Ka Nupepa Kuokoa, Volume XL, Number 41, 10 October 1902 — He Hoalohaloha. [ARTICLE]

He Hoalohaloha.

Ia Frank C. Green, ke kaikunane o Miss Mary E. Green, 1 make. Walohia wale: O makou o na kaikamahine o ke | kula hanai o Maunaolu, Makawao, ame ; Haleiwa, Waialua, ame na Ekalesia, !Kul4 Sabati, Hui Opiopio, Hui Hoole Waiona (Lipine Bolu) ame ka Poe Imi Pono Kristiano apuni ka Paeaina o Ha- ' waii, mai Hawaii o Keawe a Kauai o Manokalanipo. He wahine Hawaii maopopo o Miss Mary E. Green, he makuahine oia no na kane ame na wahine Hawaii, a oia no kekahi mea nana i hoolaha i ka pono i Hawaii nei, nolaila, ke kanikku nei makou apau no kona make ana, a ke pule nel makou ma ke noi i ka Makua Mana Loa e hoomama ae i na kaumaha ame na luuluu i ili iho maluna ou ame na keiki, na moopuna ame na hoaloha. He mea hiki ole ke aua mai i ke ola o Miss Mary E. Green, oiai, ua kii mai la no ka Makua Mana Loa i kana o ka uhane, a ua waiho iho la ke kino lepo, e hoi no Ika lepo i ka lepo. A ke komo pu aku nei makou e hapai pu i na kaumaha ame na ehaeha i loaa ia oe. Hooholoia, hookahi kope o keia i ka nupepa Kuokoa. E. LILILEHUA, . D. NAMAUU, J. W. KAINOA, JOHN KAALELE, SAM. HANAPI, Komite. Lunaliio Home.