waiwai o pauahi Alii e hooponopono ae i ke kuea o Arlington Hotele, oiai i keia manawa aia ke ku nei kekahi mau hale liilii malaila. Aole no nae e hana koke ia ana a hiki i ka wa e hoi mai ai o Frank Dodge ka agena. Aole i maopopo i keia manawa no ke kukulu ana aku i hale ma ke kahua e waiho wale nei, a i ole haawi ia aku paha ma ka hoolimalima i kekahi mau mea i makemake e kukulu i mau hale malaila.